Connect with us
Thursday,10-July-2025
تازہ خبریں

(جنرل (عام

مختار انصاری کو 26 سال پرانے گینگسٹر کیس میں 10 سال کی سزا، فیصلہ سنتے ہی روپڑا مافیا ڈان

Published

on

Mukhtar Ansari

رامپور: غازی پور کے ایم پی ایم ایل اے کورٹ نے 1996 میں گینگسٹر ایکٹ کے تحت درج ہوئے پانچ معاملات میں پروانچل کے مافیا ڈان مختار انصاری کو قصوروار قرار دیتے ہوئے دس سال کی سزا سنائی ہے۔ ساتھ ہی کورٹ نے پانچ لاکھ روپے کاجرمانہ بھی لگایا ہے۔ سزا سنتے ہی ڈان مختار انصاری رو پڑا۔ مختار کے ساتھ ہی بھیم سنگھ کو بھی دس سال کی سزا سنائی گئی ہے۔

دراصل غازی پور میں سال 1996 میں صدر کوتوالی میں مختار انصاری اور بھیم سنگھ پر گینگسٹر ایکٹ کے تحت کیس درج کیا گیا تھا۔ یہ معاملہ غازی پور کی ایم پی۔ ایم ایل اے کورٹ میں زیر غور تھا۔ اس معاملہ میں بارہ دسمبر کو جرح اور گواہی پوری ہونے کے بعد عدالت نے فیصلہ کیلئے 15 دسمبر کی تاریخ مقرر کی تھی۔ غور طلب ہے کہ اس معاملہ میں پہلے بھی 25 نومبر کو ہی فیصلہ آنا تھا، لیکن پیٹھاسین افسر کا تبادلہ ہو جانے سے کارروائی رک گئی تھی۔

دراصل مختار انصاری منی لانڈرنگ کیس میں پریاگ راج میں ای ڈی کی 10 دن کی کسٹڈی ریمانڈ پر ہے۔ لہذا فیصلہ کے وقت وہ غازی پور کی اسپیشل ایم پی۔ ایم ایل اے کورٹ میں موجود نہیں تھا۔ چونکہ کسی بھی مقدمہ میں فیصلہ سنائے جانے کے وقت ملزمین کی کورٹ میں موجودگی ضروری ہوتی ہے، لہذا پریاگ راج کے ای ڈی دفتر میں ویڈیو کانفرنسنگ کے انتطام کئے گئے تھے۔ اس کیلئے ایک اسکرین لگائی گئی تھی۔

ویڈیو کانفرنسنگ کے دوران آڈیو۔ ویڈیو کوالیٹی اور انٹرنیٹ کنیکٹیویٹی بہتر ہو، اس کے انتظامات بھی کئے گئے تھے۔ فیصلہ سے پہلے ہی مختار انصاری صبح سے گھبرایا نظر آ رہا تھا۔ اس کے دل کی دھڑکنیں بڑھی ہوئی تھیں۔ مختار انصاری نے ای ڈی کے افسروں سے کیس کا فیصلہ آنے تک آج پوچھ گچھ نہیں کرنے کی اپیل کی تھی۔

ممبئی پریس خصوصی خبر

ممبئی سابق پولس کمشنر پرمبیر سنگھ کو بڑی راحت، سی بی آئی نے تھانہ کا کیس بند کر دیا، کورٹ میں کلوزر رپورٹ داخل

Published

on

parambir singh

‎ممبئی کے سابق پولیس کمشنر پرمبیر سنگھ کو مرکزی تفتیشی بیورو (سی بی آئی) نے تھانے کے کوپری پولیس اسٹیشن میں درج ہفتہ وصولی اور دھمکی کے معاملے میں کلین چٹ دے دی ہے۔ سنگھ نے سابق وزیر داخلہ انیل دیشمکھ پر سنگین الزامات لگانے کے ساتھ کئی سنسنی خیز انکشافات کیے تھے۔ سی بی آئی نے اس معاملے میں چیف جوڈیشل مجسٹریٹ کو کلوزر رپورٹ پیش کی ہے۔ سی بی آئی کے مطابق 2016-17 میں پیش آئے اس معاملے میں جرم ثابت کرنے کے لیے ثبوت دستیاب نہیں ہے اور نہ تھےنہ ہی یہ کوئی متنازع معاملہ ہے۔

‎سی بی آئی نے اپنی رپورٹ میں کہا کہ شکایت کنندہ اگروال کی مالیاتی لین دین میں بے ایمانی رونما ہوئی ہے اور وہ جھوٹے دیوانی اور فوجداری مقدمات کے ذریعے لوگوں کو پھنسانے کے لیے معروف ہے۔ اس کے علاوہ، تحقیقات سے پتہ چلا ہے کہ اگروال اور بلڈر سنجے پنمیا کے درمیان تصفیہ بغیر کسی دباؤ یا زبردستی کے ہوا تھا۔

