یہ مسجد میں مدرسہ ہے یہاں بچے دینی تعلیم سے بہرور ہوتے ہیں اس لئے اس ٹیکس نوٹس کو واپس لیا جائے کیونکہ اتنی خطیر رقم ادائیگی مشکل ہے اور مسجد کو اتنی بڑی رقم کی نوٹس ارسال کرنا درست نہیں ہے ۔ سماجی انصاف میں اقلیتوں کے بجٹ میں ناانصافی ، سماجی انصاف بجٹ پر تبصرہ کرتے ہوئے ایوان میں رکن اسمبلی ابوعاصم اعظمی نے کہاکہ پہلے محکہ کا بجٹ ۶ سو دو کروڑ روپیہ تھا بعد میں اس میں تخفیف ہو گئی اور ۲۰۲۴۔۲۵ میں بجٹ میں صرف ۲۸ ہزار طلبا کو تعلیمی وظائف ملے ہیں لیکن اب اس میں مزید تخفیف ہو کر صرف ۷ ہزار طلبا کو ہی تعلیمی وظائف کی فراہمی کی گئی ہے انہوں نے کہا کہ یہ اقلیتوں بالخصوص مسلمانوں کے ساتھ ناانصافی ہے اس لئے اقلیتوں کے بجٹ میں اضافہ کیا جائے اور اتنا ہی نہیں اقلیتوں کے سہولیات کے مطابق بجٹ فراہم ہو انہوں نے ایوان میں اپنی بات اس شعر پر ختم کی۔ کبھی روزی کبھی آشیانہ چھین لیتا ہے جہاں ملتا ہے موقع آب و دانا چھین لیتا ہے، ہمیں اپنی تباہی کی خبر ہو ہی نہیں پاتی سب یہ خوشیاں ہماری غائبانہ چھین لیتا ہے۔

ممبئی: ممبئی پولس نے ایک ایسے مفرور ملزم کو گرفتار کرنے کا دعوی کیا ہے جو اپنی شناخت چھپا کر روپوش تھا اسے عدالت نے اشتہاری ملزم قرار دیا تھا یہ ملزم گزشتہ ۲۷ سال سے فرار تھا ساکی ناکہ پولس اسٹیشن میں مفرور ملزم لاؤ دتہ رام ٹھاکر ۵۷ سالہ کے خلاف سرکاری کام میں مداخلت سمیت دیگر دفعات کے تحت
مقدمہ درج تھا اندھیری کورٹ نے اسے مفرور ملزم قرار دیا تھا عدالت کے حکم کئ تعمیل کرتے ہوئے پولس نے بارہا اس کے گھر کا رخ کیا جہاں وہ دستیاب نہیں تھا پولس نے سراغ لگا کر ملزم کو گرفتار کر لیا یہ کارروائی ممبئی پولس کمشنر دیوین بھارتی کی ایما پر ڈی سی پی دتہ نلاوڑے نے انجام دی ہے۔

ممبئی: میونسپل کارپوریشن شہریوں کو پانی کی باقاعدگی سے فراہمی کر رہی ہے اور میونسپل کارپوریشن انتظامیہ تمام واٹر کنکشن ہولڈروں سے 31 مارچ 2026 سے پہلے زیر التواء پانی کے بل کی ادائیگی کرنے کی اپیل کر رہی ہے۔ ساتھ ہی خبردار کیا گیا ہے کہ اگر مقررہ وقت میں زیر التواء پانی کا بل ادا نہیں کیا گیا تو پانی کا کنکشن منقطع کرنے کی کارروائی کی جائے گی۔میونسپل کارپوریشن کے واٹر انجینئرنگ ڈپارٹمنٹ نے بقایا پانی کے بلوں کی وصولی کے لیے ایک جامع مہم چلائی ہے۔ اس کو ذہن میں رکھتے ہوئے، قریبی محکمے کے دفتر میں شہری سہولیات کے مرکز میں سہولیات فراہم کی گئی ہیں۔ اس کے علاوہ، پانی کے بل میونسپل کارپوریشن کی ویب سائٹ https://aquaptax.mcgm.gov.in پر ادا کیے جا سکتے ہیں۔ اس ویب سائٹ پر جا کر شہری اپنے پانی کے بل کی معلومات دیکھ سکتے ہیں اور لاگ ان واٹر ڈیپارٹمنٹ پر جا کر ادائیگی کر سکتے ہیں۔اس کے علاوہ این ای ایف ٹی، آن لائن ادائیگی، موبائل ایپ جیسے ڈیجیٹل چینلز کے ذریعے پانی کے بلوں کی ادائیگی کی سہولت بھی دستیاب ہے۔اگر زیر التواء پانی کا بل مقررہ وقت میں یعنی 31 مارچ 2026 سے پہلے ادا نہیں کیا جاتا ہے تو ممبئی میونسپل کارپوریشن ایکٹ 1888 کی دفعہ 279 (1) (اے) کے تحت متعلقہ پانی کا کنکشن منقطع کرنے کی کارروائی کی جا سکتی ہے۔جن پانی کے کنکشن ہولڈرز کو اپنے پانی کے بل موصول نہیں ہوئے ہیں وہ اپنے انتظامی محکمہ کے دفتر (وارڈ آفس) سے رابطہ کریں۔ میونسپل کارپوریشن یہ معلومات بھی فراہم کر رہی ہے کہ شہری پانی کے بل کی کاپی میونسپل کارپوریشن کی ایکوا ویب سائٹ یا متعلقہ اسسٹنٹ انجینئر (واٹر ورکس) کے دفتر سے حاصل کر سکتے ہیں۔