Connect with us
Tuesday,20-May-2025
تازہ خبریں

ممبئی پریس خصوصی خبر

سنجے نروپم کے خلاف ابوعاصم اعظمی کی کارروائی کا مطالبہ شاہین باغ بننے پر جلیان والا باغ بنانے کی سنجے نروپم نے دی تھی دھمکی

Published

on

ممبئی مہاراشٹر سماجوادی پارٹی رہنما و رکن اسمبلی ابوعاصم اعظمی نے شیوسینا شندے گروپ کے رکن سنجے نروپم کے خلاف سرکار سے کارروائی کا مطالبہ کیا ہے انہوں نے کہا کہ سنجے نروپم کو ہر جگہ مسلم دشمنی نظرآتی ہے مسلم بلڈراگر ہاؤسنگ سوسائٹی اور بلڈنگ تعمیر کرے۔ تو ہاؤسنگ جہاد اسی طرح سے وقف بورڈ کی املاک کی تحفظات کے لیے مسلم پرسنل لا بورڈ کا شاہین باغ بنانے کے اعلان پر سنجے نروپم کی اشتعال انگیزی وہ کہتے ہیں کہ اگر شاہین باغ بنے تو جلیان والا باغ بنایا جائے گا اعظمی نے کہاکہ جلیان والا باغ میں قربانی کے بعد ہی ملک کو آزادی نصیب ہوئی تھی یہ بات سنجے نروپم کو نہیں بھولنا چاہئے انہوں نے کہا کہ اب ملہار سرٹیفیکٹ کا شوشہ چھوڑا گیا ہے جبکہ مٹن اور گوشت مسلمانوں سے خریدا جاتا ہے مسلمانوں کو مالی طور پر تباہ اور برباد و معاشی طور پر کمزور کرنے کے لئے اس قسم کی سند جاری کی جارہی ہے اتنی دشمنی کہاں سے لاتے ہیں انہوں نے کہا کہ وقف کی حفاظت ہمارا فرض ہے اور احتجاج ہمارا دستوری حق ہے وقف اور خدا کی ملکیت کو بچانے کے لئے ہم احتجاج کریں گے اس سے ہم دستبردار نہیں ہو سکتے یہ ہمارا فریضہ ہے۔

جرم

دہیسرخونی تصادم میں تین کی موت اور دو گرفتار

Published

on

Murder

ممبئی : ممبئی کے دہیسر ایم ایس پی گنپت پاٹل نگر میں خونی تصادم کے سبب تین افراد کی موت واقع ہوگئی۔ پرانی رنجش کے سبب گپتا اور شیخ کنبہ میں گزشتہ شب خونی تصادم ہوا, جس میں 4 افراد شدید طور سے زخمی ہوگئے اور تین کی موت واقع ہوگئی۔ اس معاملہ میں پولیس نے دو افراد کو قتل کے الزام میں گرفتار کرنے کا دعوی کیا ہے۔ گزشتہ روز شام ساڑھے چار بجے شیخ کنبہ کے گپتا کنبہ کے ناریل اسٹال پر ان پر تیز دھار دار چاقو سے حملہ کر دیا اس حملہ کے سبب رام نول گپتا بزرگ اور اروند گپتا کی زخموں کی تاب نہ لا کر جائے وقوع پر ہی موقع ہوگئی اس خونی واردات سے علاقہ میں سنسنی پھیل گئی, جبکہ شیخ کنبہ کے ہارون شیخ کی بھی موت واقع ہوگئی اس تصادم کے بعد دونوں کنبہ کے خلاف کراس قتل کا کیس درج کر لیا گیا ہے۔ اس معاملہ میں دونوں کنبہ کے دو افراد بھی زخمی ہوگئے اس معاملہ میں شیخ کنبہ کے ایک نابالغ کو گرفتار کیا گیا ہے اور اسے چائلڈرن ہوم میں پیش کیا گیا ہے۔

