ممبئی ۶ اکتوبر کو کاندیولی پولیس تھانہ حدود میں خاتون ضعیفہ مارکیٹ سے گھر جا رہی تھی اس دوران ان کو راستہ کراس کرنے میں مدد کرنے کے بہانے نامعلوم چوروں نے ان کے گھر کے قریب آ کر ان کے بیٹھے ہونے کے دوران ان کا پیچھا کرکے ان کے گلے میں سونے کی چین زبردستی کھینچ کر چوری کرکے فرار ہو گئے۔ شکایت کنندہ کی شکایت پر کاندیولی پولیس 1450/2026، قلم 309(4) بھارتیہ نیائے سنہتا 2023 کے تحت جرم درج کیا گیا تھا۔ زبردستی چوری کی گئی چین روپے 2,00,000/- قیمت کی ایک سونے کی پرانی چین وزن اندازے 17 گرام اچک کر اچکے فرار ہو گئے تھے۔

ڈی سی پی زون ۲ کی رہنمائی میں ملزمان کی تلاش کے لیے کاندیولی پولیس کی تین پولیس ٹیم تیار کی گئی۔ مذکورہ ٹیم میں افسر و عملدار نے مذکورہ جرم کے جائے وقوعہ اور علاقے میں تکنیکی تفتیش کی۔ مذکورہ تفتیش کے دوران کستوربا مارگ پولیس مین 760/2026، قلم 303(2) بی این ایس کے تحت موٹر سائیکل چوری کا جرم درج ہونے کی بات کاندیولی پولیس تھانہ کے ٹیم کو معلوم ہوئی۔ کستوربا مارگ پولیس تھانہ سے مذکورہ جرم کی تلاش کے لیے پولیس ٹیم تشکیل کی گئی۔

اس کے بعد کاندیولی اور کستوربا مارگ پولیس تھانہ کی چار آزاد ٹیموں نے مذکورہ جرائم کا تکنیکی تفتیش اور مخبروں کی مدد سے مذکورہ جرائم میں مطلوب ملزمان کو نشاندہی کیا۔ ۹ نومبر کو مطلوب ملزمان رات کے قریب دادر ریلوے اسٹیشن کے علاقے میں آنے کی اطلاع ملی۔ مذکورہ معلومات پر دونوں ملزمان کو دادر ریلوے اسٹیشن پر جال بچھا کر مہارت سے تفتیش کے بعد دادر ریلوے اسٹیشن سے حراست میں لے لیا۔ ملزمین پرمود پربھاکر جٹار عمر 43 سال، بے روزگار رہائشی- روم نمبر 07، 4 تھا مالا، سن شائن گارڈن، نالاسوپارا (پوروا)، ضلع-پالگھرمحمد شاہد علاؤالدین خان عمر 47 سال، ڈرائیور (ٹیمپو چالک)، رہائشی- آزاد نگر، گیٹ نمبر 08، امبوجواڑی، مالونی، ملاڈ ممبئی دونوں ملزمان سے مذکورہ جرم کے متعلق کی گئی زیادہ پوچھ گچھ میں ان کا جرم میں شریک ہونے کا پتہ چلا اور مذکورہ جرم میں ان کو گرفتار کیا گیا۔ مذکورہ ملزمان سے تفتیش کرکے جرم میں زبردستی چوری کی گئی روپے 2,00,000/- قیمت کی ایک سونے کی پرانی چین وزن اندازے 17 گرام اور جرم کرنے کے لیے استعمال کی گئی اور کستوربا مارگ پولیس تھانہ سے چوری کی گئی موٹر سائیکل یہ ضبط کی گئی ہے۔

کاندیولی اور کستوربا مارگ پولیس تھانہ کی تفتیش ٹیموں نے جرم درج ہونے سے لے کر انتھک محنت اور مہارت سے تفتیش کرکے قابل ذکر کارکردگی کی ہے اور عوام میں حفاظت کا احساس پیدا کرکے ممبئی پولیس کی شبیہ کو بہتر کیا ہے۔ مذکورہ کارکردگی پولس کمشنر دیوین بھارتی، جوانئنٹ لولیس کمشنر منوج کمار شرما، ایڈیشنل کمشنر ششی کمارمینا، ڈی سی پی سندیپ گھگے کی رہنمائی میں انجام دی گئی۔

