(جنرل (عام
سپریم کورٹ نے چہرہ ڈھانپ کر کالج آنے کی اجازت نہیں دی، کالج کو 18 نومبر تک اپنا موقف پیش کرنے کا کہا ہے۔

نئی دہلی : سپریم کورٹ نے ممبئی کے ایک نجی کالج کی ہدایات پر جزوی طور پر پابندی لگا دی، جس میں حجاب، برقع اور نقاب پہننے پر پابندی تھی۔ سپریم کورٹ نے کہا کہ کیمپس میں مذہبی سرگرمیاں نہیں ہونی چاہئیں۔ کلاس روم کے اندر چہرے کو ڈھانپنے کی اجازت نہیں ہے۔ عدالت عظمیٰ نے این جی آچاریہ اور ڈی کے مراٹھے کالج چلانے والی ‘چیمبر ٹرامبے ایجوکیشن سوسائٹی’ کو نوٹس جاری کرتے ہوئے اسے 18 نومبر تک جواب دینے کو کہا ہے۔
مسلم طلباء نے سپریم کورٹ میں درخواست دائر کی تھی جس میں کالج کی ہدایات کو چیلنج کیا گیا تھا۔ جب انہیں بامبے ہائی کورٹ سے اس معاملے میں راحت نہیں ملی تو انہوں نے سپریم کورٹ سے رجوع کیا۔ جسٹس سنجیو کھنہ کی قیادت والی سپریم کورٹ بنچ نے کالج کی ایسی ہدایات پر حیرت کا اظہار کیا۔ عدالت نے کہا کہ یہ کیسا حکم ہے؟ ایسے قوانین کو نافذ کرنے کا مطلب مذہب کو بے نقاب کرنا نہیں ہے؟ کیا طلبہ کے ناموں میں مذہب کی جھلک نہیں ہوگی؟ کیا آپ کہیں گے کہ بچوں کی شناخت ان کے رول نمبروں سے کی جائے گی؟
کالج کی جانب سے سینئر وکیل مادھوی دیوان عدالت میں پیش ہوئے۔ جسٹس نے سوال کیا کہ کالج کب سے چل رہا ہے؟ مادھوی دیوان نے جواب دیا کہ 2008 سے موجود ہے۔ اس پر جج نے کہا کہ آپ نے اتنے سال کوئی ہدایات جاری نہیں کیں، پھر اچانک یاد آیا کہ یہ مذہب کا سوال ہے۔ یہ بدقسمتی کی بات ہے کہ آپ برسوں بعد ایسی ہدایات جاری کر رہے ہیں۔ کیا آپ یہ کہہ سکیں گے کہ تلک کے ساتھ آنے والے طلباء کو اجازت نہیں ہوگی؟ اس پر مادھوی دیوان نے کہا، ‘441 مسلم طلباء نے خوشی سے کالج میں داخلہ لیا ہے۔ صرف چند طلباء کو ان قواعد پر اعتراض ہے۔ اس پر عدالت نے سوال کیا کہ کیا یہ لڑکیوں پر نہیں چھوڑا جا سکتا کہ وہ کیا پہننا چاہتی ہیں؟
مادھوی دیوان نے سپریم کورٹ میں دلیل دی کہ نقاب اور برقعہ میں مسئلہ ہے کیونکہ اس سے چہرہ چھپاتا ہے۔ بنچ نے ان سے اتفاق کیا اور کہا، ‘کلاس میں چہرے کو ڈھانپنے والا کوئی لباس پہننے کی اجازت نہیں دی جا سکتی۔ ہم ایسی کسی ہدایات میں مداخلت نہیں کر رہے ہیں۔ ممبئی کے کالجوں میں حجاب، برقعہ اور نقاب پہننے پر پابندی کو بمبئی ہائی کورٹ نے برقرار رکھا۔ اس کے بعد ہی معاملہ سپریم کورٹ تک پہنچا۔ درخواست گزاروں کی جانب سے ایڈووکیٹ ابیہا زیدی نے کہا تھا کہ کالج میں یونٹ ٹیسٹ شروع ہونے کی وجہ سے فوری سماعت کی ضرورت ہے۔ 26 جون کو بامبے ہائی کورٹ نے اس معاملے سے متعلق 9 طالبات کی عرضی کو مسترد کر دیا تھا۔
قابل ذکر ہے کہ 13 اکتوبر 2022 کو حجاب پر پابندی کے معاملے میں سپریم کورٹ کا متضاد حکم آیا تھا۔ جہاں سپریم کورٹ کے اس وقت کے جسٹس ہیمنت گپتا نے حجاب پر پابندی پر کرناٹک ہائی کورٹ کے فیصلے کو برقرار رکھا تھا، وہیں دوسرے جسٹس سدھانشو دھولیا نے حجاب پر پابندی کے فیصلے کو مسترد کر دیا تھا۔ اس کے بعد معاملہ چیف جسٹس کو بھجوایا گیا، تاکہ مناسب ہدایات جاری کی جاسکیں۔ اس کے ساتھ اس معاملے کو بھی ٹیگ کیا گیا، جس پر سپریم کورٹ نے کالجوں میں حجاب پر پابندی کی ہدایت پر پابندی لگا دی ہے۔
