ممبئی – ساوتھ ممبئی کا مشہور بلڈر دلاور خان ان دنوں ممبئی سے فرار چل رہا ہے ایسی جانکاری تھانے کرائم برانچ کے افسران سے ملی ہے۔ وہی دلاور خان کی کمپنی ڈی کے ریالیٹر کے ذریعے کیے گئے سبھی لین دین کی جانکاری تھانے کرائم برانچ جمع کر رہی ہے۔ دلاور کے ذریعے بننے والی سبھی عمارتوں کا کام فلحال بند ہے۔

دراصل بلڈر دلاور خان کا نام جب سامنے آیا جب تھانے کرائم برانچ ایک بینک اکاؤنٹ ہیکنگ کی جانچ کر رہی تھی۔ پولیس نے ہیکنگ کیس کی تحقیقات کرتے ہوئے 16,180 کروڑ روپے کے حوالا لین دین کا پردہ فاش کیا۔

تھانے پولیس سائبر سیل نے کمپیوٹر ہیکنگ اسکینڈل کی تحقیقات کرتے ہوئے کل 16,180 کروڑ روپے کے مشتبہ لین دین کا پتہ لگایا ہے۔ تحقیقات کے دوران احکام نے انکشاف کیا کہ 260 پارٹنرشپ فرم کے بینک اکاؤنٹس جھوپڑپٹی آبادیوں کے ناموں پر بنائے گئے تھے۔

ریحیل انٹرپرائزز نامی ایک کمپنی کے دفتر میں تلاشی کے دوران بینک اکاؤنٹس سے متعلق دستاویزات برآمد ہوئیں۔ پولیس نے اس معاملے میں چھ لوگوں کو گرفتار کیا ہے۔

قابل ذکر بات یہ ہے کہ کے جن لوگوں کے نام کمپنی درج کی گئی تھی اس کے مالکان میں سے کسی کو بھی ان کھاتوں یا کمپنیوں کے بارے میں کوئی علم نہیں تھا۔ پارٹنرشپ فرموں کے کچھ بینک کھاتوں میں جن پتے کا ذکر کیا گیا ہے وہ تھانے ریلوے اسٹیشن کے قریب بال گنیش ٹاور کے تھے، جو ایک تجارتی ٹاور ہے جس میں کئی دفاتر ہیں۔ جب پولیس اس پتے پر پہنچی تو صرف ایک آفس بوائے اس آفس میں ملا، جسے ان فرضی کمپنیوں کے بارے میں کوئی علم نہیں تھا، بینک کی چیک بک اور کارڈ جمع کرنے کے لیے اسے وہاں بٹھایا گیا تھا۔

مزید جب ان بینک کھاتوں کی تفصیلات جمع کی گئیں تو پولیس نے پایا کہ جون سے اب تک ان کھاتوں کے ذریعے 16,180 کروڑ روپے سے زیادہ کے لین دین ہوئے ہیں۔ پولیس کا کہنا ہے کہ کثیر رقم بیرون ملک بھی بھیجی گئی۔

دراصل یہ معاملہ سری نگر پولیس اسٹیشن کی جانب سے پے گیٹ انڈیا پرائیویٹ لمیٹڈ (سیف ایکس پے ٹیکنالوجی پرائیویٹ لمیٹڈ) کی جانب سے درج کی گئی شکایت کی تحقیقات کے دوران سامنے آیا، یہ ایک پیسوں کی ادائیگی کی خدمات فراہم کرنے والی کمپنی ہے۔

اس کمپنی کے عہدیداروں نے دعویٰ کیا تھا کہ اس سال جون میں کچھ نامعلوم لوگوں نے ان کا سسٹم ہیک کرکے 25.18 کروڑ روپے نکال لیے۔ پولیس حکام نے پایا کہ اس اکاؤنٹ سے 1.39 کروڑ روپے ریحیل انٹرپرائزز پرائیویٹ لمیٹڈ نامی فرم کے اکاؤنٹ میں منتقل کیے گئے تھے، جو کہ واشی اور بیلا پور میں امپورٹ ایکسپورٹ کرنے والی فرم ہے۔

تھانے سائبر سیل کے سینئر پولیس انسپکٹر ستیش راٹھوڑ نے کہا، “ہم نے ریحیل انٹرپرائزز کے دفتر کی تلاشی لی اور پتہ چلا کہ کئی باونس شدہ چیک پتے، کچھ پاٹنر شپ کمپنیوں کی کتابیں اور 97 کمپنیوں کے ایگریمینٹ کے کاغذات دفتر میں رکھے گئے تھے۔”

“تمام ایگریمنٹ میں کچی آبادیوں کے پتے تھے اور ان میں سے کچھ کے پتے بال گنیش ٹاور، تھانے کے تھے۔ جب ہم نے پتوں کی تصدیق کی تو پتہ چلا کہ یہ سب جعلی پتوں والی ڈمی کمپنیاں ہیں، اور زیادہ تر کچی آبادیوں کے لوگ، جن کے دستاویزات استعمال کر کے یہ جعلی کمپنیاں بنائی گئی ہے۔” ان کچی آبادی میں رہنے والے لوگوں کو ان کے دستاویزات کا استعمال کرتے ہوئے بنائی گئی کمپنیوں کے بارے میں کوئی علم نہیں تھا۔ انہوں نے انکشاف کیا کہ ماضی میں کچھ نجی افراد نے قرض فراہم کرنے کے لیے ان سے رابطہ کیا تھا اور ان کے کاغذات لے لیے تھے، لیکن انہیں کسی طرح کا کوئی قرض نہیں دیا گیا۔ کئی سارے پارٹنرشپ فرم بنانے کے لیے استعمال ہونے والی دستاویزات بھی جعلی معلوم ہوتے ہیں۔”

پولیس کے مطابق ایسا ہے ایک معاملہ 2016 اور 2017 میں سامنے آیا تھا جب اس معاملے میں حوالہ آپریٹر محمد فاروق عرف فاروق چپل کو انفورسمنٹ ڈائریکٹوریٹ نے منی لانڈرنگ میں گرفتار کیا تھا۔

تھانے اکنامک آفنس ونگ کے ڈی سی پی راجندرا دھباڑے نے کہا کہ ہم نے انکم ٹیکس اور انفورسمنٹ ڈائریکٹوریٹ کو جانکاری دے دی ہے۔ اس معاملے میں سنجے سنگھ ، امول اندھالے عرف امن، کیدار عرف سمیر دگھے، جتندر پانڈے کو گرفتار کر لیا ہے اور ان پر آئی پی سی 420، 409،467،468، 120 بی اور 34 کے معاملے درج کر لیے ہیں۔

اس معاملے میں جب دلاور خان کو پوچھ تاچھ کے لیے بلایا گیا تو وہ اس کے بعد سے لاپتہ ہوگیا ہے۔ تھانے پولیس کے مطابق کیوں کے یہ معاملے کی ابھی جانچ چل رہی ہے تو دلاور خان کا اس میں کیا کردار تھا یہ ابھی بتانا ٹھیک نہیں ہوگا۔فلحال تھانے پولیس دلاور خان کو بڑی تیزی سے تلاش کر رہی ہے۔