‎پرم بیرسنگھ کے خلاف ممبئی کے میرین ڈرائیو، گورےگاؤں، اکولا اور تھانے نگر تھانوں میں کل پانچ مقدمات درج کیے گئے تھے۔ ان میں سی بی آئی نے کوپری پولیس اسٹیشن میں ہفتہ وصولی کے معاملے کی تحقیقات کو بند کر دیا ہے، لیکن دیگر چار معاملات کی تحقیقات ابھی جاری ہے۔

Continue Reading

سیاست

قانون ساز کونسل میں غدار پر ہنگامہ 10 منٹ تک کارروائی ملتوی

Published

on

parliament

ممبئی مہاراشٹر قانون ساز کونسل میں اس وقت ہنگامہ برپا ہوگیا, جب قانون ساز کونسل میں مراٹھی مانس کو ترجیحی بنیادوں پر گھر فراہمی کے مسئلہ پر بحث جاری تھی۔ شیوسینا لیڈر انیل پرب نے ایوان میں مراٹھی مانس کے گھر اور فلاح کے لئے کام کرنے کی سرکار کو تلقین کی اور ان سے متعلق قانون سازی کا مطالبہ کیا, اس پر وزیر سنبھو راج دیسائی اور انیل پرب میں لفظی جھڑپ ہوئی اور کیونکہ انیل پرب نے سوال کیا کہ سرکار مل مزدوروں کے لئے قانون سازی کب کرے گی, اس پر سمبھوراج نے کہا کہ ۲۰۱۹ سے ۲۰۲۲ تک قانون سازی کیوں نہیں کی گئی, اسی دوران انیل پرب نے ایوان میں غدار لفظ کا استعمال کیا جس پر سنبھوراج دیسائی برہم ہو گئے اور کہا کہ “آئی لا غدار کو نلا منتے” یعنی غدار کس کو کہا اس پر انیل پرب نے کہا کہ اس وقت آپ جس کی جوتے چاٹتے تھے۔ اس دوران کونسل میں ہنگامہ ہوا اور ایوان کی کارروائی کو 10 منٹ کے لئے ملتوی کرنا پڑا, اس کے بعد ایوان میں یہ واضح کیا گیا کہ ایوان کے کام کاج ریکارڈ سے یہ لفظ حذف کر دیا گیا۔ مراٹھی مانس کو گھر ترجیحاتی بنیادوں پر فراہم کرنے سے متعلق ۲۰۲۱ اور ۲۰۲۲ میں کوئی قانون نہیں تھا۔ اس پر انیل پرب کو غصہ آیا اور لفظی جھڑپ شروع ہو گئی۔

Continue Reading

ممبئی پریس خصوصی خبر

سنجے سرشاٹ کو انکم ٹیکس محکمہ کا نوٹس، الیکشن میں حلف نامہ میں مندرجہ جائیداد کی تفصیلات پیش کرنے کا حکم

Published

on

Sanjay-Shirsat

ممبئی رکن پارلیمان اور وزیر اعلیٰ ایکناتھ شندے کے فرزند سریکانت شندے کو انکم ٹیکس کی نوٹس سے متعلق شندے سینا کے وریر سنجے سرشاٹ نے یہ واضح کیا ہے کہ میرے حوالہ سے جو خبر نیوز چینل میں نشر کی جارہی ہے کہ سریکانت شندے کو انکم ٹیکس محکمہ کی نوٹس موصول ہوئی ہے, میں اس سے لاعلم ہوں, لیکن مجھے نوٹس موصول ہوئی ہے اور یہ نوٹس مجھے اپنے ۲۰۲۴ کے الیکشن میں حلف نامہ میں جائیداد سے متعلق تفصیلات پیش کرنے پر دی گئی ہے, اور اس میں جائیداد کی تفصیلات بھی طلب کی گئی ہے۔ انہوں نے بتایا کہ میں نے ایسا نہیں کہا ہے کہ سریکانت شندے کو نوٹس ملی ہے یا نہیں مجھ سے یہ دریافت کیا گیا کہ سریکانت شندے اور سنجے سرشاٹ کو انکم ٹیکس کی نوٹس سیاسی دباؤ کا نتیجہ تو نہیں ہے اس پر میں نے اپنا موقف واضح کیا تھا, البتہ میرے نام سے گمراہ کن خبر نشر کی جارہی ہے کہ میں یہ بتایا ہے کہ سریکانت شندے کو نوٹس موصول ہوئی ہے یہ سراسر غلط ہے, مجھے جو نوٹس موصول ہوئی ہے اس کا جواب میں کچھ دنوں میں ارسال کروں گا۔ انکم ٹیکس محکمہ کا کام وہ کر رہا ہے اور میں اپنا کام کروں گا۔

Continue Reading
Advertisement

رجحان

WP2Social Auto Publish Powered By : XYZScripts.com