ممبئی: این سی بی کے زونل ڈایکٹرسمیر وانکھیڈے رشوت ستانی کیس میں بامبے ہائیکورٹ نے سماعت کرتے ہوئے کئی اہم تبصرے کئے ہیں اور ایجنسی سے سوال کئے ہیں جس میں پہلا سوال یہ تھا کہ کیا آپ ملزم کے بیان پر انکوائری کرسکتے ہیں ؟ این سی بی نے اس سے قبل سمیر وانکھیڈے کی انکوائری سے متعلق بند لفالفے میں ایک رپورٹ پیش کرتے ہوئے کہا تھا کہ وانکھیڈے پر انکوائری نواب ملک یا کسی سیاسی دباؤ کا نتیجہ نہیں ہے بلکہ یہ انکوائری نامعلوم شکایت اور خط پر کی جارہی ہے اس کے ساتھ ہی شکایت کنندہ کرن سجنانی بھی سمیر وانکھیڈے کے طریقہ کار پر انکوائری کا مطالبہ کیا تھا جبکہ سمیر وانکھیڈے نے ہی کرن سجنانی کو ڈرگس کیس گرفتار کیا تھا اور اس کے ساتھ اس کے شریک کار سمیر خان کو بھی گرفتار کیا تھا سمیر خان نواب ملک کا داماد ہے سمیر خان کاایک کار حادثہ میں انتقال ہو چکا ہے۔ عدالت سمیر وانکھیڈے سے متعلق تبصرہ کیا گیا ہے کہ سماج میں بہتر کام کرنے والے افسر و محافظ کو نشانہ بنایا جائے یہ تبصرہ عدالت نے سمیر وانکھیڈے پر ملزم کی جانب سے شکایت پر انکوائری پر کیا ہے اس کے ساتھ ہی جس ملزم کی شکایت پر انکوائری کی جارہی ہے اس پر ڈرگس فروشی کا الزام ہے اس کےخلاف الزام ہے کہ وہ اور اس کا پارٹنر ممبئی میں واڈہ پاؤ کی طرح ڈرگس منشیات فروشی کا منصوبہ تیار کر چکے تھے سمیر وانکھیڈے نے ڈرگس کے خلاف کارروائی کرتے ہوئے کورڈیلیا کروز کیس میں آرین خان کو گرفتار کیا تھا اس سے ۲۵ کروڑ روپے رشوت طلبی کا بھی ان پر الزام ہے اس میں سی بی آئی نے کیس درج کیا ہے اسی معاملے میں ایک پرائیوٹ عرضی گزار نے مطالبہ کیا ہے کہ رشوت دینا اور لینا دونوں جرم کے زمرے میں آتا ہے اگر وانکھیڈے نے رشوت وصول کی ہے تو پھر شاہ رخ خان کو بھی اس معاملہ میں ملزم بنایا جائے کیونکہ رشوت دینا بھی جرم ہے اس معاملہ میں ہائیکورٹ نے اہم تبصرہ کرتے ہوئے وانکھیڈے کو راحت پہنچائی ہے۔

ممبئی : ناسک کے ڈھونگی بابا اشوک کھرات کا اب تھانہ کنکشن سامنے آیا ہے۔ تھانہ میونسپل کارپوریشن میں اس وقت کے اسسٹنٹ کمشنر مہیش بھاؤ راؤ اہیرکی خلاف پولیس نے عصمت دری کا کیس درج کرنے کا دعوی کیا ہے۔ تفصیلات کے مطابق تھانہ میونسپل کارپوریشن پانچ پکھڑی دفتر میں متاثرہ 2020 سے 2023ء کے دوران ملازمت پر تھی۔ اسی دوران اسسٹنٹ ڈیٹا آپریٹر کے ساتھ ملزم نے دوستی کی اور اس کے ساتھ تھانہ میں واقع ایک بلڈنگ میں کرایہ کے مکان میں جنسی تعلقات قائم کئے اور اس کے مرضی کے برخلاف متعدد مرتبہ جنسی استحصال کیا اور شکایت کرنے پر اس کیل ہریاں تصاویر سوشل میڈیا پر وائرل کرنے کی دھمکی دی۔ پہلی مرتبہ متاثرہ کو ہیرا نندانی بلڈنگ میں لے جاکر اس کو نشہ آور مشروب پلایا اور اس کے ساتھ جنسی تعلقات قائم کیا۔ اس کے بعد متعدد مرتبہ اس نے عیاشی کی شکایت کنندہ کی شکایت پر کاسر واڑی پولیس تھانہ میں پولیس نے عصمت دری سمیت دیگر دفعات کے تحت کیس درج کر لیا ہے۔ اس میں اہم بات یہ ہے کہ متاثرہ کو اہیر نے یہ کہا تھا کہ اس کے مستقبل اور تقدیر کا حال جاننے کیلئے اشوک کھڑات کے پاس بھی لے گیا تھا اور وہاں دفتر میں اسے لیمو شربت دیا تھا اور اس کے بعد اس پر غشی طاری ہوئی, اس معاملہ میں پولیس نے کیس درج کر کے اس کی تفتیش شروع کردی ہے, جبکہ اشوک کھرات کے معاملہ میں ایس آئی ٹی جانچ کر رہی ہے۔ تھانہ عصمت دری کنکشن کا اشوک کھرات تعلق سامنے آنے کے بعد اس نہج پر بھی پولیس تفتیش کر رہی ہے۔ تھانہ پولیس نے اس معاملے میں مزید تفتیش شروع کر دی ہے۔ ملزم کی گرفتاری کے بعد اس معاملے میں پولس کی تفتیش میں مزید پیش رفت ہونے کا امکان روشن ہے۔

