جیوا ور گوگل کا مشترکہ کفایتی اسمارٹ فون جیو نیکسٹ جس کا کافی دنوں سے انتظار تھا، دیوالی سے ملک کے اسٹوروں میں دستیاب ہوگا۔ یہ دنیا کا سب سے کفایتی اسمارٹ فون ہے جو 1,999 روپے کی ڈاؤن پے منٹ پر خریدا جاسکتا ہے، باقی رقم کی ادائیگی 18/24 مہینوں کی آسان قسطوں میں کی جا سکے گی۔ یہ جانکاری یہاں کمپنی کی طرف سے جاری ایک ریلیز میں دی گئی اس موقع پر خوشی ظاہر کرتے ہوئے ریلائنس انڈسٹریز کے چیئرمین اور منیجنگ ڈائریکٹر مکیش ڈی امبانی نے کہا ”گوگل اور جیو کی ٹیمیں ہندوستانیوں کیلئے تیوہار کے موسم میں اس ڈیوائس کو وقت پر لانے میں کامیاب رہیں۔ کووڈ وباء کی وجہ عالمی سپلائی چین کے چیلنج کے باوجود ہم کامیاب رہے۔ مجھے 1.35 ارب ہندوستانیوں کی زندگی کو خوشحال، اہل اور مضبوط بنانے کیلئے ڈیجیٹل انقلاب کی طاقت میں گہرا یقین ہے۔

انہوں نے مزید کہا کہ جیو فون نیکسٹ کی کئی اہم خصوصیات میں جس نے مجھے بہت متاثر کیا اور ایک جو عام ہندوستانی کو سب سے زیادہ مضبوط بنائے گی۔ مسٹر امبانی نے کہا کہ کی انوکھی طاقت ہمارا زبانی تنوع ہے۔ وہ ہندوستانی جو انگریزی یا اپنی مادری زبان میں مواد کو پڑھنے کے اہل نہیں، وہ اس اسمارٹ ڈیوائس پر اپنی زبان میں اس کا ترجمہ یہاں تک کہ پڑھ بھی سکتے ہیں۔ مجھے یہ کہتے ہوئے فخر ہے کہ ہم ’انڈیا‘ اور ’بھارت‘ کے درمیان کی خلیج کو پاٹ رہے ہیں‘ ’بھارت‘ کرے گا ڈیجیٹل ترقی۔ ترقی او ایس کے ساتھ۔‘

میں گوگل میں سندر پچائی اور ان کی ٹیم کو اور ہمارے ملک کے عوام کو اس شاندار دیوالی تحفہ کیلئے تہہ دل سے مبارکباد دیتا ہوں۔ سبھی کو دیپاولی کی نیک خواہشات۔‘

اس سے قبل گوگل اور الفابیٹ کے سی ای او سندر پچائی نے کہا ”جیو فون نیکسٹ ہندوستان کیلئے ڈیزائن کیا گیا ایک کفایتی اسمارٹ فون ہے جو اس بات کی ترغیب دیتا ہے کہ ہندوستان میں ہر شخص کو انٹر نیٹ کے مواقع کا فائدہ اٹھانا چاہئے۔ اسے بنانے کیلئے ہماری ٹیموں کو پیچیدہ انجینئرنگ اورڈیزائن چیلنجز کو حل کرنے کیلئے مل کر کام کرنا پڑا اور میں یہ دیکھنے کیلئے پرجوش ہوں کہ لاکھوں لوگ اپنی زندگی اور کمیونٹی کو بہتر بنانے کیلئے ان آلات کا استعمال کیسے کریں گے۔

مشہور و معروف صنعتکار مکیش امبانی کی کمپنی ریلائنس جیو نے صرف 1999 روپے کی ڈاون پیمنٹ پر اسمارٹ فون لانچ کر تہلکہ مچا دیا ہے۔ جیو فون نیکسٹ نام کا یہ سمارٹ فون ریلائنس جیو اور گوگل کی شراکت داری میں تیار کیا گیاہے۔ کمپنی نے جیو فون نیکسٹ کی کچھ خاص فیچرز سے پردہ اٹھایا ہے۔

خیال رہے کہ جیو فون نیکسٹ کو کمپنی نے خاص طور وضع کردہ پلان کے تحت تیار کیا ہے۔ اس میں صارفین پلان کے ساتھ ہی جیو فون نیکسٹ کی قسطیں بھی چکا سکتے ہیں۔
اس فون کی کچھ خصوصیات یوں ہے۔ ڈوول سم: جیو فون نیکسٹ میں دو سم سلاٹ دیئے گئے ہیں۔ اس کی خاص بات یہ ہے کہ اس میں آپ کسی بھی ایک سلاٹ جیو کے علاوہ کسی دوسری کمپنی کا سم بھی استعمال کرسکتے ہیں، لیکن ایک سم سلاٹ میں جیو سم ضرور ڈالنا پڑے گا۔ دوسری اہم بات ہے کہ ڈیٹا کا کنیکشن صرف جیو سم سے جڑے گا۔مطلب یہ کہ دوسری کمپنی کا سم تو استعمال کیا جاسکتا ہے لیکن صرف بات کرنے کیلئے ڈیٹا کیلئے جیو نیٹ ورک کا ہی استعمال کرنا ہوگا۔

