ممبئی میں مقیم حقیقی اور سرکاری طور پر کام کرنے والے ہاکروں کے قیام اور غیر مجاز ہاکروں کو ہٹانے کے لیے برسوں سے زیر التوا مسائل کو حل کرنے کی کوششیں اب کامیاب ہو رہی ہیں۔ ممبئی کی میئر ریتو تاوڑے نے کہا کہ اس کے ایک حصے کے طور پر، رجسٹرڈ ہاکروں کے لیے کیو آر کوڈ پر مبنی شناختی کارڈ کا نمائندہ اجرا آج منعقد کیا جا رہا ہے۔ عدالت کی ہدایات کے مطابق اور میونسپل اسٹریٹ وینڈرس ایکٹ کی بنیاد پر، کل 99,435 رجسٹرڈ شہری اسٹریٹ وینڈرس (ہاکروں) کو کیو آر کوڈ پر مبنی شناختی کارڈ تقسیم کرنے کے عمل کا باقاعدہ افتتاح ممبئی کی میئر ریتو تاوڑے نے کیا۔ ممبئی میونسپل کارپوریشن ہیڈکوارٹر کے اسٹینڈنگ کمیٹی ہال میں منعقدہ افتتاحی تقریب میں قائد ایوان گنیش کھنکر، اسٹینڈنگ کمیٹی کے چیئرمین پربھاکر شندے، شیوسینا کے گروپ لیڈر ایمے گھولے، انڈین نیشنل کانگریس کے گروپ لیڈر اشرف اعظمی اور دیگر نے شرکت کی۔ امپروومنٹ کمیٹی کی چیئرپرسن تعلیمی کمیٹی کی چیئرپرسن سندھیا دوشی، راجیشری شرواڈکر، کارپوریٹر دیپ مالا بڈھے، کارپوریٹر پریتی ساٹم، کارپوریٹر شیتل گمبھیر، کارپوریٹر ڈاکٹرسیدہ خان، کارپوریٹر رماکانت رہاٹے، کارپوریٹر تیجندر سنگھ ٹیوانہ، کارپوریٹر شیوکمار جھا، لائسنسنگ سپرنٹنڈنٹ انیل کٹے وغیرہ اس موقع پر موجود تھے۔اس موقع پر ممبئی کے مختلف علاقوں سے تقریباً 100 رجسٹرڈ سٹی اسٹریٹ وینڈرس (ہاکروں) کو میئر ریتو تاوڑے اور مختلف معززین نے کیو آر کوڈ پر مبنی شناختی کارڈ فراہم کئے۔ اس موقع پر خطاب کرتے ہوئے میئر ریتو تاوڑے نے کہا کہ میئر کا چارج سنبھالنے کے بعد میں نے میونسپل کارپوریشن میں ہاکروں کے مسئلہ کو حل کرنے کے لیے ہاکر پالیسی کی تمام معلومات اور موجودہ صورتحال کے بارے میں جانکاری حاصل کی۔ اس سلسلے میں مسائل کے حل کے لیے مسلسل کوششیں کی گئیں۔

اگرچہ سٹی اسٹریٹ وینڈرز یعنی ہاکر کمیٹی کا الیکشن اگست 2024 میں ہوا تھا لیکن قانونی وجوہات کی بنا پر گنتی کا عمل مکمل نہیں ہو سکاتھاعدالت اس عمل کو آگے بڑھانے کی اجازت دے اور محکمہ قانون کو اس سلسلے میں کوششیں کرنے کی ہدایت کی گئی۔ عدالت کی جانب سے اجازت ملنے کے بعد گنتی کا عمل مکمل ہو گیا اور سٹی اسٹریٹ وینڈر کمیٹیوں کا مسئلہ حل ہو گیا, عدالت کی طرف سے دی گئی ہدایات کے مطابق اور مقررہ وقت کے اندر، سٹی اسٹریٹ وینڈرز ایکٹ کی بنیاد پر کل 99,435 ہاکروں میں کیو آر کوڈ پر مبنی شناختی کارڈ تقسیم کیے جا رہے ہیں۔ ہم ہاکروں سے متعلق مختلف مسائل کے حل کے لیے مسلسل کوششیں جاری رکھیں گے۔ میئر نے کہا کہ ہم جامع کوششیں جاری رکھیں گے, تاکہ کسی کے ساتھ کوئی زیادتی نہ ہو اور کوئی بھی مستحق افراد وظائف سے محروم نہ رہے۔

