(زاہد بیباک )
9 فروری دوپہر ساڑھے تین بجے اردو میڈیا سینٹر پر نصر فاونڈیشن کی جانب سے منعقدہ پریس کانفرنس میں ذمہ داران نے شہر میں شادی کے نام پر جاری گورکھ دھندے اور معصوم بچیوں کو فروخت کرنے کے کاروبار پر روشنی ڈالتے ہوئے اظہار خیال کیا اس درمیان پربھنی سے نکاح کے بعد بیاہ کر لائی گئی بچی کو شادی کے چار دن بعد طلاق دیا گیا اور اسکی دوسری شادی کرنے کی کوشش کی گئی ۔20 سالہ متاثرہ بچی کے والد نے کہا کے میری بچی کا رشتہ ہوا جسے ملزمہ شبانہ نام کی شادی لگانے والی خاتون نے لگایا تھا ، ہم نے رشتے لگانے والی شبانہ سے اس سے رشتے کے متعلق پوچھا تو اس نے کہا لڑکا کنوارہ ہے اچھا اور کام دھندہ کرتا ہے مگر جب نکاح ہوا اسکے بعد لڑکے کی حقیقت ہی الگ نکلی لڑکے نے خود میری بچی کو کہا کہ میں شادی شدہ ہوں اور دو بچے بھی ہیں میں تجھے جیسا رکھونگا ویسا رہنا اور میری بچی کو شبانہ نامی خاتون الگ الگ جگہ پر مکان میں بند کر کے رکھ رہی تھے جس کے بعد اسکا دوسرا نکاح بھی ہمیں بنا بتائے کررہے تھے اور اسکے بعد ممبئی لے جانے کی بات کی، ملزم لڑکے کا نام شیخ عمران شیخ عابد ہے جو مسجد سلمان فارسی کے پاس دیانہ کا رہنے والا ہے اور انکا نکاح 21 جنوری 2020 کو ہوا تھا، اسکے بعد زبردستی لیجاکر کسی وکیل کی مدد سے طلاق کیا گیا، ہماری بچی کوگیارہ ہزار مکان والی کالونی کے ایک کمرے میں بند رکھا گیا تھا۔ اس سے پہلے ملزمہ شبانہ نامی خاتون نے ایک رشتہ ہماری بچی کا کروایا تھا جو اچھا ہوا مگر دوسری بیٹی کے رشتے میں ہمارے ساتھ دھوکہ دہی کی گئی، میری بچی کے ساتھ جن لوگوں نے کھلواڑ کیا ہے انھیں قانونی طور سے سخت سے سخت سزا ملنا چاہیئے تاکہ کسی دوسری بچی کا مستقبل خراب ہونے سے بچ جاۓ۔ 20 سالہ متاثرہ نے اپنے اوپرہوئے ظلم کی تفصیلات بتاتے ہوئے کہا کہ میری شادی جس سے کی گئی وہ شادی شدہ تھا اور اس کے دو بچے ہیں میرے شوہر عمران نے مجھ سے کہا کے میں تجھے جیسا رکھونگا ویسے ہی رہنا پڑے گا جب میں نے کہا کے مجھے میرے ابا سے بات کرنی ہے تب مجھے عمران اور شبانہ نے کہا کے اگر چپ نہیں رہی تو تجھے زندہ جلا دینگے اسکے بعد عمران اور شبانہ نے بند کمرے میں مجھے بہت مارا اور بعد میں مجھے ایک آٹو میں بیٹھا کر ایک آفس میں لیکر گئے جہاں انہوں نے مجھ سے ایک کاغذ پر دستخط لئے جو طلاق کے پیپر تھے اسکے بعد دونوں نے مجھے روم میں بند کردیئے اور دونوں باہر بات کررہے تھے کے اس کو ممبئی میں فروخت کر دینگے، اسکے بعد مجھے انہوں نے 4 الگ الگ مقامات پر لے گئے اور مجھے مہندی اور ہلدی لگائی گئی انہوں نے میرے دوسرا نکاح کی تیاری کر دی تھی، انہوں نے مجھے کئی آدمیوں کے سامنے بھی بٹھایا جس کے بعد شبانہ اور عمران کو پیسے بھی ملے تھے، میرے ابّا کو بھی انہوں نے پیسوں کا لالچ دیا ہم نے انکار کردیا۔ انہوں نے ہمیں دس لاکھ بھی دیا تو مجھے منظور نہیں مجھے انصاف چاہیئے تاکہ جو آج میرے ساتھ ہوا وہ آگے چل کر کسی اور لڑکی کے ساتھ نہ ہو متاثرہ نے بتایا کہ ہم نے اس معاملے میں 8 فروری کو رمضان پورہ پولس اسٹیشن میں ملزمان کے خلاف گناہ درج کروایا ہے ان پر پولس نے دفعہ420، 406،393،504،342 اور 506 – 34 کے تحت گناہ رجسٹر کرلیا ہے۔ اس پریس کانفرنس میں رضوان سر، عزیز اعجاز، کارپوریٹر صغیر ٹریکٹر والا، ڈاکٹر ذاکر، شعبان شاہ، سعید حاجی، مجاھد خان، شہباز بخت سمیت نصر فاونڈیشن کے ذمہ داران موجود تھے ۔