Connect with us
Sunday,31-August-2025
تازہ خبریں

(جنرل (عام

مالیگاؤں میں ۱۲ ربیع الاوّل کے موقع پر جیل بھرو تحریک کا اعلان

Published

on

( خیال اثر )
رات دن اٹھتے بیٹھتے اور سوتے جاگتے ترقی ترقی کا نعرہ لگانے والا اور شہر کو چونا لگانے والا بر سر اقتدار گروپ عوام کو بنیادی سہولیات کب فراہم کرے گا؟ عوام گندگی اور خراب روڈ و راستوں سے پریشان ہے شہر کو سنگاپور بنانے کا وعدہ کرنے والی اولین خاتون میئر کی بے حسی اور نا اہلی کب ختم ہوگی؟ شہر کی اہم اور مصروف ترین مشرقی اقبال روڈ اپنی خستہ حالی کی وجہ سے عوام میں موضوع بحث بنی ہوئی ہے-
ترقی کے نام پر لوٹ مار کرنے والوں نے کتنی ہی دفعہ مشرقی اقبال روڈ کے نام پر بل نکال کر مالی فائدہ حاصل کیا مگر آج بھی مشرقی اقبال روڈ اپنی خستہ حالی کا ماتم کر رہی ہے اور ہر وقت ترقی کا ڈھنڈورا پیٹنے والوں کو آئینہ بتا رہی ہے. مشرقی اقبال روڈ کی خستہ حالی کی وجہ سے جنازہ لے کر چلنے والوں کو اپنی جان کی حفاظت کرنی پڑتی ہے معصوم بچوں کو اسکول جانے میں حد درجہ تکالیف کا سامنا کرنا پڑتا ہے کئی بچے حادثات کا شکار ہوئے اور شہر کے ہر فرد کو چاہیے وہ ایک نمبر شہری ہو دو نمبر شہری ہو یا آخری نمبر شہری ہو سب کے سب اسی روڈ سے گزرتے ہیں. ان کے رشتہ داروں کا بھی انتقال ہوتا ہے وہ بھی اسی قبرستان میں دفن کرتے ہیں ان تمام چھوٹے بڑے لیڈروں کو اسی روڈ سے گزرنا پڑتا ہے پر افسوس کسی کو اس روڈ کی درستی کے لئے کوئی علم نہیں ہوتا انہیں تمام باتوں کے مثبت حل کے لئے
مالیگاؤں عوامی پارٹی کے رضوان بھائی بیٹری والا نے آج صبح گیارہ بجے شہر اے ایس پی کھانڈوی کے ساتھ میٹنگ کی اس میٹنگ میں مشرقی اقبال روڈ کے ناجائز تجاوزات ہٹانے کے معاملے میں اور روڈ کی تعمیر میں کافی دیر تک نوک جھونک اور گفتگو کی اسی مسئلے کو لے کر رضوان بھائی اپنے ساتھیوں کے ہمراہ کارپوریشن پہنچتے ہوئے کمشنر دیپک کاسار کو ایک تحریری مکتوب دیا اس شکایتی مکتوب میں لکھا تھا کہ اگر شہر کے کچھ حساس علاقوں سے ناجائز تجاوزات نہیں ہٹائے گئے تو مالیگاؤں عوامی پارٹی ١٢ ربیع الاوّل کے دن جیل بھرو تحریک شروع کرے گی. اگر اس بیچ کسی طرح کی انہونی پیش آتی ہے تو اس کی ذمہ داری پولس ڈپارٹمنٹ اور مالیگاؤں میونسپل کارپوریشن محکمہ کی ہوگی. رضوان بیٹری والا کی تفصیلی گفتگو اور مطالبات پر کمشنر نے جلد عمل آوری کا تیقن دیا. اس موقع پر، چھوٹا عتیق، عابد خان، حفیظ ناولٹی، اسحاق ایم بی اے، ماجد صابر، جواد عتیق کمال، محی الدین آن لائن، مدثر اسلامیہ، عمران ماما، رئیس لنگڑا، سلمان بھانجا، ریحان، ہینڈسم، عابد رکشا، وکیل بسی والا، شفیق اقبال(متھن)، نوجوانان مسلم نگرA، مسلم نگر B، کشمیر نگر، شفیع آباد، اجتماع نگرعبداللہ نگر، مولوی عثمان پورہ، نیا پورہ اور سروے نمبر 156 کے سینکڑوں نوجوانان موجود تھے-

