Connect with us
Saturday,23-August-2025
تازہ خبریں

(جنرل (عام

جونپور : سلنڈر میں آگ لگنے سے ماں بیٹے سمیت تین افراد کی جھلس کرموت

Published

on

fire

اترپردیش میں جونپور کے مہاراج گنج تھانہ علاقے میں جمعرات کو رسوئی گیس کے سلنڈر میں لگی آگ کی زد میں آنے سے ماں اور بیٹے سمیت تین لوگوں کی موت ہو گئی۔

پولس کے مطابق، ضلع کے مہاراج گنج تھانہ علاقہ کے کیوٹلی گاؤں کے رہنے والے اکھلیش وشوکرما (30) کی بیوی نیلم (28) جمعرات علی الصبح ایک رہائشی چھپر میں بنے کچن میں دودھ گرم کرنے گئی۔ اسی شیڈ میں اس کے دو بچے شیوانس (5) یوراج (3) اور شوہر اکھلیش سو رہے تھے۔ جیسے ہی نیلم نے ماچس سے گیس چولہا جلایا، اچانک سلنڈر میں آگ لگ گئی۔ دیکھتے ہی دیکھتے آگ چھپر تک پہنچ گئی۔ نیلم فوراً وہاں سے بھاگی اور مدد کے لئے چلانے لگی۔ شوہر اور دونوں بچے آگ میں گھرے ہوئے تھے، جنہیں بچانے کے لیے نیلم اندر داخل ہوئی، اور وہ بھی آگ کی لپیٹ میں آگئی۔ چیخ و پکار سن کر اکھلیش کا بڑا بھائی سریش (32) پہنچا۔ آگ اتنی تیز ہو چکی تھی، اس کے سامنے جانا مشکل ہو رہا تھا۔

گھر والوں کے شور اور گھر سے دھواں اٹھتا دیکھ کر آس پاس کے لوگوں کی بھیڑ جمع ہو گئی۔ پولیس کو اطلاع دی گئی، اور شیڈ کو کسی طرح توڑ کر آگ میں پھنسے لوگوں کو نکالنے کی کوشش کی گئی۔ موقع پر جمع ہونے والے گاؤں والوں کی مدد سے آگ پر کسی طرح قابو پا لیا گیا، اور اندر پھنسے میاں بیوی سمیت دونوں بچوں کو باہر نکال لیا گیا۔ گھر والوں کو بچانے کی کوشش میں سریش بھی شدید جھلس گیا۔

مقامی لوگوں کی مدد سے پولیس نے موقع پر پہنچ کر زخمیوں کو مقامی سی ایچ سی پہنچایا۔ جہاں ابتدائی طبی امداد کے بعد ڈاکٹروں نے اسے ضلع اسپتال ریفر کر دیا۔ اسپتال پہنچنے پر نیلم، اس کے بیٹے شیونس (5) اور جیٹھ سریش کو ڈاکٹروں نے مردہ قرار دے دیا۔ اکھلیش اور ان کے تین سالہ بچے کی حالت بدستور نازک ہے۔ پولیس نے اسپتال پہنچ کر لاش کو تحویل میں لے لیا ہے۔

جرم

ممبئی سمیر شبیر شیخ کو منشیات کے کیس میں ۱۵ سال کی قید ایک لاکھ کا جرمانہ کی سزا

Published

on

Arrest

ممبئی : ممبئی شہر میں ڈرگس اور منشیات اسمگلر کے خلاف انٹی نارکوٹکس سیل اے این سی کو بڑی کامیابی ملی ہے ممبئی میں منشیات اسمگلر سمیر شبیر شیخ ۳۲ سالہ کو ممبئی باندرہ یونٹ نے ۱۱۰ گرام ایم ڈی میفیڈون کے ساتھ ۱۲ مئی ۲۰۲۲ کو گرفتار کیا تھا اس معاملہ میں پولیس نے این ڈی پی ایس ایکٹ کے تحت کارروائی کی گئی اور اب عدالت نے اس معاملہ میں ملزم کو قصوروار قرار دیتے ہوئے ۱۵ سال کی قید اور ایک لاکھ روپے جرمانہ کی سزا سنائی ہے۔ ملزم کے خلاف این ڈی پی ایس ایکٹ سمیت مارپیٹ تشدد اور دیگر جرائم درج ہیں کل ۹ معاملات درج ہیں۔

