Connect with us
Thursday,10-July-2025
تازہ خبریں

(جنرل (عام

مالیگاؤں :بسم اللہ باغ کے کارپوریٹروں سے بیزار عوام نے حفاظت گروپ کے ذمہ داران کو طلب کیا

Published

on

(خیال اثر)
مالیگاؤں مسائل کے شہر میں آج تقریباً ہر علاقے کی عوام اپنے اپنے لیڈران سے بیزار نظر آرہی ہے مضافاتی علاقوں کی عوام جانوروں سے بدتر زندگی گزارنے پر مجبور ہیں یہی وجہ ہے کہ روزانہ نوجوان، سوشل ورکر حضرات اپنے ہاتھوں سے گٹروں، کچروں کی صاف صفائی کررہی ہے وارڈ کے کارپوریٹروں سے بار بار گزارش کرنے پر بھی کارپوریٹر مکمل لاپرواہی کا مظاہرہ کررہے ہیں یہی وجہ ہے کہ وارڈ نمبر 4 بسم اللہ باغ کی سینکڑوں خواتین، بزرگ، نوجوانوں نے حفاظت گروپ صدر محمد عارف نوری و خان باقر حسین و دیگر احباب کو طلب کیا اس موقع پر اردو و مراٹھی میڈیا سے گفتگو کرتے ہوئے وارڈ کی ماں بہنوں، بزرگوں، نوجوانوں نے اپنی تکلیفوں اور پریشانیوں کو بتایا محمد عارف نوری نے میڈیا سے گفتگو کرتے ہوئے کہا کہ مالیگاؤں شہر میں ایم ایل، اے، میئر، اسٹینڈنگ، کارپوریٹروں کی اکثریت مسلمانوں کی ہے اقتدار مسلمانوں کے پاس ہیں 80 فیصد ٹیکس مسلم علاقوں سے وصول کیا جاتا ہے پھر بھی مسلم علاقوں میں بنیادی سہولیات کیوں نہیں؟ ہمارے شہر سے بہتر سہولیات آج دیہاتوں میں نظر آتی ہے وارڈ نمبر 4 میں روڈ، گٹر نا ہونے کی صورت میں گندے پانی کا نکال بالکل بھی نہیں ہے گندہ پانی لوگوں کے گھروں کے باہر جمع رہتا ہے جس کی وجہ سے ماں بہنوں، بچّوں، بزرگوں، نمازیوں کو بے انتہا دشواریوں کا سامنا کرنا پڑتا ہے اس گندے پانی کی وجہ سے بچّے مختلف بیماریوں میں مبتلا ہورہے ہیں اور اُس وارڈ کے کارپوریٹر خوابِ خرگوش میں سوئے ہوئے ہیں اِنھیں مسائل کو لیکر وارڈ کی خواتین اور بزرگ، نوجوانوں کے ساتھ میونسپل کمشنر سے ملاقات کی جائے گی اور اگر مسائل حل نہیں کیئے گئے تو سخت اقدام اٹھایا جائے گا۔
اس موقع پر محمد عارف نوری ،خان باقر حسین ،شاہد اختر، سمیر احمد، الطاف بھائی، ابرار بھائی کلّن، امتیاز بھائی، اقبال احمد، رحیم بھائی، افضل بھائی، عالم بھائی،تصور علی، مشتاق پترے والا، سرفراز وائرمین، اشفاق فٹر کے علاوہ سینکڑوں بزرگ خواتین موجود تھیں۔

ممبئی پریس خصوصی خبر

ممبئی سابق پولس کمشنر پرمبیر سنگھ کو بڑی راحت، سی بی آئی نے تھانہ کا کیس بند کر دیا، کورٹ میں کلوزر رپورٹ داخل

Published

on

parambir singh

‎ممبئی کے سابق پولیس کمشنر پرمبیر سنگھ کو مرکزی تفتیشی بیورو (سی بی آئی) نے تھانے کے کوپری پولیس اسٹیشن میں درج ہفتہ وصولی اور دھمکی کے معاملے میں کلین چٹ دے دی ہے۔ سنگھ نے سابق وزیر داخلہ انیل دیشمکھ پر سنگین الزامات لگانے کے ساتھ کئی سنسنی خیز انکشافات کیے تھے۔ سی بی آئی نے اس معاملے میں چیف جوڈیشل مجسٹریٹ کو کلوزر رپورٹ پیش کی ہے۔ سی بی آئی کے مطابق 2016-17 میں پیش آئے اس معاملے میں جرم ثابت کرنے کے لیے ثبوت دستیاب نہیں ہے اور نہ تھےنہ ہی یہ کوئی متنازع معاملہ ہے۔

‎سی بی آئی نے اپنی رپورٹ میں کہا کہ شکایت کنندہ اگروال کی مالیاتی لین دین میں بے ایمانی رونما ہوئی ہے اور وہ جھوٹے دیوانی اور فوجداری مقدمات کے ذریعے لوگوں کو پھنسانے کے لیے معروف ہے۔ اس کے علاوہ، تحقیقات سے پتہ چلا ہے کہ اگروال اور بلڈر سنجے پنمیا کے درمیان تصفیہ بغیر کسی دباؤ یا زبردستی کے ہوا تھا۔

