Connect with us
Saturday,21-November-2026

تفریح

اداکار نواز الدین صدیقی کے ہاتھوں نندیتا داس کی کتاب ’’منٹو اور مَیں‘‘ کی رونمائی

Published

on

ممبئی: ’’یہ میری خوش قسمتی ہے کہ مجھے سعادت حسن منٹو کا کردار ادا کرنے کا موقع ملا۔ بطور اداکار مَیں نے کئی کردار نبھانے اور اسٹیج ڈراموں کیلئے اردو اور ہندی ادب پڑھا ہے لیکن منٹو کو پڑھنے کے بعد کہہ سکتا ہوں کہ وہ عظیم لکھنے والوں میں سے ایک ہیں۔ منٹو کا کردار میری زندگی پر اثر انداز ہوا ہے۔ منٹو کے ذریعہ مَیں نے اپنے دل کی بات کہی ہے۔‘‘ اِن خیالات کا اظہار بہ روز اتوار ۱۶/فروری کی شام ممبئی کے جی فائیو اے تھیٹر میں منعقدہ تقریب میں فلم ساز، اداکارہ نندیتا داس کی کتاب ’’منٹو اور مَیں‘‘ کی رسمِ رونمائی کے موقع پر مقبول و معروف اداکار نواز الدین صدیقی نے کیا۔ واضح رہے کہ ہند و پاک کے شہرہ آفاق افسانہ نگار سعادت حسن منٹو کی زندگی پر مبنی نندیتا داس کی ہدایت میں بننے والی فلم ’منٹو‘ ستمبر ۲۰۱۸ء کو ریلیز ہوئی تھی۔ اِس فلم میں نواز الدین صدیقی کے ساتھ رشی کپور، جاوید اختر، رَسیکا دُگل، طاہر راج بھسین، پریش راول، رنویر شورے، راج شری اور دِویا دتہ اہم کردار میں نظر آئے تھے۔ چونکہ محض دو سے ڈھائی گھنٹے کی بائیوپک کے ذریعہ کسی کی پوری زندگی کو پیش کرنا ممکن نہیں ہے۔ نندیتا داس نے محسوس کیا کہ منٹو کی بہت ساری کہانیاں تھیں جن کو بتانا چاہئے تھا۔ اِس لئے اُنہوں نے یہ کتاب تحریر کی ہے۔
گذشتہ برسوں میں متعدد کامیاب فلموں میں نظر آئے نواز الدین صدیقی نے اِس موقع پر اپنا تجربہ بیان کرتے ہوئے کہا، ’’فلم ’منٹو‘ کی شوٹنگ کے دوران مَیں نے بارہا محسوس کیا کہ آپ کا خیال بھی عموماً وہی ہوتا ہے جو منٹو کا ہوتا ہے۔ عموماً بہت سارے لوگوں کا ہوتا ہے کیونکہ ہر آدمی زندگی میں سچ بولنا چاہتا ہے۔ اُس کو سننے والے بہت کم ہیں، ایسا مجھے کبھی کبھی لگتا ہے۔ یعنی کہ اگر واقعی سننے والے مل جائیں تو ہر آدمی پوری زندگی کا سچ اُنڈیل دے۔ مَیں نے بہت جگہوں پر دیکھا ہے لوگ سچ بولنا چاہتے ہیں۔ فلم ’منٹو‘ کی شوٹنگ کے دوران کئی بار ہوتا تھا کہ میرا خیال بالکل وہی ہے جو منٹو کا تھا۔ شوٹنگ کے وقت مَیں نے محسوس کیا کہ اگر کسی سین (منظر) کے ذریعہ مَیں نے خود کا سچ بول دیا تو لگتا تھا کہ ایمانداری آ گئی اِس سین میں اور یہ کہیں نہ کہیں آپ کو ناظرین سے جوڑتا ہے۔‘‘ نواز الدین صدیقی نے بتایا، ’’اُس وقت ’منٹو‘ کی شوٹنگ کے دوران یہ جدوجہد چل رہی تھی کہ مجھے یہاں ذرا بھی اداکاری نہیں کرنا ہے۔ جہاں اداکاری کا زور لگایا، اداکاری کرنے کی کوشش کی، وہاں کام کے ﺗﺌﻴﮟ آپ کی خود کی ایمانداری چلی جائے گی۔‘‘

