Connect with us
Thursday,17-April-2025
تازہ خبریں

جرم

مالیگاؤں میں دلخراش حادثے میں منصوری برادری کے 8 افراد سمیت 19 ہلاک، پورے شہر میں کہرام

Published

on

(وفا ناہید)
کلون ایس ٹی بس کا ٹائر پھٹنے کی وجہ سے بس کے آگے چل رہی اپے رکشا کو اتنی زور کی ٹکڑ لگی کہ وہ سیدھا 10 فٹ دور کنویں میں جاگری. ٹائر پھٹنے اور اپے رکشا سے زبردست تصادم ہونے کی وجہ سے ایس ٹی بس بھی اپنا توازن برقرار نہ رکھ سکی اور کنویں کی ریلنگ کو توڑتی ہوئی اپےرکشا کے پیچھے کنویں میں جاگری. موصولہ ذرائع کے مطابق کل دوپہر ڈھائی بجے کے قریب مالیگاؤں تعلقہ کے ایس گاؤں علاقے کے عظیم نتھو منصوری اپنے فرزند کا رشتہ طے کرنے کے لئے اپے رکشا کے ذریعے کلون جارہے تھے۔ دیولہ کے پاس میسی پھاٹے پر منصوری برادری کے 8 افراد دلخراش حادثے کا شکار ہوگئے. اس ضمن میں ملی تفصیلات کے مطابق دیولہ کے پاس میسی دیہات کے قریب ایک ایس ٹی بس نمبر MH06-S8428 گذر رہی تھی۔ اس کے آگے اپے رکشا جارہا تھا۔ اچانک ایس ٹی بس کا ٹائر پھٹ گیا جس کی وجہ سے بس بے قابو ہوکر اپے رکشا سے جاٹکرائی اور پاس ہی پانی سے بھرے ہوئے 60 فٹ گہرے کنویں میں اپے رکشا گر گئی اور اس کے پیچھے ایس ٹی بس بھی بے قابو ہوکر کنویں میں جاگری۔ پانی بھرا ہونے کی وجہ سے مسافروں کا دم گھٹنے لگا اور کچھ افراد گہری چوٹ لگنے کے سبب جاں بحق ہوگئے۔ بس میں سوار 10 افراد کی موت ہوگئی جبکہ اپے رکشا کے ڈرائیور سمیت منصوری برادری کے 8 افراد جن میں خواتین اور ایک معصوم بچہ بھی شامل تھا ہلاک ہوگئے. مالیگاؤں شہر سماجوادی پارٹی کے صدر زین الدین منصوری (وائرمین) کا تعلق حادثے کا شکار منصوری فیمیلی سے ہے. اس بھیانک حادثے کی اطلاع ملتے ہی منصوری برادری کے دیگر افراد جائے حادثہ پر دوڑ پڑے۔ اپے رکشا MH15-DC4233 میں سوار (1) عزیز نتھو منصوری ایس گاؤں عمر 61 سال (2) ہاجرہ بائی عزیز منصوری ایس گاؤں 55 سال (3) انصار بھائی منصوری سٹانہ 41 سال (4) شائستہ منصوری ساکن ممبئی 35 سال (5) شاہین انصار بھائی منصوری سٹانہ 32 سال (6) جاوید انصار بھائی منصوری ایس گاؤں 3 سال (7) قربان دادا بھائی منصوری کرجگوان 61 سال (8) فاروق بھیکن منصوری کرجگوان 55 سال (9) ڈرائیور گیانیشور شانتی لال سوریہ ونشی ایس گاؤں 25 سال۔ اسی طرح ایس ٹی بس میں سوار(1) کلپنا یوگیش ونسے ساکن، نیم گاؤں نمبائتی 27 سال (2) شیواجی گاویت ساکن، کلون (3) چندر بھاگا بائی اگلے، سرسوتی واڑی (4) انکش سنپت نکم، وکھارواڑی (5) الکا دگمبر مورے ساکن، کھرڈے (6) شیتل امول آہیرے ساکن، نامپور (7) رگھوناتھ میتکت ساکن، دیولہ (8) پرکاش بچھاؤ ڈرائیور (9) شانتارام چندھانکم، ڈونگر گاؤں اور ایک نامعلوم خاتون کی موت واقع ہوئی ہے۔ ایس ٹی بس کو شام 7 بجے کنویں سے باہر نکالنے میں کامیابی ملی۔ تادم تحریر کنویں میں اب بھی مسافروں کی تلاش جاری ہیں۔ ذرائع سے ملی تفصیل کے مطابق اب تک 34 مسافر زخمی حالت میں پائے گئے۔ ان میں سے 15 زخمیوں کو مالیگاؤں سول اسپتال میں داخل کیا گیا ہے۔ اس کے علاوہ 14 زخمیوں کو دیولہ کی گرامین دیہی اسپتال میں منتقل کیا گیا۔ 3 مسافروں کو نجی اسپتال میں داخل کیا گیا ہے۔ 34 زخمیوں میں 14 خواتین شامل ہیں. اس درد ناک حادثے سے پورے شہر میں کہرام مچ گیا ہے. منصوری فیمیلی کے ایک ساتھ 8 لوگوں کی موت سے پوری منصوری برادری پر سکتہ طاری ہے.