ڈی سی پی آنند بھوئیٹے نے بتایا کہ یہ معاملہ پرانی رنجش کا تھا اور 2022 ء میں دونوں کنبہ میں تصادم بھی ہوا تھا اور اس معاملہ میں بھی مقدمہ درج ہے۔ انہوں نے بتایا کہ اس معاملہ میں کل تین افراد کی موت واقع ہوگئی ہے۔ اس معاملہ میں پولیس نے کیس درج کر لیا ہے اور مزید تفتیش جاری ہے, انہوں نے کہا کہ قتل کے بعد علاقہ میں نظم ونسق کی برقراری کے لئے اضافی بندوبست تعینات کیا گیا ہے انہوں نے کہا کہ گپتا کنبہ کے ایک فرد کو بھی گرفتار کیا گیا ہے۔ پولیس اس معاملہ کی تفتیش کر رہی ہے۔ ڈی سی پی نے بتایا کہ شیخ کنبہ کے ایک فرد کو 2022 ء میں تڑی پار بھی کیا گیا تھا۔ اس قتل کو ہندو مسلم رنگ دینے کی فرقہ پرست عناصر نے سوشل میڈیا پر کوشش شروع کر دی تھی۔ لیکن پولیس نے تفتیش میں یہ واضح کر دیا ہے کہ یہ پرانی رنجش کا شاخسانہ ہے اور اس میں ذاتی بھید بھاؤ نہیں تھا۔ ڈی سی پی نے بتایا کہ اس قتل کے بعد علاقہ میں کشیدگی ضرور ہے, لیکن امن وامان برقرار ہے اور پولیس نے گشت بھی بڑھا دیا ہے, اس کے علاوہ بندوبست بھی تعینات کیا گیا ہے۔

Continue Reading

جرم

کرلا وی بی نگر اقدام قتل کے مطلوب ملزمین تھانہ جنگل سے گرفتار

Published

on

Arrest

ممبئی کرلا ونوبا بھاوے نگر پولیس اسٹیشن نے دو جرائم پیشہ غنڈوں کو ممبئی سے متصلہ تھانہ کے جنگل سے گرفتار کرنے کا دعوی کیا ہے۔ 13 مئی رات ساڑھے 11 بجے شکایت کنندہ رکشہ والے کو پیسہ دے کر اپنے گھر کی جانب آرہا تھا, کہ جرائم پیشہ غنڈہ دتہ منگیش پاٹل عرف شیرو، مہیش کرشنا مہارانہ عرف پانڈا نے راستہ پر شکایت کنندہ کے ساتھ دھکا دے کر گالی گلوج شروع کردی, جب اس کا بہنوئی اور والد نے تنازع ختم کرنے کی کوشش کی تو شیرو نے بہنوئی پر چاپڑ سے وار کر دیا اور پانڈا نے شکایت کنندہ کے والد پر قاتلانہ حملہ کر کے قتل کی کوشش کی, اس معاملہ میں پولیس نے اقدام قتل سمیت دیگر دفعات کے تحت مقدمہ درج کرلیا۔

اس معاملہ میں زون 5 کے ڈی سی پی گنیش گاوڑے کی ہدایت پر دو ٹیمیں تشکیل دی گئی اور دونوں مفرور ملزمین کی تلاش شروع کر دی گئی۔ ٹیم کو اطلاع ملی کہ دونوں ملزمین تھانہ کے جنگل میں ہے, یہاں پولیس نے ملزم دتہ منگیش پاٹل عرف شیرو 30 سالہ اور منیش سناتن ساہو عرف چنٹو 24 سالہ کو گرفتار کر لیا, ان ملزمین کے خلاف کئی مقدمات بھی درج ہے۔ یہ کارروائی ممبئی پولیس کمشنر دیوین بھارتی، جوائنٹ پولیس کمشنر ستیہ نارائن چودھری اور ڈی سی پی گنیش گاوڑے کی سر براہی میں انجام دی گئی۔ سنیئر انسپکٹر رویندر سر ساگر نے بتایا کہ ملزمین کے خلاف کئی مقدمات درج ہے۔ پولیس نے مفرور ملزمین کی تلاش کے بعد اسے گرفتار کیا ہے, ان دونوں ملزمین نے علاقہ میں دہشت پیدا کرنے کی بھی کوشش کی تھی۔

