(خیال اثر)
گذشتہ جمعہ کی نصف شب یہاں کے اظہار اشرف نگر 224/1 رمضان پورہ کے سنجری چوک میں ہولناک آگ زنی کا سانحہ پیش آیا تھا جس میں 21 مکانات جل کر راکھ ہوگئے تھے. کل یہاں رمضان پورہ کے تلاٹھی, پی ڈی کھیرنار, بھرت پوار, کوتوال یونس خان وغیرہ نے پنچ نامہ کیا جس میں شاہ محمد شیخ مستان, جمیل احمد, حلیمہ زوجہ شیخ, زیتون بی, صغری محمد صدیق, رضیہ محمد اسمعیل, ریاض احمد, محمد عزیز, عبیداللہ شمش الدین, عبدالمجید, صالحہ بانو, عباس پنجاری, نسرین بانو سلیم احمد, مہرالنساء محمد سلیمان, ریاض احمد محمد, رجب علی, محمد بشیر, محمد آمین, شاہد اختر, محمد منیر, خدیجہ محمد یوسف وغیرہ متاثرین نے اپنے نام تحریر کروایا. اس پنچ نامہ کے مطابق 1 کڑوڑ 29 لاکھ 64 ہزار 9 سو روپئے نقصانات کا اندراج ہوا. دو روز میں اب تک شہر کی سبھی نمائندہ تنظیموں کے ذمہ داران نے جائے وقوع پر کر متاثرین کی داد رسی کی. کل 28 نومبر 2020 سنیچر کو جمعیت علمإ مالیگاٶں کا ایک مٶقر وفد آگ متاثرین کی داد رسی کیلۓ دوپہر 3 بجےجاۓ حادثہ پر پہنچا متاثرین سے جب ملاقات کی گٸ تو ان کی آنکھیں نم تھیں اوہ وہ اپنے بچوں سمیت آنگ کے کپڑے پرجان بچا کرنکلے تھے. اس موقع پر مولانا آصف شعبان ناٸب صدر جمعیت علمإ ضلع ناسک نے قرآن وحدیث کی روشنی میں بتایا کہ ایسے حالات میں صبر وتحمل سے کام لیں توبہ واستغفار کثرت سے کریں اللہ کی جانب رجوع ہوں اللہ پاک کی ذات سے مایوس نہ ہوں اللہ پاک اس سے بہتر انتظام کرےگا یہ قضا وقدر کی بات ہے ہم ہمت سے کام لیں نیز علاقے کے نوجوانوں کی ہمت اور حوصلوں کی سراہنا کرتے ہوۓ کہا آپ لوگ پوری طرح سے ان بے آسرااور بے سہارا لوگوں کیلٸے کھانے پینے اور سردی سے بچاٶ کیلۓ سامان فی الفور مہیا کریں باقی تنظیمیں اپنے اپنے طور سے سروے کے بعد ضرور اعانت ومدد کریں گے جمعیت علمإ مالیگاٶں کی جانب سے بھی سروے کے بعد حتی المقدور اعانت کی یقین دہانی کرائی. مولانا جمال ناصر ایوبی نے دعا کی اس وفد میں قاری اخلاق احمد جمالی مفتی عبداللہ ہلال حافظ عبدالعزیز رحمانی مولانا عبدالرحیم بیتی حافظ عبدالرحیم عثمانی عطإالرحمن عطا بکڈپو کے علاوہ دیگر ارکان بھی شریک تھے.
اسی طرح ان تمام وجوہات کی جانکاری اور متاثرین سے ملاقات کے لیے جماعت اسلامی ہند مالیگاؤں کا ایک وفد متاثرہ علاقہ میں بروز سنیچر بعد نماز عشاء پہنچا۔ اور مقیم ارشد مینا نگری کی نشاندھی پر متاثرہ گھروں کا مشاہدہ کیا گیا نیز عارضی قیام گاہ میں پہنچ کر لوگوں کو تسلی بھی دی اور حتی المقدور تعاون کا وعدہ بھی کیا اور اپنا تعلق ا اللہ تعالیٰ سے مضبوط کرنے کی تلقین بھی کی۔ اس وفد میں ناظم ضلع دھولیہ و ناسک فیروز احمد اعظمی، ناظم ضلع نندوربار شفیق احمد فلاحی، مقامی سیکریٹری برائے شعبہ خدمت خلق عبدالحسیب عثمانی، ایس آئی او کے نمائندہ عمار انصاری، فضل الرحمان اور امیر مقامی عبدالعظیم فلاحی شامل رہے.