Connect with us
Sunday,22-November-2026

(جنرل (عام

ہندوستان میں یونانی طب اچھی طرح پروان چڑھ رہی ہے : پروفیسر محمد افشارعالم

Published

on

National Seminar

ہندوستان میں یونانی طب اچھی طرح پروان چڑھ رہی ہے۔ اور یہ بات ہمارے لئے باعث اطمینان ہے کہ اس طبی نظام کی ترقی میں ہم بھی شراکت دار ہیں۔ یہ بات پروفیسر محمد افشار عالم، وائس چانسلر، جامعہ ہمدرد نے سنٹرل کونسل فار ریسرچ اِن یونانی میڈیسن، وزارت آیوش، حکومت ہند (سی سی آر یو ایم) کے زیر اہتمام ریجنل ریسرچ انسٹی ٹیوٹ آف یونانی میڈیسن (آر آر آئی یو ایم)، چنئی میں دانشورانہ املاک کے حقوق (آئی پی آر) پر منعقد قومی سیمینار میں کہی۔

انہوں نے کہا کہ سی سی آر یو ایم یونانی طب میں تحقیق اور ترقی کا سب سے بڑا ادارہ ہے۔ اور ہم نے اس مقصد میں اپنا تعاون پیش کرنے کے لئے سی سی آر یو ایم کے ساتھ ایک مفاہمت نامے پر دستخط کیے ہیں۔ آئی پی آر کے بارے میں بات کرتے ہوئے انہوں نے کہا کہ آئی پی آر کی تخلیق سائنس کی ترقی اور معاشی خوشحالی کے لیے بہت ضروری ہے۔

اپنے صدارتی خطاب میں پروفیسر عاصم علی خان، ڈائرکٹر جنرل، سی سی آر یو ایم، وزارت آیوش، حکومت ہند نے کہا کہ حکومت ہند عزت مآب وزیر اعظم نریندر مودی صاحب کی فعال قیادت میں یونانی طب کے ساتھ ساتھ دیگر ہندوستانی طبی نظاموں کی کثیر جہتی ترقی کے لئے روز افزوں سرپرستی اور مالی تعاون فراہم کر رہی ہے۔ پروفیسر خان نے بتایا کہ سی سی آر ایم یونانی طب میں تحقیق و تربیت اور مشق کے معیارات متعین کرنے کے لیے ٹھوس کوششیں کر رہی ہے۔ اور نیشنل ریسرچ انسٹی ٹیوٹ آف یونانی میڈیسن فاراسکِن ڈس آرڈرز (این آر آئی یو ایم ایس ڈی)، حیدرآباد اور آر آر آئی یو ایم، سری نگر کے لئے این اے بی ایچ کی منظوری حاصل کی ہے۔ اور سی سی آر یو ایم کے تحت دیگر طبی اداروں کی منظوری کے لیے کوششیں جاری ہیں۔ انہوں نے بتایا کہ ڈبلیو ایچ او نے وزارت آیوش کے ساتھ مل کر حال ہی میں یونانی طب کی تربیت اور مشق کے لیے ڈبلیو ایچ او بنچ مارک دستاویز شائع کئے ہیں۔

سمینار کے بارے میں بات کرتے ہوئے پروفیسر خان نے کہا کہ یہ محققین، ماہرین تعلیم اور دیگر ذمہ داروں کو دانشورانہ املاک کے حقوق کے بارے میں تربیت دینے کے لئے کی جا رہی ہماری کوششوں کی ایک کڑی ہے۔ انہوں نے بتایا کہ سی سی آر یو ایم نے پہلے ہی اپنے دانشورانہ املاک کے حقوق پر 17 پیٹنٹ حاصل کیے ہیں۔ اور اس میں مزید اضافہ کرنے کی کوشش کر رہا ہے۔

بطور مہمان اعزازی شریک ہوئے ایس تھنگاپانڈیان، ڈپٹی کنٹرولر، پیٹنٹ اینڈ ڈیزائن، انڈین پیٹنٹ آفس، چنئی اور پروفیسر عبدالودود، ڈائریکٹر، نیشنل انسٹی ٹیوٹ آف یونانی میڈیسن، بنگلور نے بھی سمینار کے افتتاحی تقریب سے خطاب کیا۔

قبل ازیں ڈاکٹر این ظہیر احمد، ڈپٹی ڈائریکٹر، آر آر آئی یو ایم، چنئی نے خطبہ استقبالیہ پیش کیا، اور سمینار کے پس منظر پر روشنی ڈالی۔

سمینار میں ایک مباحثہ سمیت تین تکنیکی اجلاس تھے، جن میں نامور مقررین نے دانشورانہ املاک کے حقوق پراظہار خیال کیا۔

سمینار میں ملک کے مختلف حصوں سے سائنسدانوں، ماہرین تعلیم، محققین، طلبہ اور مندوبین کے ساتھ ساتھ آر آر آئی یو ایم، چنئی اور سی سی آر یو ایم ہیڈکوارٹر کے محققین نے شرکت کی۔

