‎مہاراشٹر : ممبئی میں اے ٹی ایس کی کارروائی کے بعد مشتبہ افراد سے رابطہ رکھنے پر بے قصوروں کو ہراساں کیے جانے پر ابوعاصم اعظمی نے اے ٹی ایس سربراہ نول بجاج سے ملاقات کر کے مطالبہ کیا ہے کہ پونہ اے ٹی ایس یونٹ بے قصوروں کو ہراساں کرنا بند کرے. اے ٹی ایس گرفتار ملزمان کے موبائل فون پر رابطہ رکھنے والوں کو ہی اب ہراساں شروع کر دیا ہے, جس میں بچوں اور خواتین کو بھی ہراساں کرنے کی شکایت موصول ہوئی ہے, اس سے پونہ اور ریاست کے دیگر گوشوں میں بے چینی و اضطراب پایا جا رہا ہے۔مہاراشٹر کے مختلف اضلاع سمیت ریاست اور پونہ میں اے ٹی ایس کی چھاپہ مار کارروائی کے خلاف سماجوادی پارٹی لیڈر اور رکن اسمبلی ابو عاصم اعظمی نے کل جماعتی نمائندہ وفد کے ہمراہ مہاراشٹر اے ٹی ایس سربراہ نول بجاج سے ملاقات کر کے یہ واضح کیا ہے کہ کسی کو بھی اے ٹی ایس کی کارروائی پر اعتراض نہیں ہے, لیکن جس طرح سے کچھ ایسے مسلم کارکنان کو گرفتار کیا گیا جو اپنے حق کے لیے آواز بلند کر رہے تھے اور سماج میں ناانصافی کے خلاف متحرک و فعال تھے. ابوعاصم اعظمی نے اے ٹی ایس سربراہ کو ایک میمورنڈم بھی دیا ہے.

‎میمورنڈم میں اے ٹی ایس چیف نول بجاج کو کارروائی کی نوعیت سے متعلق باخبر کیا گیا ہے اعظمی نے بتایا کہ کسی بھی ملزم کے خلاف کارروائی کرنے پر اعتراض نہیں ہے، لیکن حالیہ دنوں میں کئی مسلم سماجی کارکن جو اپنے آئینی حقوق کا استعمال کر رہے ہیں، ناانصافی کے خلاف آواز اٹھا رہے ہیں اور سماج متحرک و فعال ہے انہیں پونے اے ٹی ایس کے ذریعے ہراساں کیا جا رہا ہے۔

‎ملزمان کے موبائل فون پر استعمال ہونے والے نمبروں سے رابطہ رکھنے والوں اور ان کے اہل خانہ کو گھنٹوں تھانوں میں زیر حراست رکھا جارہا ہے۔ خواتین اور بچوں کو بھی تفتیش کے نام پر ہراساں کیا جا رہا ہے اور کئی لوگوں پر جھوٹے الزامات لگائے جا رہے ہیں۔

‎اعظمی نے نول بجاج سے درخواست کی کہ تفتیشی عمل کے دوران پونے اے ٹی ایس یونٹ کو واضح ہدایات جاری کرے کہ وہ اس کیس میں ملوث افراد کے ساتھ منصفانہ سلوک کریں، تاکہ وہ پولیس اور اے ٹی ایس کی بھی مدد کرسکے۔

‎نول بجاج نے ایک مثبت یقین دہانی کرائی کہ وہ اس بات کو یقینی بنائیں گے کہ کسی بھی بے قصور کے ساتھ ناانصافی نہ ہو، اور خواتین اور بچوں کے بیانات ان کے گھروں پر ہی درج کئے جائیں گے۔

