ممبئی: مہاراشٹر اسمبلی میں ایک طرف معیشت کو بڑھانے کا عزم کیا گیا تو دوسری طرف وزیر مالیات نائب وزیر اعلیٰ اجیت پوار کی عدم موجودگی میں خسارہ کا بجٹ پیش کیا گیا۔ مہاراشٹر اسمبلی میں آج ریاستی بجٹ پیش کیا گیا ریاست مہاراشٹر کا سال 2026-27 کا بجٹ آج قانون ساز اسمبلی میں پیش کیا گیا۔ ریاست کے وزیر اعلی دیویندر فڑنویس نے اس سال کا بجٹ پیش کیا۔ اس بجٹ تقریر کے دوران وزیر اعلیٰ نے آنجہانی نائب وزیر اعلیٰ اور سابق وزیر خزانہ اجیت پوار کی یاد کو تازہ کرتے ہوئے ان کو خراج عقیدت پیش کرتے ہوئے دو اہم اعلانات کئے ہیں۔ اجیت دادا کی یاد کو تازہ کرتے ہوئے وزیر اعلی دیویندر فڑنویس بجٹ پیش کرتے ہوئے جذباتی ہو گئے۔ اس موقع پر دیویندر فڑنویس نے ریاست کی معیشت میں اجیت پوار کے تعاون پر روشنی ڈالی۔ اجیت دادا آج ہمارے درمیان نہیں ہیں، لیکن بجٹ سے ان کا رشتہ بہت مضبوط تھا۔ وہ 11 مرتبہ ریکارڈ ریاستی بجٹ پیش کر چکے ہیں۔ محنتی آدمی ان کی اصل پہچان تھی۔وزیر اعلی نے اجیت پوار کے کام کی تعریف کرنے کے لئے درج ذیل دو اہم اعلانات کئے۔ ریاستی حکومت کی طرف سے اجیت پوار کی شخصیت اور کارناموں کے مطابق ایک عظیم الشان یادگار تعمیر کی جائے گی۔ نیز، ‘اجیت پوار گتیمان نگری سمان’ ایوارڈ ان لوگوں کے لیے شروع کیا جائے گا جنہوں نے انتظامی کاموں اور شہری سہولیات میں بہترین کارکردگی کا مظاہرہ کیا ہے۔ وزیر اعلیٰ نے کہا کہ یہ بجٹ مکمل طور پر اجیت پوار کو وقف کر رہا ہوں۔اجیت پوار اپنی نظم و ضبط اور کام کی رفتار کے لیے جانے جاتے تھے۔ یہ نیا ایوارڈ ان کے متحرک کام کی میراث کو آگے بڑھانے کے لیے تفویض کیا جائےگا۔ اس اعلان کے بعد ایوان میں موجود اراکین نے تالیاں بجا کر اس فیصلے کو سراہا۔

کسانوں کی دو لاکھ کی قرض معافی ، ریاست کے کسانوں کیلئے قرض معافی کا اعلان کیا گیا۔ وزیر اعلی دیویندر فڑنویس نے ریاستی بجٹ پیش کرتے ہوئے اس کا اعلان کیا۔ دیویندر فڑنویس نے اعلان کیا ہے کہ یہ قرض معافی پنیا بائی اہلیابائی ہولکر کسانوں کے قرض معافی اسکیم کے تحت کی گئی ہے۔ 30 ستمبر 2025 تک بقایافصلی قرض مقروض اہل کسانوں کے لیے دو لاکھ روپے تک کے قرض کی معافی کا اعلان کیا گیا ہے۔ یہ بھی اعلان کیا گیا ہے کہ ان کسانوں کو 50 ہزار روپے تک کا مراعاتی استقادہ۔ ہو گا جو اپنے قرض کی باقاعدگی سے ادائیگی کرتے ہیں۔ کون سے کسان قرض معافی کے اہل ہیں؟ دو لاکھ روپے تک کے بقایا قرضوں کے ساتھ کسان، صرف وہ کسان اہل ہوں گے جن کے فصل کے قرض بقایا ہیں۔
30 ستمبر 2025 تک بقایا قرض معاف کر دیے جائیں گے۔
