ممبئی میں ہفتہ کو دہی ہانڈی کی تقریبات کے دوران ایک سانحہ دیکھنے میں آیا جب مہاراشٹر نگر، مانخورد میں بال گووندا پاٹھک سے تعلق رکھنے والا 32 سالہ شریک ایک حادثے میں اپنی جان سے ہاتھ دھو بیٹھا۔ اس واقعہ کی اطلاع دوپہر 3 بجے کے قریب دی گئی اور اس کی تصدیق شتابدی اسپتال، گوونڈی نے کی۔ متوفی، جس کی شناخت جگموہن شیوکرن چودھری کے طور پر ہوئی ہے، جی+1 کی پہلی منزل سے دہی ہانڈی کی رسی باندھ رہا تھا جب وہ گھر کی گرل کے اندر گر گیا۔ اس کے گھر والے اسے شتابدی اسپتال لے گئے، جہاں ڈاکٹروں نے اسے مردہ قرار دیا۔

اس مہلک حادثے کے علاوہ، شہر بھر میں گووندا کے کئی شرکاء انسانی اہرام اور دیگر جشن کی سرگرمیوں کی کوشش کے دوران زخمی ہوئے۔ سہ پہر 3 بجے تک، ہسپتالوں نے کل 30 زخمیوں کی اطلاع دی تھی۔ ان میں سے 18 کیسز کوپر ہسپتال میں رپورٹ ہوئے جہاں 12 افراد زیر علاج رہے اور 6 کو فارغ کر دیا گیا۔ سیون اسپتال میں، چھ زخمی گووندوں کو داخل کرایا گیا، جن میں سے تین کا علاج چل رہا ہے اور باقی کو ابتدائی دیکھ بھال کے بعد گھر بھیج دیا گیا ہے۔ نائر ہسپتال میں مزید چھ کیسز ریکارڈ کیے گئے، جن میں سے ایک شخص اب بھی زیر علاج ہے اور پانچ کو فارغ کر دیا گیا ہے۔ دن بھر کی تقریبات کے دوران مجموعی طور پر 30 افراد زخمی ہوئے جن میں سے 15 کو طبی امداد ملتی رہی, جبکہ دیگر 15 کو علاج کے بعد فارغ کر دیا گیا۔ شہری حکام نے بتایا کہ مانخورد کے واقعے کے علاوہ، جشن کے دوران شہر میں کسی اور بڑے ناخوشگوار واقعہ کی اطلاع نہیں ملی۔

‎ممبئی شہر میں موسلادھار بارش نے اپنا قہر برپا کیا ہے۔ یہاں کوہ کے دامن میں مقیم ایک ہی کنبہ کے چار افراد پہاڑی کی چٹان کھسکنے کے سبب زخمی ہو گئے اور انہیں اسپتال لیجایا گیا, جہاں زخموں کی تاب نہ لاکر باپ بیٹی چل بسے۔ تفصیلات کے مطابق گزشتہ شب تین بجے کے قریب جن کلیان سوسائٹی، ورشا نگر، وکھرولی پارک سائٹ، وکھرولی (ڈبلیو) علاقہ میں پہاڑی چٹان کھسکنے کے بعد گھر ملبہ میں تبدیل ہو گیا۔

پہاڑی علاقے سے مٹی اور چٹان کھسک کر ایک جھونپڑی پر گر گیا جس کی وجہ سے 4 زخمی افراد کو راجا واڑی اسپتال بھیج دیا گیا۔فائر بریگیڈ اور پولس عملہ نے موقع پر پہنچ کر زخموں کو راجا واڑی اسپتال میں داخل کیا ڈاکٹر نکھل اے ایم او، راجواڑی ہسپتال سے ملی تفصیل کے مطابق زخمیوں میں سے 02 کی موت ہوئی اور 02 کی حالت مستحکم ہے۔ جن میں شالو مشرا ایف/19 سال، مردہ لایا گیا،سریش مشرا ایم /50 سالہ مردہ لایا گیا۔ آرتی مشرا ایف/45 سال، ٹراماوارڈ میں داخل، رتوراج مشرا ایم /20سالہ، ٹراما وارڈ میں داخل کیا ہے, دو کی موقع پر ہی موت ہو گئی تھی، یقیہ دو کی حالت مستحکم بتائی جاتی ہے۔ اس معاملہ میں بی ایم سی پر لاپروائی کا الزام عائد کیا جارہا ہے، جبکہ بی ایم سی کا کہنا ہے کہ کوہ کے دامن میں مقیم مکینوں کو پہلے ہی نوٹس ارسال کی جاتی ہے۔

