سیاست
مالیگاؤں کے سابق رکن اسمبلی آصف شیخ رشید کا نیشنل ہائے وے اتھارٹی آف انڈیا کو انتباہ مالیگاؤں شہر کے حادثات پر کنٹرول کیلئے بروقت نمائندگی

مالیگاؤں(پریس ریلیز )
مالیگاؤں کے سابق رکن اسمبلی آصف شیخ رشید نے ناسک میں نیشنل ہائے وے اتھارٹی آف انڈیا (نیشنل ہائے نمبر3,آگرہ روڈ) کے ڈائریکٹر شری ساڑونکھے اور ناسک ضلع کلیکٹر سورج مانڈھرے صاحب سے ملاقات کرتے ہوئے انہیں ایک انتباہی مکتوب دیا۔
اس مکتوب کے ذریعہ آصف شیخ رشید نے شری ساڑونکھے کو بتلایا کہ مالیگاؤں شہر پاورلوم کارخانوں اور پاورلوم مزدوروں کا شہر ہے۔ اس کے درمیان سے نیشنل ہائے وے نمبر 3,کا گذر ہوتا ہے۔ اور ہائے وے کے دونوں جانب بستیاں بس چکی ہیں۔ راستہ پار کرتے ہوئے اکثر لوگ حادثوں کا شکار ہوجاتے ہیں جاری ماہ میں 20,سے 25,حادثات ہوئے اور کم از کم درجنوں افراد کو اپنی جان گنوانا پڑی، مالیگاؤں کے اطراف میں چالیسگاؤں پھاٹہ سے منماڑ چوپھلی تک کا راستہ موت کا راستہ بن چکا ہے اسلئے نیشنل ہائے وے اتھارٹی آف انڈیا کو اس درمیان کے تقریباً سبھی اسپیڈ بریکر جو کہ خستہ حال ہوچکے ہیں ان کی فوراً نئے طرز یر درستی کرنا چاہیئے،سوند گاؤں کے قریب بنا ہوا سب وے ازسرنو بنایا جائے، مالدہ شیوار میں لبیک ہوٹل کے پاس ایک نئے سب وے کی ضرورت محسوس کی جارہی ہے اس پر توجہ دی جائے، اسٹار ہوٹل اور ہوٹل شاہی گارڈن کے پاس ہائے ماسٹ لائٹ لگایا جائے تاکہ اندھیرے کی وجہ سے حادثات پر قابو پایا جاسکے، درے گاؤں میں سروس روڈ اور سب وے کا کام بند کردیا گیا ہے فوری طور پر اس کام کو جاری کیا جائے، دھولیہ سے مالیگاؤں کی سمت آنے والے راستہ پر مالیگاؤں کا بڑا سائن بورڈ اور سمت و کلو میٹر ظاہر کرنے والے نشان زدہ بورڈ لگائے جائیں، چالیسگاؤں پھاٹہ پر ہائے ماسٹ، سروس روڈ کی درستی اور چالیسگاؤں پھاٹہ، درے گاؤں، سوند گاؤں، شالیمار ہوٹل، سے منماڑ چوپھلی تک آگرہ روڈ کے دونوں اطراف میں سروس روڈ کا کام فوراً کیا جائے اگر دس دنون کے درمیان کوئی اقدام نہیں اٹھایا گیا تو نیشنل ہائے وے نمبر 3,کھود کر احتجاج کیا جائیگا اور ہونے والے تمام تر نقصانات کی ذمہ داری نیشنل ہائے وے اتھارٹی آف انڈیا کے متعلقہ آفیسران و ڈائریکٹر کی ہوگی اس طرح کا انتباہ سابق رکن اسمبلی آصف شیخ رشید نے ناسک میں ڈائریکٹر ساڑونکھے سے ملاقات کرتے ہوئے دیا ہے۔
اس انتباہی مکتوب کی کاپی وزیر برائے نیشنل ہائے وے شری نتن گڈکری صاحب، نیشنل ہائے وے اتھارٹی آف انڈیا کے ڈائریکٹر نئی دہلی، ضلع کلیکٹر ناسک سورج مانڈھرے صاحب، مالیگاؤں کارپوریشن کمشنر شری کاسار صاحب، مقامی پرانت آفیسر وجے آنند شرما، مقامی تحصیلدار، ایڈیشنل ایس پی، اور متعلقہ یولیس اسٹیشنوں کے انچارج آفیسران کو بھی روانہ کی ہیں
(جنرل (عام