(جنرل (عام

راجستھان میں گیس سلنڈر میں آگ لگنے سے 21 افراد جھلس گئے، 15 زخمیوں کو جے پور ریفر کر دیا گیا

Published

on

جے پور : راجستھان کے کوٹ پتلی-بہروڑ ضلع میں بانسور کے گاؤں بڈھ ملک پور (رسنالی) میں ہفتے کی صبح تعزیتی تقریب کے دوران گیس سلنڈر سے لیکیج کے باعث آگ لگ گئی، جس کے نتیجے میں کم از کم 21 افراد جھلس گئے۔ زخمیوں میں سے 15 افراد کو تشویشناک حالت میں جے پور منتقل کر دیا گیا ہے، جبکہ 6 افراد کوٹ پتلی ڈسٹرکٹ ہسپتال میں زیرِ علاج ہیں۔ یہ واقعہ صبح تقریباً 11 بجے پیش آیا جب اس گھر میں، جہاں تعزیتی تقریب جاری تھی، ایک خاتون نے چائے بنانے کے لیے گیس چولہا جلایا۔ بتایا گیا ہے کہ صحن میں رکھا ہوا گیس سلنڈر لیک ہو رہا تھا۔ جیسے ہی چولہا جلایا گیا، آگ تیزی سے پھیل گئی اور اس نے سلنڈر، خیمے اور صحن میں بچھائی گئی دریوں کو اپنی لپیٹ میں لے لیا۔

اس گھر میں تقریباً 50 مرد و خواتین جمع تھے جو بڈھ ملک پور کے رہائشی 80 سالہ جے رام کسانا کی تعزیتی تقریب میں شرکت کے لیے آئے تھے؛ جے رام کسانا کا جمعہ کے روز انتقال ہو گیا تھا۔ بھارتی کسان سنگھ کے کوٹ پتلی-بہروڑ ضلعی صدر اشوک کمار گھنگھل کے مطابق، اہل خانہ کو گیس لیک ہونے کا علم نہیں تھا۔ اچانک آگ بھڑک اٹھی جس کی زد میں آ کر تقریب میں شریک کئی افراد جھلس گئے۔ آس پاس کے دیہاتی فوری طور پر موقع پر پہنچے اور پانی ڈال کر آگ پر قابو پایا۔ زخمیوں کو ایمبولینسوں اور نجی گاڑیوں کے ذریعے ہسپتال پہنچایا گیا۔ واقعے کے بعد، بانسور کے ایس ڈی ایم (ایس ڈی ایم) نونیت کمار اور تحصیلدار صورتحال کا جائزہ لینے اور حادثے کی تفصیلات جاننے کے لیے سب ڈسٹرکٹ ہسپتال پہنچے۔

گھنگھل نے بتایا کہ زخمیوں کو ابتدائی طور پر کوٹ پتلی اور بانسور کے ہسپتالوں میں لے جایا گیا تھا۔ کوٹ پتلی لے جائے جانے والوں میں سے 12 افراد کو جے پور ریفر کر دیا گیا، جبکہ بانسور لے جائے جانے والوں میں سے 3 افراد کو بھی جے پور منتقل کیا گیا۔ بانسور سے 2 دیگر زخمیوں کو کوٹ پتلی منتقل کیا گیا۔ فی الحال، 6 زخمی افراد کوٹ پتلی ڈسٹرکٹ ہسپتال میں زیرِ علاج ہیں۔ کل 15 مریضوں کو خصوصی علاج کے لیے جے پور بھیجا گیا ہے۔ ایس ایم ایس (ایس ایم ایس) ہسپتال کے قائم مقام سپرنٹنڈنٹ ڈاکٹر راشم کٹاریا نے بتایا کہ زیادہ تر زخمیوں کے جسم کا 20 فیصد سے 40 فیصد حصہ جھلس گیا ہے، جبکہ کچھ مریضوں کے جسم کا 50 فیصد تک حصہ جل گیا ہے۔ ڈاکٹر تمام مریضوں کی حالت کا جائزہ لے رہے ہیں۔ زخمیوں کو برن آئی سی یو (برن آئی سی یو) میں داخل کر دیا گیا ہے اور ان کا علاج شروع ہو چکا ہے۔

Continue Reading

ممبئی پریس خصوصی خبر

پوائی پولیس نے 10 سالہ لڑکا کو والدین کے سپرد کر دیا, پولیس کی انسانیت نوازی اور کاوشوں کی ستائش ڈی سی پی دتہ نلاوڑے

