(جنرل (عام
مالیگاوں شہر میں سی اے اے اور این آر سی و این پی آر کے خلاف بتی غل تحریک:مولانا عمرین

(زاہد بیباک)
سی اے اے اور این آر سی و این پی آر کے خلاف ہورہے احتجاج سے حکومت بہر حال پریشان ہوچکی ہے ہم تسلسل کے ساتھ احتجاج کرتے رہیں تو ہمیں کامیابی ضرور ملے گی اسطرح کا اظہار آج مالیگاؤں اردو میڈیا سینٹر میں ایک پریس سے خطاب کرتے ہوئے دستور ہند بچاؤ کمیٹی کے صدر مولانا عمرین رحمانی نے کیا موصوف نے بتی غل تحریک کی تفصیلات دیتے ہوئے کہا کہ منگل کو ایک گھنٹہ کے لئے لائٹ آف کردیں اور اندھیرا کرتے ہوئے حکومت کے خلاف اپنی ناراضگی ظاہر کریں مولانا نے کہا کہ حکومت اس پر امن احتجاج کو پر تشدد بنانے کے لئے جامعہ ملیہ اسلامیہ اور شاہین باغ پر گولی چلانے کا معاملہ اور بہار میں خواتین مظاہرین پر حملہ کرنا اس بات کی علامت ہے کہ اسے تشدد کا نشانہ بنایا جارہا ہے مولانا عمرین رحمانی نے صاف صاف کہہ دیا کہ بی جے پی اور اسکے لیڈران نے کہا کہ احتجاج کرنے والوں کو گولی سے مارا جائے اس لئے احتجاجی مظاہرے پے گولی چل رہی ہے ۔ جسکی ہم مذمت کرتے ہیں،موصوف نے کہا کہ اس ملک میں ظلم و ستم بڑھ رہا دہشت گردی کا اندھیرا چھا رہا ہے اس لئے اس ملک کی حفاظت کرنا ہمارا اولین فرض ہے اسی سلسلے میں دستور ہند بچاؤ کمیٹی نے اپنی تحریک کو آگے بڑھاتے ہوئے فیصلہ لیا ہے کہ منگل کو ایک گھنٹہ کی قربانی دینا چاہیے اپنے اپنے لائٹ بند کردیں، نماز پڑھیں، خواتین ذکر کریں تلاوت کریں اللہ کی یاد میں اپنا وقت لگائیں فضول وقت گذاری سے پرہیز کریں ایک گھنٹہ کی اس تحریک میں لائٹ اذان کی آواز پر آن کرنا ہوگا تھوڑے سے ذاتی مفاد کے لئے ملت کے اتحاد کو کمزور نہ ہونے دیں ملک و ملت کے لئے قربانی دی جائے،اس تحریک کو شہر کے اداروں کلبوں نے تائید و حمایت دی ہے چکری بھوک ہڑتال کی کوشش کی جارہی ہے برادران وطن کو ساتھ لیکر ایڈیشنل کلکٹر آفس کے باہر دھرنا دیا جائے گا ندیاں کے اس پار غیر مسلم بھائیوں میں بھی محنت کی جارہی ہے سب کو ساتھ لیکر بڑی تحریک اور اجلاس بھی لیا جائے گا جس میں بنیادی طور پر سیاسی سماجی مذہبی قائدین کو مدعو کیا جائے گا تمام جماعتوں اور مسلک کے افراد نے بھی اپنی حمایت دی ہے اس پریس کانفرنس میں عبدالعظیم فلاحی نے جماعت اسلامی کی طرف سے حمایت دی مولانا فضل الرحمن محمدی نے جمیعتہ اہل حدیث کی جانب سے تائید کرتے ہوئے اپنی نمائندگی درج کروائی ۔ادارہ ابراہیم کے شفیق رانا صاحب نے اپنی حمایت دی اور شرکت درج کی ۔رکشا یونین کی حمایت ہے ایک گھنٹہ رکشا کے لائٹ بھی بند ہونگے ، عوام اپنی گاڑیوں کے لائٹ بھی بند کردیں، مساجد سے اعلان ہوگا اس تحریک کو شہر مالیگاؤں تعزیہ کمیٹی، ادارہ ابراہیم،تعلقہ مالیگاؤں سنگھرش سمیتی ،دانہ وکاس سمیتی، مرکزی سنی جمیعتہ علماء نے بھی اس بتی غل تحریک کو حمایت کرتے ہیں اور عوام سے اس بند کو کامیاب کرنے کی گزارش کرتی ہے اسطرح کی معلومات شفیق رانا نے میڈیا سینٹر میں دی،
کانگریسپارٹی،سماجوادی ،راشٹروادی کانگریس ، بہوجن ونچت اگھاڑی مالیگاؤں انگوٹھی گھٹنی یونین وغیرہ نے تعاون و حمایت دیا ہےاس پریس کانفرنس میں مولانا عمرین رحمانی، مولانا فضل الرحمن محمدی ،عبدلاعظیم فلاحی،مولاناعبدالحمیدجمالی ،یوسف سیٹھ نیشنل، کامریڈ شفیق احمد، خورشید چمڑے والے، مقیم مینا نگری، الطاف کرانہ والا، سہیل ڈالریا، عارف نوری وغیرہ شریک تھے ۔