غزہ پر اسرائیلی حملے کے خلاف 10 اکتوبر کو ہونے والے احتجاجی مظاہروں کی پولیس چوکس ہے اور تمام حالات کی نگرانی کر رہی ہے۔

ممبئی : غزہ میں فلسطینیوں پر اسرائیلی جارحیت اور مسلسل بمباری کے خلاف ممبئی کے آزاد میدان میں احتجاجی مظاہرہ منعقد کیا گیا ہے اس احتجاجی مظاہرہ کے پس منظر ممبئی پولیس بھی الرٹ پر ہے۔ ممبئی میں فلسطینیوں کی حمایت میں احتجاجی مظاہرہ کے سبب میٹنگوں کا سلسلہ شروع ہے رکن اسمبلی ابوعاصم اعظمی، رئیس شیخ اور قائدین نے احتجاجی مظاہرہ میں شرکت کی اپیل کی ہے اتنا ہی نہیں متعدد علاقوں میں احتجاجی مظاہروں کیلئے نکڑ میٹنگ اور این جی اوز کی میٹنگیں بھی شروع ہوگئی ہیں۔ جمعہ 10اکتوبر کو انڈیا فلسطین سولیڈریٹری فورم کے بنر تلے احتجاجی مظاہرہ کا انعقاد کیا گیا ہے اس احتجاجی مظاہرہ سے سابق ایم پی و صحافی کمار کیتکر، فیروز میٹھی بوروالا، کامریڈ شیلندر کامبلے، کامریڈ اجیت پاٹل، ایم اے خالد اور سعید خان خطاب کریں گے فلسطین میں قتل عام کے خلاف دنیا میں احتجاجی مظاہروں کا سلسلہ دراز ہے لیکن اسرائیلی ہٹ دھرمی اب بھی برقرار ہے اور جارحیت و بمباری بھی جاری ہے۔
ممبئی میں احتجاجی مظاہرہ کے سبب حالات پر پولیس نظر رکھ رہی ہے اتنا ہی نہیں پولیس نے آزاد میدان پر بھی حفاظتی انتظامات کا جائزہ لینے کے ساتھ سوشل میڈیا پر بھی نگرانی رکھنا شروع کردی ہے۔ ممبئی میں فلسطین کے حق میں احتجاجی مظاہرہ میں کثیر تعداد میں مظاہرین کی شمولیت متوقع ہے اس لئے پولیس بھی الرٹ ہے۔ ممبئی ہی نہیں اطراف کے علاقوں و مضافاتی محلوں سے بھی اس احتجاجی مظاہرہ میں مسلمان اور انصاف پسند شرکت کریں گے۔ غزہ میں مسلسل اسرائیلی جارحیت کے خلاف اب مسلم ممالک بھی متحد ہوچکے ہیں ایسے میں ممبئی میں احتجاجی مظاہرہ کے دوران کسی قسم کی کوئی گڑ بڑی نہ ہو اس پر بھی پولیس کی نظر ہے اس کے ساتھ ہی اشتعال انگیز اور متنازع بیان بازی سے لے کر متنازع اور اشتعال انگیز بینر اور پوسٹروں پر بھی پولیس نگرانی کر رہی ہے جبکہ جمعہ کو فلسطین کے احتجاجی مظاہرہ میں بریلی میں تشدد کے بعد مسلمانوں کے گھروں پر بلڈوزر، تشدد کے بعد مسلمانوں کی گرفتاری اور مولانا توقیر رضا کی گرفتاری و رہائی کا مطالبہ بھی کئے جانے کا امکان ہے ایسے میں پولیس نے آزاد میدان میں احتجاجی مظاہرہ کو اجازت دیدی ہے۔ اس احتجاجی مظاہرہ میں شرکت کیلئے قائدین اور ملی جماعتیں سوشل میڈیا پر بھی اپیل جاری کر رہی ہیں جس سے زیادہ تعداد میں شرکاء کے شریک ہونے کا امکان ہے۔
(Tech) ٹیک
ممبئی ون ایپ آج لانچ ہوئی؛جانیں کہ یہ ایم ایم آر میں ممبئی والوں کے لیے نقل و حمل کو کس طرح آسان بنائے گا۔

