ممبئی : ممبئی شہر و مضافات میں موسلادھار بارش کے سبب عام شہری نظام مفلوج ہو کر رہ گیا۔ سڑکیں تالاب میں تبدیل ہو گئی, اندھیری سب وے پانی بھر جانے کے سبب بند کر دیا گیا۔ محکمہ موسمیات نے پیشگوئی کی ہے کہ بارش کا سلسلہ ہنوز جاری رہے گا اور اس لئے ممبئی شہر میں بی ایم سی اور پولیس نے ریڈ الرٹ جاری کیا ہے۔ ممبئی کے ماٹونگا سائن، دادر، وکرولی، چمبور، سمیت دیگر علاقوں میں پانی جمع ہونے کے سبب شہریوں کو پریشانی کا سامنا کرنا پڑا, اتنا ہی نہیں چمبور میں حادثہ ٹل گیا, کیونکہ یہاں سے مکینوں کو خالی کروایا گیا۔ ممبئی میں بارش کا قہر جاری ہے, ماٹونگا اور سائن کے علاقے میں کئی علاقے زیر آب آگئے۔ اس دوران پولس نے بارش سے متاثر اسکولی بچوں کو بحفاظت باہر نکالا اور انہیں اسکول بس میں گھر روانہ کیا۔ ممبئی پولس سڑکوں پر اہلیان ممبئی اور متاثرین کی امداد میں فعال نظر آئی۔ ممبئی پولس کمشنر نے شہریوں سے اپیل کی ہے کہ بلا ضرورت گھر سے باہر نہ نکلیں۔ ممبئی میں بارش کا سلسلہ بتدریج جاری ہے, حالات سیلابی کیفیت میں تبدیل ہو گئے ہیں۔ کرلا، لائپ روڈ، شیتل تالاب ساکی ناکہ اندھیری جیسے نشیبی علاقے زیر آب ہو گئے, ٹریفک نظام بھی درہم برہم ہو گیا۔ بی ایم سی کمشنر بھوشن گگرانی نے تمام وارڈ افسران کو الرٹ رہنے کا حکم جاری کیا ہے ڈیزاسٹر مینجمنٹ کو بھی الرٹ پر رکھا گیا ہے۔ ممبئی میں شدید بارش (ریڈ الرٹ) کی وارننگ کی وجہ سے طلباء کی حفاظت کو مدنظر رکھتے ہوئے، ممبئی کے تمام اسکولوں اور کالجوں میں آج بروز پیر، 18 اگست 2025 کو دوپہر کے سیشن کے لیے چھٹی تعطیل دیدی گئی۔ میونسپل کمشنر کی تمام نظام کو اچھی طرح سے لیس رکھنے کی ہدایت دی ہے, شہریوں سے اپیل ہے کہ ضرورت پڑنے پر ہی گھروں سے باہر نکلیں بلاوجہ گھر سے باہر نہ نکلیں

کسی بھی ضرورت کی صورت میں، یہ درخواست کی جاتی ہے کہ وہ مدد اور سرکاری معلومات کے لیے برہان ممبئی میونسپل کارپوریشن کے مرکزی کنٹرول روم کے ہیلپ لائن نمبر 1916 پر رابطہ کریں۔ ممبئی بی ایم سی نے بارش کا ریکارڈ پیش کیا ہے, جس میں سرفہرست 10 مقامات ایسے ہیں جہاں آج (18 اگست 2025) صبح 8 بجے سے دوپہر 12 بجے تک (4 گھنٹے) سب سے زیادہ بارش ریکارڈ کی گئی ہے۔

(بارش ملی میٹر میں ریکارڈ کی گئی) چیمبر فائر اسٹیشن – ملی میٹر 140.80
‎رین فال پائپ لائن ورکشاپ، دادر – 139.60ملی میٹر
‎بی نادکرنی پارک میونسپل اسکول، وڈالا – 133.20 ملی میٹر ورلی سی فیس میونسپل اسکول، ورلی ملی میٹر، 133.20
‎ساوتری بائی پھولے میونسپل اسکول، ورلی ناکہ – ملی میٹر 130.40
‎آدرش نگر اسکول، ورلی – 128.80 ملی میٹر
‎فروزبیری ریزروائر، ایف ساؤتھ آفس – 118.80 ملی میٹر

