ممبئی : ممبئی – “نیشنل ہیرالڈ” کے دفتر، نہرو لائبریری اور ریسرچ سینٹر کے لیے 1983 میں ایسوسی ایٹڈ جرنلز لمیٹڈ (اے جے ایل) کو باندرہ (ایسٹ) کے علاقے میں سروے نمبر 341 میں دی گئی سرکاری زمین کا غلط استعمال کیا گیا ہے، گوتم چٹرجی کمیٹی کی تحقیقاتی رپورٹ میں انکشاف ہوا ہے۔ اس پس منظر میں آر ٹی آئی کارکن انل گلگلی نے وزیر اعلی دیویندر فڑنویس کو خط لکھ کر فوری کارروائی کا مطالبہ کیا ہے۔ ‎تحقیقاتی رپورٹ میں کہا گیا ہے کہ زمین پر 83 ہزار مربع فٹ تعمیر کی گئی ہے, جس میں 11 ہزار مربع فٹ تہہ خانے اور 9 ہزار مربع فٹ بالائی منزل کا اضافی استعمال بھی شامل ہے, جو کہ قوانین کی خلاف ورزی ہے۔ قواعد کے مطابق صرف 15 فیصد کمرشل استعمال کی اجازت تھی, لیکن اس کی بھی خلاف ورزی کی گئی ہے۔ اس کے علاوہ ہاسٹل کے لیے مختص اضافی اراضی بھی قواعد کو نظر انداز کر کے ادارے کو دی گئی۔

‎2001 میں ریونیو ڈپارٹمنٹ کے ایک متنازعہ حکم کے تحت، لیز پر دی گئی زمین کو براہ راست ملکیت میں تبدیل کر دیا گیا تھا اور 2.78 کروڑ کا سود معاف کر دیا گیا تھا، جسے کمیٹی نے قواعد کے خلاف قرار دیا ہے اور اس پر نظر ثانی کی سفارش کی ہے۔ ‎انیل گلگلی نے خط کے ذریعے وزیر اعلیٰ سے درج ذیل مطالبات کیے ہیں۔ مذکورہ زمین کو حکومت کو واپس لینے کے لیے قانونی کارروائی شروع کی جائے۔ ‎معاف شدہ سود کی رقم اور اضافی جرمانہ وصول کیا جائے۔ عمارت کی ایک منزل پر پسماندہ طبقے کے طلباء کے لیے ہاسٹل شروع کیا جائے۔ باقی ماندہ زمین پر لائبریری اور ریسرچ سنٹر شروع کرنے کی ہدایات دی جائیں۔ گوتم چٹرجی کی تحقیقاتی رپورٹ کو عام کیا جائے۔ ‎انیل گلگلی نے کہا، ’’اس معاملے میں منصفانہ انصاف کو یقینی بنانا اور سرکاری زمین کا عوامی مفاد میں استعمال کرنا بہت ضروری ہے۔‘‘

ممبئی : مہاراشٹر کے ناسک میں واقع درگاہ جس کے لیے منگل کی رات زبردست ہنگامہ اور پتھراؤ ہوا۔ اس درگاہ کو بدھ کی صبح منہدم کر دیا گیا۔ درگاہ پر کارروائی کرنے ناسک پہنچنے والی ٹیم کو کافی مخالفت کا سامنا کرنا پڑا۔ فسادیوں کے پتھراؤ میں 31 پولیس اہلکار زخمی ہو گئے۔ پولیس کو صورتحال پر قابو پانے کے لیے آنسو گیس کے گولے داغنے پڑے۔ تاہم پولیس کی جانب سے صورتحال کو سنبھالنے کے بعد درگاہ پر بلڈوزر کا استعمال کیا گیا۔ ناسک تشدد میں پولیس نے کل 15 لوگوں کو گرفتار بھی کیا ہے۔ اس کے علاوہ پولیس نے 57 بائک بھی ضبط کی ہیں۔

ناسک میں دوارکا کی کاٹھ گلی میں واقع ست پیر درگاہ کو لے کر دیرینہ تنازعہ چل رہا تھا۔ اس مہینے کی پہلی تاریخ کو ناسک میونسپل کارپوریشن نے درگاہ ٹرسٹ کو غیر قانونی تعمیرات ہٹانے کا نوٹس جاری کیا تھا۔ اس کے لیے 15 دن کا وقت دیا گیا تھا۔ جب ٹرسٹ کی جانب سے غیر قانونی تعمیرات کو منہدم نہیں کیا گیا تو کارپوریشن کی ٹیم پولس فورس کے ساتھ کارروائی کے لیے منگل کی رات موقع پر پہنچ گئی۔ درگاہ کی مسماری شروع ہونے سے پہلے ہی سماج دشمن عناصر نے بجلی کی فراہمی میں خلل ڈالا اور پولیس پر پتھراؤ شروع کردیا۔ منگل کی رات گیارہ بجے ہوئے پتھراؤ میں کئی پولیس اہلکار زخمی ہو گئے۔ اس کے بعد پولیس کی مزید نفری کو موقع پر طلب کیا گیا۔