ممبئی : جیسے ہی وزیر اعظم مودی ممبئی کا دورہ کریں گے، وہ ممبئی ون ایپ کی نقاب کشائی کریں گے، ایک مربوط ڈیجیٹل پلیٹ فارم جو پورے ممبئی میٹروپولیٹن ریجن (ایم ایم آر) میں سفر کو ہموار اور زیادہ موثر بنانے کے لیے ڈیزائن کیا گیا ہے۔ یہ ایپ فی الحال 11 پبلک ٹرانسپورٹ آپریٹرز کو جوڑ رہی ہے، بشمول ممبئی میٹرو لائنز 1، 2اے، 3، اور 7، ممبئی میٹرو، ممبئی، بی ای ایس ٹی، ممبئی مونورا، بی ای ایس ٹی، ممبئی اور دیگر ریلوے لائنز۔ تھانے، میرا-بھائیندر، کلیان-ڈومبیولی، اور نوی ممبئی سے میونسپل ٹرانسپورٹ سسٹم۔
اس انضمام کے ذریعے، ممبئی ون مسافروں کو صرف ایک ڈیجیٹل کیو آر ٹکٹ کا استعمال کرتے ہوئے سفر کی منصوبہ بندی کرنے، ٹکٹ خریدنے اور ٹرانسپورٹ کے مختلف طریقوں، میٹرو، ٹرین، مونوریل، یا بس کے درمیان سوئچ کرنے کی اجازت دیتا ہے۔ وزیر اعظم کے دفتر کی پریس ریلیز کے مطابق، ایپ تاخیر، متبادل راستوں اور متوقع آمد کے اوقات کے بارے میں ریئل ٹائم اپ ڈیٹ فراہم کرتی ہے۔ اس میں نقشہ پر مبنی نیویگیشن، قریبی اسٹیشن کی تفصیلات، سیاحوں کی توجہ اور مسافروں کی حفاظت کے لیے ایک ایس او ایس فیچر بھی شامل ہے۔ جبکہ نیشنل کامن موبلٹی کارڈ (این سی ایم سی) قومی سطح پر روپے کے ذریعے کام کرتا ہے، لیکن یہ ممبئی کے مضافاتی ریل نیٹ ورک کو مکمل طور پر کور نہیں کرتا ہے۔ ممبئی ون ایپ ممبئی کے مربوط ٹرانسپورٹ ماحولیاتی نظام پر پوری توجہ مرکوز کرکے اس فرق کو پورا کرتی ہے۔
این ایم آئی اے، میٹرو لائن 3، اور ممبئی ون ایپ کے ایک ساتھ شروع ہونے کے ساتھ، آج ممبئی والوں کے سفر کے طریقے کو تبدیل کرنے میں ایک اہم سنگ میل کی نشاندہی کرتا ہے جو پہلے سے کہیں زیادہ تیز، ہوشیار، اور زیادہ مربوط ہے۔ ممبئی ون ایپ کا استعمال تمام مسافروں کے لیے آسان اور آسان ہے۔ سب سے پہلے گوگل پلے اسٹور یا ایپل ایپ اسٹور سے ایپ ڈاؤن لوڈ کریں اور آپ کو بھیجے گئے او ٹی پی کا استعمال کرکے اپنے موبائل نمبر کی تصدیق کریں۔ لاگ ان ہونے کے بعد، اپنا ماخذ اور منزل کے اسٹیشن درج کریں، ایپ خود بخود آپ کے قریب ترین اسٹیشن کا بھی پتہ لگا سکتی ہے۔ آپ ایک لین دین میں چار ٹکٹ تک بک کر سکتے ہیں۔ اپنا راستہ منتخب کرنے کے بعد،یو پی آئی، ڈیبٹ کارڈ، یا کریڈٹ کارڈ کا استعمال کرکے ڈیجیٹل طور پر ادائیگی کریں۔ جیسے ہی ادائیگی مکمل ہو جائے گی، آپ کے فون پر فوری طور پر ایک کیو آرکوڈ تیار ہو جائے گا۔ قطاروں میں انتظار کیے بغیر اپنا سفر شروع کرنے کے لیے میٹرو اسٹیشن کے آٹومیٹڈ فیر کلیکشن (اے ایف سی) گیٹس پر بس اس کیو آر کوڈ کو اسکین کریں۔ 8 اکتوبر کو، ممبئی وزیر اعظم نریندر مودی کے ذریعہ تین اہم بنیادی ڈھانچے کے پروجیکٹوں کے افتتاح کا مشاہدہ کرے گا: ممبئی میٹرو لائن 3 کا آخری مرحلہ، ممبئی ون ایپ، اور نوی ممبئی انٹرنیشنل ایئرپورٹ (این ایم آئی اے)۔
سیاست
آئی لو محمد بنام آئی لو مہادیو سے ماحول خراب کرنے کی سازش، کریٹ سومیا نے ٹریفک روک اسٹیکر چسپاں کیا، حالات کشیدہ، کیس درج کرنے سے پولس کا انکار