Continue Reading

ممبئی پریس خصوصی خبر

ممبئی سائبر فرا ڈ ۳۰۰ کروڑ روپے متاثرین کے محفوظ، آن لائن فراڈ سے محتاط رہنے کی اپیل، ڈیجیٹل اریسٹ نام کی کوئی چیز نہیں

Published

on

cyber-crime

ممبئی : ممبئی کرائم برانچ ممبئی سائبر سیل نے آن لائن دھوکہ دہی کا شکار متاثرین کے ۳۰۰ کروڑ روپے محفوظ کئے ہیں۔ ان متاثرین نے دھوکہ دہی کی شکایات ۱۹۳۰ پر کی تھی جس پر پولس نے این سی آر پورٹل پر شکایت کر کے رقومات کی منتقلی کو منجمد کر کے بینک اکاؤنٹ سے رقومات کی منتقلی پر روک لگائی ہے۔ سائبر سیل کی ہیلپ لائن پر 13,19,403 کال موصول ہوئے تھے جس میں شئیر ٹریڈنگ، جاب فراڈ سمیت دیگر اسکیمات کی لالچ دے کر دھوکہ دہی کی شکایت موصول ہوئی تھی۔ سائبر سیل نے جنوری ۲۰۲۴ سے جولائی ۲۰۲۵ میں سائبر جرائم میں ملوث 11,063 موبائل فون نمبر بند اور بلاک کئے ہیں۔ یہ کارروائی ممبئی پولس کمشنر دیوین بھارتی کی ایما پر جوائنٹ پولس کمشنر لکمی گوتم، ڈی سی پی پرشوتم کراڈ نے انجام دی ہے سائبر سیل نے شہریوں سے اپیل کی ہے کہ سائبر فراڈ کے معاملات میں اضافہ ہوا ہے اس لئے شہریوں کو محتاط رہنے کی ضرورت ہے۔ اس کے ساتھ ہی ڈیجیٹل اریسٹ نام کی کوئی چیز نہیں ہے اور نہ ہی اس کی قانونی کوئی حیثیت ہے, اگر کوئی سی بی آئی پولس اور سرکاری افسر بن کر ڈیجیٹل اور سائبر اریسٹ کی دھمکی دیتا ہے تو اس کی اطلاع مقامی پولس کو دے, فرضی ویب سائٹ کے معرفت بھی شئیر ٹریڈنگ کر کے کروڑوں روپے کا لالچ دیا جاتا ہے۔ سوشل میڈیا پر اس قسم کی پر کشش اشتہارات دے کر دھوکہ دہی کی جاتی ہے, اس لیے شہریوں کو اس سے الرٹ رہنے کی ضرورت ہے۔

Continue Reading

ممبئی پریس خصوصی خبر

ممبئی ہند ۔ پاک کرکٹ میچ وزیر اعظم مودی کی باتوں میں تضاد : ابوعاصم اعظمی

Published

on

Abu-Asim-Azmi-

ممبئی مہاراشٹر سماجوادی پارٹی لیڈر اور رکن اسمبلی ابوعاصم اعظمی نے ہند ۔ پاک کرکٹ میچ پر تبصرہ کرتے ہوئے کہا کہ ہندوستان کے وزیر اعظم نریندر مودی کی گزشتہ ۱۱ برس میں ایک بھی بات سچ نہیں ہوئی ہے۔ ان کی باتوں میں تضاد ہے وہ بولتے کچھ ہیں اور کرتے کچھ ہیں۔ ہر خون اور پانی ایک ساتھ نہیں بہے کا بیان وزیر اعظم نے دیا تھا, اب پاکستان کے ساتھ دبئی میں کرکٹ کھیلا جا رہا ہے انہوں نے کہا کہ پاکستان سے ٹھوس بات ہونی چاہئے۔ پہلگام حملہ میں ہماری بہنوں کا سندور اجڑ گیا۔ جب تک پاکستان اپنی حرکتوں سے باز نہیں آتا, اس سے کوئی بات نہیں ہونی چاہیے اور تعلقات سے متعلق بھی غور کرنا چاہئے, کیونکہ پاکستان مسلسل ہندوستان پر حملہ کرتا ہے اور ہم ان کے ساتھ میچ کھیلتے ہیں, یہ سلسلہ کہیں نہ کہیں بند ہونا چاہئے۔

Continue Reading
Advertisement

رجحان

WP2Social Auto Publish Powered By : XYZScripts.com