نئی دہلی : ملک میں پٹرول اور ڈیزل کی قیمتوں میں اضافے کے بعد سیاسی بحث تیز ہو گئی ہے۔ کانگریس کے رکن پارلیمنٹ اور لوک سبھا میں اپوزیشن لیڈر راہل گاندھی نے مودی حکومت پر تنقید کی ہے۔ انہوں نے وزیر اعظم نریندر مودی کو ’’مہنگائی آدمی مودی‘‘ قرار دیا۔ انہوں نے کہا کہ وزیر اعظم مودی انتخابات کے دوران ایک وعدہ کرتے ہیں اور پھر وہ ختم ہوتے ہی عوام کی جیبوں کو لوٹنا شروع کر دیتے ہیں۔ راہل گاندھی نے کہا کہ میں نے اس معاشی طوفان کے بارے میں کئی ماہ پہلے خبردار کیا تھا لیکن مودی انتخابات میں مصروف تھے۔ اپنے ایکس ہینڈل پر پوسٹ کرتے ہوئے، کانگریس کے رکن پارلیمنٹ راہول گاندھی نے لکھا، “مہنگائی آدمی مودی نے پھر وار کیا، وہ اقساط میں پیٹرول اور ڈیزل کی قیمتیں بڑھاتے ہیں – تاکہ وہ چوری چھپے آپ کی جیبیں کاٹتے رہیں۔ میں مہینوں سے معاشی طوفان کی پیش گوئی کر رہا تھا۔ لیکن مودی ہمیشہ کی طرح انتخابات میں مصروف تھے – اور جیسے ہی انتخابات ختم ہوئے، اس نے پیٹرول اور ڈیزل کی قیمتوں میں 8 روپے کا اضافہ کر دیا اور اس کی قیمتوں میں اضافہ جاری رکھا۔” مہنگائی کے مارے مودی کے پاس صرف ایک کام ہے: انتخابات کے دوران وعدے، اور باقی وقت وہ عوام کی جیبوں پر حملہ کرتے ہیں۔”

مغربی ایشیا کے بحران کے درمیان گزشتہ 11 دنوں میں پیٹرول اور ڈیزل کی قیمتوں میں چوتھی بار اضافہ کیا گیا ہے۔ آج 2.61 روپے کے اضافے کے ساتھ دہلی میں پٹرول کی قیمت 102.12 روپے فی لیٹر سے اوپر پہنچ گئی ہے۔ ڈیزل کی قیمتوں میں بھی 2.71 روپے کا اضافہ ہوا ہے۔ اس اضافے کے ساتھ ہی قومی راجدھانی میں ڈیزل کی قیمت اب 95.20 روپے فی لیٹر ہوگئی ہے۔ کولکتہ میں پٹرول کی قیمت 113.51 روپے اور ڈیزل کی قیمت 99.82 روپے تک پہنچ گئی ہے۔

راہول گاندھی نے 24 مئی کو ایک پوسٹ بھی شیئر کرتے ہوئے لکھا کہ جب لاکھوں نوجوان سڑکوں پر ہیں، 22 لاکھ بچوں کا مستقبل داؤ پر لگا ہوا ہے، اور پی ایم مودی خاموش ہیں، حکومت صورتحال سے بچنے میں مصروف ہے، جواب نہیں دے رہی ہے۔ “ہم اس وقت تک نہیں رکیں گے جب تک کہ دھرمیندر پردھان استعفیٰ نہیں دیتے اور این ای ای ٹی جیسے پیپر لیک کو روکنے کے لیے ایک فول پروف نظام قائم نہیں کیا جاتا۔”

ممبئی :حضرت معین الدین اشرف المعروف معین میاں نے قومی صدر آل انڈیا سنی جمعیت العلماء سجادگان کچھوچہ مقدّسہ یوپی کی قربانی پر خصوصی رہنمایانہ اصول و ضوابط جاری کئے ہیں اور مسلمانوں سے اپیل کی ہے کہ وہ عید الاضحی پر کسی کی دل آزاری نہ کرے ساتھ ہی قربانی کا ویڈیو نہ بنائیں۔

عیدالاضحی کے پیش نظر حضرت معین میاں نے امت مسلمہ سے قربانی کے دوران ضروری ہدایات پر عمل کرنے کی اپیل کی ہے۔ اس لیے قربانی کرتے وقت شرعی تقاضوں، صفائی اور بھائی چارگی کا خاص خیال رکھنا چاہیے۔ حضرت معین میاں نے فرمایا کہ قربانی کا جانور فربہ اور شریعت کے مطابق ہونا چاہیے۔ بیمار، کمزور یا عیب دار جانوروں کی قربانی سے گریز کیا جائے۔ انہوں نے کہا کہ قربانی کا مقصد دکھاوا نہیں بلکہ اللہ کی رضا کا حصول ہونا چاہیے۔ انہوں نے عوام سے اپیل کرتے ہوئے کہا کہ وہ اپنی نیت صاف رکھیں اور غریبوں، ناداروں، رشتہ داروں اور پڑوسیوں کا خاص خیال رکھیں کیونکہ اسلام میں پاکیزگی نصف ایمان ہے اور یہی اس کا اہم جز بھی ہے, قربانی کا گوشت ضرورت مندوں میں تقسیم کرنا احسان عظیم ہے, جس سے اخوت، محبت اور انسانیت کو تقویت ملتی ہے۔ حضرت معین میاں نے صفائی ستھرائی اور امن و امان برقرار رکھنے پر بھی زور دیا۔