فلم ’بجرنگی بھائی جان‘ میں ایک پاکستانی رپورٹر سے متاثر ہو کر لکھا گیا کردار ہو، سعادت حسن منٹو اور شیوسینا سربراہ آنجہانی بال ٹھاکرے کا کردار ہو یا بیوی کی محبت میں پہاڑ کا سینہ چیر کر راستہ بنانے والے دشرتھ مانجھی کا کردار ہو نواز الدین صدیقی نے ہر طرح کے کرداروں کو بخوبی نبھایا ہے۔ مختلف کرداروں کے درمیان توازن قائم رکھنے کے بارے میں پوچھے گئے سوال پر اُنہوں نے جواب دیا، ’’جتنی ایمانداری سے مَیں نے منٹو کا کردار نبھانے کی کوشش کی بطور اداکار میرا فرض تھا کہ اُتنی ہی شدت سے مَیں ٹھاکرے کا کردار نبھاؤں۔ میرے لئے یہ کردار ہیں۔ ممکن ہے مَیں غلط ہوں پر یہ میرا خیال ہے کہ کئی بار ایسا ہوتا ہے کہ آپ کے خیالات کوئی معنی نہیں رکھتے۔ زندگی میں آپ صرف اُدھار کے خیالات پر چل رہے ہوتے ہیں۔ جب تک مَیں منٹو کرتا رہا، اُس وقت منٹو میرا خیال تھا۔ مَیں منٹو کی طرح منٹو کے نظریہ سے پوری دنیا کو دیکھتا تھا۔ اُس کے بعد فلم ’منٹو‘ پوری ہونے کے ساتھ وہ ختم ہوا۔ پھر دوسرے نظریہ سے دنیا کو دیکھنے لگا تو اِس طرح تبدیلیاں آتی چلی گئیں۔‘‘
اُنہوں نے مزید کہا، ’’اداکار کی ایک زندگی نہیں ہوتی ہے۔ اُسے بہت سی زندگیوں کو جینا پڑتا ہے۔ بطور اداکار اگر مَیں کسی ایک کردار کے نظریہ سے زندگی کو دیکھوں تو بہت سارے کردار ہیں جو رہ جائیں گے۔‘‘ ایک سوال کے جواب میں نواز الدین صدیقی نے کہا، ’’کچھ کردار ایسے ہوتے ہیں جو آپ کی زندگی پر اثر انداز ہوتے ہیں۔ جو آپ کہنا چاہتے ہیں اور نہیں کہہ پاتے وہ کردار کہہ دیتے ہیں۔ جیسے اپنی زندگی میں بہت ساری باتیں میں نہیں کہہ پاتا، مَیں نے منٹو کے ذریعہ وہ کہا ہے۔ مجھے ایک قسم کا سکون ملتا ہے۔ مَیں خدا کا شکر ادا کرتا ہوں کہ مجھے اِس طرح کے کردار نبھانے کا موقع ملتا ہے جہاں پر مَیں ڈر کے کچھ نہ کہوں تو میرے کردار وہ کہہ دیتے ہیں۔‘‘ سامعین کے اصرار پر نواز الدین صدیقی نے اِسی فلم کا ایک اثر انگیز مکالمہ سنایا، ’’ہندوستان زندہ باد پاکستان زندہ باد۔ اِن چیختے چلاتے نعروں کے بیچ میں کئی سوال ہیں۔ مَیں کسے اپنا ملک کہوں، لوگ دھڑا دھڑ کیوں مر رہے تھے؟ اِن سب سوالات کے مختلف جواب تھے، ایک ہندوستانی جواب ایک پاکستانی جواب۔ ایک ہندو جواب ایک مسلم جواب۔ کوئی اِسے ۱۸۵۷ء کے کھنڈر میں تلاش کرتا ہے تو کوئی اِسے مغلیہ سلطنت کے ملبے میں۔ سب پیچھے دیکھ رہے ہیں لیکن آج کے قاتل لہو اور لوہے سے تاریخ بنا رہے ہیں۔‘‘
کتاب ’’منٹو اور مَیں‘‘ پر روشنی ڈالتے ہوئے فلم ’منٹو‘ کی ڈائریکٹر اور معروف اداکارہ نندیتا داس نے کہا، ’’جب مَیں نے ۲۰۰۸ء میں اپنی ہدایتکاری کی پہلی فلم ’فراق‘ مکمل کی تو اُس پر ایک کتاب لکھنا چاہتی تھی۔ پردے کے پیچھے بہت ساری کہانیاں تھیں جو مَیں نے کبھی شیئر نہیں کیں۔ اب ایک دہائی کے بعد مَیں نے اِس بات کو یقینی بنانا چاہا کہ فلم ’منٹو‘ بنانے کا سفر اور منٹو سے میرا رشتہ ختم نہ ہو۔ اِس کتاب کی صورت میں وہ یادیں ہمیشہ ساتھ رہیں گی۔ مجھے یقین ہے ایک ساتھ تصاویر اور الفاظ آپ کو ایک ایسی کہانی سنائیں گے جو آپ نے اسکرین پر نہیں دیکھی ہوگی۔‘‘ منٹو کے تعلق سے نندیتا کہتی ہیں، ’’وہ صرف ترغیب نہیں رونگٹے کھڑی کر دینے والی کہانیاں لکھتے تھے جو صرف وہی لکھ سکتے تھے۔ اُن کا لکھا موجودہ حالات پر اُتنا ہی درست ہے جتنا اُس وقت تھا۔ ایسا لگتا ہے جیسے آج ہی اُس آدمی نے یہ لکھا ہو۔‘‘ اپنے خیالات کا اظہار کرتے ہوئے نندیتا نے فلم ’منٹو‘ کی کاسٹ، کریو اور ناظرین کے علاوہ پاکستان کے سینئر صحافی، ڈرامہ نگار اور فلم ’منٹو‘ کے ریسرچ اسکالر سعید احمد کا بھی شکریہ ادا کیا۔ تقریب کی میزبانی جی فائیو اے کی بانی انورادھا پاریکھ نے کی جبکہ نظامت کے فرائض نَمیتا نے بحسن و خوبی ادا کئے۔