جرم
ممبئی مہاراشٹراسمبلی میں جتیندر آہواڑ اور گوپی چندپڈلکر کے کارکنان میں تصادم کیس درج

ممبئی مہاراشٹر قانون ساز اسمبلی میں بی جے پی لیڈر رکن اسمبلی گوپی چندر پڈالکر اور جتیندر آہواڑ کے کارکنان کے مابین شدید تصادم کے بعد پولس نے معاملہ درج کر کے دو افراد کو گرفتار کرنے کا دعویٰ کیا ہے۔ ممبئی کی مرین ڈرائیو پولس نے اس معاملہ میں تفتیش بھی شروع کر دی ہے اس سلسلے میں ودھان بھون کے سیکورٹی اہلکار نے شکایت درج کروائی ہے پولس نے یہ معاملہ
دفعات 189(a),189(1),189(2), 190,191(2),194(2),195(1),195(2),352,189(1)(b)(I.C.S)20
کے میرین ڈرائیو پولیس اسٹیشن درج کیا ہے۔ ودھان بھون کے احاطہ میں غیر قانونی طریقے سے مجمع کر کے ملزمین نے ایک دوسرے کو پہلے رکیل گالیاں دی اور اس کے بعد دست و گریباں ہو گئے۔ پولس نے ملزمین کے خلاف کیس درج کیا ہے, جس میں سرجیراؤ ببن ٹکلے (گوپی چند پڈالکر کے کارکن) نتن ہندو راؤ دیشمکھ جتیندر اوہاد کے کارکنان ملوث پائے گئے پولس نے ۷ نامعلوم افراد کے خلاف کیس درج کر لیا ہے, جس میں دو کو گرفتار کیا گیا ہے۔ جتیندرآہواڑ نے اس واقعہ کے بعد نصف شب تک ودھان بھون میں اپنے کارکن کی رہائی کے لیے احتجاج بھی کیا, لیکن پولس نے کارکن کو گرفتار کر کے پولیس وین بھی بھر دیا اور جتیندر آہواڑ نے پولس کی گاڑی روکنے کی کوشش کی, جس کے بعد جتیندر آہواڑ اور ان کے کارکنان کو ودھان بھون کے گیٹ سے ہٹایا گیا جتیندر آہواڑ نے کہا کہ پولس بی جے پی کارکنان کو بچا رہی ہے, ہمارے کارکنان کی کوئی غلطی نہیں تھی۔ اس کے باوجود یکطرفہ کارروائی کی جارہی ہے۔ انہوں نے کہا کہ ہم جمہوری طریقے سے لڑائی جاری رکھیں گے۔ جتیندر آہواڑ کی حمایت میں این سی پی لیڈر روہیت پوار بھی پہنچ گئے اور روہیت پوار و جتیندرآہواڑ بعدازاں پولس اسٹیشن بھی گئے جہاں رکن اسمبلی سے بدتمیزی کا الزام پولس افسر پر عائد کیا گیا۔ جتیندر آہواڑ نے بتایا کہ اسپیکر نے کہا تھا کہ اسمبلی کا کام کاج ختم ہونے پر کارکنان کو چھوڑ دیا جائے گا, لیکن انہیں زیر حراست لے کر پولس لے گئی ہے۔ یہ غلط ہے اسپیکر کی زبان کی کوئی اہمیت نہیں ہے۔ یہ جمہوریت کی مندر ہے اور اس لئے اس کی قدر ہونی چاہیے۔ اس کے بعد کارکنان نے نعرہ بازی بھی شروع کر دی, سرکار ہم سے ڈرتی ہے پولس کو آگے کرتی ہے پولس اس معاملہ کی تفتیش کر رہی ہے۔
سیاست
اسمبلی احاطہ میں جتیندرآہواڑ اور بی جے پی لیڈر گوپی چندپڈلکر کے کارکنان میں تصادم، رکن اسمبلی ہی محفوظ نہیں ہے تو کیا فائدہ… آہواڑ برہم و نالاں

