ممبئی : مشرقی مضافات کے گوونڈی علاقے میں خواتین کو بااختیار بنانے اور خود انحصاری کو فروغ دینے کے لیے اے اے اے فاؤنڈیشن (ابو عاصم اعظمی فاؤنڈیشن) کے زیر اہتمام دو روزہ “گوونڈی ویمن مارٹ” نمائش بڑی کامیابی کے ساتھ اختتام پذیر ہوئی۔ یہ تقریب محض ایک نمائش نہیں تھی بلکہ گوونڈی کی ہنرمند خواتین کے خوابوں، محنت اور خود انحصاری کی ایک نئی صبح تھی۔ اس کامیاب اقدام کے بعد اس مہم کو مزید وسعت دینے کی تیاریاں جاری ہیں۔ مستقبل میں، “گوونڈی ویمنز مارٹ” کو “میڈ ان گوونڈی” کے نام سے ایک بڑے برانڈ اور پلیٹ فارم کے طور پر تیار کیا جائے گا۔ یہ نہ صرف گھریلو خواتین کو ایک نئی شناخت اور عالمی مارکیٹ فراہم کرے گا بلکہ چھوٹے کاروباریوں، گھریلو صنعتوں اور علاقے میں فیکٹریوں میں تیار ہونے والی مقامی مصنوعات کو بھی۔

مشہور مقامی ایم ایل اے ابو عاصم اعظمی اس عظیم الشان تقریب کے مہمان خصوصی تھے۔ انہوں نے اے اے اے فاؤنڈیشن کے زیر اہتمام پورے پروگرام کی تعریف کی۔ خواتین کی حوصلہ افزائی کرتے ہوئے ایم ایل اے ابو عاصم اعظمی نے کہا، “گوونڈی کی خواتین میں حیرت انگیز ٹیلنٹ ہے، انہیں صرف صحیح پلیٹ فارم کی ضرورت ہے۔ AAA فاؤنڈیشن کے بینر تلے منعقد ہونے والے اس مہیلا مارٹ نے ثابت کیا ہے کہ جب ہماری ماؤں اور بہنوں کو مواقع فراہم کیے جاتے ہیں، وہ خود انحصاری کا ایک نیا باب لکھتی ہیں۔” انہوں نے منتظمین کو ہدایت کی کہ خواتین کو معاشی طور پر بااختیار بنانے کے لیے مستقبل میں اس طرح کے مزید بڑے پیمانے پر پروگرام گوونڈی اور گردونواح میں منعقد کیے جائیں اور وہ ان کی بھرپور حمایت کریں گے۔ خواتین کے گھریلو اور ہاتھ سے تیار کردہ مصنوعات کو فروغ دینے کے لیے، اس دو روزہ نمائش کو اب گوونڈی میں ایک باقاعدہ اور مستقل تقریب بنایا جائے گا، جو ان چھوٹے کاروباروں کو ایک مضبوط پلیٹ فارم فراہم کرے گا۔

تقریب کی سب سے بڑی کامیابی مقامی آبادی کی غیر متزلزل حمایت سے حاصل ہوئی۔ گوونڈی کے باشندوں نے بڑی تعداد میں اپنی ماؤں، بہنوں اور بیٹیوں کی حوصلہ افزائی کی۔ قابل ذکر بات یہ ہے کہ نہ صرف مقامی لوگ بلکہ ممبئی کے مختلف حصوں اور دور دراز کے شہروں سے بھی بڑی تعداد میں لوگ خریداری کے لیے مارٹ میں آئے۔ صارفین کے زبردست ردعمل کو دیکھتے ہوئے عوام نے خصوصی طور پر درخواست کی ہے کہ اس ایونٹ کو مستقل کیا جائے۔