جرم

ناگپور میں ریسٹورنٹ کے مالک کو گولی مار کر قتل کر دیا گیا، پولیس نے سی سی ٹی وی فوٹیج کی چھان بین شروع کی، علاقے میں سکیورٹی کو لے کر خوف و ہراس

Published

on

Murder

ناگپور : مہاراشٹر کے ناگپور شہر میں پیر کی رات دیر گئے ایک 28 سالہ ریستوراں کے مالک کو نامعلوم حملہ آوروں نے گولی مار کر ہلاک کر دیا۔ یہ واقعہ صبح 1.20 اور 1.30 کے درمیان امربازاری تھانے کے علاقے میں ایک کیفے کے قریب پیش آیا۔ پولیس کے مطابق متوفی کی شناخت ’سوشا ریسٹورنٹ‘ کے مالک اویناش راجو بھوساری کے طور پر کی گئی ہے۔ وہ اپنے ریسٹورنٹ مینیجر کے ساتھ کیفے کے سامنے بیٹھا آئس کریم کھا رہا تھا کہ چار نامعلوم افراد موٹر سائیکل اور موپیڈ پر وہاں پہنچے۔ ان میں سے ایک شخص نے اویناش پر چار گولیاں چلائیں اور اس کے بعد تمام ملزمان موقع سے فرار ہوگئے۔ اویناش کو فوری طور پر اسپتال لے جایا گیا، جہاں ڈاکٹروں نے اسے مردہ قرار دے دیا۔ واقعہ کی اطلاع ملتے ہی پولیس نے موقع پر پہنچ کر تفتیش شروع کر دی۔

راجو بھوساری نامی شخص نے امباری پولیس اسٹیشن میں شکایت درج کرائی ہے۔ راجو بھوساری متوفی اویناش کے والد ہیں۔ پولیس نے مقدمہ درج کر کے تفتیش شروع کر دی ہے۔ پولیس قریبی سی سی ٹی وی فوٹیج چیک کر رہی ہے۔ علاقے کو گھیرے میں لے کر سرچ آپریشن شروع کر دیا گیا ہے۔ پولیس کے اعلیٰ افسران اور فرانزک ماہرین جائے حادثہ پر گئے۔ اس نے ضروری شواہد اکٹھے کر لیے ہیں۔ اس واقعہ کے بعد علاقے میں خوف و ہراس کا ماحول ہے۔ لوگ رات کو سیکورٹی پر سوال اٹھا رہے ہیں۔ پولیس کو شبہ ہے کہ معاملہ باہمی دشمنی کی وجہ سے ہوسکتا ہے۔

Continue Reading

جرم

سلمان خان کو پھر ملی جان سے مارنے کی دھمکی، پولیس تفتیش میں جوڑی

Published

on

Lawrence-Gang-&-Salman

ممبئی : فلم اداکار سلمان خان کو ایک مرتبہ پھر جان سے مارنے کی دھمکی موصول ہوئی ہے۔ لارنس بشنوئی گینگ کے سلمان خان نشانے پر ہے اور لارنس گینگ نے سلمان کو جان سے مارنے کی دھمکی بھی دی ہے۔ جس کے بعد مسلسل سلمان خان کو سوشل میڈیا پر جان سے مارنے کی دھمکی دی جا رہی ہے۔ ممبئی ٹریفک کنٹرول روم کو ایک وہاٹس اپ پیغام موصول ہوا جس میں سلمان خان کو گھر میں گھس کر جان سے مارنے کی دھمکی کے ساتھ ان کی کار کو بم سے اڑانے کی دھمکی دی گئی ہے۔ یہ دھمکی آمیز پیغام موصول ہونے کے بعد ٹریفک پولیس کی شکایت پر ورلی پولیس نے دھمکی دینے کا معاملہ نامعلوم فرد کے خلاف درج کر لیا ہے۔

