اسمبلی انتخابات کے عین وقت پرمراٹھا کرانتی مورچہ نے فیصلہ لیا ہےکہ شیوسینا کو مراٹھا سماج ووٹ نہیں دیں گے۔
ممبئی:مراٹھا کرانتی مورچہ کے ذریعہ خاموش احتجاج لاکھوں کی تعداد مین درج کرایا گیا تھاتاکہ مراٹھا سماج کے مسائل حل ہوسکے ،انہیں تعلیم اور روزگار میں ریزرویشن مل سکے۔مراٹھا سماج کی تعداد دیکھ کر تمام سیاسی پارٹیوں نے مراٹھا مسائل کو حل کرنے کا دم بھرنے لگے ۔ بیک وقت ریاست کی تمام پارٹیوں نے مراٹھا سماج کی حمایت میں مبالغہ آرائی سے کام لیا۔ لاکھوں کی تعداد میں خاموش مظاہر ہ کرنے والوں کے قائد نظر نہیں آئے مراٹھا مورچہ کو سماجی مورچہ کی شکل میں نکالاگیا جس میں کسی شخص کو سیاسی شہرت بٹورنے کا موقع نہیں دیا گیا تھا۔ مراٹھا مورچہ کے چھپے ہوئے قائدین تمام مثبت ،منفی پہلوں پر باریکی سے مطالعہ کرنے کے بعد کچھ نتائج پر عمل کرنے کے لیے صحیح وقت کا انتظار کررہے تھے وہ وقت اب آچکا ہے۔انہوں نے اسمبلی انتخابات کے پیش نظر ایک بہت ہی بڑا جھٹکا دینے والا فیصلہ سنایا ہے۔ مراٹھا کرانتی مورچہ کے ذمہ داران نے کہا ہے کہ اسمبلی انتخابات میں مراٹھا سماج شیوسینا کو ووٹ نہیں کریں گا۔ اس کی وجوہات انہوں نے بیان کی ہے کہ مراٹھا کرانتی مورچہ ریاست بھر میں مختلف اضلاع میں نکالاگیا لیکن ادھو ٹھاکرے کسی ایک مورچہ میں شریک نہیں ہوئے تھے۔شیوسینا کا مراٹھی روزنامہ میں مراٹھا کرانتی مورچہ کی ہنسی اڑائی گئی تھی خاموش احتجاج کو مکا مورچہ کہہ کر مراٹھا سماج کے لوگوں کی دل آزاری کی گئی تھی۔ اورنگ آباد کے شیوسینا کے لیڈر امباداس دانوے مراٹھا کرانتی مورچہ میں بدنظمی پھیلاتے ہوئے نوجوان کارکنوں کو زودکوب کرنے کا کام کیا تھا۔
مراٹھا ریزرویشن کے خلاف شیوسینا نے پہلے ہی دن سے مخالفت کرنا شروع کردی تھی۔ شیوسینا بھون پر بالاصاحب ٹھاکرے کا فوٹو اوپر کی جانب جبکہ شیواجی مہاراج کا فوٹو نیچے لگا کر مراٹھا سماج کے جذبات کو مجروع کیا گیا تھا۔ مراٹھا کرانتی مورچہ نے جب ممبئی میں مورچہ کے تعلق سے پروگرام کا انعقاد کیا تو بی ایم سی پر قابض شیوسینا حکومت نے مراٹھا مورچے کو سہولت دینے سے گریز کرتے ہوئے کہا تھا کہ پہلے روپئے جمع کرواؤ پھر سہولت کی بات کرو۔
شیوسینا کے قد آور لیڈر سنجے راؤت نے ٹی وی نائن پر انٹرویو دیتے ہوئے کہا تھا کہ ہمارے نذدیک مراٹھا ریزرویشن سے اہم مسئلہ رام مندر کی تعمیر کا ہے۔ مراٹھا سماج نے ۱۹؍ فروری کو شیواجی کے جنم دن کا جشن منایا تو شیو جینتی کے موقع پر شیوسینکوں نے مراٹھا سماج میں آپسی دراڑ پیدا کرنے کا کام کیا۔اتنی بڑی غلطیاں کرنے کے بعد کون سا سماج متحد ہوکر اپنے ووٹ کا غلط استعمال کرسکتا ہے؟اگر بات صرف سیاسی پلیٹ فار م پر ایک غلط جملہ کہنے کی ہو تو قابل معافی ہوتی ہے اور معافی کے بعد انہیں دوبارہ موقع دے دیا جاتا ہے۔ مراٹھا ریزرویشن کے معاملہ میں شیوسینا نے اتنی زیادتی کی ہے تو سماج حساب کتاب برابر کرنے کی تیاری تو ضرور کریں گا۔ مراٹھا سماج میں مسلم سماج سے زیادہ تعلیم یافتہ اور سیاسی شعور والے افراد موجود ہیں جو ایک غلطی کرنے والوں کو بھی سبق سکھائے بنا خاموش نہیںرہتے ہیں۔ذرائع سے ملی اطلاع کے مطابق یہ خبر ۲۸؍ ستمبر تھی لیکن چینلوں پر اسے بتانے میں تاخیر کی گئی اور فارم کی آخری تاریخ کے وقت منظر عام پر لائی جارہی ہے تاکہ شیوسینا پارٹی کو اس موضوع پر سیاست کرنے کا یا صفائی پیش کرنے کا موقع ہی نہیں دیا جائے۔ اس ضمن میں ایسا تو نہیں کہ بی جے پی کو پہلے ہی کچھ خبر معلوم ہوچکی تھی اس لیے اتحاد کرنے میں شش و پنج میں مبتلا تھی ؟ یا مراٹھا ووٹ شیوسینا کو نہ مل کر بی جے پی کو مل جائے تو زیادہ سیٹیں ملنے کے بعد ۵؍سال تک بی جے پی پارٹی کا ہی وزیر اعلیٰ ریاست میں برقرار رہے گا اور مراٹھا سماج کے کاموں کو اولیت دینے کا کام کریں گا۔ بہر حال سیاست نے دوسرا رخ اختیار کرلیا ہے ۲۴؍ تاریخ کو نتائج ظاہر ہونے کے بعد تمام سچائی سامنے آجائے گی۔