ممبئی پریس خصوصی خبر
این سی پی لیڈر بابا صدیقی قتل ماسٹر مائنڈ ذیشان اختر کینڈا میں گرفتار، ممبئی کرائم برانچ کی تفتیش میں مزید پیش رفت کی امید، اب تک 26 ملزمین گرفتار

ممبئی : این سی پی کے سنیئر لیڈر بابا صدیقی قتل کیس میں اہم اور ماسٹر مائنڈ ذیشان اختر کی کینڈا میں گرفتاری کی ممبئی کرائم برانچ ذرائع نے تصدیق کی ہے اور اس کی حوالگی کی بھی تیاری شروع کر دی ہے۔ ذیشان اختر وہی ملزم ہے جس نے قتل کی سازش کو انجام دیا تھا اور شوٹروں کے رابطے میں تھا, اس معاملہ میں ممبئی کرائم برانچ نے کل 26 ملزمین کو گرفتار کیا ہے, ان کے خلاف مکوکا کے تحت چارج شیٹ بھی داخل کر دی گئی ہے۔ ذیشان اختر شوبھم لونکر کے رابطے میں تھا اور اس نے ہی انمول بشنوئی سے بھی رابطہ رکھا تھا۔
ذیشان پر شوٹروں کو معاونت دینے کا بھی الزام ہے ذیشان نے اس سے قبل پاکستان میں گینگسٹر شہزاد بھٹی کے ساتھ پناہ لینے کا دعوی کیا تھا, لیکن تفتیشی ایجنسی کا دعوی ہے کہ اس نے یہ دعوی کرائم برانچ اور تفتیشی انجنسیوں کو گمراہ کر نے کیلئے کیا تھا, جبکہ وہ نیپال کے راستہ سے فرضی پاسپورٹ کے معرفت کینڈا گیا تھا اور کینڈا میں فرضی پاسپورٹ کے معاملہ میں اس کی گرفتاری عمل میں لائی گی ہے, ذیشان کیلئے انٹرپول نے ریڈ کارنر نوٹس بھی جاری کیا تھا, اس کے ساتھ ہی اس کی تلاش بھی جاری تھی اس معاملہ میں ایک اہم ملزم شوبھم لونکر ہنوز فرار ہے۔
بابا صدیقی کے قتل کی ذمہ داری لارنش بشنوئی گینگ نے قبول کی تھی اور انمول بشنوئی نے ہی اس کی منصوبہ بندی تیار کی تھی اور ذیشان اس کے رابطے میں تھا۔ ممبئی کرائم برانچ نے اس معاملہ میں جن 26 ملزمین کو گرفتار کیا ہے, ان میں سے کئی نے اس معاملہ میں اہم انکشافات کئے ہیں جبکہ کرائم برانچ کو اس معاملہ میں ذیشان کی گرفتاری کے بعد ایک بڑی کامیابی ملی ہے, اور اب بابا صدیقی قتل کیس میں مزید پیش رفت یقینی ہے۔
بابا صدیقی قتل کے بعد یہ سنسنی خیز انکشاف ہوا تھا کہ بابا صدیقی فلم اداکار سلمان خان کے قریبی اور معتمد خاص ہے اس لئے انہیں لارنس بشنوئی نے نشانہ بنایا تھا اس کے ساتھ ہی بابا صدیقی کے فرزند ذیشان صدیقی کو متعدد مرتبہ دھمکیاں موصول ہوچکی ہے اس کے ساتھ ہی پولیس نے ذیشان صدیقی کی سیکورٹی میں بھی اضافہ کر دیا ہے۔ ذیشان اختر کی گرفتاری کے بعد اب ممبئی کرائم برانچ کو مزید اہم تفصیلات ملنے کی امید ہے۔ ذیشان اختر کا اصل نام یسین اختر عرف جسی بھی ہے۔ قتل کی واردات کو انجام دینے کے بعد ذیشان نے نیپال میں کتنے دنوں تک قیام کیا اور وہ کس کس کے رابطے میں تھا یہ بھی تفتیش کا اہم پہلو ہے۔ کرائم برانچ نے ذیشان کی حوالگی کیلئے دستاویزات تیار کر نے شروع کردئیے ہیں اور جلد ہی ممبئی کرائم برانچ ذیشان کو ممبئی لائیگی۔
جرم
ماٹونگا طلائی زنجیر اچکنے والے دو گرفتار