قرض کی باقاعدگی سے ادائیگی کرنے والے کسانوں کو 50 ہزار روپے تک کا مراعاتی فائدہ دیا جائے گا۔
بجٹ میں زراعت کے لیے اہم نکات ، کسانوں کے دو لاکھ تک کے فصلی قرض معاف، اہل کسان 30 ستمبر 2025 تک مستفید ہوں گے۔ قرض کی باقاعدگی سے ادائیگی کرنے والے کسانوں کو 50,000 روپے تک کی مراعات دی جائیں گی ۔کھیت مزدور گوپی ناتھ منڈے ایکسیڈنٹ اسکیم میں حصہ لیں گے۔پانند سڑکوں کی منظوری دی گئی ہے۔30 لاکھ سے زیادہ کسانوں کو موسم اور بازار کی قیمت کی معلومات فراہم کی جارہی ہیں۔ چاروں زرعی یونیورسٹیوں میں اے آئی جی کی مدد لی جا رہی ہے۔ اس سے کسانوں کی آمدنی بڑھانے میں مدد مل رہی ہے۔ زرعی اسٹیک اسکیم پر عمل کیا جارہا ہے۔فروری تک 1 کروڑ 31 لاکھ کسان شناختی کارڈ بنائے گئے ہیں۔چار سال میں سرمایہ کاری میں اضافہ کرکے انفراسٹرکچر بنایا جائے گا۔مہاراشٹر نیچرل ایگریکلچر مشن اگلے دو سالوں میں شروع ہوگا۔گوپی ناتھ منڈے اسکیم اب کھیت مزدوروں کو بورڈ میں شامل کریں گے۔ خواتین چرواہوں اور بکریوں کے لیے ایک خصوصی اسکیم نافذ کی جائے گی۔ مہاراشٹر بجٹ محصول خسارہ کم ہو کر 1 فیصد، اس سال بجٹ میں اخراجات کے لیے 7 لاکھ 69 ہزار 467 کروڑ روپے مختص کیے گئے ۔اس سال کے بجٹ میں 40 ہزار 552 کروڑ روپے کے خسارے کا سامنا ہے۔ حکومت مالیاتی خسارے کو 3 فیصد سے نیچے رکھنے میں کامیاب ہوئی ہے اور محصولات کا خسارہ 1 فیصد سے نیچے رہ گیا ہے نکسل متاثرہ علاقوں پر بھی اس بجٹ میں خاص توجہ مرکوز کی گئی ہے۔ گڈچرولی میں 2 لاکھ کروڑ روپے کی سرمایہ کاری کی کی گئی ہے اس بجٹ میں ودربھ کو بھی بہتر حصہ دیا گیا ہے۔ ایوان اسمبلی میں دیویندرفڑنویس نے خسارہ کا بجٹ پیش کیا ہے اس کے ساتھ ہی بجٹ میں گاؤں کی سڑکوں کو ترقی سے مربوط کرنے کےلیے کنکریٹ سڑکوں کو منظوری دیدی گئی ہے ایک ہزار سے زائد آبادی والے گاؤں کو کنکریٹ سڑکوں سے مربوط کیا جائے گا ممبئی میں آبی گزرگاہوں کو ۳۴۰ کلومیٹر تک توسیع کیا جائے گا دیویندرفڑنویس نے یہ بھی کہاُکہ مسافروں کی تعداد جو ایک کروڑ ۶۰ لاکھ تھی وہ بڑھ کر ۷ کروڑ ہو جائے گا ۔ اس بجٹ میں ریاست میں ۵۰ لاکھ روزگار کے مواقع کا بھی دعویٰ کیا گیا ہے اس کے ساتھ ہی گاؤں سمیت شہروں کو کئی سوغات دی گئی ہے ۳۰ لاکھ کسانوں کو ماحولیات کی معلومات فراہم کی جائے گی جس سے زرعی پیداوار میں اضافہ یقینی ہے۔ ایک کروڑ ۳۱ لاکھ کسانوں کی آئی ڈی فروری تک مکمل ہو گی آئندہ دو سال میں مہاراشٹر فطری زرعی پیدوار کی ابتدا کی گئی ہے۔ مہاراشٹرا کو ترقی سے وابستہ کرنے کےلئے ممبئی اور پونہ میں ۵۰ ارب ڈالر کا مرکز تیارکرنے کا ہدف ہے۔