ایس ڈی کارڈ سلاٹ: نئے سمارٹ فون میں ڈیول سم سلاٹ کے علاوہ ایک ایس ڈی کارڈ سلاٹ الگ سے دیا گیاہے۔ جو 512 جی بی تک کے ایس ڈی کارڈ کو سپورٹ کرتا ہے۔ سکرین:5.45 انچ کی ایچ ڈی ٹچ سکین، کورنر گوریلا گلاس۔3 کے ساتھ۔ فیچرز:2 جی بی ریم،32 جی بی انٹرنل میموری،512 جی بی تک سپورٹ کرنے والا ایس ڈی کارڈ سلاٹ، ملٹی ٹاسکنگ کیلئے 64 بٹ سی پی یو کے ساتھ کواڈ کور کیو ایم۔215 چپ سیٹ۔ کیمرہ: 13 میگا پکسل کا ریئر اور 8 میگا پکسل کا سیلفی کیمرہ، نائٹ موڈ، پوٹریٹ موڈ اور ایچ ڈی آر موڈ سے لیس، بھارتیوں کیلئے خاص لینس فلٹر جیسے کہ دیوالی فلٹر۔ بیٹری: 3500 ایم اے ایچ کی بیٹری، کمپنی کا دعوی ہے کہ ایک بار پوری طرح چارج کرنے پر یہ 36 گھنٹے تک کام کرے گی۔

ہاٹ سپاٹ بنایا جاسکے: کمپنی نے پہلے جیو فون کے عطر جیو فون نیکسٹ کو ہاٹ سپاٹ میں تبدیل کیا جاسکے گا۔ آپٹی مائزڈ ایپس: جیو اور گوگل نے اپنی پری لوڈیڈ ایپس کو آپٹی مائزڈ کیا ہے تاکہ جیو فون نیکسٹ کی پرفارمینس شاندار بنی رہے۔

وائس اسسٹنٹ: وائس اسسٹنٹ یوزرس کو ڈیوائس کو آپریٹ کرنے میں مدد کرتا ہے (جیسے ایپ کھولیں، سیٹنگ کو منیج کریں وغیرہ) ساتھ ہی انٹر نیٹ سے معلومات / کنٹنٹ آسانی سے اپنی زبان میں حاصل کرنے میں مدد کرتاہے۔ پڑھیں۔سنیں: یہ استعمال کرنے والوں کو اس زبان میں بول کر میٹریل کااستعمال کرنے کی اجازت دیتا ہے جسے وہ سمجھ سکتے ہیں۔ ترجمہ: استعمال کرنے والوں کو اپنی پسند کی زبان میں کسی بھی سکرین کا ترجمہ کرنے کے قابل بناتا ہے۔ یہ یوزرس کو اپنی پسند کی زبان میں کسی بھی مواد کو پڑھنے میں بھی مدد کرتا ہے۔

جیو اور گوگل ایپس پری لوڈیڈ: ڈیوائس میں سبھی دستیاب اینڈرائڈ ایپ کا استعمال کیا جاسکتا ہے۔ جسے Google Play Store کے ذریعہ ڈیوائس میں ڈاون لوڈ کیا جاسکتا ہے۔ اس طرح Play Store پر دستیاب لاکھوں ایپس میں سے وہ کسی بھی ایپ کو چننے کوآزاد ہیں۔ یہ کئی جیو اور گوگل ایپس کے ساتھ پری لوڈیڈ بھی آتا ہے۔ آٹو میٹک سافٹ ویئر اپ گریڈ: جیو فون نیکسٹ آٹو میٹک سافٹ ویئر اپ ڈیٹ کے ساتھ اپ ڈیٹ رہتا ہے۔ اس کے ایکسپیرینس وقت کے ساتھ بہتر ہوتے جائیں گے۔ یہ انٹرنیٹ سے جڑی پریشانیوں سے بچانے والے سیکورٹی اپ ڈیٹ کے ساتھ بھی آتا ہے۔

اس کے لئے متعدد پلان وضع کئے گئے ہیں۔ پہلا پلان ہے ’آلویز آن پلان‘ اس پلان میں صارفین کو 18 مہینوں کیلئے 350 روپے اور 24 مہینوں کیلئے 300 روپے دونوں ہونگے۔ صارفین کو پلان کے ساتھ 5 جی بی ڈاٹا اور 100 منٹ ماہانہ وائس کالنگ ملے گی۔
دوسرا پلان ہے۔ لارج پلان۔ اس میں 18 مہینے کی قسط لینے پر 500 اور 24 مہینے کی قسط لینے پر 450 روپے ہرمہینے دینے ہونگے۔ اس پلان کے ساتھ 1.5 جی بی ڈاٹا روزانہ ملے گا اور ساتھ ہی ان لمیٹڈ وائس کالنگ ملے گی۔

تیسرا پلان ہے XL پلان۔ یہ 2 جی بی روزانہ والا پلان ہے جس میں 18 مہینوں کی قسط کے لئے 550 روپے اور 24 مہینوں کی قسط کیلئے 500 روپے ہر مہینے چکانے ہونگے۔

جو لوگ بہت زیادہ ڈاٹا استعمال کرتے ہیں ان کیلئے ہے XXL پلان۔ اس پلان میں 2.5 جی بی ڈیٹا اور ان لمیٹڈ وائس کالنگ ملے گی۔ اس میں 18 مہینے کیلئے 600 روپے کی قسط اور 24 مہینے کیلئے 550 روپے کی قسط چکانی ہوگی۔