Published

on

ممبئی : ممبئی پولیس نے 10 سالہ گمشدہ لڑکے کو ان کے والدین کے سپرد کر کے انسانیت کی مثال قائم کی ہے 2 ماہ سے غائب گمشدہ بچہ کو دلی سے تلاش کر نے کے بعد پولیس نے اس کی صحیح سلامت بازیابی کی اور پھر بچوں کو والدین کے سپرد کر دیا۔ ممبئی پولیس نے ایک بچے کو اپنی والدین سے دو ماہ بعد ملوایا پوائی پولیس اسٹیشن کی حدود میں 14 ستمبر 2026 ء کو تنگا گاؤں ساکی وہار روڈ دارالعلوم غریب نواز مدرسہ سنی رحمانیہ جامع مسجد سے 10 سالہ رہائشی تھانہ مدرسہ میں زیر تعلیم تھا وہ اچانک غائب ہوگیا ہے اس متعلق 15 ستمبر کو اس کے والد مختار شاہ نے شکایت درج رکوائی پولیس نے اس معاملہ میں شکایت درج کر کے تفتیش شروع کردی ہے معاملہ کی حساسیت کو سمجھتے ہوئے پولیس نے تنگا گاؤں سمیت اطراف کے علاقہ میں جوگیشوری وکرولی لنک روڈ اور مرکزی راستوں پر بیسٹ بس ڈپو اور سی سی ٹی وی فوٹیج کا معائنہ کیا پولیس نے گمشدہ بچے کی تلاش کیلئے اس کی رنگین تصاویر جاری کی اور پولیس اسٹیشنوں کے سپرد کر دی گئی اور وائرلیس پیغام بھی عام کیا گیا پولیس نے بچے کا اصل رہائشی مقام تھانہ آنند بھاسکر نگر کلوا میں اس کی تلاش ریلوے اسٹیشن بس اسٹینڈ مذہبی مقامات اور عوامی مقامات پر کی اور بچوں کی گمشدگی کا پمفلٹ بھی چسپاں کردیا ڈومبیولی علاقہ میں بچے کی خبر ملی اس کے بعد پولیس کو تفتیش کے دوران معلوم ہوا کہ بچہ محمد پور دلی میں ہے جس پر پولیس ٹیم نے مذکورہ مقام پر اس کے رشتہ داروں کے ہمراہ جاکر بچہ کو برآمد کر لیا 10 سالہ لڑکا صحیح سلامت ان کے والدین کے سپرد کر دیا اس معاملہ میں پولیس نے ممبئی اور تھانے کے 100 سے 150 سی سی ٹی وی فوٹیج کی جانچ کی ممبئی پولیس نے تمام پولیس اسٹیشنوں کو آگاہ کیا اور بالآخر دو ماہ بعد لڑکے کو صحیح سلامت بازیافت کر لیا گیا ہے اور پولیس نے اس کے والدین کو اس سپرد کر دیا ہے۔ یہ کارروائی ممبئی پولیس کمشنر دیوین بھارتی, جوائنٹ پولیس کمشنر نظم ونسق منوج کمار شرما,ڈی سی پی دتہ نلاوڑے کی ایما پر کی گئی۔

Continue Reading

ممبئی پریس خصوصی خبر

کریٹ سومیا کی مسلمانوں کے خلاف زہر افشانی مراٹھی ممبئی کو مسلم ممبئی بنانے کی سازش کا الزام, حالات کشیدہ لیکن امن برقرار

Published

on

ممبئی : ممبئی کے کرلا علاقہ میں فونکس مال کے قریب نوجوان جوڑے کی تصویر کشی کے دوران علاقہ کے کچھ بچوں نے ان کے ساتھ غنڈہ گردی کی جس کے بعد پولیس نے اس معاملہ میں 8 نابالغوں کے خلاف کیس درج کر لیا ہے اور انہیں زیر حراست لے کر چلڈرن ہوم بھی بھیج دیا گیا ہے اس واقعہ کے بعد علاقہ میں کشیدگی پھیل گئی جبکہ امن برقرار ہے لیکن اس معاملہ میں اب سیاست بھی شروع ہوگئی ہے اور بی جے پی لیڈر کریٹ سومیا نے بچوں کے اس عمل کو مسلم غنڈہ گردی قرار دے کر مراٹھی ممبئی کو مسلم ممبئی قرار دیا ہے انہوں نے کہا کہ مختلف علاقوں میں مسلمانوں کی غنڈہ گردی بڑھ گئی ہے کریٹ سومیا نے زہر افشانی کر تے ہوئے کہا کہ مانخورد گوونڈی کرلا ناگپاڑہ بہرام پاڑہ میں مسلمانوں کی دادگیری بڑھ گئی ہے سوربھ اپنی معشوقہ کے ساتھ یہاں مال میں شاپنگ کے غرض سے آیا تھا وہاں گارڈن میں مسلم بچوں نے اس کے ساتھ مارپیٹ کی ہے۔ کریٹ سومیا نے ہرزا سرائی کرتے ہوئے کہا کہ ممبئی میں اسلامی دہشت گردی کو فروغ دیا جارہا ہے جو ناقابل برداشت ہے اب ممبئی کو مراٹھی ممبئی کو مسلم ممبئی بنانے کی سازش جاری ہے۔ کریٹ سومیا نے اس معاملہ میں مذکورہ بالا گارڈن کا بھی معائنہ اور دورہ کیا ہے۔

Continue Reading
Advertisement

رجحان