‎سٹی انسٹی ٹیوٹ آف ڈیزاسٹر مینجمنٹ، پریل – ملی میٹر 116.80، ڈسٹرکٹ کلکٹر کالونی میونسپل اسکول، چیمبور – ملی میٹر 116.80 ایف ساؤتھ وارڈ آفس، پریل – ملی میٹر 113.5 بارش درج کی گئی ہے۔ بی ایم سی نے بتایا ہے کہ ۲۰ اگست تک بارش کا سلسلہ بتدریج جاری رہنے کی پیشگوئی محکمہ موسمیات نے جاری کی ہے۔ بارش کے سبب عام شہری نظام ذرائع نقل وحمل بری طرح سے متاثر رہا۔ ممبئی کی لائف لائن کہی جانے والی ٹرینیں بھی تاخیر سے چلائی گئی اور مسافروں کو گھنٹوں ٹرینوں میں انتظار کرنا پڑا۔ پٹریوں پر پانی جمع ہونے کے سبب ٹرینوں کی رفتار پر بھی یریک لگ گیا اور تینوں لائنوں پر سروسیز متاثر رہی۔

ممبئی میں گزشتہ شب سے جاری بارش ممبئی میں ۳۷ ملی مٹر مضافات شمالی میں ۳۸ ملی میٹر نارتھ شمالی مضافات میں ۲۹ ملی میٹر اور مغربی مضافات میں ۲۹ ملی میٹر بارش درج کی گئی ہے۔

کیف : ڈونلڈ ٹرمپ اور ولادی میر پوتن کی ملاقات کے بعد یوکرین کے صدر ولادیمیر زیلنسکی اپنی پوزیشن مضبوط کرنے کی کوشش کر رہے ہیں۔ زیلنسکی نے ڈونلڈ ٹرمپ کے بعد یورپی رہنماؤں سے بات چیت کی ہے۔ اس گفتگو کے بعد انہوں نے سخت موقف ظاہر کرتے ہوئے کہا کہ ٹرمپ کے بعد ہم نے یورپی رہنماؤں کے ساتھ اپنا موقف ہم آہنگ کیا۔ یوکرین کا موقف واضح ہے کہ ہم ایک حقیقی امن قائم کرنا چاہتے ہیں جو مستقل ہو۔ زیلنسکی نے ہفتے کے روز ٹویٹ کیا، ‘ہم چاہتے ہیں کہ قتل جلد بند ہوں۔ میدان جنگ اور فضائی حملوں کے ساتھ ساتھ ہمارے بندرگاہوں کے انفراسٹرکچر پر فائرنگ بھی بند ہونی چاہیے۔ یوکرین کے تمام جنگی قیدیوں اور شہریوں کو رہا کیا جائے اور روس ہمارے مغوی بچوں کو واپس کرے۔ جب تک حملہ اور قبضہ جاری رہے گا، روس پر دباؤ برقرار رہنا چاہیے۔’

زیلنسکی کا مزید کہنا تھا کہ ‘صدر ٹرمپ کے ساتھ اپنی بات چیت میں, میں نے کہا تھا کہ اگر سہ فریقی ملاقات نہیں ہوتی یا روس جنگ سے بچنے کی کوشش کرتا ہے تو پابندیاں مزید سخت کر دی جائیں۔ پابندیاں ایک مؤثر ذریعہ ہیں۔ یورپ اور امریکہ دونوں کی شرکت کے ساتھ، سلامتی کی قابل اعتماد اور طویل مدتی ضمانتیں ہونی چاہئیں۔ یوکرائنی صدر کا مزید کہنا تھا کہ ہمارے ملک کے لیے اہم تمام مسائل پر ہماری شرکت سے بات ہونی چاہیے۔ خاص طور پر علاقائی مسائل کا فیصلہ یوکرین کے بغیر نہیں ہو سکتا۔ انہوں نے یہ بھی کہا کہ یورپی رہنماؤں کے بیان سے ہماری پوزیشن مضبوط ہوتی ہے۔ ہم تمام اتحادیوں کے ساتھ مل کر کام جاری رکھیں گے۔