ممبئی : ممبئی میں بچوں کو لڑکیوں کے لباس زیب تن کرواکر زنخہ بنا کر بھیک مانگنے پر مجبور کرنے والے ایک زنخہ کو پولس نے گرفتار کیا ہے, جو بچوں کو بھیک منگوانے اور زندہ گینگ کا سربراہ تھا۔ ممبئی کرائم برانچ یونٹ ۶ نے کارروائی کرتے ہوئے اسے گرفتار کیا ہے۔ شیواجی نگر پولیس اسٹیشن 237/2026 u/s 139, 142, 352, 351(2) بی این ایس کے ساتھ دفعہ 4, 6, 8, 12, 17 پی او سی ایس او کے ساتھ دفعہ 5 کے ساتھ بچوں کی غیر اخلاقی اسمگلنگ اور خواتین کے تحفظ کے ایکٹ 7 کے ساتھ سیکشن 18 تھرڈ پرسن ایکٹ (*پی او سی ایس او کے ساتھ جبری جنسی تعلقات) کا مقدمہ ملزم پر درج کیا گیا تھا اس معاملہ میں پولس نے بابو عینال خان عرف بابو گرو عرف بابو زنخہ، عمر 30 سال، رہائشی گلی نمبر 9، باب رحمت مسجد کے قریب، رفیق نگر پارٹ نمبر 2، شیواجی نگر گوونڈی کو گرفتار کیا ہے۔ شکایت کنندہ کے نابالغ بیٹے کو اغوا کرکے زبردستی تیسری جنس کا فرد بنایا اور اپنے مالی فائدے کے لیے بچے کو لوکل ٹرین میں بھیک مانگنے پر مجبور کیا اور مذکورہ نابالغ کو لڑکیوں کے کپڑے پہنا کر مرد گاہکوں کے ساتھ فطری جنسی استحصال کرنے پر بھی مجبور کیا، جس کے لیے پولیس اسٹیشن میں مذکورہ جرم درج کیا گیا۔ اس معاملہ کی تفتیش کے لیے کرائم برانچ نے ملزم کو زیر حراست کیا کرائم برانچ نے اپنی خفیہ خبر کی بنیاد پر ملزم کو واشی ناکہ سے گرفتار کیا, جو اپنی شناخت چھپا کر یہاں روپوش تھا, مذکورہ ٹیم نے موصول اطلاع کے مطابق نئی ممبئی کے واشی کوپری گاؤں میں جال بچھا دیا تھا۔ لیکن مطلوب ملزم کو شک ہو گیا اور وہ اپنے دیگر ساتھیوں کے ساتھ دیگر راستے سے موٹر کار میں ممبئی کی طرف بھاگنے لگا۔ پھر مذکورہ ٹیم نے اس کی موٹر کار کا بھی پیچھا کیا اور اسے پنجراپول جنکشن، ٹرامبے، ممبئی سے گرفتار کرلیا۔ اس وقت اس بات کی تصدیق ہوئی کہ مذکورہ مطلوب ملزم وہی ہے اور اسے کرائم برانچ آفس لایا گیا۔ مذکورہ جرم کے سلسلے میں جب اس پوچھ گچھ کی گئی تو پایا گیا کہ وہ اس جرم میں سرگرم عمل تھا، اس کا طبی معائنہ کیا گیا اور مزید تفتیش کے لیے اسے شیواجی نگر پولس اسٹیشن کے حوالے کر دیا گیا۔ ملزم کا مجرمانہ ریکارڈ ہے اس کے خلاف 1) شیواجی نگر پولیس اسٹیشن جی نمبر نمبر 718/2024 سی 115(2), 118(1), 353,351 بی این ایس نارپولی پولیس تھانہ نمبر نمبر1704/2024 سی 109, 118(1), 352, 351, بی این ایسکرلا پولس اسٹیشن جی این او ایس240/2017 سی 365، 342، 348، آئی پی سی دیونار پولیس اسٹیشن نمبر۔ نمبر150/ 2010 سی 324,323 آئی پی سی شیواجی نگر پولیس اسٹیشن 218/2025 سی 3(اے), 6(اے) سیکشن 3 کے ساتھ پارپٹ ایکٹ فارن نیشنل آرڈر سیکشن 318(4), 336, 337, 339, 340(2) بی این ایس کے تحت مقدمات درج ہیں یہ اطلاع آج یہاں یونٹ ۶ کے انچارج بھارت گھونے دی ہے۔