ممبئی : مہاراشٹر میں ہندی بمقابلہ مراٹھی زبان کی بحث کو حل کرنے کے لیے بنائی گئی سہ لسانی کمیٹی، دونوں ٹھاکرے برادران ( ادھو ٹھاکرے اور راج ٹھاکرے) اور عام لوگوں سے رائے حاصل کرے گی۔ پرائمری اسکولوں میں ہندی کو تیسری زبان کے طور پر شامل کیا جانا چاہیے یا نہیں اس پر بحث کرنے کے لیے بنائی گئی کمیٹی کی پہلی میٹنگ بدھ کو وزارت میں ہوئی۔ کمیٹی نے عام لوگوں اور ادھو ٹھاکرے اور راج ٹھاکرے دونوں سے رائے لینے کا فیصلہ کیا۔ کمیٹی نے اس مقصد کے لیے ایک سوالنامہ بھی تیار کیا ہے۔ کمیٹی ایک علیحدہ ویب سائٹ بھی تیار کرے گی تاکہ لوگ وہاں اپنے خیالات کا اظہار کرسکیں۔ آخر میں، کمیٹی ایک رپورٹ تیار کر کے 5 دسمبر تک حکومت کو پیش کرے گی۔ اس کے بعد حکومت مناسب فیصلہ کرے گی۔ یہ کمیٹی وزیر اعلی دیویندر فڑنویس کی قیادت والی مہایوتی حکومت نے تشکیل دی تھی۔

قابل ذکر ہے کہ مہاراشٹر میں قومی تعلیمی پالیسی 2020 کو نافذ کرنے کے لیے ڈاکٹر رگھوناتھ ماشیلکر کی سربراہی میں ایک کمیٹی تشکیل دی گئی تھی۔ اپنی رپورٹ میں، کمیٹی نے گریڈ 1 سے مراٹھی، انگریزی اور ہندی کو متعارف کرانے کی سفارش کی۔ اس تجویز کی بنیاد پر، مہاراشٹر حکومت نے ریاست میں تین زبانوں کے فارمولے کو لاگو کیا، جس میں گریڈ 1 سے مراٹھی، انگریزی اور ہندی کو لازمی قرار دیا گیا۔ اس پر عمل درآمد کے لیے حکومت نے ایک سرکاری حکم نامہ جاری کیا، جس کی ٹھاکرے برادران اور کانگریس نے مخالفت کی۔ احتجاج کے باعث حکومت نے جی آر واپس لے لیا۔ حالیہ مانسون اجلاس کے موقع پر، وزیر اعلی دیویندر فڑنویس نے تین زبانوں کی پالیسی کو حتمی شکل دینے کے لیے ڈاکٹر نریندر جادھو کی سربراہی میں ایک کمیٹی تشکیل دی۔ کمیٹی 5 دسمبر تک اپنی رپورٹ پیش کرے گی۔

سہ لسانی کمیٹی کی پہلی میٹنگ بدھ کو وزارت میں ہوئی۔ میٹنگ کے بعد کمیٹی کے چیئرمین ڈاکٹر نریندر جادھو نے کہا کہ ہم نے کام کا خاکہ طے کیا ہے۔ ہم نے ایک سوالنامہ تیار کیا ہے۔ اس میں سوالات شامل ہوں گے جیسے تین زبانوں کے فارمولے کو کب نافذ کیا جانا چاہیے؟ کلاس 1، 3 یا 5 سے؟ دوسرا سوالنامہ مراٹھی زبان کے لیے کام کرنے والی تنظیموں، سیاست دانوں، کارکنوں، ادیبوں، کاروباریوں اور مفکرین کے لیے ہوگا۔ ڈاکٹر جادھو نے کہا کہ کمیٹی کے ارکان ادھو ٹھاکرے اور راج ٹھاکرے سمیت دیگر رہنماؤں سے بھی ملاقات کریں گے۔ سوالنامہ تمام کالجوں اور تنظیموں کو بھی بھیجا جائے گا۔ ہم امید کرتے ہیں کہ وہ ہمیں رائے دیں گے۔

کمیٹی تین زبانوں کے فارمولے پر رائے اکٹھی کرنے کے لیے ریاست بھر میں مختلف مقامات کا دورہ کرے گی۔ جادھو نے کہا کہ وہ اگلے 10-15 دنوں میں ان لیڈروں سے ذاتی طور پر ملاقات کریں گے تاکہ ان کے نقطہ نظر کو سمجھ سکیں۔ کمیٹی کے چیئرمین ڈاکٹر جادھو نے کہا کہ وہ اپنا کام مکمل کر کے 5 دسمبر تک حکومت کو رپورٹ پیش کر دیں گے۔ انہوں نے مزید کہا کہ وہ سفارشات کریں گے لیکن حتمی فیصلہ حکومت کا ہوگا۔ کمیٹی کے چیئرمین ڈاکٹر جادھو نے یہ بھی کہا کہ کمیٹی کے ارکان ریاست کے آٹھ بڑے شہروں کا دورہ کریں گے تاکہ رائے اور اپنی رائے حاصل کی جا سکے۔ ڈاکٹر جادھو نے بتایا کہ وہ 8 اکتوبر کو سمبھاجی نگر، 10 اکتوبر کو ناگپور، 30 اکتوبر کو کولہاپور، 31 اکتوبر کو رتناگیری، 11 نومبر کو ناسک، 13 نومبر کو پونے، 21 نومبر کو سولاپور اور آخر میں نومبر کے آخری ہفتے میں ممبئی میں ایک میٹنگ کریں گے۔ مزید برآں، کمیٹی دیگر ریاستوں میں نافذ تین زبانوں کے فارمولے کا بھی مطالعہ کرے گی۔