ممبئی : ممبئی کرائم برانچ کی سائبر سیل نے ایک ایسے گروہ کو بے نقاب کرنے کا دعوی کیا ہے, جو اے پی کے فائل ارسال کر موبائل اکاؤنٹ ہیک کر کے بینک اکاؤنٹس سے رقومات نکال لیا کرتا تھا۔ اس گروہ کے دو افراد کو باقاعدہ طور پر گرفتار کر لیا گیا ہے۔ اس معاملہ میں اب تک پولس نے ۶ ملزمین کو گرفتار کیا ہے۔ ملزمین موبائل فون پر اے پی کے فائل بھیج کر اسے اوپن کرنے کا کہتے اور موبائل ہیک کر ساری رقومات لوٹ لیا کرتے تھے۔ اس معاملہ میں تین ہزار سے زائد شکایت سائبر پورٹل پر مندرج ہے, جبکہ ۹۰ سے زائد شکایت ممبئی میں درج کی گئی ہے۔ ایک کیس کی تفتیش میں انکشاف ہوا کہ اے پی کے فائل کون تیار کرتا تھا اور کہاں سے یہ گروہ آپریٹ کیا کرتا تھا۔ نیشنل سائبر پورٹل کے کیس میں بھی یہ گروہ ملوث ہے ۵۰۰ سو کیس مہاراشٹر سے ہے۔ مہانگر گیس کنکشن کے نام پر شکایت کنندہ کو ۱۰ روپے پیمنٹ ادائیگی کرنے کو فون پر کیا گیا تھا اور اس کے بعد شکایت کنندہ کا موبائل ہیک کر لیا گیا تھا, اب تک اس معاملہ میں 6 افراد کو گرفتار کیا گیا ہے اور ابھی دو کی گرفتاری عمل میں لائی گئی ہے, ان سے تفتیش جارئ ہے۔ کئی ملزمین کو صرف موبائل فون پر بات کرنے اور اے پی کے فائل ارسال کرنے کے لئے ہئ استعمال کیا جاتا تھا۔ اس میں ملزمین جھاڑ کھنڈ سمیت دیگر صوبے سے تعلق رکھتے ہیں۔ یہ اطلاع آج یہاں ممبئی سائبر ڈی سی پی بجرنگ بنسوڑے نے دی ہے۔

ممبئی : مہاراشٹر قانون ساز اسمبلی میں رکن اسمبلی اور ایس پی لیڈ ابوعاصم اعظمی کے گوونڈی شیواجی نگر میں ایس ایم ایس کمپنی بند کرنے کے مطالبہ کی پیروی کو آج اس وقت کامیابی ملی, جب یہاں ایوان اسمبلی میں وزیر ماحولیات پنکجہ منڈے بتایا کہ ایس ایم ایس کپ کمپنی بند کرنے سے متعلق تفصیل بتاتے ہوئے کہاُ کہ کمپنی کو بند کرنے کا حکم جاری کیا گیا ہے, اس کی ایم آئی ڈی سی میں منتقلی کا عمل بھی جاری ہے۔ منتقلی تک انتظار کرنا ہوگا اگر اس دوران بھی کمپنی سے اصول و ضوابط کی خلاف ورزی ہوتی ہے تو اس پر سخت کارروائی ہو گی۔ انہوں نے کہا کہ ایس ایم ایس کمپنی کی منتقلی تک صبر کرنا ہوگا, یہاں سے یہ کمپنی منتقل ہو گی۔ ابوعاصم اعظمی نے ایوان میں بتایا کہ ایس ایم ایس کمپنی سے متعلق سابقہ سرکار کے وزیر ادیتہ ٹھاکرے نے ۲۰۲۲ میں کمپنی بند کرنے کا دعویٰ کیا تھا لیکن اب تک یہ کمپنی یہاں موجود ہے۔ اس سے عوام کی صحت پر مضر اثرات مرتب ہوتے ہیں۔ ایس ایم ایس کمپنی ہی نہیں یہاں چار آر ایم سی پلانٹ بھی ہے, اس کے ساتھ ہی شہر کا کوڑا کچرا بھی یہاں پھینکا جاتا ہے۔ اعظمی نے کہا کہ سرکار کی چشم پوشی کا شکار گوونڈی شیواجی نگر علاقہ ہے, جب اجیت پوار اس علاقہ میں تشریف لائے تھے تو انہوں نے گوونڈی مانخورد کی پسماندگی اور بدحالی پر حیرت کا اظہار کرتے ہوئے یہ کہا تھا کہ ممبئی میں اتنا پسماندہ علاقہ مانخورد شیواجی نگر ہے, اس کے بعد انہوں نے فنڈ فراہمی کا بھی یقین دلایا تھا لیکن آج وہ ہمارے درمیان نہیں ہے۔ ایوان میں اسمبلی کی کامیاب پیروی کا نتیجہ ہے کہ ایس ایم ایس کمپنی منتقلی کو یقینی بنایا گیا ہے اور جلد ہی فضلا اور فضائی آلودگی کی ذمہ دار ایس ایم ایس کمپنی بند ہو گی۔