اس خصوصی موقع پر بی ایم سی خواتین اور بچوں کی بہبود کمیٹی کی چیئرپرسن مینل تردے نے بھی بطور مہمان خصوصی شرکت کی۔ نمائش کا معائنہ کرنے کے بعد انہوں نے اس منفرد اقدام کی بھرپور تعریف کی اور سٹالز لگانے والی خواتین سے بات چیت کی اور ان کی حوصلہ افزائی کی۔

اس تاریخی اور کامیاب تقریب کے لیے سماج وادی پارٹی، اے اے اے فاؤنڈیشن، ریان شیخ اعظمی، اور گوونڈی کے تمام باشندوں کو مبارکباد اور نیک خواہشات۔ علاقے کے لوگوں کا خیال ہے کہ ایم ایل اے ابو عاصم اعظمی کی رہنمائی میں شروع کیا گیا یہ اقدام گوونڈی کی سماجی اور اقتصادی ترقی میں سنگ میل ثابت ہوگا۔

ممبئی :حضرت معین الدین اشرف المعروف معین میاں نے قومی صدر آل انڈیا سنی جمعیت العلماء سجادگان کچھوچہ مقدّسہ یوپی کی قربانی پر خصوصی رہنمایانہ اصول و ضوابط جاری کئے ہیں اور مسلمانوں سے اپیل کی ہے کہ وہ عید الاضحی پر کسی کی دل آزاری نہ کرے ساتھ ہی قربانی کا ویڈیو نہ بنائیں۔

عیدالاضحی کے پیش نظر حضرت معین میاں نے امت مسلمہ سے قربانی کے دوران ضروری ہدایات پر عمل کرنے کی اپیل کی ہے۔ اس لیے قربانی کرتے وقت شرعی تقاضوں، صفائی اور بھائی چارگی کا خاص خیال رکھنا چاہیے۔ حضرت معین میاں نے فرمایا کہ قربانی کا جانور فربہ اور شریعت کے مطابق ہونا چاہیے۔ بیمار، کمزور یا عیب دار جانوروں کی قربانی سے گریز کیا جائے۔ انہوں نے کہا کہ قربانی کا مقصد دکھاوا نہیں بلکہ اللہ کی رضا کا حصول ہونا چاہیے۔ انہوں نے عوام سے اپیل کرتے ہوئے کہا کہ وہ اپنی نیت صاف رکھیں اور غریبوں، ناداروں، رشتہ داروں اور پڑوسیوں کا خاص خیال رکھیں کیونکہ اسلام میں پاکیزگی نصف ایمان ہے اور یہی اس کا اہم جز بھی ہے, قربانی کا گوشت ضرورت مندوں میں تقسیم کرنا احسان عظیم ہے, جس سے اخوت، محبت اور انسانیت کو تقویت ملتی ہے۔ حضرت معین میاں نے صفائی ستھرائی اور امن و امان برقرار رکھنے پر بھی زور دیا۔

ممبئی : ممبئی عید الاضحی کے پیش نظر تھانہ میں ہائی الرٹ جاری کیا گیا ہے اگر کوئی بھی شرپسند عناصر عید الاضحی کے دوران شرپسندی کرتا ہے تو اس پر سخت کارروائی ہوگی۔ یہ انتباہ تھانہ کے پولیس کمشنر آشوتوش ڈومبرے نے ایک خاص ملاقات میں دیا ہے انہوں نے کہا کہ ہے کہ گئو کشی ممنوعہ ہے اگر کوئی قانون شکنی کرتا ہے یا ماحول خراب کرنے کی کوشش کرتا ہے تو اس پر بھی کارروائی ہوگی, جبکہ شاہراہوں اور چیک ناکوں پر خصوصی نگرانی رکھی جارہی ہے۔ انہوں نے کہا کہ عید الاضحی ایثار و قربانی کا درس دیتا ہے اور یہ سنت ابراہیمی بھی ہے فریضہ قربانی کی ادائیگی کے دوران سوشل میڈیا پر اس کی تصاویر اور ویڈیو وائرل نہ کی جائے اس کے ساتھ ہی قربانی کے بعد گوشت کی تقسیم کے دوران گوشت کو اچھی طرح سے ڈھانپ کر لیجایا جائے, سہ روزہ قربانی کے دوران خون آلود کپڑوں میں گشت کرنے سے گریز کریں۔ اس کے ساتھ ہی چاقو اور ہتھیار کی نمائش نہ کی جائے, قربانی کے دوران صاف صفائی کا خاص خیال رکھا جائے۔ انہوں نے مسلمانوں سے اپیل کی ہے کہ وہ ایسے عمل سے گریز کریں جس سے کسی کی دل آزاری ہوتی ہو, کیونکہ قربانی ہمیں اپنی سب سے قیمتی چیز قربان کرنا کا درس دیتی ہے۔