Click to comment

Leave a Reply

Your email address will not be published. Required fields are marked *

بالی ووڈ

سمنتھا روتھ پربھو کے ہاں بیٹے کی پیدائش، بچے کی پہلی جھلک اور نام بھی شیئر کر دیا

Published

on

ممبئی : اداکارہ سمانتھا روتھ پربھو نے زچگی کو گلے لگا لیا اور فلمساز راج نڈیمورو کے ساتھ اپنے پہلے بچے کا استقبال کیا۔ اداکارہ نے اپنے سوشل میڈیا اکاؤنٹ پر خوشخبری شیئر کرتے ہوئے انکشاف کیا کہ جوڑے کو ایک بچے کی پیدائش ہوئی ہے، جس کا نام انہوں نے دیو نیدیمورو رکھا ہے۔ سمانتھا نے اپنے نوزائیدہ بیٹے کی ایک خوبصورت جھلک شیئر کی، اس تصویر میں بچے کی چھوٹی انگلیوں کو اپنی انگلی کے گرد آہستہ سے لپیٹا گیا تھا۔ اہم بات کو شیئر کرتے ہوئے، سمانتھا نے لکھا، “ہمارا خوبصورت بچہ دیو نیدیمورو 19.11.2026 ہمارے دلوں میں سب سے زیادہ خوشی ہے۔ سمانتھا اور راج” ان کے بیٹے کی آمد اس وقت ہوئی جب سامنتھا اور راج نے اپنے پہلے بچے کا استقبال کرنے سے پہلے اپنے گھر میں روایتی پوجا کا انعقاد کیا۔ 17 نومبر کو، سمانتھا اور راج تقریب کے لیے اپنے خاندان کے افراد کے ساتھ جمع ہوئے، جس میں ماں اور بچے کے لیے دعائیں، منتر اور روایتی رسومات شامل تھیں اور ایک ہموار پیدائش کے لیے دعائیں کی گئیں۔

