بین الاقوامی خبریں
کورونا سے دنیا میں 14لاکھ سے زیادہ اموات
عالمی وبائی مرض کورونا وائرس (کووڈ-19) سے دنیا بھر میں 14لاکھ سے زیادہ افراد کی موت ہوچکی ہے اور اس سے متاثرہ افراد کی تعداد مسلسل تیزی سےبڑھتے ہوئے5.96 کروڑسے زیادہ ہوگئی ہے۔
کورونا متاثرین کی تعداد کے لحاظ سے امریکہ پہلے، ہندوستان دوسرے اور برازیل تیسرے نمبر پر ہے۔ وہیں اس انفیکشن سے تیزی سے صحت یاب ہونے والے لوگوں کی تعداد کے معاملے میں ہندوستان، برازیل اور امریکہ بالترتیب پہلے ، دوسرے اور تیسرے نمبر پر ہیں۔
امریکہ کی جان ہاپکنز یونیورسٹی کے سائنس اور انجینئرنگ مرکز (سی ایس ایس ای) کے جاری کردہ اعداد و شمار کے مطابق ، دنیا کے 191 ممالک میں کورونا وائرس نے 5،96،71،202 افراد کو متاثر اور 14،07،542 افراد کو ہلاک کیا ہے۔
کورونا سے سب سے زیادہ متاثر امریکہ میں اب تک 1،25،89،221 افراد متاثر ہوئے ہیں اور 2،59،874 جاں بحق۔
بدھ کی صبح مرکزی وزارت صحت اور خاندانی بہبود کی طرف سے جاری کردہ اعداد و شمار کے مطابق، ہندوستان میں گذشتہ 24 گھنٹوں کے دوران کورونا کے 44،376 نئے کیس رپورٹ ہوئے اور متاثرین کی تعداد 92.22 لاکھ ہوگئی جبکہ صحت مند افراد کی تعداد 86.42 لاکھ سے تجاوز کرگئی ہے۔ اس عرصے کے دوران مزید 481 مریض جاں بحق ہوئےجس کے بعد اموات کا اعدادوشمار بڑھ کر 1،34،699 ہوگیا۔ ملک میں کورونا کے فعال معاملات کی تعداد 6079 تک بڑھنے کے بعد، اب فعال کیسز بڑھ کر 444746 ہو گئے ہیں۔
برازیل کورونا سے متاثرہ افراد کے معاملے میں تیسرے، صحت یابی اور اموات کے اعدادوشمار میں دوسرے مقام پر ہے۔ ملک میں کورونا وائرس کی زد میں آنے والے کی تعداد 60.87 لاکھ کو عبور کرچکی ہے جبکہ 1،69،485 افراد ہلاک ہوگئے ہیں۔
فرانس میں 22.06 لاکھ سے زیادہ لوگ اس سے متاثر ہیں اور 50،324 مریض فوت ہوچکے ہیں۔ روس میں ان کی تعداد 21.20 لاکھ سے زیادہ ہوگئی اور اب تک 36،675 افراد لقمہ اجل بن چکے ہیں۔ اسپین میں متاثرہ افراد کی تعداد 15.94 لاکھ سے زیادہ اور ہلاک ہونے والوں کی 43،668 ہوچکی ہے۔ برطانیہ میں اب تک 15.42 لاکھ سے زیادہ افراد متاثر اور 55،935 ہلاک ہوئے ہیں۔ یوروپی ملک اٹلی میں 14.55 لاکھ سے زیادہ افراد متاثر ہوئے ہیں اور 51،306 افراد لقمہ اجل بن چکے ہیں۔
ارجنٹائنا میں کوویڈ 19 سے اب تک13.81 لاکھ سے زیادہ افراد متاثر ہوئے ہیں اور 37،432 افراد لقمہ اجل بن چکے ہیں۔ کولمبیا میں اس مہلک وائرس سےاب تک 12.62 لاکھ سے زائد افرادمتاثر ہوچکے ہیں اور 35،677 افراد اپنی زندگی سے ہاتھ دھو بیٹھے ہیں۔
میکسیکو میں متاثرین کی تعداد 10.6 لاکھ سے زیادہ اور اموات کی 102،739 ہوچکی ہے۔ جرمنی میں متاثرہ افراد کی تعداد 9.63 لاکھ سے زیادہ اورہلاکتوں کی 14،637 ہوگئی ہے۔