ممبئی ؛ ممبئی کے کرلا علاقہ میں کریٹ سومیا نے آئی لو محمد صلی اللہ علیہ وسلم کے اسٹیکر کو لے کر ایک مرتبہ پھر تنازع پیدا کیا اور آئی لو محمد بنا آئی لو مہادیو کا اسٹیکر چسپاں کیا, جس سے ٹریفک نظام بری طرح سے متاثر ہوا. پولس نے اس دوران سخت حفاظتی انتظامات کئے تھے, آئی لو محمد بنام آئی لو مہادیو کی آڑ میں ملک اور ممبئی شہر میں ماحول خراب کرنے کی کوشش شروع ہو گئی ہے کریٹ سومیا نے کہا کہ پولس نے آئی لو محمد کے اسٹیکر جبرا لگانے پر کوئی کیس درج نہیں کیا, لیکن جب ہم نے آئی لو مہادیو کا اسٹیکر چسپاں کیا تو اس پر پولس نے نوٹس ارسال کی. اس کے ساتھ کریٹ سومیا نے یہ بھی واضح کیا ہے کہ انہیں دھمکی موصول ہو رہی ہے سوشل میڈیا پر ایم پی سنجے دینا پاٹل اور یوبی ٹی لیڈر محسن نے دھمکی دی ہے, جس کے خلاف پولیس تفتیش کررہی ہے. انہوں نے پولس پر بھی جانبداری کا الزام عائد کیا ہے اور کہا کہ یہ ہندوستان ہے یہاں آئی لو مہادیو کا اسٹیکر ہی چسپاں کیا جائے گا۔ کریٹ سومیا نے اس سے قبل آئی لو محمد کے مسئلہ پر زہر افشانی کرتے ہوئے اسے دادا گیری اور غنڈہ گردی قرار دیا تھا. اس دوران کریٹ سومیا نے آج ادھو ٹھاکرے، شرد پوار کو بھی ہدف تنقید بنایا ہے. آئی لو مہادیو اور آئی لو محمد کی آڑ میں کرلا کا ماحول اور نظم ونسق خطرہ میں ہے جبکہ پولس نے کریٹ سومیا کی شکایت پر مقدمہ درج کرنے سے انکار کردیا ہے. اب کرلا میں حالات پرامن ہے, لیکن فرقہ وارانہ کشیدگی برقرار ہے۔ کرلا میں کریٹ سومیا کے دورہ کے دوران کارکنان نے ٹریفک روک کر ہر ہر مہادیو کا فلک شگاف نعرہ بلند کیا. جبکہ کریٹ سومیا سے یہ دریافت کیا گیا کہ وہ ملنڈ میں آئی لو مہادیو کا اسٹیکر چسپاں کرنے کے بجائے کرلا کا رخ کیوں کیا, اس پر کریٹ سومیا خاموش ہو گئے۔
-
سیاست12 months ago
اجیت پوار کو بڑا جھٹکا دے سکتے ہیں شرد پوار، انتخابی نشان گھڑی کے استعمال پر پابندی کا مطالبہ، سپریم کورٹ میں 24 اکتوبر کو سماعت
-
ممبئی پریس خصوصی خبر6 years ago
محمدیہ ینگ بوائزہائی اسکول وجونیئرکالج آف سائنس دھولیہ کے پرنسپل پر5000 روپئے کا جرمانہ عائد
-
سیاست6 years ago
ابوعاصم اعظمی کے بیٹے فرحان بھی ادھو ٹھاکرے کے ساتھ جائیں گے ایودھیا، کہا وہ بنائیں گے مندر اور ہم بابری مسجد
-
جرم5 years ago
مالیگاؤں میں زہریلے سدرشن نیوز چینل کے خلاف ایف آئی آر درج
-
جرم6 years ago
شرجیل امام کی حمایت میں نعرے بازی، اُروشی چوڑاوالا پر بغاوت کا مقدمہ درج
-
خصوصی5 years ago
ریاست میں اسکولیں دیوالی کے بعد شروع ہوں گے:وزیر تعلیم ورشا گائیکواڑ
-
جرم5 years ago
بھیونڈی کے مسلم نوجوان کے ناجائز تعلقات کی بھینٹ چڑھنے سے بچ گئی کلمب گاؤں کی بیٹی
-
قومی خبریں6 years ago
عبدالسمیع کوان کی اعلی قومی وبین الاقوامی صحافتی خدمات کے پیش نظر پی ایچ ڈی کی ڈگری سے نوازا