تقریب کی تصاویر میں سمانتھا کو سرخ روایتی لباس میں ملبوس دکھایا گیا، جبکہ راج کو سفید پاجامے کے ساتھ ملبوس کریم رنگ کے کرتہ میں دیکھا گیا۔ جوڑے کو بزرگوں سے آشیرواد مانگتے اور رسومات میں حصہ لیتے ہوئے بھی دیکھا گیا۔ سمانتھا کی بھابھی نے پردے کے پیچھے کی تصاویر کے ساتھ تقریب کا تفصیلی بیان بھی شیئر کیا۔ اس نے اس اجتماع کو خاندان کے ممبران کے اکٹھے ہونے کے طور پر بیان کیا جنہوں نے ان کی پرورش میں مدد کی تھی۔

اس نے لکھا، “بابو، ہم یہ کب کر سکتے ہیں؟” میں اتنی دیر سے اپنی عنایہ سے پوچھ رہا تھا۔ اور آخر کار، یہ وقت تھا. ہمارے پنماس اور پیڈمما جنہوں نے ہماری پرورش میں مدد کی وہ مترو شیشو منگلا آشیروادم کے لئے قریب اور دور سے آئے تھے، تاکہ سام اور اس قیمتی بچے کو آشیرواد دیں جو پہلے سے ہمارے دلوں پر راج کر رہے ہیں اور جلد ہی ہمارے سمراجیم۔ اس نے مزید کہا، “ہمارے خاندان میں، گھر کی قربان گاہ پر گانا گانا اور گانا روزمرہ کی زندگی کا حصہ تھا۔ ہم اپنے دادا دادی اور آنٹیوں کے ساتھ ایسا کرتے ہوئے بڑے ہوئے۔ اماں اور نانا نے یقینی بنایا کہ ہم جاری رکھیں۔ اس دن جو کچھ بھی ہوا تھا ہم نماز میں اکٹھے بیٹھ گئے۔ اس نے گھر اور ہمیں دوبارہ ترتیب دیا۔ میں شکر گزار ہوں کہ انہوں نے ہمیں یہ دیا۔”

اس نے مزید کہا، “میں نے یہ سب کچھ ہماری آنٹیوں میں زندہ ہوتے دیکھا۔ وہ اپنے اہل خانہ کے بغیر سفر کرتے تھے اور دوبارہ ساتھ تھے، نعرے لگا رہے تھے، گاتے تھے، گرل فرینڈز کی طرح ہنستے تھے، اور میرے اور میرے بھائی پر پیار کرتے تھے۔ اس بار، سیم اور پیدا ہونے والے بچے کو بھی وہ تمام پیار مل رہا تھا۔ ہم نے سری سکتم اور گایتری دیوی کو ہممم، گائیتری کی دعائیں دیں، اور اپنے خاندان کے ساتھ مشترکہ نماز ادا کی۔” اس نے مزید کہا، “پھر صرف ان کے لیے ایک گانا آیا 🙂 پدم شری شوبھا راجو پنمما نے اسے پیار اور تھوڑی شرارت کے ساتھ ترتیب دیا۔ میں نے گایا، پدم شری ودوشی سمترا گوہا پیدما نے اپنے خوبصورت راگوں کو شامل کیا، نیرو آنٹی میری لائنوں میں شامل ہوئیں، اور اماں اور اوشا آنٹی ہمارا کورس بن گئیں۔ ہم نے اپنی چھوٹی سی پروڈکشن میں سب کی مدد کی۔ ایک ساتھ بہت ساری ماؤں کو سیم کو آشیرواد دیتے ہوئے دیکھنا وہ سب کچھ تھا جس کی میں نے امید کی تھی۔