ممبئی میں موسلادھار بارش کے سبب پولس اور بی ایم سی نے الرٹ جاری کیا ہے, اس کے ساتھ ہی بی ایم سی نے ۵ گھنٹے کی شدید بارش کے سبب ریڈ الرٹ جاری کیا ہے۔ نشیبی علاقوں میں گزشتہ پانچ گھنٹے کی بارش میں کئی علاقے زیر آب ہو گئے اور کے ساتھ ہی بی ایم سی کا عملہ بارش کے دوران سرگرم اور فعال ہے پانی کی نکاسی کا عمل بھی جاری ہے۔ وہ مقامات جہاں کل 15 اگست 2025 کی رات 11 بجے سے آج 16 اگست 2025 کی صبح 5 بجے تک سب سے زیادہ بارش ریکارڈ کی گئی (5 گھنٹے
‎(بارش ملی میٹر میں ریکارڈ کی گئی)
‎شہر
‎پرتکشا نگر میونسپل اسکول، شیو144
‎ورلی سیفیس میونسپل اسکول 137
‎دادر ورکشاپ 137
‎دادر فائر ڈیپارٹمنٹ 135
‎راوالی کیمپ 135

‎مغربی مضافات
‎مارول فائر ڈیپارٹمنٹ 216
‎ناریل واڑی اسکول، سانتا کروز 213
‎چکلا میونسپل اسکول، اندھیری 207
‎مالپا ڈونگری میونسپل اسکول، اندھیری – 204
‎کے ویسٹ ڈویژن آفس – 195
‎مشرقی مضافات
‎ٹیگور نگر میونسپل اسکول، وکرولی 21
‎بلڈنگ پروپوزل آفس، وکھرولی ویسٹ 211
‎این ڈویژن آفس 20
‎رمابائی میونسپل اسکول، گھاٹ کوپر204
‎ایم سی ایم سی آر، پوائی – 200

‎شہری ضروری احتیاطی تدابیر اختیار کریں اور محفوظ رہیں یہ اپیل بی ایم سی نے کی ہے بارش کے سبب عام شہری زندگی بھی متاثر ہوئی ہے۔
‎ہندوستان کے محکمہ موسمیات نے آج (16 اگست 2025) ممبئی میٹرو پولیٹن سٹی ممبئی کے لیے ریڈ الرٹ جاری کیا ہے۔
‎اس تناظر میں میونسپل کمشنر اور ایڈمنسٹریٹر منتظم بھوشن گگرانی نے جوائنٹ کمشنر، ڈپٹی کمشنر، میونسپل کارپوریشن کے تمام انتظامی محکموں (وارڈز) کے اسسٹنٹ کمشنر کے ساتھ ساتھ تمام متعلقہ افسران کو فوری طور پر اپنے متعلقہ دفاتر میں حاضر رہنے اور رابطہ قائم کرنے کی ہدایت دی ہے۔ نیز ضرورت کے مطابق مناسب ہنگامی اقدامات کئے جائیں۔ دوسری طرف موسلادھار بارش کے سبب ممبئی پولس بھی الرٹ پر ہے ممبئی پولس نے کہا ہے کہ بلا ضرورت گھر سے باہر نکلنے سے گریز کرے۔ ممبئی میں بارش کا پانی جمع ہونے اور دہی ہانڈی کے منڈپ اور شامیانہ کے سبب وکرولی میں بسوں کا روٹ بھی تبدیل کیا گیا ہے۔ موسلادھار بارش کا اثر ممبئی کے شہریوں کی لائف لائن ٹرین خدمات پر بھی ہوا ہے۔ تینوں لائنیں پر بارش کے سبب ٹرینیں تاخیر سے چلائی گئی۔ ممبئی میں رک رک کر بارش کا سلسلہ دراز ہے۔ بارش کی وجہ سے عام شہری زندگی بھی مفلوج ہو گئی اور مسافر بے حال ہے۔