ولادیمیر زیلنسکی نے کہا ہے کہ وہ اگلے ہفتے واشنگٹن میں امریکی صدر ڈونلڈ ٹرمپ سے ملاقات کر سکتے ہیں۔ زیلنسکی نے کہا کہ الاسکا میں پوتن اور ٹرمپ کے درمیان ملاقات کے بعد ہفتے کے روز ٹرمپ کے ساتھ ان کی طویل اور بامعنی گفتگو ہوئی۔ انہوں نے پیر کو ذاتی طور پر ملاقات کی دعوت پر ٹرمپ کا شکریہ ادا کیا۔ زیلنسکی نے یوکرین جنگ پر مذاکرات میں یورپ کو شامل کرنے کی اہمیت پر زور دیا۔ انہوں نے کہا کہ یہ ضروری ہے کہ یورپی رہنما امریکہ کے ساتھ مل کر قابل اعتماد سیکورٹی کی ضمانتوں کو یقینی بنانے کے لیے ہر سطح پر شامل ہوں۔ ہم نے یوکرین کی سلامتی کو یقینی بنانے میں امریکی فریق کی شرکت پر بھی بات کی ہے۔

نئی دہلی : چینی وزیر خارجہ وانگ یی پیر کو ہندوستان آ رہے ہیں۔ اس دوران وہ قومی سلامتی کے مشیر (این ایس اے) اجیت ڈوبھال کے ساتھ خصوصی نمائندے (ایس آر) میکانزم کے تحت سرحدی معاملے پر بات چیت کریں گے۔ وزارت خارجہ (ایم ای اے) نے ہفتہ کو اس کی تصدیق کی۔ وزارت خارجہ کی طرف سے جاری کردہ ایک ریلیز میں کہا گیا ہے کہ ‘قومی سلامتی کے مشیر اجیت ڈوبھال کی دعوت پر چین کی کمیونسٹ پارٹی کے پولٹ بیورو کے رکن اور چینی وزیر خارجہ وانگ یی 18-19 اگست 2025 کو ہندوستان کا دورہ کریں گے۔’ وزارت خارجہ نے مزید کہا، ‘اپنے دورے کے دوران، وہ ہندوستان-چین سرحد کے سوال پر این ایس اے ڈوبھال کے ساتھ خصوصی نمائندوں (ایس آر) کی بات چیت کا 24 واں دور منعقد کریں گے۔’ یی اور ڈوبھال کو خصوصی نمائندہ سطح کے مذاکرات کی ذمہ داری دی گئی ہے۔ وزارت خارجہ نے یہ بھی کہا ہے کہ اس دوران وانگ وی وزیر خارجہ ایس جے شنکر کے ساتھ دو طرفہ بات چیت بھی کریں گے۔

چینی وزیر خارجہ کا ہندوستان کا دورہ وزیر اعظم نریندر مودی کے شنگھائی تعاون تنظیم (ایس سی او) سربراہی اجلاس میں شرکت کے لیے چین کے شہر تیانجن کے دورے سے پہلے آیا ہے۔ اس سے قبل ڈوبھال نے گزشتہ سال دسمبر میں چین کا دورہ کیا تھا اور وانگ کے ساتھ خصوصی نمائندے کی سطح پر بات چیت کی تھی۔ یہ میٹنگ پی ایم مودی اور چینی صدر شی جن پنگ کے روس کے شہر کازان میں دونوں ممالک کے درمیان ڈائیلاگ میکانزم کے مختلف میکانزم کو دوبارہ شروع کرنے کا فیصلہ کرنے کے بعد ہوئی ہے۔