ممبئی : ریاستی الیکشن کمشنر دنیش واگھمارے نے 4 نومبر کو مہاراشٹر کے بلدیاتی انتخابات 2025 کی تاریخوں کا اعلان کیا۔ پریس کانفرنس سے خطاب کرتے ہوئے ایس ای سی نے کہا کہ بلدیاتی انتخابات 2 دسمبر کو ہوں گے جبکہ ووٹوں کی گنتی 3 دسمبر کو ہوگی۔ 246 نگر پریشدوں اور 42 نگر پنچایتوں کے لیے تاریخوں کا اعلان کیا گیا۔ انتخابات کے لیے نامزدگی کا عمل 10 نومبر کو شروع ہوگا۔ ہائی سٹیک پول حکمران مہاوتی کے خلاف ہوں گے جس میں بی جے پی، شندے کی سینا اور اجیت پوار کی این سی پی بمقابلہ مہاوتی (یو بی ٹی سینا، شرد پوار کی این سی پی اور کانگریس شامل ہیں)۔ اس کے علاوہ، ایم این ایس بھی انتخابات کے لیے ایم وی اے کے ساتھ ہاتھ ملانے کے لیے تیار ہے۔ میونسپل کونسل اور نگر پنچایت انتخابات کے لیے ایک کروڑ ساٹھ لاکھ ووٹر اور تیرہ ہزار ایک سو پچپن پولنگ اسٹیشن ہیں۔ واگھمارے نے کہا کہ ان مقامی خود حکومتی اداروں میں 6,859 اراکین اور 288 صدور کے انتخاب کے لیے ووٹنگ کی جائے گی۔ انہوں نے کہا کہ ان انتخابات میں اہل ووٹروں کی تعداد 1.7 کروڑ ہے، انہوں نے مزید کہا کہ 13,355 پولنگ مراکز ہوں گے۔ انہوں نے کہا کہ پولنگ الیکٹرانک ووٹنگ مشینوں (ای وی ایم) کے استعمال سے ہوگی۔ انہوں نے کہا کہ کاغذات نامزدگی داخل کرنے کا آخری دن 17 نومبر ہے اور جانچ پڑتال 18 نومبر کو کی جائے گی۔ انہوں نے مزید کہا کہ 21 نومبر نامزدگی واپس لینے کی آخری تاریخ ہے۔ واگھمارے نے مزید کہا کہ پولنگ 31 اکتوبر کی انتخابی فہرستوں کے مطابق ہوگی۔

شفافیت اور ووٹروں کی سہولت کو بہتر بنانے کے لیے، ایس ای سی نے کہا کہ وہ ایک نئی موبائل ایپ تیار کرے گا اور اپنی اسٹیٹ کمیشن کی ویب سائٹ کا فائدہ اٹھائے گا۔ ان ڈیجیٹل پلیٹ فارمز کے ذریعے ووٹر آسانی سے اپنی ذاتی معلومات اور اپنے مخصوص وارڈ کی تفصیلات حاصل کر سکیں گے۔ ایس ای سی تمام امیدواروں کے بارے میں جامع معلومات بھی فراہم کرے گا، جس میں وہ حلف نامہ بھی شامل ہو گا جو انہوں نے ایس ای سی کو جمع کرایا ہے۔ ایس ای سی نے پریس کانفرنس کے دوران کہا کہ اس نے ڈپلیکیٹ ووٹروں کے مسئلے سے نمٹنے کے لیے مخصوص دفعات متعارف کرائی ہیں، جو متعدد جگہوں پر رجسٹرڈ ہیں۔ کمشنر نے کہا، "ایسے ووٹرز کو ووٹر لسٹ پر ڈبل اسٹار سے نشان زد کیا جائے گا۔ انہیں صرف ایک جگہ پر ووٹ ڈالنے کی سختی سے اجازت ہوگی۔ بی ایم سی کے آخری انتخابات 2017 میں ہوئے تھے اور اس کے بعد سے انتخابات نہیں ہوئے تھے۔ 2017 میں، انتخابات 21 فروری کو ہوئے تھے جبکہ نتائج کا اعلان 23 فروری کو کیا گیا تھا۔ تمام 227 سیٹوں میں سے یونائیٹڈ شیوسینا نے 84 سیٹیں جیتی ہیں جبکہ بی جے پی نے 82 سیٹیں جیتی ہیں۔ اس دوران دونوں جماعتیں اتحاد میں تھیں۔ کانگریس نے 31 سیٹیں جیتی ہیں جبکہ متحدہ این سی پی نے 13 سیٹیں حاصل کی ہیں۔ راج ٹھاکرے کی ایم این ایس نے 7 سیٹیں جیتی تھیں۔