ممبئی : ممبئی عید الاضحی کے پیش نظر تھانہ میں ہائی الرٹ جاری کیا گیا ہے اگر کوئی بھی شرپسند عناصر عید الاضحی کے دوران شرپسندی کرتا ہے تو اس پر سخت کارروائی ہوگی۔ یہ انتباہ تھانہ کے پولیس کمشنر آشوتوش ڈومبرے نے ایک خاص ملاقات میں دیا ہے انہوں نے کہا کہ ہے کہ گئو کشی ممنوعہ ہے اگر کوئی قانون شکنی کرتا ہے یا ماحول خراب کرنے کی کوشش کرتا ہے تو اس پر بھی کارروائی ہوگی, جبکہ شاہراہوں اور چیک ناکوں پر خصوصی نگرانی رکھی جارہی ہے۔ انہوں نے کہا کہ عید الاضحی ایثار و قربانی کا درس دیتا ہے اور یہ سنت ابراہیمی بھی ہے فریضہ قربانی کی ادائیگی کے دوران سوشل میڈیا پر اس کی تصاویر اور ویڈیو وائرل نہ کی جائے اس کے ساتھ ہی قربانی کے بعد گوشت کی تقسیم کے دوران گوشت کو اچھی طرح سے ڈھانپ کر لیجایا جائے, سہ روزہ قربانی کے دوران خون آلود کپڑوں میں گشت کرنے سے گریز کریں۔ اس کے ساتھ ہی چاقو اور ہتھیار کی نمائش نہ کی جائے, قربانی کے دوران صاف صفائی کا خاص خیال رکھا جائے۔ انہوں نے مسلمانوں سے اپیل کی ہے کہ وہ ایسے عمل سے گریز کریں جس سے کسی کی دل آزاری ہوتی ہو, کیونکہ قربانی ہمیں اپنی سب سے قیمتی چیز قربان کرنا کا درس دیتی ہے۔

آشوتوش ڈومبرے نے کہا کہ تھانہ، ممبرا، بھیونڈی، الہاس نگر، رابوڑی سمیت دیگر مقامات پر خصوصی انتظامات کئے گئے ہیں۔ اس کے علاوہ جانوروں کی منڈی پر بھی پولیس کی خاص نظر ہے۔ اعلی افسران کو سوشل میڈیا پر مونیٹرنگ نگرانی رکھنے کی بھی ہدایت جاری کی گئی ہے۔ آشوتوش ڈومبرے نے کہا ہے کہ اگر کوئی بھی ماحول خراب کرنے کی کوشش کرتا ہے یا مذہبی منافرت پھیلانے میں ملوث پایا جاتا ہے اس پر سخت کارروائی ہوگی۔ انہوں نے کہا کہ تھانہ کمشنریٹ میں بھائی چارگی اور یکجہتی کے ساتھ تہوار منائے جاتے ہیں ایسے میں شرپسندوں پر بھی نگرانی رکھی جارہی ہے۔ ماضی میں قربانی کے دوران جن علاقوں میں چھوٹی موٹی گڑ بڑی یا واردات ہوئی ہے اس پر بھی پولیس نظر رکھ رہی ہے۔ تھانہ کمشنر نے یہ واضح کر دیا ہے کہ جن سوسائیٹیوں میں قربانی کی اجازت میونسپل انتظامیہ نے فراہم کی ہے وہاں قربانی کے دوران ضروری اقدامات کئے گئے ہیں۔ اس کے ساتھ ہی اگر قربانی کے اجازت نامہ کے بعد بھی شرپسند عناصر گڑ بڑی پیدا کرنے کی کوشش کرتے ہیں تو اس پر کارروائی ہوگی انہوں نے کہا کہ قربانی سے قبل سوسائیٹیوں میں قربانی کی اجازت لازمی ہے اس کے ساتھ ہی بلا وجہ اگر کوئی افواہ پھیلا کر ماحول خراب کرنے کی کوشش کرتا ہے تو اس پر بھی قانونی کارروائی ہوگی اس کے ساتھ ہی سوسائیٹیوں میں قربانی کے نظم کے دوران عارضی سلاٹر پر بھی پولیس کا بندوبست ہوگا۔ پولیس کمشنر نے اپیل کی ہے کہ عارضی سلاٹر میں صاف صفائی کا خاص خیال رکھنے ساتھ قربانی کے دوران شیامیانہ تیار کر کے اس بات کو یقینی بنائیں کہ کھلے میں قربانی نہ کی جائے جن مقامات پر قربانی کی اجازت ہے, وہیں قربانی ہو جن سوسائیٹیوں میں تنازعات جاری ہے یہاں پر بھی پولیس کی نگرانی رہے گی۔ اس کے ساتھ ہی سوسائٹیوں میں عارضی قربانی کی اجازت دی جاتی ہے, ایسی صورتحال میں اگر کوئی بلا وجہ حالات خراب کرنے کی کوشش کرتا ہے تو اس پر پولیس کارروائی کرے گی۔