‎ممبئی : بہار کے بعد تمام ریاستوں میں ایس آئی آر کے نفاذ پر مہاراشٹر سماج وادی پارٹی لیڈر اور رکن اسمبلی رئیس شیخ نے الیکشن کمیشن کو ایک مکتوب ارسال کرکے بلدیاتی. اور بی ایم سی الیکشن کے بعد ایس آئی آر نظرثانی سروے کا مطالبہ کیا ہے اور کہا ہے کہ بی ایم سی اور بلدیاتی الیکشن سے قبل اگر ریاست میں ایس آئی آر کا نفاذ ہوگا تو ووٹروں کے متاثر ہونے کا اندیشہ ریاستی بلدیاتی انتخابات کے دوران ووٹر لسٹوں پر نظر ثانی کا کام کیا جاتا ہے تو سیاسی پارٹیوں اور کارکنوں کے لیے الیکشن کی تیاری کا موقع میسر نہیں ہو گا۔ اس کے نتیجے میں، بڑی تعداد میں ووٹروں کے ناموں کے حذف ہونے کا خدشہ ظاہر کرتے ہوئے، سماج وادی پارٹی کے ‘بھیونڈی ایسٹ’ کے ایم ایل اے رئیس شیخ نے مطالبہ کیا ہے کہ یہ پروگرام انتخابات ختم ہونےیعنی فروری کے بعد منعقد کیا جائے۔ ایم ایل اے شیخ نے اس سلسلے میں کمیشن کو خط لکھا ہے۔

‎اس بارے میں جانکاری دیتے ہوئے ایم ایل اے رئیس شیخ نے کہا کہ مرکزی الیکشن کمیشن نے 25 ستمبر 2025 کو تمام ریاستوں اور مرکز کے زیر انتظام علاقوں کے چیف الیکٹورل افسران کو ووٹر لسٹ پر نظرثانی (ایس آئی آر ) پروگرام کے بارے میں ایک خط ارسال کیاہے۔ مہاراشٹر میں 31 جنوری 2026 تک بلدیاتی انتخابات کرانے کے سپریم کورٹ کے احکامات ہیں۔ اس کی وجہ سے انتظامیہ مصروف ہے اور نظرثانی کے لیے افرادی قوت کی کمی ہے اور سیاسی جماعتیں انتخابی مہم کی منصوبہ بندی کر رہی ہیں۔

‎ایم ایل اے رئیس شیخ نے مزید کہا کہ اگر اس مدت کے دوران مہاراشٹر میں ووٹر لسٹوں کی خصوصی نظرثانی (ایس آئی آر ) کی جاتی ہے تو کارکن اور سیاسی جماعتیں ایک دوسرے پر توجہ مرکوز نہیں کرسکیں گے۔ بہار میں منعقد اس پروگرام (ایس آئی آر ) نے 56 فیصد ووٹروں کو متاثر کیا تھا۔ ممبئی میٹروپولیٹن ریجن (ایم ایم آر) کے علاقے میں 25 فیصد تارکین وطن اور باقی مہاراشٹر میں 5.5 فیصد ہیں۔ ریاست میں صرف 46 فیصد ووٹروں کے پاس پیدائشی سرٹیفکیٹ ہے اور 94 فیصد ووٹروں کے پاس ’آدھار‘ ہے۔

‎نتیجے کے طور پر، اگر نظرثانی پروگرام (ایس آئی آر ) کو انتخابی مدت کے دوران لیا جاتا ہے، تو اس سے مہاجر، دلت، اقلیت، قبائلی ووٹرز متاثر ہو سکتے ہیں۔ ووٹروں کے ناموں کی ایک بڑی تعداد حذف ہو سکتی ہے۔ لہٰذا انتخابی فہرستوں (ایس آئی آر) پر گہری نظر ثانی کا کام بلدیاتی انتخابات کے بعد یعنی فروری 2026 کے بعد شروع کیا جائے، اس سے قبل اس سلسلے میں تمام سیاسی جماعتوں کا اجلاس بلایا جائے۔ ایم ایل اے رئیس شیخ نے کہا کہ مرکزی الیکشن کمیشن کے چیف کمشنر دنیش کمار کو ایک خط ارسال کیا گیا ہے جس میں اس (ایس آئی آر ) پروگرام کو پیش کرنے کا مطالبہ کیا گیا ہے۔