ممبئی مہاراشٹر قانون ساز اسمبلی کے احاطے میں این سی پی لیڈر و رکن اسمبلی جتیندرآہواڑ اور بی جے پی لیڈر گوپی چندپڈلکر کے کارکنان کے مابین تصادم کے بعد ہنگامہ آرائی شروع ہو گئی۔ بی جے پی رکن اسمبلی پڈلکر اور رکن اسمبلی جتیندر آہواڑ کے مابین گالی گلوج بھی ہوئی تھی۔ اسمبلی میں جہاں عوام کے مسائل پیش کئے جاتے ہیں اب یہ عوامی مندر میں تصادم کی واردات ہوئی ہے۔ دونوں کارکنان میں تصادم اس حد تک شدید تھا کہ ایک دوسرے کے کپڑے بھی پھٹ گئے اس پر سیاسی اور عوامی حلقے میں تشویش کا اظہار کیا جا رہا ہے۔ این سی پی لیڈر جتیند آہواڑ نے الزام عائد کیا ہے کہ انہیں دھمکی دی جارہی ہے, ان کو سوشل میڈیا پر ایس ایم ایس کے معرفت گالیاں دی گئی۔ اسمبلی میں ایک رکن اسمبلی ہی محفوظ نہیں تو کیا فائدہ رکن اسمبلی منتخب ہو کر۔ جتیندر آہواڑ نے کہا کہ پڈلکر کے کارکنان نے ہی حملہ کیا تھا, ساتھ ہی انہوں نے کہا کہ انہیں اقتدار کا تکبر ہے, اس متعلق پڈلکر نے کچھ بھی کہنے سے گریز کیا ہے جبکہ اسمبلی میں حالات کشیدہ ہو گئے ہیں اور سیکورٹی کو الرٹ کر دیا گیا ہے۔ اس واقعہ کے بعد جتیندر آہواڑ برہم اور نالاں ہے اور انہوں نے صحافیوں سے خطاب کے دوران اپنی ناراضگی کا اظہار کیا۔
سیاست
مہاراشٹر کی سیاست میں ہلچل تیز، ادھو ٹھاکرے اور فڑنویس کی ملاقات نصف گھنٹے میٹنگ

ممبئی : ممبئی مہاراشٹر کی سیاست میں اب سیاسی ہلچل تیز ہو گئی ہے۔ ادھو ٹھاکرے اور دیویندر فڑنویس کی نصف گھنٹہ ملاقات سے سرگوشیاں شروع ہو گئی ہے۔ اس موقع پر ادیتہ ٹھاکرے بھی موجود تھے۔ یہ میٹنگ قانون ساز کونسل کے لیڈر رام شندے کی کیبن میں منعقد ہوئی۔ بدھ کو وزیر اعلی دیویندر فڑنویس نے ادھو ٹھاکرے کو سرکار میں شمولیت کی پیشکش کی تھی, جس کے بعد سے ہی چہ میگوئیاں شروع ہو گئی تھی۔ اب اس میٹنگ سے مزید سیاسی ہلچل تیز ہو گئی ہے۔ اس میٹنگ میں دونوں لیڈران میں نصف گھنٹے تبادلہ خیال ہوا۔ ادھو ٹھاکرے نے اس موقع پر فڑنویس کو ایک کتاب بھی دی جو ہندی لازمی کیوں؟ کے موضوع پر تھی سہ لسانی فارمولہ کے بعد ریاستی سرکار نے ہندی کے خلاف احتجاج کے بعد ہندی لازمیت کے جی آر کو منسوخ کر دیا تھا, لیکن اس معاملہ میں کمیٹی تشکیل دی گئی ہے, جو فیصلہ کرے گی کہ ہندی لازمی رکھی جائے یا نہیں۔ اسی درمیان عوامی تحفظ بل سے متعلق گورنر سے ملاقات کے لئے حکمت عملی کی میٹنگ کے لئے کانگریس صدر ہرش وردھن سپکال بھی اپوزیشن لیڈر امباداس کی کیبن میں داخل ہوئے ہیں, جن سرکشا بل کو لے کر گورنر سے میٹنگ کے انعقاد پر ادھو سے ان کی ملاقات اور تبادلہ خیال ہوگا۔
-
سیاست9 months ago
اجیت پوار کو بڑا جھٹکا دے سکتے ہیں شرد پوار، انتخابی نشان گھڑی کے استعمال پر پابندی کا مطالبہ، سپریم کورٹ میں 24 اکتوبر کو سماعت
-
ممبئی پریس خصوصی خبر6 years ago
محمدیہ ینگ بوائزہائی اسکول وجونیئرکالج آف سائنس دھولیہ کے پرنسپل پر5000 روپئے کا جرمانہ عائد
-
سیاست5 years ago
ابوعاصم اعظمی کے بیٹے فرحان بھی ادھو ٹھاکرے کے ساتھ جائیں گے ایودھیا، کہا وہ بنائیں گے مندر اور ہم بابری مسجد
-
جرم5 years ago
مالیگاؤں میں زہریلے سدرشن نیوز چینل کے خلاف ایف آئی آر درج
-
جرم5 years ago
شرجیل امام کی حمایت میں نعرے بازی، اُروشی چوڑاوالا پر بغاوت کا مقدمہ درج
-
خصوصی5 years ago
ریاست میں اسکولیں دیوالی کے بعد شروع ہوں گے:وزیر تعلیم ورشا گائیکواڑ
-
جرم5 years ago
بھیونڈی کے مسلم نوجوان کے ناجائز تعلقات کی بھینٹ چڑھنے سے بچ گئی کلمب گاؤں کی بیٹی
-
قومی خبریں6 years ago
عبدالسمیع کوان کی اعلی قومی وبین الاقوامی صحافتی خدمات کے پیش نظر پی ایچ ڈی کی ڈگری سے نوازا