جرم

مالونی میں ۷۲ لاکھ کا گانجہ اور پستول سمیت پانچ گرفتار

Published

on

Crime

ممبئی میں مالونی پولس نے ۷۲ لاکھ کا گانجہ اور ایک دیسی پستول و کارآمد کارتوس سمیت پانچ ملزمین کو گرفتار کرنے کا دعویٰ کیا ہے مالونی میں پولس نے عاشق حسین خان کو ۱ کلو ۶۰ گرام گانجہ منشیات کے ساتھ گرفتار کیا تھا. اس نے بتایا کہ وہ یہ منشیات ناسک سے خریدا کرتا ہے اس کے بعد ناسک کے سنتوش مورے کو گرفتار کیا گیا. اس کے بعد اس معاملہ میں کل چار ملزمین کو گرفتار کیا گیا اور ان کے خلاف این ڈی پی ایس ایکٹ کے تحت کیس درج کیا گیا. مالونی مڈھ میں ایک کار کی تلاشی لی گی جس میں ایک دیسی پستول اور گانجہ برآمد کیا گیا. یہ کارروائی ممبئی پولس کمشنر دیوین بھارتی کی ایما پر ڈی سی پی سندیپ جادھو نے انجام دی ہے۔ پولس اس معاملہ میں مزید تفتیش کر رہی ہے۔

Continue Reading

جرم

ممبئی شہری ٹریڈنگ میں سرمایہ کاری کی آڑ میں دھوکہ دہی گروہ بے نقاب

Published

on

Cyber-...3

ممبئی شئیر ٹریڈنگ میں سرمایہ کاری کے نام پر دھوکہ دہی کرنے والے گروہ کے خلاف سائبر سیل نے کریک ڈاؤن کر کے اس گروہ کو بے نقاب کرنے کا دعویٰ کیا ہے. شکایت کنندہ نے ۸ جون سے ۲۴ جولائی تک ادھاری شرما کے فون کال پر وہاٹس اپ پر سرمایہ کاری کے لئے رضا مندی ظاہر کی اور پھر گولڈن بریج انویسمنٹ کمپنی میں ٹریڈنگ کی اور اس میں شکایت کنندہ کو بتایا گیا کہ اسے اس میں نفع ہوا ہے اور اس نے متعدد اکاؤنٹ میں ١٣، ٤٠، ٠٠٠ سرمایہ کاری کی تھی. اس معاملہ میں پولس نے کیس درج کرلیا اس کی تفتیش شروع کی گئی اور سائبر سیل نے مسجد بندر میں ایک دفتر پر چھاپہ مار کر بینک اکاؤنٹس کی ۱۳ کٹ، دو لیپ ٹاپ، ۶ موبائل فون ۸ سم کارڈ، کریڈیٹ کارڈ، ڈیبٹ کارڈ اور فرضی اکاؤنٹ کھولنے کے لیے استعمال ہونے والے دستاویزات بھی برآمد ہوئے اس کے ساتھ پین کارڈ آدھار کارڈ اور دیگر دستاویزات بھی برآمد ہوا۔ گلوبل ایکسپیریس، پرائم ٹریڈنگ، پرائم کلئیر کارگو سلوشن، کیڈی ٹریڈ رس کے نام سے ملزمین نے لوگوں سے ٹریڈنگ کے نام پر دھوکہ دہی کی ہے. اس معاملہ میں پولس نے ملزمین محمد جاوید انصاری ۲۷سالہ ایجنٹ کھڑک ممبئی، ریحان محفوظ عالم ۱۹ سالہ جے جے، محمد عرفات بابو شیخ ۲۰ سالہ اور آصف خان گوونڈی کو گرفتار کر لیا ہے. یہ کارروائی ممبئی پولس کمشنر دیوین بھارتی کی ایما پر ڈی سی پی پرشوتم کراڈ نے انجام دی ہے. پولس اس معاملہ میں مزید تفتیش کررہی ہے۔

Continue Reading

ممبئی پریس خصوصی خبر

ممبئی طلبا کے تعلیمی وظیفہ کی درخواست کی تاریخ میں یکم ستمبر تک توسیع ہو : ابوعاصم اعظمی

Published

on

Abu-Asim-&-Fadnavis

مہاراشٹر سماج وادی پارٹی لیڈر اور رکن اسمبلی ابوعاصم اعظمی نے ریاستی وزیر اعلی دیویندر فڑنویس اور وزیر اقلیتی امور کو مکتوب ارسال کر کے اقلیتی محکمہ اور وزارت اقلیت کے معرفت بیرون ملک اعلیٰ تعلیم کی حصولیابی کے لیے طلبا کو تعلیمی وظیفہ ۲۰۲۵۔۲۶ کے لئے عرضی کی تاریخ میں توسیع کا مطالبہ کیا ہے اس کی آخری تاریخ ۲۸ اگست ۲۰۲۵ تک ہے اس کی توسیع یکم ستمبر تک کرنے کا مطالبہ اعظمی نے کیا ہے انہوں نے بتایا کہ مہاراشٹر میں گنپتی اتسو اور دیگر تہوار کے پیش نظر سہ روزہ چھٹی ہے اس لئے طلبا کو درخواست کی ارسال میں دشواری ہو گی اس لیے طلبا کی سہولت کے پیش نظر عرضی داخل کرنے کی تاریخ میں یکم ستمبر تک توسیع کی جائے اس پر سرکار کوئی مثبت فیصلہ کرے ۔

Continue Reading
Advertisement

رجحان

WP2Social Auto Publish Powered By : XYZScripts.com