ممبئی : منگل کی رات گھٹکوپر ایسٹ میں ایک نجی زیر تعمیر عمارت میں گیس سلنڈر پھٹ گیا، جس سے چار مزدور شدید زخمی ہو گئے، جن میں سے دو کی حالت نازک ہے۔ زخمیوں کو راجواڑی اسپتال لے جایا گیا ہے۔ یہ واقعہ رات 9.11 بجے بتایا گیا۔ بی ایم سی ڈیزاسٹر منیجمنٹ کی رپورٹ کے مطابق، گیس سلنڈر نیلدھرا کے مزدوروں کے لیے بنائے گئے عارضی شیڈز میں پھٹ گیا، یہ گراؤنڈ پلس سات منزلہ زیر تعمیر عمارت 60 فٹ روڈ پر واقع ہے، ودیانکیتن کالج کے پاس، گھاٹ کوپر ایسٹ میں جین مندر کے سامنے۔ ممبئی فائر بریگیڈ، این وارڈ آفس اور مقامی پولیس کے اہلکاروں کو موقع پر تعینات کیا گیا ہے تاکہ صورتحال کا جائزہ لیا جا سکے۔

متاثرین کی حالت نازک بتائی گئی ہے: گھانشام یادو (36) اور دیویندر پال (26)۔ دونوں 60 سے 70 فیصد تک جھلس چکے ہیں۔ متاثرین جن کی حالت مستحکم ہے ان میں مہندر چودھری (32) 10 سے 12 فیصد جھلس چکے ہیں اور سندیپ پال (20) 5 فیصد جھلس چکے ہیں۔ چاروں بی ایم سی کے زیر انتظام راجواڑی اسپتال میں زیر علاج ہیں۔

آل انڈیا مسلم پرسنل لا بورڈ (اے آئی ایم پی ایل بی) نے اعلان کیا ہے کہ 3 اکتوبر 2025 کو طے شدہ بھارت بند فی الحال مؤخر کر دیا گیا ہے۔ یہ بند حال ہی میں پاس ہونے والے وقف (ترمیمی) ایکٹ 2025 کے خلاف بلایا گیا تھا۔ بورڈ کی جانب سے پہلے اعلان کیا گیا تھا کہ 3 اکتوبر کو صبح 8 بجے سے دوپہر 2 بجے تک مسلمانوں کی ملکیت والی دکانیں، کاروبار اور تعلیمی ادارے بند رکھے جائیں گے تاکہ حکومت کی توجہ متنازع دفعات کی طرف دلائی جا سکے۔

تاہم اندرونی مشاورت اور سپریم کورٹ میں جاری قانونی کارروائی کو مدِنظر رکھتے ہوئے اے آئی ایم پی ایل بی نے یہ بند فی الحال ملتوی کرنے کا فیصلہ کیا ہے۔ بورڈ کا کہنا ہے کہ آئندہ احتجاجی حکمتِ عملی طے کرنے کے بعد نئی تاریخ کا اعلان کیا جائے گا۔ یاد رہے کہ وقف (ترمیمی) ایکٹ 2025 کو لے کر ملک بھر میں احتجاج جاری ہے اور اس کی آئینی حیثیت کو سپریم کورٹ میں چیلنج کیا گیا ہے۔ عدالت نے فی الحال کچھ متنازع دفعات، جیسے پانچ سال کی شق اور وقف بورڈز میں غیر مسلم اراکین کی تعداد پر حد مقرر کرنے والے قانون، پر عمل درآمد روک دیا ہے۔ بورڈ نے واضح کیا ہے کہ بند کو مؤخر کرنے کا مطلب یہ نہیں کہ تحریک ختم ہو گئی ہے۔ اے آئی ایم پی ایل بی نے کہا کہ وقف اداروں اور برادری کے حقوق کے تحفظ کے لیے پرامن جدوجہد اور قانونی لڑائی جاری رہے گی۔