Continue Reading

ممبئی پریس خصوصی خبر

ناگپور فساد کے بعد مسلم طلباء کو دیانند آریہ کنیا ودیالیہ میں داخلہ دینے سے انکار، ناگپور اسکول کے خلاف سخت کارروائی کا مطالبہ : رئیس شیخ

Published

on

Rais-Shaikh

ممبئی : ناگپور کے دیانند آریہ کنیا ودیالیہ کی جانب سے مذہبی بنیادوں پر مسلم طلباء کو داخلہ دینے سے انکار کے بعد، بھیونڈی ایسٹ سے سماج وادی پارٹی کے ایم ایل اے رئیس شیخ نے وزیر اعلی دیویندر فڑنویس سے اسکول کے خلاف سخت کارروائی کرنے کا مطالبہ کیا ہے۔ ایم ایل اے رئیس شیخ نے یہ بھی زور دیا کہ ریاست کے تمام اسکولوں کو متنبہ کیا جائے کہ وہ مذہب کی بنیاد پر طلباء کے ساتھ امتیازی سلوک نہ کرے۔ ‎اس معاملے پر بات کرتے ہوئے ایم ایل اے رئیس شیخ نے کہا کہ ناگپور میں دیانند آریہ کنیا ودیالیہ ایک اقلیتی گروپ چلاتا ہے۔ ایم ایل اے رئیس شیخ نے کہا کہ حال ہی میں ناگپور میں ایک مذہبی فرقہ وارانہ تشدد برپا ہوا تھا۔ اس کے بعد اس اسکول نے مسلم طلبہ کو داخلہ نہ دینے کی پالیسی اپنائی۔ اسکول سکریٹری نے اساتذہ کو ایسا زبانی حکم جاری کیا, جس کے نتیجے میں سیٹوں کی دستیابی کے باوجود مسلم طلبہ کی داخلہ درخواستوں کو زیر التوا رکھنے کا حیرت زدہ کر دینے والا واقعہ سامنے آیا ہے۔

ایم ایل اے رئیس شیخ نے مزید بتایا کہ متعلقہ والدین نے جریپٹکا پولیس اسٹیشن اور ریاستی اقلیتی کمیشن میں شکایت درج کرائی ہے۔ اسکول سکریٹری راجیش لالوانی اور ٹیچر سمرن گیان چندانی کے خلاف بھارتیہ نیا سنہتا کی دفعہ 299 کے تحت مذہبی جذبات کو ٹھیس پہنچانے کا مقدمہ درج کیا گیا ہے۔ یہ ایک سنگین واقعہ ہے، اور اسکول انتظامیہ کے خلاف سخت کارروائی کی جانی چاہیے۔ ریاست بھر کے تمام اسکولوں کو سخت وارننگ دی جانی چاہیے تاکہ یہ یقینی بنایا جا سکے کہ اس طرح کے واقعات کہیں اور رونما نہ ہوں۔ ‎ایم ایل اے رئیس شیخ نے اس بات پر بھی زور دیا کہ جموں و کشمیر میں پہلگام دہشت گردانہ حملے کے بعد مختلف مذاہب کے تمام ہندوستانی شہریوں نے اتحاد اور یکجہتی کا مظاہرہ کیا۔ جب کہ ملک میں مذہبی ہم آہنگی اور اتحاد کا ماحول ہے، ناگپور میں مسلم طلباء کے ساتھ ہونے والا واقعہ قابل مذمت ہے۔ اسکولی تعلیم اور اقلیتی محکمہ کو اس معاملے میں سخت کارروائی کرنی چاہئے۔

Continue Reading
Advertisement

رجحان

WP2Social Auto Publish Powered By : XYZScripts.com