“چھوٹا، ان تمام محبتوں کو دیکھو جو تم نے پہلے سے ہی اکٹھا کر دیا ہے- تمہارے آنے سے پہلے ہی۔ ہم سام کی ہموار ترسیل اور تندرستی کے لیے اور بچے کی لمبی، صحت مند زندگی کے لیے، جو مہربانی، کردار اور مقصد سے معمور ہو۔” غیر شروع شدہ کے لیے، سمانتھا اور راج نے 1 دسمبر 2025 کو کوئمبٹور میں ایشا یوگا سینٹر کے اندر لنگا بھیروی مندر میں ایک مباشرت تقریب میں شادی کے بندھن میں بندھ گئے۔ شادی میں خاندان کے افراد اور قریبی دوستوں کے منتخب گروپ نے شرکت کی۔ جوڑے نے سب سے پہلے دی فیملی مین 2 میں ایک ساتھ کام کیا، جہاں سمانتھا نے راجی کا کردار ادا کیا۔ بعد میں انہوں نے قلعہ: شہد بنی اور ما انٹی بنگارام پر تعاون کیا۔ دسمبر 2025 میں شادی سے پہلے ان کا رشتہ بالآخر عام ہو گیا۔ سمانتھا نے جون 2026 میں اعلان کیا کہ وہ اپنے پہلے بچے کی توقع کر رہی ہے۔ انہوں نے یہ بھی کہا تھا کہ وہ اداکاری میں واپس آنے سے پہلے ما انتی بنگارم کے بعد زچگی کا وقفہ لیں گی۔

Continue Reading

بالی ووڈ

ٹائیگر شروف فائرنگ کیس : ملزم کے خلاف لک آؤٹ نوٹس جاری

Published

on

ممبئی : ممبئی پولیس نے ٹائیگر شراف فائرنگ کیس میں ملزم ابھیشیک پنڈت کے خلاف ایل او سی (لک آؤٹ سرکلر) جاری کیا ہے۔ ابھیشیک فائرنگ کے پیچھے مبینہ ماسٹر مائنڈ انیل پنڈت کا بھائی ہے اور مبینہ طور پر مفرور ہے۔ ابھیشیک پر الزام ہے کہ اس معاملے میں گرفتار افراد کو مالی مدد فراہم کی گئی تھی۔ جب ممبئی کرائم برانچ نے ابھیشیک پنڈت کو گرفتار کرنے کے لیے ہریانہ کے کرنال کا دورہ کیا تو وہ مبینہ طور پر وہاں سے فرار ہو گیا تھا۔ پولیس اس معاملے میں ابھیشیک کی بیوی سنیہا پنڈت کو پہلے ہی گرفتار کر چکی ہے۔ ذرائع کے مطابق ابھیشیک پنڈت اس کیس کا مرکزی ملزم ہے جو مبینہ طور پر اس گینگ کی مالیات کی دیکھ بھال کرتا ہے۔

ایل او سی کو ملک سے اس کے خارجی راستوں کو سیل کرنے کے لیے جاری کیا گیا ہے کیونکہ وہ مختلف طریقوں سے ملک چھوڑنے کی کوشش کر سکتا ہے۔ ذرائع کا کہنا ہے کہ اگر ابھیشیک پنڈت کو گرفتار کیا جاتا ہے تو اس گینگ کے پورے مالیاتی دھارے کا پردہ فاش ہو سکتا ہے۔ اس سے پہلے، ممبئی کرائم برانچ نے ٹائیگر شراف فائرنگ کیس میں 6 ملزمان کو پولیس حراست ختم ہونے کے بعد 16 نومبر کو مکوکا عدالت میں پیش کیا تھا۔

یہ 6 ان 13 ملزمان میں شامل ہیں جنہیں اس کیس کے سلسلے میں گرفتار کیا گیا ہے۔ سماعت کے بعد، عدالت نے 5 ملزمان کو عدالتی تحویل میں دے دیا تھا، جب کہ 6ویں ملزم سنیہا پنڈت کو 21 نومبر تک کرائم برانچ کی تحویل میں بھیج دیا گیا تھا۔ پولس نے اس سے قبل ان تمام مالیاتی لین دین کے روابط کا پردہ فاش کرنے، ملوث دیگر ملزمان کی شناخت کرنے اور ملزمان کے درمیان تعلق کا پتہ لگانے کے لیے سنیہا پنڈت کی پولس تحویل کی درخواست کی تھی۔ واضح رہے کہ ٹائیگر شراف حال ہی میں ایک بندوق کے حملے سے بچ گئے جب 19 اکتوبر کو ممبئی کے جوہو علاقے میں 3 موٹرسائیکل سوار افراد نے ان کی کار پر فائرنگ کی۔