‎پرم بیرسنگھ کے خلاف ممبئی کے میرین ڈرائیو، گورےگاؤں، اکولا اور تھانے نگر تھانوں میں کل پانچ مقدمات درج کیے گئے تھے۔ ان میں سی بی آئی نے کوپری پولیس اسٹیشن میں ہفتہ وصولی کے معاملے کی تحقیقات کو بند کر دیا ہے، لیکن دیگر چار معاملات کی تحقیقات ابھی جاری ہے۔

Continue Reading

سیاست

قانون ساز کونسل میں غدار پر ہنگامہ 10 منٹ تک کارروائی ملتوی

Published

on

parliament

ممبئی مہاراشٹر قانون ساز کونسل میں اس وقت ہنگامہ برپا ہوگیا, جب قانون ساز کونسل میں مراٹھی مانس کو ترجیحی بنیادوں پر گھر فراہمی کے مسئلہ پر بحث جاری تھی۔ شیوسینا لیڈر انیل پرب نے ایوان میں مراٹھی مانس کے گھر اور فلاح کے لئے کام کرنے کی سرکار کو تلقین کی اور ان سے متعلق قانون سازی کا مطالبہ کیا, اس پر وزیر سنبھو راج دیسائی اور انیل پرب میں لفظی جھڑپ ہوئی اور کیونکہ انیل پرب نے سوال کیا کہ سرکار مل مزدوروں کے لئے قانون سازی کب کرے گی, اس پر سمبھوراج نے کہا کہ ۲۰۱۹ سے ۲۰۲۲ تک قانون سازی کیوں نہیں کی گئی, اسی دوران انیل پرب نے ایوان میں غدار لفظ کا استعمال کیا جس پر سنبھوراج دیسائی برہم ہو گئے اور کہا کہ “آئی لا غدار کو نلا منتے” یعنی غدار کس کو کہا اس پر انیل پرب نے کہا کہ اس وقت آپ جس کی جوتے چاٹتے تھے۔ اس دوران کونسل میں ہنگامہ ہوا اور ایوان کی کارروائی کو 10 منٹ کے لئے ملتوی کرنا پڑا, اس کے بعد ایوان میں یہ واضح کیا گیا کہ ایوان کے کام کاج ریکارڈ سے یہ لفظ حذف کر دیا گیا۔ مراٹھی مانس کو گھر ترجیحاتی بنیادوں پر فراہم کرنے سے متعلق ۲۰۲۱ اور ۲۰۲۲ میں کوئی قانون نہیں تھا۔ اس پر انیل پرب کو غصہ آیا اور لفظی جھڑپ شروع ہو گئی۔

Continue Reading

ممبئی پریس خصوصی خبر

سنجے سرشاٹ کو انکم ٹیکس محکمہ کا نوٹس، الیکشن میں حلف نامہ میں مندرجہ جائیداد کی تفصیلات پیش کرنے کا حکم

Published

on

Sanjay-Shirsat

ممبئی رکن پارلیمان اور وزیر اعلیٰ ایکناتھ شندے کے فرزند سریکانت شندے کو انکم ٹیکس کی نوٹس سے متعلق شندے سینا کے وریر سنجے سرشاٹ نے یہ واضح کیا ہے کہ میرے حوالہ سے جو خبر نیوز چینل میں نشر کی جارہی ہے کہ سریکانت شندے کو انکم ٹیکس محکمہ کی نوٹس موصول ہوئی ہے, میں اس سے لاعلم ہوں, لیکن مجھے نوٹس موصول ہوئی ہے اور یہ نوٹس مجھے اپنے ۲۰۲۴ کے الیکشن میں حلف نامہ میں جائیداد سے متعلق تفصیلات پیش کرنے پر دی گئی ہے, اور اس میں جائیداد کی تفصیلات بھی طلب کی گئی ہے۔ انہوں نے بتایا کہ میں نے ایسا نہیں کہا ہے کہ سریکانت شندے کو نوٹس ملی ہے یا نہیں مجھ سے یہ دریافت کیا گیا کہ سریکانت شندے اور سنجے سرشاٹ کو انکم ٹیکس کی نوٹس سیاسی دباؤ کا نتیجہ تو نہیں ہے اس پر میں نے اپنا موقف واضح کیا تھا, البتہ میرے نام سے گمراہ کن خبر نشر کی جارہی ہے کہ میں یہ بتایا ہے کہ سریکانت شندے کو نوٹس موصول ہوئی ہے یہ سراسر غلط ہے, مجھے جو نوٹس موصول ہوئی ہے اس کا جواب میں کچھ دنوں میں ارسال کروں گا۔ انکم ٹیکس محکمہ کا کام وہ کر رہا ہے اور میں اپنا کام کروں گا۔

Continue Reading
Advertisement

رجحان

WP2Social Auto Publish Powered By : XYZScripts.com