ممبئی کے کرلا ہلاؤپل مکڈوالا کمپاؤنڈ میں اس وقت سنسنی پھیل گئی, جب نامعلوم حملہ آوروں نے ونود پوار پر گولی بار شروع کردی دوپہر 12 بجکر 40 منٹ پر نامعلوم حملہ آوروں اور اس کے مخالفین نے یہ حملہ کر دیا. جس میں ونود شدید طور سے زخمی ہوگیا, اسے قریبی بھابھا اسپتال میں داخل کیا گیا جہاں اس کی حالت تشویشناک بتائی جاتی ہے۔ حملہ آوروں نے صرف ونود پر ہی گولی نہیں داغی بلکہ انہوں نے زمین پر بھی فائر کیا تھا۔ اس واقعہ کے بعد پولیس نے معاملہ درج کر کے تفتیش شروع کردی ہے۔ ڈی سی پی گنیش شندے اور ایڈیشنل پولیس کمشنر ایسٹ ریجن دھننجے کلکرنی نے جائے وقوع کا معائنہ کیا اس کے ساتھ ہی فارنسک ٹیمیں بھی طلب کی گئی جو تفتیش کر رہی ہے۔ اس معاملہ میں ابتدائی تفتیش میں یہ معلوم ہوا ہے کہ ونود پوار کی پرانی رنجش کے سبب یہ فائرنگ کی واردات انجام دی گئی ہے۔ اس کے بعد اب پولیس نے ہر پہلو پر جانچ شروع کردی ہے۔ ڈی سی پی گنیش شندے نے بتایا کہ وی بی نگر پولیس اسٹیشن کی حدود میں 12 بجکر 40 منٹ پر 40 سالہ ونود الیپاپوار پر ان کے مخالفین نے پرانی رنجش کی بنیاد پر فائرنگ کی واردات کو انجام دیا۔ زخمی ونود پوار کو قریبی اسپتال میں داخل کیا گیا ہے۔ پولیس ذرائع نے بتایا کہ اس سے قبل بھی یہاں فائرنگ کی واردات انجام دی گئی تھی, اب دوسری مرتبہ فائرنگ کی واردات انجام دی گئی ہے۔ اس لئے پولیس نے بھی الرٹ جاری کیا ہے, اس معاملہ میں ہر زاویے سے تفتیش کی جارہی ہے۔ ڈی سی پی گنیش شندے نے علاقہ میں چشم دید سمیت دیگر افراد سے تفتیش بھی شروع کردی ہے, چونکہ یہ معاملہ دن دہاڑے انجام دیا گیا ہے اس لئے یہاں کے سی سی ٹی وی فوٹیج سمیت دیگر دستاویزات بھی جمع کئے گئے ہیں۔

ممبئی : مہاراشٹر کے چیف الیکٹورل آفیسر (سی ای او) نے بدھ کے روز رپورٹرز کلیکٹو کے ان دعووں کو مسترد کر دیا کہ 2024 کے انتخابات میں مہاراشٹر، ہریانہ اور جموں و کشمیر کی 51 اسمبلی سیٹوں پر ڈالے گئے ووٹوں کی گنتی اور ووٹ مماثل نہیں ہیں۔ سی ای او نے ان الزامات کو “گمراہ کن” قرار دیا۔ ایکس پر ایک پوسٹ میں دعوؤں کی تردید کرتے ہوئے، مہاراشٹر کے چیف الیکٹورل آفیسر نے کہا کہ پولنگ کے دن ووٹوں کی اصل گنتی امیدواروں کے پولنگ ایجنٹس کے ساتھ فارم 17 میں شیئر کی جاتی ہے۔ گنتی کے وقت، یہ اعداد و شمار ای وی ایم کی گنتی کے ساتھ ملتے ہیں۔