صبح ساڑھے پانچ بجے میونسپل کارپوریشن کی ٹیم نے بلڈوزر کے ساتھ دوبارہ کارروائی شروع کی۔ رات 10 بجے تک گرا دیا۔ احتیاطی اقدام کے طور پر فی الحال کاٹھے گلی کے علاقے میں پولیس فورس تعینات ہے۔ ناسک کے ڈپٹی کمشنر کرن کمار کے مطابق جب درگاہ کو ہٹانے کے معاملے پر ٹرسٹیوں اور علاقے کے دیگر سرکردہ لوگوں سے بات چیت ہو رہی تھی تو موقع پر موجود بھیڑ نے پتھراؤ شروع کر دیا۔ پتھراؤ میں زخمی ہونے والے پولیس اہلکاروں کا علاج کیا گیا ہے۔

بی جے پی کے روحانی اتحاد کے سربراہ آچاریہ تشار بھوسلے نے ناسک میں غیر مجاز درگاہ کو منہدم کرنے پر وزیر اعلی دیویندر فڑنویس کو مبارکباد دی ہے۔ بھوسلے نے ایک ویڈیو پیغام میں کہا کہ یہ کارروائی مہاراشٹر میں وقف ترمیمی بل کے نفاذ کا مظاہرہ ہے۔ انہوں نے کہا کہ اس کا سہرا صرف ہندوتوا پر مبنی فڑنویس حکومت کو جاتا ہے۔ دوسری طرف ناسک میں درگاہ کے انہدام سے پہلے پتھراؤ پر ادھو ٹھاکرے کی شیو سینا یو بی ٹی کے ایم پی سنجے راوت کا بڑا بیان آیا ہے۔ انہوں نے بی جے پی پر الزام لگایا اور دعویٰ کیا کہ بی جے پی فسادات بھڑکانے کے لیے صحیح وقت اور جگہ کا انتظار کرتی ہے۔

سنجے راوت نے مزید کہا کہ جن کے پاس طاقت ہے وہ آج بھی ہم سے ڈرتے ہیں۔ آج درگاہ کو ہٹانے کی مہم چلائی گئی، آج ہماری بڑی میٹنگ ہے۔ یہ کام ہم نے لوگوں کی توجہ اپنی طرف مبذول کرانے کے لیے کیا ہے۔ سنجے راوت نے کہا کہ یہ کارروائی بعد میں بھی کی جا سکتی تھی۔ انہوں نے 15 دن پہلے فیصلہ کیا تھا کہ وہ آج کارروائی کریں گے۔ شیو سینا یو بی ٹی نے ناسک میں ایک بڑی ریلی کا اہتمام کیا ہے۔

ممبئی : ممبئی کو بم سے اڑانے کی دھمکی دینے والے ایک شرابی کو ممبئی پولیس نے گرفتار کرنے کا دعوی کیا ہے۔ ممبئی پولیس کو صبح ساڑھے چار بجے ایک کال موصول ہوا جس میں ممبئی میں بم دھماکہ کی دھمکی دی گئی تھی۔ اس کے بعد ممبئی پولیس نے اس کی تفتیش شروع کر دی, اور پھر بوریولی علاقہ سے ایک شرابی سورج جادھو 37 سالہ کو گرفتار کرنے کا دعوی کیا ہے۔ اس نے اس سے قبل بھی دھمکی آمیز فون کالز کئے تھے۔ اس نے اپس نے بوریولی، بی کے سی، واکولہ میں بم دھماکہ کی دھمکی دی تھی, اور اس پر اس قسم کے فرضی کال کے تین معاملات بھی درج ہیں۔ اس دھمکی آمیز کال کے معاملہ میں آزاد میدان پولیس نے کارروائی کی ہے۔

ممبئی پولیس نے اس ملزم نے متعدد مرتبہ دھمکی آمیز فون کالز کئے ہیں, چونکہ اس نے ممبئی پولیس کنٹرول روم میں یہ فون کال کیا تھا اس لئے آزاد میدان پولیس نے اس متعلق تفتیش شروع کر دی ہے, اور اس کے خلاف کیس درج کر لیا گیا ہے۔ ممبئی کیلئے دھمکی آمیز فون کالز درد سر بن گئے ہیں۔ پولیس ایسے فون کالز کو انتہائی سنجیدگی سے لیتی ہے, کیونکہ اس میں غفلت برتی نہیں جاسکتی ممبئی پولیس کمشنر وویک پھنسلکر نے بھی دھمکی آمیز کال سے متعلق ضروری کارروائی کی ہدایت جاری کی ہے۔ جس کے سبب پولیس اس معاملہ میں سنجیدگی سے کارروائی کرتی ہے۔