پیرو میں اب تک 9.50 لاکھ سے زیادہ افراد اس وائرس سے متاثر ہوچکے ہیں اور 35،641 افراد ہلاک ہوئے ہیں۔ پولینڈ میں انفیکشن کے 9.09 لاکھ سے زیادہ کیس ہوچکے ہیں اور 14،314 افراد لقمہ اجل بن چکے ہیں۔ ایران میں اب تک 8.8 لاکھ سے زیادہ افراد اس وبا سے متاثر ہوچکے ہیں اور 45،738 افراد ہلاک ہوچکے ہیں۔
جنوبی افریقہ میں 7.72 لاکھ سے زیادہ افراد متاثر اورہلاک شدگان کی تعداد 21،083 ہوگئی ہے۔ یوکرین میں متاثرہ افراد کی تعداد 6.65 سے تجاوز کرچکی ہے اور 11،619 افراد لقمہ اجل بن چکے ہیں۔
بیلجیئم میں 5.59 لاکھ سے زائد افراد کورونا سے متاثر ہوئے ہیں جبکہ 15،938 افراد ہلاک ہوگئے ہیں۔ چلی میں کورونا سے 5.43 لاکھ سے زیادہ افراد متاثر ہوئے ہیں اور 15،131 افراد لقمہ اجل بن چکے ہیں۔ عراق میں متاثرین کی تعداد 5.39 لاکھ سے زیادہ ہے اور ہلاک ہونے والوں کی 12،031 ۔ انڈونیشیا میں متاثرہ افراد کی تعداد 5.06 لاکھ سے تجاوز کرچکی ہے اوراموات کااعدادوشمار 16،111 ہوگیا ہے۔ جمہوریہ چیک میں متاثرہ افراد کی کل تعداد 5.02 لاکھ سے تجاوز کرچکی ہے اور ہلاکتوں کی تعداد 7،499 ہوگئی ہے۔ نیدرلینڈ میں کورونا سے 5.01 لاکھ سے زیادہ افراد متاثر ہوئے ہیں اور 9،111 افراد لقمہ اجل بن چکے ہیں۔ اب تک ترکی میں کورونا سے 4.60 لاکھ سے زیادہ افراد متاثر ہوئے ہیں اور 12،672 افراد فوت ہوچکے ہیں۔ بنگلہ دیش میں متاثرین کی تعداد 4.51 لاکھ سے تجاوز کرچکی ہے اور 6،448 افراد ہلاک ہوگئے ہیں۔ رومانیہ میں 4.30 لاکھ سے زیادہ افراد متاثر اور 10،373ہلاک ہوئے ہیں۔ فلپائن میں اب تک 4.21 لاکھ سے زیادہ افراد متاثر اور 8،185 جاں بحق ہوچکے ہیں۔
پاکستان میں اب تک 3.79 لاکھ سے زیادہ افراد کورونا سے متاثر ہوچکے ہیں اوریہاں جاں بحق ہونے والوں کی تعداد 7،803 ہے۔ سعودی عرب میں اب تک کورونا سے 3.55 لاکھ سے زیادہ کیس رپورٹ ہوئے ہیں ، جبکہ 5،811 افراد لقمہ اجل بن چکے ہیں۔ کورونا کے معاملے میں کینیڈا نے اسرائیل کو پیچھے چھوڑ دیا ہے اور یہاں متاثرہ افراد کی تعداد 3.4 لاکھ سے زیادہ ہوچکی ہے جبکہ یہاں اب تک 11،653افراد ہلاک ہوئے ہیں۔ مورکومیں اب تک 3.31 لاکھ سے زیادہ لوگ اس وبا سے متاثر ہوچکے ہیں اور 5،469 افراد اپنی زندگی سے ہاتھ دھو بیٹھے ہیں۔ اسرائیل میں اب تک 3.30 لاکھ سے زیادہ لوگ اس وبا سے متاثر ہوچکے ہیں اور 2،822 افراد ہلاک ہوئے ہیں۔ سوئٹزرلینڈ میں اب تک 3.04 لاکھ سے زیادہ لوگ متاثر اور 4،308 ہلاک ہوئے ہیں۔
کورونا وائرس سے ایکواڈور میں 13264، بولیویا میں 8928، مصر میں 6573، سویڈن میں 6500، چین میں 4742، گوئٹے مالا میں 4099، پناما میں 2986 اور ہونڈوراس میں 2869 افراد ہلاک ہوئے ہیں۔
بین الاقوامی خبریں
جسٹن ٹروڈو کے منہ سے نکلہ سچ…. ٹروڈو نے بھی اعتراف کیا ہے کہ ان کے ملک میں خالصتان کے حامی علیحدگی پسند موجود ہیں۔
