ممبئی : ممبئی مہاراشٹر سماجوادی پارٹی لیڈر و رکن اسمبلی ابوعاصم اعظمی نے کہا کہ بی جے پی کے آنجہانی وزیر اعظم اٹل بہاری واجپئی نے فلسطین کی آزادی کی حمایت کی تھی اور اس پر ظلم و جبر کی مخالفت کی تھی, لیکن آج ملک اسرائیل نواز ہے۔ انہوں نے اسرائیل اور ایران جنگ کے حالات پر ایران کی حمایت کرتے ہوئے ایران کے لئے دعا کی اور کہا کہ ایران مظلومین کیلئے میدان عمل میں اللہ اسے کامیابی عطا کرے, میں یہی دعا کرتا ہوں ایرانی مذہبی پیشوا اور سربراہ آیت اللہ خمینی کی جراتمندی اور حمیت کو ابو عاصم اعظمی نے سلام پیش کرتے ہوئے کہا کہ ایران ظلم کے خلاف کھڑا ہے, اس لیے ہم اس کے لئے دعا گو ہے۔ اعظمی نے کہا کہ ایران سے جس طرح سے ہندوستانی شہریوں کو ہندوستان لایا گیا ہے, اسی طرح سے اسرائیل میں جنگ کا شکار ہندوستانیوں کو بھی وطن واپس لایا جائے۔ کرناٹک سرکار کے ہاؤسنگ سوسائٹی میں ۱۵ فیصد مسلمانوں کو ریزرویشن دینے کے فیصلہ کا بھی اعظمی نے خیرمقدم کیا اور کہا کہ ہاؤسنگ سوسائٹی میں اگر ۱۵ فیصد ریزرویشن دیا گیا تو اس میں غلط کچھ نہیں ہے, یہاں سب کے ساتھ مساوی انصاف کا حق و اختیار ہے۔

نئی دہلی : کانگریس کے سابق صدر راہل گاندھی نے جمعہ کو الزام لگایا کہ بھارتیہ جنتا پارٹی (بی جے پی) اور راشٹریہ سویم سیوک سنگھ (آر ایس ایس) نہیں چاہتے کہ ہندوستان کے غریب بچے انگریزی سیکھیں کیونکہ وہ نہیں چاہتے کہ لوگ سوال کریں، آگے بڑھیں اور مساوات حاصل کریں۔ انہوں نے یہ بھی کہا کہ ہمیں ہر بچے کو انگریزی سکھانی چاہئے کیونکہ آج کے دور میں انگریزی زبان بھی اتنی ہی اہم ہے جتنی کہ ہندی مادری زبان۔ لوک سبھا میں اپوزیشن لیڈر نے یہ تبصرہ وزیر داخلہ امت شاہ کے مبینہ بیان کے ایک دن بعد کیا۔ راہل گاندھی نے ‘ایکس’ پر پوسٹ کیا کہ انگریزی ایک پل ہے، ڈیم نہیں۔ انگریزی شرم نہیں طاقت ہے۔ انگریزی کوئی زنجیر نہیں ہے – یہ زنجیروں کو توڑنے کا ایک ذریعہ ہے۔ انہوں نے الزام لگایا کہ بی جے پی آر ایس ایس نہیں چاہتی کہ ہندوستان کے غریب بچے انگریزی سیکھیں کیونکہ وہ نہیں چاہتے کہ لوگ سوال کریں اور برابر بنیں۔

راہول گاندھی نے یہ بھی کہا کہ آج کی دنیا میں انگریزی آپ کی مادری زبان کی طرح اہم ہے کیونکہ اس سے روزگار ملے گا اور خود اعتمادی بڑھے گی۔ انہوں نے زور دیا کہ ہندوستان کی ہر زبان میں روح، ثقافت اور علم ہے۔ ہمیں ان کی قدر کرنی ہے اور ساتھ ہی ساتھ ہر بچے کو انگریزی سکھانا ہے۔ یہ ایک ایسے ہندوستان کا راستہ ہے جو دنیا سے مقابلہ کرتا ہے۔ ہر بچے کو یکساں مواقع دیں۔

ممبئی : ممبئی سابق وزیر اور این سی پی لیڈر دھننجے منڈے کو ہائیکورٹ نے زبردست جھٹکا دیا ہے۔ منڈے کو ان کی اہلیہ کو گزرا بھتہ نان و نقفہ دینے کا حکم جاری کیا ہے, دھننجے منڈے کو ۵۰ فیصد نان و نفقہ کی ادائیگی کا حکم چار ہفتوں میں ممبئی ہائیکورٹ نے جاری کیا ہے۔ کرونا منڈے نے صحافیوں سے گفتگو کرتے ہوئے منڈے پر سنگین الزام عائد کئے ہیں, انہوں نے کہا کہ منڈے بہتر ہے لیکن ان کی دلال گینگ انہیں بہکاتی ہے۔ اس فیصلہ کا کرونا منڈے نے خیر مقدم کیا ہے۔ سابق وزیر دھننجے منڈے کا کیس باندرہ فیملی کورٹ میں جاری تھا, منڈے سے نان و نقفہ کا مطالبہ کرونا نے کیا تھا۔ منڈے پر 2 لاکھ روپیہ گزرا بھتہ نان و نفقہ کا دعویٰ کیا گیا تھا, اس عرضداشت پر سماعت کرتے ہوئے منڈے کو ہائیکورٹ نے زبردست جھٹکا دیا ہے۔ باندرہ کورٹ نے کئی ماہ قبل کرونا شرما کو گزرا بھتہ کے طور پر ایک لاکھ ۲۵ ہزار روپے ادائیگی کا حکم دیا تھا۔ اس کو ہائیکورٹ کو میں چیلینج کیا گیا تھا۔ اس پر جسٹس منجو شاہ دیشپانڈے کی یک رکنی بینچ نے سماعت کی۔ اگست ۲۰۲۲ تا جون ۲۰۲۵ یا ۳۴ مہینے کا کل ۴۳ لاکھ ۷۵ ہزار روپے بقایا ادا کرنے کا حکم اور ۲۱ لاکھ ۸۷ ہزار ۵۰۰ روپے یعنی ۵۰ فیصد رقم باندرہ کورٹ میں چار ہفتوں میں جمع کرنے کا حکم صادر کیا ہے۔ کرونا منڈے نے دھننجے منڈے پر اذیت دینے اور دھمکانے سمیت موبائل فون پر فحش ویڈیو ارسال کرنے کا بھی سنگین الزام عائد کیا ہے۔