Continue Reading

بالی ووڈ

وکی جین نے انکیتا لوکھنڈے کی ملاقات کو ‘جیک پاٹ کی صورتحال’ قرار دیا

Published

on

ممبئی : وکی جین نے اپنی اہلیہ اور ٹیلی ویژن سپر اسٹار انکیتا لوکھنڈے سے ملاقات کو اپنی زندگی میں “جیک پاٹ کی صورتحال” قرار دیا ہے۔ انہوں نے کہا کہ خاندان کی دیکھ بھال کرنے اور ذمہ داریوں کو سنبھالنے کی ان کی صلاحیت ان خوبیوں میں سے ایک تھی جس نے انہیں اپنی طرف راغب کیا۔ نیہا دھوپیا اور انگد بیدی کے زیر اہتمام پوڈ کاسٹ شو کے دوران اپنے تعلقات کے بارے میں بات کرتے ہوئے، وکی نے کہا کہ انکیتا کی ان کے لیے سب سے بڑی خوبی یہ ہے کہ وہ ایک “خاندانی لڑکی” ہے جو آزادانہ طور پر ایک بڑے خاندان کو سنبھال سکتی ہے۔ وکی نے کہا، “میں واقعی محسوس کرتا ہوں کہ یہ میری زندگی میں ایک جیک پاٹ کی صورت حال تھی جب میں انکیتا سے ملا۔ انکیتا ایک خاندانی لڑکی ہے۔ آپ جانتے ہیں، انکیتا کی پہلی خوبی یہ ہے کہ وہ ایک خاندانی لڑکی ہے۔ میرا مطلب ہے کہ وہ اکیلے بڑے پیمانے پر ایک بڑے خاندان کو سنبھال سکتی ہے،” وکی نے کہا۔

انہوں نے مزید کہا کہ انکیتا کے ساتھ رہنے نے انہیں اس میں داخل ہونے کی اجازت دی جسے وہ اپنی زندگی کا “دوسرا باب” سمجھتے ہیں۔ کاروباری پس منظر سے تعلق رکھنے والے وکی نے کہا کہ اس کا پہلا باب زیادہ تر کام کے گرد گھومتا تھا، لیکن انکیتا کے ساتھ اس کے تعلقات نے اسے زندگی کی ایک اور جہت تلاش کرنے میں مدد کی۔ “مجھے انکیتا کے ساتھ زندگی کا دوسرا باب جینے کا موقع ملا۔ پہلا باب یہ تھا کہ میں ایک تاجر تھا۔ میں بلاس پور جیسے شہر میں رہتا تھا، اور صرف کام پر توجہ مرکوز کرتا تھا،” انہوں نے کہا۔ وکی نے یہ بھی یاد کیا کہ انکیتا سے ان کی پہلی ملاقات اس وقت ہوئی تھی جب وہ 34 یا 35 سال کی تھیں۔ انہوں نے کہا کہ وہ ہمیشہ سے ایک مشترکہ سماجی حلقے کا حصہ رہے ہیں اور اپنے تعلقات کے ارتقاء سے پہلے ایک دوسرے کو دوست کے طور پر جانتے تھے۔

انہوں نے وضاحت کی کہ جہاں بلاس پور ان کی “کرم بھومی” تھی، وہیں ممبئی وہ جگہ تھی جہاں وہ دوستوں سے ملنے اور اپنی سماجی زندگی سے لطف اندوز ہونے آتے تھے۔ ممبئی میں اپنے رابطوں کے ذریعے، خاص طور پر ٹیلی ویژن انڈسٹری میں، وہ اور انکیتا ہمیشہ ایک ہی دائرے میں رہتے تھے۔ “میری ‘کرم بھومی’ بلاس پور میں تھی۔ اور میرا تفریحی پہلو، میرے دوستوں کا حلقہ بمبئی میں تھا۔ اس لیے میں بمبئی آیا کرتا تھا اور میں ٹیلی ویژن انڈسٹری کے بہت سے لوگوں کو جانتا تھا۔ اس لیے انکیتا اور میں ہمیشہ دوست تھے،” انہوں نے یاد کیا۔ غیر شروع کرنے کے لئے، وکی اور انکیتا نے اپنے تعلقات میں ایک قدم آگے بڑھایا اور دسمبر 2021 میں شادی کے بندھن میں بندھ گئے۔

Continue Reading
Advertisement

رجحان