ممبئی : ممبئی مالیگاؤں بم دھماکہ 29 ستمبر 2008 ء کیس میں بامبے ہائیکورٹ نے بی جے پی کی سابق رکن پارلیمان سادھوی پرگیہ سنگھ ٹھاکر اور لیفٹینٹ کرنل سری کانت پرساد پروہت سمیت 7 بری ملزمین کے خلاف نوٹس جاری کی ہے۔ قومی سلامتی ایجنسی این آئی اے کو بھی نوٹس ارسال کی گئی ہے اس میں ہائیکورٹ نے اس معاملہ پر جواب طلب کیا ہے. دفاعی وکیل متین شیخ نے عدالت کو بتایا کہ وہ دو ہفتوں میں فیصلے کی نقول اور دیگر دستاویزات عدالت کے سپرد پیش کریں گے. انہوں نے بتایا کہ نچلی عدالت کی سزا اور فیصلے کو کالعدم قرار دیا جائے اس معاملہ میں ہائیکورٹ نے اب باضابطہ طور پر سزا کو چیلنج کرنے والی عرضداشت کو قبول کر کے جواب طلب کیا ہے۔

جمعیۃ العلماء کے وکیل متین شیخ اور شاہد ندیم انصاری اس معاملہ کی پیروی کر رہے ہیں. مالیگاؤں بم دھماکہ کے الزام میں این آئی اے نے 7 ملزمین کے خلاف مقدمہ چلایا تھا اس میں سادھوی پرگیہ سنگھ ٹھاکر اور دیگر کیخلاف سزا موت کا بھی مطالبہ کیا تھا. لیکن ثبوتوں کی عدم دستیابی کے سبب عدالت نے انہیں بری کر دیا تھا اس برات کو ہائیکورٹ میں چیلنج کیا گیا ہے۔ بامبے ہائیکورٹ کے چیف جسٹس چندر شیکھر اور جسٹس گوتم انکھڈے کی دو رکنی بینچ اس معاملہ میں سماعت کرے گی۔ مالیگاؤں بم دھماکہ میں ملوث سادھوی پرگیہ سنگھ ٹھاکر، سری کانت پرسادو پروہیت, رمیش اپادھیائے، سمیر کلکرنی، اجے راہیرکر، سدھاکر دیویدی اور سوامی دیانند پانڈے پر این آئی اے کی خصوصی عدالت میں مقدمہ چلایا گیا تھا. این آئی اے کی عدالت نے ملزمین کو بری کر دیا تھا, جس کو متاثرین نے چیلنج کیا ہے۔

‎ممبئی : ممبئی دادرشیواجی پارک میں مینا تائی ٹھاکرے کے مجسمہ کی بے حرمتی کے بعد ممبئی شہر میں حالات کشیدہ ہوگئے تھے پولس نے ۲۴ گھنٹے کے دوران ہی ملزم کو گرفتار کرنے کا دعوی کیا ہے اس گرفتاری کے بعد اب حالات پرامن ہوگئے ہیں, لیکن کشیدگی ہنوز برقرار ہے بتایا جاتا ہے کہ ملزم نے مجسمہ پر سرخ رنگ پھینکنے کا ارتکاب ذاتی رنجش اور جائیداد کے تنازع میں کیا ہے۔

‎پولس نے دادر میں مینا تائی ٹھاکرے کے مجسمے پر سرخ پینٹ پھینکنے کے معاملے میں اوپیندر پاوسکر کو گرفتار کیا ہے۔ پولیس ذرائع کے مطابق ملزم ٹھاکرے خاندان کے کارکن کا رشتہ دار ہے۔ ملزم نے اپنے جرم کا اعتراف کر لیا ہے اور ٹھاکرے باپ بیٹے پر جائیداد کے تنازعہ میں مداخلت کا الزام لگایا ہے۔ یہ بھی سمجھا جاتا ہے کہ ملزم نے بار بار آدتیہ ٹھاکرے اور شریدھر پاوسکر کے خلاف دادر پولیس اسٹیشن میں شکایت درج کرانے کی کوشش کی ہے۔ شریدھر پواسکر بالاصاحب ٹھاکرے کے سابق باڈی گارڈ تھے۔ تاہم ان کے اہل خانہ نے واضح کیا ہے کہ وہ اپیندر پاوسکر کو نہیں جانتے۔ پولیس معاملے کی مزید تفتیش کر رہی ہے اور میناتائی ٹھاکرے کے مجسمے کے اطراف اور علاقہ میں سیکورٹی بڑھا دی گئی ہے۔ فورنسک ٹیم نے پینٹ کے نمونے جمع کر لیے ہیں۔ اس واقعہ کے بعد پولس نے سخت حفاظتی انتظامات کرنے کا دعوی کیا ہے شیواجی پارک میں الرٹ جاری کیا گیا ہے اس کی تصدیق ڈی سی پی مہندر پنڈت نے کی ہے اور کہا ہے کہ اس معاملہ کی انکوائری جاری ہے اور ابھی کچھ بھی کہنا قبل از وقت ہوگا. اس معاملہ میں پولس پر زاویہ اور نقطہ نظر سے انکوائری کر رہی ہے اور یہ معلوم کرنے کی کوشش کر رہی ہے کہ میناتائی ٹھاکرے کے مجمسہ پر رنگ پھینکنے کا مقصد فساد برپا کرنے کی سازش تو نہیں تھی۔