اوٹاوا : ہندوستان کے ساتھ سفارتی کشیدگی کے درمیان کینیڈا کے وزیر اعظم جسٹن ٹروڈو نے پہلی بار اعتراف کیا ہے کہ ان کے ملک میں خالصتانی موجود ہیں۔ بھارت طویل عرصے سے کینیڈا کی طرف سے بھارت مخالف انتہا پسندوں کو جگہ دینے کی بات کر رہا ہے۔ ایک بے مثال پیش رفت میں، کینیڈین وزیر اعظم نے ملک کے اندر خالصتان کے حامی علیحدگی پسندوں کی موجودگی کو تسلیم کیا لیکن یہ بھی کہا کہ وہ پوری سکھ برادری کی نمائندگی نہیں کرتے۔ انہوں نے یہ تبصرہ اوٹاوا میں پارلیمنٹ ہل میں دیوالی کی تقریبات کے دوران کیا۔ ٹروڈو نے کہا، ‘کینیڈا میں خالصتان کے بہت سے حامی ہیں، لیکن وہ پوری سکھ برادری کی نمائندگی نہیں کرتے۔ کینیڈا میں مودی حکومت کے حامی ہیں، لیکن وہ مجموعی طور پر تمام ہندو کینیڈینز کی نمائندگی نہیں کرتے۔ اسی طرح کینیڈا میں مودی حکومت کے حامی موجود ہیں لیکن وہ مجموعی طور پر تمام ہندو کینیڈینز کی نمائندگی نہیں کرتے۔
کینیڈا اور بھارت کے درمیان تعلقات اس وقت خراب ہونے لگے جب گزشتہ سال ٹروڈو نے الزام لگایا کہ جون 2023 میں برٹش کولمبیا کے سرے میں ایک گرودوارے کے باہر خالصتانی دہشت گرد ہردیپ سنگھ نجار کے قتل میں بھارت کا ہاتھ ہے۔ بھارت نے ان الزامات کو بے بنیاد قرار دیتے ہوئے مسترد کر دیا اور کینیڈا سے ایسے ثبوت مانگے جو ٹروڈو حکومت نے کبھی فراہم نہیں کئے۔
دونوں کے درمیان تعلقات گزشتہ ماہ اس وقت کشیدہ ہو گئے جب ٹروڈو حکومت نے کینیڈا میں ہندوستان کے ہائی کمشنر سنجے ورما کو تشدد کے سلسلے میں ‘دلچسپی والا شخص’ قرار دیا۔ اسے قابل اعتراض قرار دیتے ہوئے بھارت نے اپنے 6 سفارت کاروں کو واپس بلا لیا۔ اس کے ساتھ ہی 6 کینیڈین سفارت کاروں کو واپس جانے کو کہا گیا۔
اس ہفتے کے شروع میں، خالصتان کے حامیوں نے برامپٹن کے ہندو سبھا مندر میں عقیدت مندوں کو زدوکوب کیا تھا۔ اس دوران ہندوستانی قونصلیٹ کا پروگرام جس میں ہندوستانی اور کینیڈین شہریوں نے شرکت کی تھی، میں بھی خلل پڑا۔ سوشل میڈیا پر وائرل ہونے والی ویڈیو میں خالصتان کے حامیوں کو ہندو عقیدت مندوں کو لاٹھیوں اور مٹھیوں سے مارتے ہوئے دکھایا گیا ہے۔
بین الاقوامی خبریں
پاکستان کے شہر کوئٹہ میں فوجیوں سے بھری ظفر ایکسپریس ٹرین پر بلوچ نے خودکش حملہ کیا، 22 افراد ہلاک، 50 سے زائد زخمی۔
اسلام آباد : پاکستان کے بلوچستان میں کوئٹہ ریلوے اسٹیشن پر ہفتہ 9 نومبر کی صبح ایک بڑا دھماکہ ہوا۔ اس دھماکے میں کم از کم 22 افراد ہلاک اور 50 سے زائد زخمی ہوئے ہیں۔ پاکستانی میڈیا رپورٹس کے مطابق دھماکا اس وقت ہوا جب مسافر صبح 9 بجے پشاور کے لیے روانہ ہونے والی ظفر ایکسپریس ٹرین میں سوار ہونے کے لیے پلیٹ فارم پر جمع ہو رہے تھے۔ دھماکے میں پاکستانی فوج کے جوانوں کو نشانہ بنایا گیا۔ دھماکے کی سی سی ٹی وی فوٹیج بھی منظر عام پر آگئی ہے۔