ممبئی : ممبئی ماٹونگا پولیس اسٹیشن کی حدود میں 18 مئی کو شکایت کنندہ خاتون تلک بریج فٹ پاتھ دادر ٹی ٹی سے پیدل گزر رہی تھی کہ اچانک ایک نامعلوم اچکے نے پیچھے سے آکر اس کے گلے میں موجود منگل سوتر اچک لیا۔ اس معاملہ میں پولیس نے کیس درج کر لیا۔ اس معاملہ میں تفتیش کی گئی تو سلیم متین عید عرف موجیش 44 سالہ رنگ ریز ماہم کپڑا بازار کا ساکن، اکبر احمد سید 45 سالہ آر سی ماہم جھوپڑپٹی ماہم نے یہ چوری کی ہے, اس پر پولیس نے ان دونوں کو گرفتار کر لیا ہے۔ اس معاملہ میں چوری کا مسروقہ مال بھی برآمد کرنے کا دعوی پولیس نے کیا ہے۔ یہ کارروائی ممبئی پولیس کمشنر دیوین بھارتی، جوائنٹ پولیس کمشنر نظم ونسق ستیہ نارائن چودھری، ڈی سی پی راگسودھا ماٹونگا کے سنیئر انسپکٹرراجندر پوار نے انجام دی ہے۔
سیاست
کانگریس لیڈر راہل گاندھی پر وزیر اعلی دیویندرفڑنویس کی تنقید

ممبئی : مہاراشٹر کے وزیر اعلی دیویندر فڑنویس نے آج یہاں کابینہ اجلاس کے بعد پریس کانفرنس سے خطاب کرتے ہوئے الیکشن کمیشن آف انڈیا ای سی پر لوک سبھا اپوزیشن لیڈر راہل گاندھی کے الزامات کو بے بنیاد قرار دیا اور کہا کہ راہل گاندھی نے الیکشن کمیشن میں اس متعلق شکایت نہیں کی تھی, لیکن ان کے سیل نے اس تعلق سے الیکشن کمیشن سے خط و کتابت کیا تھا۔ الیکشن کمیشن نے 60 صفحات پر مشتمل تمام اعتراضات کا جواب ارسال کیا ہے, اس کے باوجود راہل گاندھی جھوٹ بول رہے ہیں, ان کا کام ہی جھوٹ بولنا ہے۔ انہوں نے کہا کہ آپریشن سندور ملک کیلئے باعث افتخار ہے, اس پر سوال کھڑا نہیں کیا جاسکتا, لیکن لوگ اس پر بھی سوال اٹھا رہے ہیں, اس پر متعدد سیاسی لیڈران کی علیحدہ رائے بھی ہے کوئی اخبار میں کچھ چھپاتا ہے۔
وزیر اعلی نے کہا کہ 25 کروڑ عوام کی معیشت بہتر ہوئی ہے اور وہ خط افلاس سے اوپر اٹھ گئے ہیں, یہ کہنا کہ کچھ لوگوں کو فائدہ ہوا ہے, اس میں کوئی دو پیسہ زیادہ ضرور کماتا ہے لیکن آخری آدمی تک کو موقع میسر ہوا ہے۔ ملک کی معیشت تیزی سے ترقی کر رہی ہے, جینت پاٹل کے ریاستی صدر کی ذمہ داریوں سے دستبرداری پر دیویندر فڑنویس نے کچھ بھی کہنے سے انکار کر دیا, البتہ اتنا ضرور کہا کہ جینت پاٹل نے تمام ذمہ داریوں سے دستبردار ہونے کی خواہش کیوں ظاہر کی یہ سمجھنا ہوگا۔
-
سیاست8 months ago
اجیت پوار کو بڑا جھٹکا دے سکتے ہیں شرد پوار، انتخابی نشان گھڑی کے استعمال پر پابندی کا مطالبہ، سپریم کورٹ میں 24 اکتوبر کو سماعت
-
ممبئی پریس خصوصی خبر6 years ago
محمدیہ ینگ بوائزہائی اسکول وجونیئرکالج آف سائنس دھولیہ کے پرنسپل پر5000 روپئے کا جرمانہ عائد
-
سیاست5 years ago
ابوعاصم اعظمی کے بیٹے فرحان بھی ادھو ٹھاکرے کے ساتھ جائیں گے ایودھیا، کہا وہ بنائیں گے مندر اور ہم بابری مسجد
-
جرم5 years ago
مالیگاؤں میں زہریلے سدرشن نیوز چینل کے خلاف ایف آئی آر درج
-
جرم5 years ago
شرجیل امام کی حمایت میں نعرے بازی، اُروشی چوڑاوالا پر بغاوت کا مقدمہ درج
-
خصوصی5 years ago
ریاست میں اسکولیں دیوالی کے بعد شروع ہوں گے:وزیر تعلیم ورشا گائیکواڑ
-
جرم5 years ago
بھیونڈی کے مسلم نوجوان کے ناجائز تعلقات کی بھینٹ چڑھنے سے بچ گئی کلمب گاؤں کی بیٹی
-
قومی خبریں6 years ago
عبدالسمیع کوان کی اعلی قومی وبین الاقوامی صحافتی خدمات کے پیش نظر پی ایچ ڈی کی ڈگری سے نوازا