ممبئی : ممبئی مہاراشٹر سماجوادی پارٹی لیڈر و رکن اسمبلی ابوعاصم اعظمی نے ایوان اسمبلی میں مطالبہ کیا ہے کہ شیعہ برادری کو محرم میں تعزیہ دفنانے کے لیے ایک ایکڑ زمین بس ڈپو کے قریب دی جائے اہلسنت کو زمین دی گئی ہے لیکن شیعہ برادری اب تک اس سے محروم ہے اس لئے انہیں محرم سے قبل ایک ایکڑ زمین دی جائے۔ انہوں نے کہا کہ ممبئی مانخودشیواجی نگر میں ایک شیعہ برادری کثیر تعداد میں آباد ہے۔ اس برادری کیلئے محرم کے دوران تعزیہ دفن کرنے کے لیے کوئی زمین دستیاب نہیں ہے۔شیواجی نگر بس ڈپو کے قریب 7 ایکڑ خالی زمین ہے۔ اس معاملے کو لے کر ممبئی میونسپل کارپوریشن کمشنر کے ساتھ دو میٹنگیں ہو چکی ہیں۔ اعظمی نے کہا کہ حکومت سے درخواست ہے اس زمین میں سے ایک ایکڑ کو تعزیہ کی تدفین کے لیے مختص کیا جائے اور فوری کارروائی کا مطالبہ کیا ہے۔

ممبئی : مہاراشٹرمیں نظم و نسق کی حالت انتہائی خراب ہے یہاں مسلمانوں کا گزر بھی اب مشکل ہو گیا ہے سڑکوں اور عوامی مقامات پر مسلمانوں کو ڈارھی ٹوپی کے سبب نشانہ بنایا جاتا ہے مسلمانوں کی شناخت پر حملہ کیا جارہا ہے مہاراشٹر میں نفرتی جرائم کے واقعات میں اضافہ ہوا ہے یہ تشویشناک ہے اس لئے ایسے عناصر اور سماج دشمن عناصر پر کارروائی ضروری ہے جو مسلمانوں کو نشانہ بناتے ہیں یہ مطالبہ ایوان اسمبلی میں رکن اسمبلی ابوعاصم اعظمی نے کیا ہے انہوں نے کہا کہ مسلمانوں کا سڑکوں پر چلنا مشکل ہو گیا ہے۔ یہ کوئی نہیں بتا سکتا کہ کب کوئی داڑھی، کرتہ اور ٹوپی میں ملبوس مسلمان پر حملہ کردے۔ مہاراشٹر اقتدار کے لیے نفرت کو ہوا دینے کا خمیازہ اب مسلمانوں اور عام انسانوں کو بھگتنا پڑ رہا ہے یہ نفرتی ایجنڈہ کا نتیجہ ہے کہ مسلمانوں پر تشدد کے واقعات بڑھ گئے ہیں ۔ پونے میں افطار کے دوران تیز دھار ہتھیاروں سے مسلم نوجوانوں پر حملہ کیا گیا اکولا میں 17 سالہ مہوش کا محض اس لئے قتل کیا گیا کیونکہ اس کی نظرین مخالف سمت کے نوجوان کی جانب مرکوز ہو گئی تھی اس پر اس نے نوجوان کا قتل کر دیا یہ ایسے جرائم ہے وہ نفرت کے سبب پیدا ہوتے ہیں اور ناندیڑ میں عید کے موقع پر مشتبہ موٹر سائیکل میں بم دھماکہ ہوا ہے یہ انتہائی تشویشناک ہے یہ موٹر سائیکل میں اس وقت دھماکہ ہوا جب ناندیڑ عید گاہ میں مسلمان نماز اد کر رہے تھے یہ کوئی سازش تو نہیں تھی اس دھماکہ میں موٹر سائیکل سوار بھی ہلاک ہو گیا یہ تمام واقعات اس بڑھتی ہوئی نفرت کو ظاہر کرتے ہیں جو ہمارے معاشرے اور ملک کو ٹکڑے ٹکڑے کر رہی ہے۔رواداری ختم ہو رہی ہے، اور امن و امان نمایاں طور پر بگڑ گیا ہے۔ میں وزیر اعلیٰ دیویندر فڑنویس سے اپیل کرتا ہوں کہ نفرت انگیز جرائم کے خلاف جلد از جلد سخت کارروائی کریں۔

ممبئی : انٹی نارکوٹکس سیل نے منشیات فروشوں میں ملوث تین افراد کو شہر بدر تڑی پار کر نے کا حکم صادر کیا ہے۔ ممبئی میں منشیات کے کیس میں گرفتار احمد محمد شفیع شیخ عرف اکبر کھاؤ 42 سالہ کرلا, محمد فرید رحمت اللہ شیخ عرف چوہا 31 سالہ کرلا, سرفراز صابر علی عرف بھورا 40 سالہ وکرولی کے ساکن کو شہر بدر کیا گیا ہے, ان کے خلاف این ڈی پی ایس کے تحت مقدمہ زیر سماعت ہے اور ملزمین کے خلاف چارج شیٹ بھی داخل کر دی گئی ہے۔ ملزمین منشیات کے کیس میں ضمانت پر رہا ہونے کے بعد دوبارہ جرم میں ارتکاب کرتے ہیں۔ این ڈی پی ایس یونٹ گھاٹکوپر نے محکمہ داخلہ کو شہر بدری کی سفارش کی تھی, جس پر مہرثبت کر دی گئی ہے اسی بنیاد پر محمد شفیع شیخ عرف اکبر کھاؤ 42 سالہ 6 مارچ کو ناگپور جیل بھیجا گیا, محمد فرید رحمت اللہ شیخ عرف چوہا 31 سالہ کو چھترپتی سنبھاجی نگر جیل اور سرفراز صابر علی خان عرف بھورا 40 کو امراؤتی جیل بھیجا گیا ہے۔ احمد محمد شفیع شیخ عرف اکبر گھاؤ 42 سالہ پر ای نڈی پی ایس ایکٹ کے تحت ورلی کرلا, وی بی نگر, تھانہ میں کل 7 مقدمات درج ہیں محمد فرید رحمت اللہ عرف چوہا پر وی بی نگر, کرلا, میں کل 6 مقدمات درج ہیں۔ سرفراز صابح علی خان عرف بھورا 40 سالہ پر باندرہ یونٹ, ورلی, کرلا, کرلا آزاد میدان یونٹ میں کل این ڈی پی ایس کے 7 مقدمات درج ہیں۔ 2006 ء سے اب تک منشیات فروشی میں ملوث 6 ملزمین کو شہر بدر کیا گیا ہے۔ ان پر پی آئی ٹی این ڈی پی ایس ایکٹ کے تحت کارروائی کی گئی ہے۔ یہ کارروائی ممبئی پولیس کمشنر دیوین بھارتی کی ایما پر انٹی نارکوٹکس سیل کے سربراہ ڈی جی پی نوناتھ ڈھولے نے انجام دی ہے۔