بلوچ لبریشن آرمی (بی ایل اے) کے مجید بریگیڈ نے، جو بلوچستان کی آزادی کے لیے عسکری تحریک چلا رہی ہے، اس حملے کی ذمہ داری قبول کر لی ہے۔ عسکریت پسند گروپ نے کہا کہ اس نے کوئٹہ میں ریلوے اسٹیشن پر فوجی اہلکاروں کو نشانہ بناتے ہوئے ایک خودکش بم حملہ کیا تھا۔ خراسان ڈائری نے کوئٹہ کے ایک اہلکار کے حوالے سے بتایا کہ ‘دھماکہ اس وقت ہوا جب ایک خودکش بمبار نے ظفر ایکسپریس کے ویٹنگ ایریا میں خود کو دھماکے سے اڑا لیا، جہاں سیکیورٹی اہلکار بیٹھے ہوئے تھے۔ دھماکے میں کئی عام شہری بھی مارے گئے ہیں۔
بم دھماکے کے بعد سیکیورٹی اور ریسکیو ٹیموں نے فوری طور پر موقع پر پہنچ کر کارروائی شروع کردی۔ جاں بحق اور زخمیوں کو سول اسپتال کوئٹہ منتقل کردیا گیا۔ زخمیوں کی بڑھتی ہوئی تعداد کے پیش نظر ہسپتال میں ایمرجنسی نافذ کرنا پڑی۔ بحران سے نمٹنے کے لیے باہر سے ڈاکٹروں اور پیرامیڈیکس سمیت اضافی طبی عملے کو بلایا گیا۔ ایکسپریس ٹریبیون کی رپورٹ کے مطابق سول اسپتال کے میڈیکل سپرنٹنڈنٹ نے کہا ہے کہ متاثرین میں خواتین اور بچے بھی شامل ہیں۔ ایس ایس پی آپریشنز محمد بلوچ نے بتایا کہ دھماکے کے وقت مسافروں کی بڑی تعداد پلیٹ فارم پر موجود تھی۔ وزیراعلیٰ بلوچستان سرفراز بگٹی نے حملے کی مذمت کرتے ہوئے کہا کہ ذمہ داروں کو بخشا نہیں جائے گا۔
بین الاقوامی خبریں
ہندوستان کی تیزی سے بڑھتی ہوئی معیشت، بڑی آبادی اور بھرپور ثقافت کا حوالہ دیتے ہوئے پوتن نے دنیا کی سپر پاورز میں ہندوستان کو شامل کرنے کی وکالت کی۔
نئی دہلی : روس کے صدر ولادی میر پیوٹن نے بھارت کو لے کر بڑا دعویٰ کیا ہے۔ انہوں نے ہندوستان کو دنیا کی سپر پاورز میں شامل کرنے کی وکالت کی ہے۔ اس کی بہت سی وجوہات بھی بتائی۔ انہوں نے جمعرات کو سوچی میں ایک تقریب کے دوران کہا کہ ہندوستان کی تیزی سے بڑھتی ہوئی معیشت، بڑی آبادی اور بھرپور ثقافت اسے یہ درجہ دینے کے لیے کافی ہے۔ انہوں نے کہا کہ دفاعی آلات کی مشترکہ تیاری ماسکو اور نئی دہلی کے درمیان بڑھتے ہوئے اعتماد کی عکاسی کرتی ہے۔
پوٹن نے یہ بات روسی تھنک ٹینک کے ایک بڑے فورم والڈائی ڈسکشن کلب کے مکمل اجلاس میں کہی۔ انہوں نے کہا کہ ہندوستان کو بلاشبہ عالمی سپر پاور کی فہرست میں شامل کیا جانا چاہئے۔ اس کی وجہ یہ ہے کہ اس کی آبادی ڈیڑھ ارب ہے۔ اس کی ترقی دنیا کی تمام معیشتوں میں سب سے تیز ہے۔ یہاں ایک قدیم ثقافت ہے، اس کے ساتھ ساتھ مزید ترقی کے بہت اچھے امکانات ہیں۔
