ممبئی مہاراشٹر نونرمان سینا سر براہ ایم این ایس سر براہ راج ٹھاکرے کو صرف ہندو دھرم ہی نظرآتا ہے بقرہ عید پر محمد علی روڈ پربہنے والا لال پانی نظر نہیں آتا۔ پریاگ راج میں کنبھ کے دوران کروڑوں معتقدین نے استھا کی ڈوبکی لگائی راج ٹھاکرے نے کنبھ میلہ پر ہی تنقید کی تھی۔ اس کے ساتھ ہی انہوں نے کنبھ سے لایا گیا۔ گنگا جل پینے سے انکار کر دیا تھا اس پر بی جے پی چراغ پا ہے۔ اور نتیش رانے نے راج ٹھاکرے پر تنقید کر تے ہوئے کہا کہ انہیں صرف ہندو تہوار ہی نظر آتا ہے نتیش رانے نے کہا کہ راج ٹھاکرے نے گجرات کا دورہ کیا تھا۔ اب وہ پریاگ راج کا دورہ کریں ممبئی ودھان منڈل کے اسمبلی اجلاس کے دوران نتیش رانے نے راج پر اپنی ناراضگی کا اظہار کیا ہے۔
ممبئی سے متصلہ پونہ پمپری میں پارٹی کے یوم تاسیس سے خطاب کرتے ہوئے راج ٹھاکرنے نے کہا تھا۔ کہ جب میں نے ممبئی میں اپنے عہدیداروں کی میٹنگ لی تھی تو کچھ اراکین غیر حاضر تھے۔ اس میں سے متعدد اراکین نے کہا کہ وہ کنبھ میلہ گئے تھے۔ اس پر راج ٹھاکرے نے انہیں کہا تھا کہ اتنا پاپ کیوں کرنا کہ مہاکنبھ جانے کی ضرورت پڑے۔ اسی بیان پر بی جے پی چراغ پا ہے اور راج ٹھاکرے کے خلاف اب بی جے پی نے بھی محاذ کھول دیا ہے۔

ممبئی: اورنگ آباد کے خلد آباد میں اورنگ زیب رحمتہ اللہ علیہ کی قبر ہٹانے پر مہاراشٹر کے وزیر اعلی دیویندر فڑنویس نے یہ واضح کیا ہے۔ کہ اس قبرکو اے ایس آئی قانون کے مطابق تحفظ فراہم ہے اور انہوں نے اس کیلئے کانگریس سرکار کو ذمہ دار قرار دیا۔ انہوں نے کہا کہ اورنگ زیب کی قبر سے متعلق سرکار کو فیصلہ کریگی لیکن اس میں عجلت سے کام نہیں لیاجائے گا۔ انہوں نے کہا کہ قبر سے متعلق فیصلہ سے قبل اے ایس آئی اسپیشل قانون میں ترمیم یا دیگر راستہ اختیار کرنا ہوگا۔ دوسری طرف اورنگ زیب کی قبر ہٹانے اور اسے مسمار کئے جانے کا مطالبہ زور پکڑتا جارہا ہے۔ بی جے پی لیڈر و رکن اسمبلی نتیش رانے نے کہا ہے۔ کہ جس طرح سے علی الصبح مذہبی مقامات پر بلڈوزر کارروائی کی جاتی ہے اسی طرح کسی روز اورنگ زیب کی مزار پر بھی کارروائی ہوگی نتیش رانے کے اس بیان کے بعد ہلچل تیز ہوگئی ہے۔
دیویندر فڑنویس نے گروتیغ بہادر کے350 ویں یوم شہادت پر اورنگ زیب کی مزار سے متعلق خطاب کرتے ہوئے اسے ہٹانے پر سرکار کی پالیسی بتائی ہے انہوں نے کہا کہ اگر ضرورت محسوس ہوئی تو اے ایس آئی کے قانون میں ترمیم کر کے مزار اور قبر ہٹایا جائے گا۔ 1707 ء میں اورنگ زیب نے وفات پائی اور 27 سال تک مراٹھوں سے اورنگ زیب نے مقابلہ کیا تھا۔ ان کی خواہش کے مطابق انہیں اپنے پیر شیخ زین الدین درگاہ کے احاطہ میں دفن کیا گیا۔ ان کی تدفین پر 14 لاکھ خرچ کئے گئے یہ اطلاع فوتیدگی کی سند میں دی گئی ہے۔

ناگا چیتنیا جنوبی فلم انڈسٹری کے باصلاحیت اداکاروں میں سے ایک ہیں۔ 2009 میں ڈیبیو کرنے کے بعد سے، اس نے تنقیدی طور پر سراہا جانے والی اور باکس آفس پر کئی کامیاب فلمیں دی ہیں۔ اب، تھنڈل کے ساتھ، انہوں نے اپنے کیریئر میں ایک نیا سنگ میل حاصل کیا ہے کیونکہ یہ فلم 100 کروڑ کلب میں شامل ہو گئی ہے۔ دلچسپ بات یہ ہے کہ اس فلم کے ایک گانے کے پیچھے ایک انوکھی کہانی چھپی ہے جس کے لیے شوٹنگ سے پہلے پورے 8 دن تک پریکٹس کی گئی۔

جی ہاں، ناگا چیتنیا اور تھنڈل کی ٹیم نے اس فلم کو بنانے میں اپنا دل اور جان لگا دیا۔ اس کی سب سے بڑی مثال فلم کا گانا نمو نامہ شیوے ہے۔ ناگا چیتنیا اور خاتون لیڈ سائی پلاوی نے اس گانے کے لیے سخت محنت کی۔ اس گانے کی کوریوگرافی عام ڈانس اسٹائل سے تھوڑی مختلف تھی جس کی وجہ سے اس میں زیادہ محنت اور کمال درکار تھا۔ دونوں اداکاروں نے تقریباً 8-9 دن تک مسلسل پریکٹس کی جس کے بعد فائنل کٹ شوٹ کیا گیا۔

تھنڈل ایک جذباتی فلم ہے جس میں ایک ماہی گیر کی کہانی بیان کی گئی ہے جسے پاکستانی فوج نے بین الاقوامی سمندری سرحد پر پکڑ لیا ہے۔ اس فلم نے شائقین کے دلوں کو گہرائیوں سے چھو لیا اور بہت سے لوگ تھیٹر سے نکلتے ہوئے جذباتی نظر آئے۔ فلم میں ناگا چیتنیا اور سائی پلاوی کی جوڑی کو بے حد سراہا گیا اور ان کی اداکاری کو ناظرین کی جانب سے زبردست ردعمل ملا۔