بھیونڈی(نامہ نگار)

بھیونڈی جیسے صنعتی شہر کے وارڈ نمبر 4 میں بنیادی عوامی سہولیات کے فقدان کو لے کر ہا ہا کار مچی ہوئی ہے. اس علاقے سے منتخب کردہ سماج وادی پارٹی کے رکن اسمبلی رئیس شیخ کی نااہلی کو لے کر وارڈ نمبر 4 کے ساکنین میں ناراضگی اور مخالفت پھیلی ہوئی ہے. یہاں کے لوگوں کا کہنا ہے کہ رئیس شیخ نے ہمیں بنیادی سہولیات سے محروم رکھتے ہوئے اپنے اختیارات سے اجتنااب برتا ہے. صاف صفائی کا فقدان,غلاظت اور کوڑا کرکٹ کا بیماری و تعفن پھیلاتا ہوا ڈھیر ابلتی ہوئی گٹریں جیسے سنگین مسائل سے ہم شب و روز نبرد آزما ہیں.گزشتہ دنوں ایک نجی نیوز چینل کے نمائندے نے وارڈ نمبر4 کا سنسنی خیز دورہ کرتے ہوئے اس سچائی سے پردہ اٹھایا کہ چاروں جانب بیماریاں پھیلاتا ہوا کچروں کا ڈھیر ماحول کو تعفن خیز بنائے ہوئے تھا. یہاں کے ساکنین کی شکایت کا ازالہ کرتے ہوئے شیو سینا کے کارپورٹیر ارون راؤت نے در پیش سارے مسائل بحسن خوبی حل کروائے تھے لیکن ہر بار کی طرح عوامی تکالیف کے ازالے کا کریڈٹ سماج وادی پارٹی رکن اسمبلی رئیس شیخ لے رہے ہیں جو انتہائی غلط اقدام ہے. وارڈ نمبر 4 کی بیشتر خواتین نے ممبئی پریس کو انٹریو دیتے ہوئے کہا کہ وارڈ کے مسائل حل کرنا کارپوریٹر کی ذمہ داری ہے نہ کہ ایم ایل اے کی.

رئیس شیخ نےرکن اسمبلی بننے کے بعد سے ہماری کسی بھی شکایت پر کان نہیں دھرا . ہمارے اپنے وارڈ کے عوامی نمائندے ارون راؤت(شیو سینا) کے مکان کے دروازے ہمارے لئے ہمیشہ کھلے رہتے ہیں اور وہ بھی ہماری ہر شکایت پر ہمیں درکار تکالیف کا مداوا کرنے کے لئے فورأ سے پیشتر حاضر ہو جاتے ہیں. بھیونڈی کے وارڈ نمبر 4 کا بچہ بچہ رئیس شیخ کو پہچاننے سے انکار کرتے ہوئے کہتا ہے کہ ہم کسی رئیس شیخ کو نہیں جانتے .یہاں کی خواتین نے بتایا کہ ارون راؤت علاقے میں جو بھی کام کرتے ہیں وہ ہماری فلاح و بہبود کے لئے ہوتا ہے لیکن کام ہو جانے کے بعد ایم ایل اے رئیس شیخ اپنے ساتھ ہمنواؤں کا جم غفیر لئے آن موجود ہوتے ہیں نیز اس موقع کی تصویر کشی کرتے ہوئے اس کی خوب تشہیر بھی کرتے ہیں. رئیس شیخ کی نااہلی کے خلاف ہر عمر کے افراد خواتین اور بچے بھی اپنی ناراضگی کا اظہار کرتے ہوئے انھیں ایک ناکام اور نااہل ایم ایل اے قرار دیا ہے. ایک بزرگ خاتون نے اپنی شدید ناراضگی کا اظہار کرتے ہوئے رئیس شیخ کو انتباہ دیتے ہوئے کہا کہ رئیس کو ہم نہیں پہچانتے اور نہ ہی کبھی انھیں اپنی شکایت کو دور کرنے کے لئے متوجہ کرتے ہیں.

آج رئیس شیخ دوسروں کے کاموں کا اعزاز خود لینے کی کوشش کررہے ہیں جو کہ ایک غیر اخلاقی فعل ہے مذکورہ خاتون نے رئیس شیخ کے متعلق کہا کہ اگر انھیں تصویر کشی کا اتنا ہی شوق ہے تو وہ رکن اسمبلی کا کردار نبھائیں نا کہ کارپوریشن کے منتخب کردہ عوامی نمائندے کے ذریعے انجام دیئے گیے کاموں کا کریڈیٹ لینے کی ذلیل حرکت کریں. ایک خاتون خانہ نے سرگوشیوں میں یہ تک کہہ دیا کہ رام منوہر لوہیا کے اصولوں پر گامزن سماج واد کا نعرہ لگا کر کامیابی حاصل کرنے والے رئیس شیخ کی ذلیل حرکتیں خود ان کے لئے تذلیل کا باعث بنتی جارہی ہیں.ورنہ ہو سکتا ہے کل ریاستی صدر ابو عاصم اعظمی خود آگے بڑھ کر رئیس شیخ کو سماج وادی پارٹی سے باہر نکال پھینکیں. سماج وادی پارٹی کے لئے بدنامی کا باعث بنے والے رئیس شیخ اقلیتوں کے نمائندہ ہیں تو وہ اقلیتوں کی ہی فلاح و بہبود کے کام انجام دیں. اپنے رائے دہندگان کی صحت عامہ کا خیال رکھیں. ان کے درپیش مسائل کو اس خوبی سے حل کرنے کی کوشش کریں کہ کہیں سے کوئی ہلکی سی شکایتی آواز نہ ابھرے.مہاراشٹر بھر میں گنے چنے اراکین اسمبلی ہیں اور جب جب ان کے خلاف کسی اخبار یا شوشل میڈیا پر کوئی شکایت گونجتی ہے تو یہ مسلم اراکین اسمبلی کو شرمسار کرتے ہوئے امت مسلمہ کے لئے بھی رسوائی کا سبب بنتی ہیں. اس لئے رئیس شیخ جھوٹی تشہیر کے حصار سے باہر نکلیں اور اپنی نمائندگی کا حق ادا کرتے ہوئے حقیقی اعزاز کا مستحق بن جائیں ورنہ آج تمہارے علاقے کی خواتین نے جو کہا ہے کہ “کون رئیس شیخ ہم کسی رئیس شیخ کو نہیں جانتے “ہمارے لئے ہمارے وارڈ کا ارون راؤت ہی کافی ہے اور یہی جملہ کل منترالیہ کے در و دیوار بھی دہرائیں کہ کون رئیس شیخ ہم کسی رئیس شیخ کو نہیں جانتے. ہمارے لئے ارون راؤت ہی بہتر اور فعال ہے. ہم اسے ہی پہنچانتے ہیں.