سی ای او نے واضح کیا کہ انہیں تضاد کے حوالے سے کوئی شکایت موصول نہیں ہوئی۔ رپورٹرز کلیکٹو کسی بھی وضاحت کے لیے الیکشن کمیشن سے رجوع کر سکتا تھا۔ یہ رپورٹرز کلیکٹو کے دعویٰ کے بعد سامنے آیا ہے کہ الیکشن کمیشن آف انڈیا (ای سی آئی) کے 2024 کے انتخابات کے اندرونی ریکارڈ مہاراشٹر، ہریانہ اور جموں و کشمیر کے 51 حلقوں میں ڈالے گئے ووٹوں اور ووٹوں کے درمیان مماثلت ظاہر کرتے ہیں۔

ریکارڈ کا حوالہ دیتے ہوئے مہاراشٹر کے سی ای او نے بتایا کہ الیکشن کمیشن کی ویب سائٹ پر دستیاب بیڈ اسمبلی حلقہ کے انڈیکس کارڈ کے مطابق اس حلقے میں کل 384,885 ووٹر تھے۔ ان میں سے 238,845 ووٹ ای وی ایم کے ذریعے ڈالے گئے، جب کہ پوسٹل ووٹوں سمیت ڈالے گئے ووٹوں کی کل تعداد 242,084 تھی۔ ایکس پر پوسٹ میں کہا گیا، “رپورٹ میں دعویٰ کیا گیا ہے کہ 145,256 ووٹوں کی گنتی کم ہوئی، جو کہ مکمل طور پر غلط، حقائق کے برعکس اور گمراہ کن ہے۔ درحقیقت یہ ووٹروں کی کل تعداد اور ڈالے گئے ووٹوں کی کل تعداد میں فرق ہے۔ الیکشن کمیشن نے اپنے انڈیکس کارڈ میں درست اعداد و شمار بتائے ہیں۔”

اسی طرح دہانو اسمبلی حلقہ میں ووٹروں کی کل تعداد 301,257 تھی۔ ان میں سے 220,919 ووٹ ای وی ایم کے ذریعے ڈالے گئے، جب کہ پوسٹل ووٹوں سمیت ڈالے گئے ووٹوں کی کل تعداد 221,818 تھی۔ سی ای او نے کہا، “رپورٹ ایک بار پھر گمراہ کرنے کی کوشش کرتی ہے۔ اس میں کہا گیا ہے کہ ای سی آئی نے اصل میں ڈالے گئے ووٹوں سے 80,320 کم ووٹوں کی گنتی کی، جب کہ حقیقت میں، ووٹروں کی کل تعداد اور گننے والے ووٹوں کی کل تعداد میں یہی فرق ہے۔” مزید برآں، الیکشن کمیشن کی ویب سائٹ پر دستیاب ممبئی شمالی پارلیمانی حلقہ کے انڈیکس کارڈ کے مطابق، کل 1,812,115 ووٹروں میں سے 1,033,267 ووٹ ای وی ایم کے ذریعے ڈالے گئے، جب کہ پوسٹل ووٹوں سمیت ڈالے گئے ووٹوں کی کل تعداد 1,036,496 تھی۔

الیکشن کمیشن نے دہرایا کہ ‘رپورٹرز کلیکٹو’ کی رپورٹس “گمراہ کرنے کی کوشش” ہیں۔ ان رپورٹوں میں بتایا گیا ہے کہ ڈالے گئے ووٹوں کی کل تعداد 18.11 لاکھ تھی، جب کہ یہ دراصل ووٹروں کی کل تعداد ہے۔ دریں اثنا، ‘Special Intensive Revision’ (ایس آئی آر) کے تحت ایک اہم قدم میں، الیکشن کمیشن نے مہاراشٹر کے ان ووٹروں کو ایک اور موقع دیا ہے جن کے نام ڈرافٹ ووٹر لسٹ میں شامل نہیں تھے۔ ایسا اس لیے ہوا کیونکہ گھر گھر سروے کے دوران ان سے فارم پُر کرنے کے لیے کہا گیا تھا، حالانکہ انہیں غیر حاضر، منتقلی، میت، یا ڈپلیکیٹ کے طور پر درجہ بندی کیا گیا تھا۔