پوٹن نے ہندوستان کے ساتھ تعلقات کا ذکر کیا۔ ان کا مزید کہنا تھا کہ ہم دیکھ رہے ہیں کہ ہمارے تعلقات کس سمت اور کس رفتار سے آگے بڑھیں گے، یہ آج کے حقائق پر مبنی ہے۔ ہمارے تعاون کا دائرہ ہر سال کئی گنا بڑھ رہا ہے۔ دفاعی تعاون پر زور دیتے ہوئے روسی صدر نے کہا کہ دیکھیں کہ ہندوستانی مسلح افواج کتنے قسم کے روسی فوجی ہتھیار اور آلات استعمال کر رہی ہیں۔ اس رشتے میں بہت اعتماد ہے۔ پوٹن کے تبصرے ایک ایسے وقت میں سامنے آئے ہیں جب وزیر اعظم نریندر مودی گزشتہ ماہ برکس سربراہی اجلاس میں شرکت کے لیے کازان گئے تھے۔ دونوں ممالک کے درمیان دفاع، توانائی اور تجارت جیسے شعبوں میں قریبی تعلقات ہیں۔
لاڈلی بیہن اسکیم کی فنڈنگ روک دی گئی جس کی وجہ سے خواتین مزید قسطیں نہیں لے سکیں گی۔
چین لداخ کی پینگونگ جھیل کے قریب خفیہ بستیاں بنا رہا ہے، سیٹلائٹ تصاویر نے حقیقت ظاہر کر دی
بریکنگ نیوز : مفتی سلمان اظہری کو فوری رہا کرنے کا حکم سپریم کورٹ نے دے دیا۔
اجیت پوار کو بڑا جھٹکا دے سکتے ہیں شرد پوار، انتخابی نشان گھڑی کے استعمال پر پابندی کا مطالبہ، سپریم کورٹ میں 24 اکتوبر کو سماعت
سمندری طوفان ملٹن نے امریکا میں تباہی مچا دی، 20 لاکھ گھر بجلی سے محروم، دیکھیں سپر پاور کیسے ہل گئی؟
لاڈلی بیہن اسکیم کی فنڈنگ روک دی گئی جس کی وجہ سے خواتین مزید قسطیں نہیں لے سکیں گی۔
چین لداخ کی پینگونگ جھیل کے قریب خفیہ بستیاں بنا رہا ہے، سیٹلائٹ تصاویر نے حقیقت ظاہر کر دی
بریکنگ نیوز : مفتی سلمان اظہری کو فوری رہا کرنے کا حکم سپریم کورٹ نے دے دیا۔
اجیت پوار کو بڑا جھٹکا دے سکتے ہیں شرد پوار، انتخابی نشان گھڑی کے استعمال پر پابندی کا مطالبہ، سپریم کورٹ میں 24 اکتوبر کو سماعت
سمندری طوفان ملٹن نے امریکا میں تباہی مچا دی، 20 لاکھ گھر بجلی سے محروم، دیکھیں سپر پاور کیسے ہل گئی؟
-
ممبئی پریس خصوصی خبر5 years agoمحمدیہ ینگ بوائزہائی اسکول وجونیئرکالج آف سائنس دھولیہ کے پرنسپل پر5000 روپئے کا جرمانہ عائد
-
جرم4 years agoمالیگاؤں میں زہریلے سدرشن نیوز چینل کے خلاف ایف آئی آر درج
-
سیاست5 years agoابوعاصم اعظمی کے بیٹے فرحان بھی ادھو ٹھاکرے کے ساتھ جائیں گے ایودھیا، کہا وہ بنائیں گے مندر اور ہم بابری مسجد
-
جرم5 years agoشرجیل امام کی حمایت میں نعرے بازی، اُروشی چوڑاوالا پر بغاوت کا مقدمہ درج
-
خصوصی4 years agoریاست میں اسکولیں دیوالی کے بعد شروع ہوں گے:وزیر تعلیم ورشا گائیکواڑ
-
جرم4 years agoبھیونڈی کے مسلم نوجوان کے ناجائز تعلقات کی بھینٹ چڑھنے سے بچ گئی کلمب گاؤں کی بیٹی
-
قومی خبریں5 years agoعبدالسمیع کوان کی اعلی قومی وبین الاقوامی صحافتی خدمات کے پیش نظر پی ایچ ڈی کی ڈگری سے نوازا
-
سیاست2 months agoسپریم کورٹ، ہائی کورٹ کے 30 سابق ججوں نے وشو ہندو پریشد کے لیگل سیل کی میٹنگ میں حصہ لیا، میٹنگ میں کاشی متھرا تنازعہ، وقف بل پر تبادلہ خیال کیا گیا۔