ممبئی پولیس اب یہ معلوم کر رہی ہے کہ آیا سلمان خان کو دھمکی دینے والا کسی گینگ سے تعلق رکھتا ہے یا یہ دھمکی شرارتا کسی نے دی ہے۔ دھمکی آمیز پیغام کے بعد پولیس بھی الرٹ پر ہے۔ سلمان خان کے گھر کے پاس پختہ سیکورٹی کے انتظامات بھی کر دئیے گئے ہیں۔ اس کے ساتھ ہی سلمان خان کو وائے پلس سیکورٹی بھی ہے۔ ایسی صورتحال میں اس دھمکی کو بھی پولیس نے سنجیدگی سے لیا ہے۔

ممبئی پولیس کمشنر وویک پھنسلکر نے دھمکی آمیز فون کالز وہاٹس اپ یا سوشل میڈیا پر دھمکی آمیز پیغامات سے متعلق پولیس کو الرٹ رہنے کا بھی حکم جاری کیا ہے۔ اس معاملہ کی تفتیش ممبئی پولیس اور متوازی تفتیش کرائم برانچ بھی کر رہی ہے۔ سلمان خان کی جان کو خطرہ لاحق ہے, اس لئے پولیس کسی بھی قسم کی کوئی کوتاہی مول لینا نہیں چاہتی اور پولیس نے اس معاملہ میں تفتیش بھی شروع کر دی ہے۔ اس سے قبل بھی سلمان خان کو متعدد مرتبہ جان سے مارنے کی دھمکی موصول ہوچکی ہے۔ اس معاملہ میں پولیس نے تین افراد کو گرفتار بھی کیا ہے۔

Continue Reading

جرم

چھاؤا فلم غیر قانونی طریقے سے اپ لوڈ کرنے والے دو ملزمین گرفتار

Published

on

Chawa

ممبئی : ممبئی سائبر ساؤتھ پولیس اسٹیشن نے چھاؤا فلم پائرٹیڈ لنکس کو غیر قانونی طور پر واٹس آیپ، انسٹا گرام ٹیلی گرام یوٹیوپ اور گوگل جیسے پلیٹ فارمز پر تقسیم کرنے کے معاملہ میں انٹرٹینمنپٹ کمپنی کو کافی مالی نقصان پہنچا ہے. اور کاپی رائٹ قانون کے تحت اس نے معاملہ درج کروایا ہے۔ اس فلم کی 1818 جعلی فرضی لنکس بنائے گئے اور یہ سوشل میڈیا پر عام کی گئی تھی۔ تکنیکی تحقیقات کے دوران پتہ چلاکہ اس معاملہ میں رندھاون نامی شخص ملوث ہے۔ اس 26 سال کے نوجوان کو پونے سے گرفتار کیا گیا ہے۔ اس نے غیر قانونی طریقے سے چھاؤا فلم اپ لوڈ کیا تھا, اس کے ساتھ ہی ڈومین بھی خریدا تھا۔ اس فلم کے لئے ایک اپلیکیشن بھی تیار کیا تھا, اسے پونہ سے گرفتار کر کے ممبئی لایا گیا۔ اسی تناظر میں ممبئی کرائم برانچ مزید ایک ملزم کو گرفتار کیا گیا ہے۔ ممبئی پولیس نے رجت راہل ہکسار نے شکایت درج کروائی تھی۔ اسی بنیاد پر پولیس نے کارروائی کرتے ہوئے ناسک میں ایک ملزم کو گرفتار کیا ہے۔ اس سے قبل پونہ سے ایک کو گرفتار کیا گیا تھا۔ ناسک سے گرفتار ملزم کی شناخت اسنہیل دھومل 26 سال کے طور پر ہوئی ہے۔ تفتیش میں معلوم ہوا کہ اس نے چھاؤا فلم کو غیر قانونی طریقے سے سوشل میڈیا پلیٹ فارمز پر اپ لوڈ کیا تھا اسے بھی کرائم برانچ نے ممبئی لایا ہے۔

Continue Reading
Advertisement

رجحان

WP2Social Auto Publish Powered By : XYZScripts.com