ممبئی : ریاستی حکومت کی کابینہ کی میٹنگ آج (9 جون) کو وزیر اعلی دیویندر فڈنویس کی صدارت میں منعقد ہوئی, جس میں بقیہ کسانوں کی قرض معافی کو منظوری دیدی گئی ہے۔ مہاراشٹر حکومت کی کابینہ کا فیصلہ دیویندر فڑنویس ایکناتھ شندے سنیترا پوار نے کابینہ کی میٹنگ میں بڑا فیصلہ لیا۔ مہاراشٹر حکومت کی کابینہ کا فیصلہ, ریاستی حکومت کی کابینہ کی میٹنگ آج (9 جون) کو وزیر اعلی دیویندر فڈنویس کی صدارت میں منعقد ہوئی۔ کابینہ کے اس اجلاس میں اہم فیصلے کیے گئے ہیں۔ (مہاراشٹر حکومت) کابینہ اجلاس میں کسانوں کے لیے اہم فیصلہ کیا ہے۔ وہ کسان جو پچھلی قرض معافی اسکیم سے محروم تھے, اب انہیں بھی قرض معافی میں شامل کیا گیا ہے۔ اس کے لیے تقریباً 14 ہزار کروڑ روپے مختص کئے گئے ہیں, بہت سے کسان 2017 اور 2019 کی قرض معافی میں شامل نہیں کئے گئے تھے۔ ان کسانوں کو قرض معافی کا فائدہ دلانے کے لیے بار بار مطالبہ کیا جا رہا تھا لہذا، آج ریاستی حکومت نے کابینہ کی میٹنگ میں 5 لاکھ سے زیادہ کسانوں کے لیے ایک اہم فیصلہ لیا ہے, جو 2017 اور 2019 کے قرض معافی سے محروم تھے۔

ممبئی/تھانے : میرا بھائیندر، تھانے، مہاراشٹر میں ایک بڑا بلڈوزر آپریشن ہوا۔ پیر کے روز، بھاری پولیس سیکورٹی کے درمیان، میرا-بھائیندر میونسپل کارپوریشن (ایم بی ایم) نے بھیندر ایسٹ میں غیر قانونی طور پر تعمیر شدہ نوری مسجد کو بلڈوزر کے ذریعے منہدم کردیا۔ کارپوریشن کی ٹیم نے مسجد کو گرانے سے پہلے اس کے اردگرد موجود تجاوزات کو ختم کر دیا۔ آپریشن صبح 5 بجے شروع ہوا اور کئی گھنٹے تک جاری رہا۔ میرا-بھائیندر میونسپل کارپوریشن کی انسداد تجاوزات مہم کے ایک حصے کے طور پر، بھائیندر ایسٹ کے گولڈ نیسٹ سرکل علاقے میں ایک بڑا آپریشن کیا گیا۔ مبینہ طور پر غیر مجاز نوری مسجد اور اس کے احاطے میں موجود دیگر غیر قانونی تعمیرات کے خلاف بلڈوزر کا استعمال کیا گیا۔ نوری مسجد کے ساتھ ساتھ ایک مندر کا ڈھانچہ بھی منہدم کر دیا گیا۔ بھائیندر ایسٹ میں یہ کارروائی ایک طویل جائزہ کے عمل کے بعد انتظامی احکامات کے تحت کی گئی۔ آپریشن پرامن طریقے سے مکمل کیا گیا جس میں کوئی جانی نقصان نہیں ہوا۔ انسداد تجاوزات مہم کے دوران کوئی تشدد یا سرکاری املاک کو نقصان نہیں پہنچا۔

معاملے کی حساسیت کو دیکھتے ہوئے جب میرا بھائیندر میونسپل کارپوریشن کی ٹیم نے تجاوزات کے خلاف بلڈوزر کارروائی کی تو اس علاقے میں امن و امان کی کسی بھی پریشانی کو روکنے کے لیے پولیس کی بھاری نفری تعینات کی گئی تھی۔ رکاوٹیں کھڑی کر دی گئیں اور آس پاس کے علاقوں میں نقل و حرکت پر قابو پالیا گیا کیونکہ حکام کو انہدام کے دوران حالات کشیدہ ہونے کا خدشہ تھا تاہم پورا آپریشن پرامن طریقے سے گزر گیا۔ غیر قانونی عمارتوں کے خلاف شہری ادارے کے جاری کریک ڈاؤن کے ایک حصے کے طور پر مسجد کا ڈھانچہ اور کمپلیکس کے اندر موجود دیگر ڈھانچوں کو منہدم کر دیا گیا۔

ممبئی : ممبئی کے کرلا ساکی ناکہ 90 فٹ تلک نگر میں نالہ کے قریب بی ایم سی کی 1200 ملی میٹر قطر کے پانی کے پائپ لائن کی مرمت کا کام صبح کامیابی کے ساتھ مکمل ہوگیا جس کے بعد اب کرلا کے متاثرہ علاقوں میں پانی سپلائی بھی بحال کر دی گئی ہے۔ پانی کی پائپ جو سڑک کی سطح سے تقریبا 5 میٹر گہرا ہے, مکمل طور پر کھول کر اس کے تباہ شدہ حصے کو تبدیل کر دیا گیا۔ کھدائی کے دوران یہ پائپ لائن متاثر ہوگئی تھی اور پائپ لائن پھٹنے کے بعد دو دنوں سے اہلیان کرلا پانی کیلئے پریشان ہے اور یہاں پانی سپلائی مکمل طور پر بند تھی, لیکن اب دوبارہ اسے بحال کر دیجا گیا ہے۔ اس کام کے دوران کھدائی میں تکنیکی دشواریاں بھی پیش آئی۔ کیونکہ ایک طرف مہا نگر گیس لمٹیڈ ایم جی ایل کا 300 ملی میٹر قطر کا گیس پائپ لائن بھی تھا اور دوسری طرف پل کی بنیاد رکھی گئی تھی۔ پھر بھی انجینئرز اور عملے نے انتہائی احتیاط اور منصوبہ بندی کے ساتھ کام کو انجام دیا وارڈ نمبر 156,158,161,162,163,171,168,167,166,165,164 کے متاثرہ علاقوں میں پانی کی سپلائی بحال کر دی گئی ہے۔ آج رات میں پانی معمول کے مطابق جاری ہوجائیگا۔ یہ اطلاع آج ممبئی میونسپل کارپوریشن نے دی ہے۔ بی ایم سی کے مطابق پانی سپلائی میں شب میں تاخیر اور کم پریشر ہونے کا بھی امکان ہے۔ اس لئے شہریوں کو پانی فراہمی کے دوران احتیاط لازمی ہے۔