‎ممبئی آر اے اسٹو ڈیو میں ہونے والے یرغمالی ڈرامے سے ممبئی لرز اٹھا۔ پوائی میں اسٹو ڈیو میں روہت آریہ نے چھوٹے بچوں کو واجب الادا رقم کے لیے یرغمال بنا لیا تھا۔ پولیس نے انہیں کامیابی سے بچایا، لیکن روہت آریہ انکاؤنٹر میں ہلاک ہو گیا ۔ اس معاملے میں کئی مراٹھی فنکاروں سے پوچھ گچھ کی جائے گی، اور انسانی حقوق کمیشن نے بھی اس کا نوٹس لیا ہے۔ یرغمالی کیس میں روزانہ نئے نئے انکشافات سامنے آرہے ہیں۔ روہت آریہ انکاؤنٹران ‘فنکاروں’ کے بارے میں بھی تحقیقات جاری ہیں جنہوں نے روہت آریہ سے ملاقات کی تھی ۔ گزشتہ ہفتے، جمعرات، 30 اکتوبر کو، دوپہر کو ممبئی میں ایک بڑی ہلچل مچ گئی تھی۔ ممبئی آر اے میں کچھ چھوٹے بچوں اور بزرگ شہریوں کو یرغمال بنایا گیا تھا۔ محکمہ تعلیم کے لیے کیے گئے کام کے بعد واجبات کی ادائیگی کو لے کر روہت آریہ نامی شخص نے کچھ بچوں کو آڈیشن کے لیے بلایا تھا اور اس نے کچھ بچوں کو یرغمال بناتے ہوئے کئی مطالبات کیے تھے۔ اس کے بعد پولیس واش روم میں داخل ہوئی اور 17 بچوں سمیت کل 19 لوگوں کو بچایا۔ اور انکاؤنٹر کے دوران روہت آریہ کو گولی مار کر ہلاک کر دیا گیا۔
‎یرغمالی کے اس ڈرامے نے نہ صرف ممبئی بلکہ پورے مہاراشٹر کو ہلا کر رکھ دیا ہے اور اس معاملے میں روزانہ نئے نئے انکشافات ہو رہے ہیں۔ انکاؤنٹر میں ہلاک روہت آریہ کی پوسٹ مارٹم رپورٹ بھی حال ہی میں سامنے آئی ہے۔پوسٹ مارٹم رپورٹ میں اس کی تصدیق ہوئی کہ گولی لگنے سے روہت آریہ کی موت ہو گئی۔ رپورٹ میں کہا گیا ہے کہ گولی کی نوعیت کے پیش نظر ان کے بچنے کا کوئی امکان نہیں تھا۔
‎اسی دوران اس معاملے میں ایک اورانکشاف ہوا ہے۔ پوائی میں آر اے اسٹوڈیو، جہاں اس یرغمالی ڈرامہ روہت آریہ نے کچھ آڈیشنز کروائے، وہاں مراٹھی دنیا کے کچھ مشہور اداکاروں نے دورہ کیا۔ اس اسٹوڈیو میں سینئر اداکار گریش اوک، اداکارہ ارمیلا کوٹھارے، منل کپور، سوپنل جوشی، تیجا پردھان، انکش جوشی جیسے کئی اداکارشامل اسٹو ڈیو میں حاضر ہوئے تھے ۔اب اس معاملہ میں ان اداکاروں سے بھی باز پرس ہو گی جو روہت کے رابطے میں تھے یا پھر شوٹنگ میں حصہ لینے والے تھے انسانی حقوق کمیشن نے روہت آریہ انکاؤنٹر کیس کا سنجیدگی سے نوٹس لیا ہے اور تحقیقات کے لیے ایک کمیٹی مقرر کی گئی ہے۔ اس معاملے میں آر اے اسٹوڈیو میں جا کر روہت آریہ سے ملاقات کرنے والے فنکاروں سے بھی پوچھ گچھ کی جائے گی۔ بتایا گیا ہے کہ روہت آریہ کے ساتھ رابطے میں رہنے والے ہر فرد کے بیانات قلمبند کیے جائیں گے۔ موصولہ اطلاعات کے مطابق روہت نے اسٹوڈیو میں بچوں کو یرغمال بنانے کے منصوبے کو عملی جامہ پہنانے سے پہلے کافی تیاری کی تھی۔ انہوں نے شارٹ فلم کے لیے سینکڑوں چائلڈ آرٹسٹوں کی ویڈیوز مانگی اور ان میں سے 80 کا انتخاب کیا۔ اس کے بعد انہوں نے 35، 20 اور آخر میں 17 چائلڈ آرٹسٹوں کے لیے چار روزہ ورکشاپ کا انعقاد کیا۔ موصولہ اطلاعات کے مطابق ان چار دنوں کے دوران فنکار منال کپور، سوپنل جوشی، تیجا شری پردھان، انکش جوشی اسٹوڈیو میں آمد کی تھی اور واپس گئے اس لئے اب ان تمام فنکاروں سے پوچھ گچھ کی جائے گی۔ رچیتا جادھو سے بھی رابطہ کیا گیا۔ بتایا گیا ہے کہ اسی را اسٹوڈیو میں اداکارہ رچیتا جادھو کو بھی مدعو کیا گیا تھا۔ روہت نے ڈرامہ کیا کہ وہ ایک فلم کرنا چاہتے ہیں اور اس کے لیے ایک آڈیشن رکھا گیا۔ اسی سازش کے تحت اس نے اداکارہ رچیتا جادھو سے بھی رابطہ کیا تھا۔ اس نے اسے بلایا، میں ایک فلم کر رہا ہوں، اس نے پوچھا کہ کیا تم اس میں کام کرو گی۔ جب وہ راضی ہوئی تو اس نے اسے اسٹوڈیو بلایا، اور انہوں نے ملاقات کا نظم بھی کیا کا تھا ۔ تاہم، اسی وقت، روچیتا کے گھر پر طبی ایمرجنسی کی وجہ سے، انہوں نے بتایا کہ وہ اسٹوڈیو نہیں آسکتی۔ اس لیے روہت اور روچیتا کی ملاقات نہیں ہوئی۔