آشوتوش ڈومبرے نے کہا کہ تھانہ، ممبرا، بھیونڈی، الہاس نگر، رابوڑی سمیت دیگر مقامات پر خصوصی انتظامات کئے گئے ہیں۔ اس کے علاوہ جانوروں کی منڈی پر بھی پولیس کی خاص نظر ہے۔ اعلی افسران کو سوشل میڈیا پر مونیٹرنگ نگرانی رکھنے کی بھی ہدایت جاری کی گئی ہے۔ آشوتوش ڈومبرے نے کہا ہے کہ اگر کوئی بھی ماحول خراب کرنے کی کوشش کرتا ہے یا مذہبی منافرت پھیلانے میں ملوث پایا جاتا ہے اس پر سخت کارروائی ہوگی۔ انہوں نے کہا کہ تھانہ کمشنریٹ میں بھائی چارگی اور یکجہتی کے ساتھ تہوار منائے جاتے ہیں ایسے میں شرپسندوں پر بھی نگرانی رکھی جارہی ہے۔ ماضی میں قربانی کے دوران جن علاقوں میں چھوٹی موٹی گڑ بڑی یا واردات ہوئی ہے اس پر بھی پولیس نظر رکھ رہی ہے۔ تھانہ کمشنر نے یہ واضح کر دیا ہے کہ جن سوسائیٹیوں میں قربانی کی اجازت میونسپل انتظامیہ نے فراہم کی ہے وہاں قربانی کے دوران ضروری اقدامات کئے گئے ہیں۔ اس کے ساتھ ہی اگر قربانی کے اجازت نامہ کے بعد بھی شرپسند عناصر گڑ بڑی پیدا کرنے کی کوشش کرتے ہیں تو اس پر کارروائی ہوگی انہوں نے کہا کہ قربانی سے قبل سوسائیٹیوں میں قربانی کی اجازت لازمی ہے اس کے ساتھ ہی بلا وجہ اگر کوئی افواہ پھیلا کر ماحول خراب کرنے کی کوشش کرتا ہے تو اس پر بھی قانونی کارروائی ہوگی اس کے ساتھ ہی سوسائیٹیوں میں قربانی کے نظم کے دوران عارضی سلاٹر پر بھی پولیس کا بندوبست ہوگا۔ پولیس کمشنر نے اپیل کی ہے کہ عارضی سلاٹر میں صاف صفائی کا خاص خیال رکھنے ساتھ قربانی کے دوران شیامیانہ تیار کر کے اس بات کو یقینی بنائیں کہ کھلے میں قربانی نہ کی جائے جن مقامات پر قربانی کی اجازت ہے, وہیں قربانی ہو جن سوسائیٹیوں میں تنازعات جاری ہے یہاں پر بھی پولیس کی نگرانی رہے گی۔ اس کے ساتھ ہی سوسائٹیوں میں عارضی قربانی کی اجازت دی جاتی ہے, ایسی صورتحال میں اگر کوئی بلا وجہ حالات خراب کرنے کی کوشش کرتا ہے تو اس پر پولیس کارروائی کرے گی۔