مہاراشٹر
مالیگاؤں میں غیر لاک ڈاؤن کے خلاف جنتا دل سیکولر کا زبردست احتجاج، مستقیم ڈگنیٹی سمیت سینکڑوں کارکنان گرفتار و رہا, پیر تک فیصلہ نہیں ہوا تو خواتین کا احتجاج اٹل
مالیگاؤں(نامہ نگار)
شہر میں پولیس کی بےجا سختیوں کے مدنظر تمام سیاسی پارٹیاں اور ملی تنظمیں کھل کر اپنا احتجاج کررہی ہیں. ہمیشہ حزب مخالف کا کردار ادا کرنے والی جنتا دل سیکولر نے اپنے ذمہ داران کے ہمراہ نہ صرف سڑکوں پر زبردست احتجاج کیا بلکہ گرفتاری دیتے ہوئے اپنا نقطہ نظر بھی واضح کردیا کہ ہمیں حکومت اور پولیس اپنے جائز حقوق کی ادائیگی سے نہیں روک سکتے. عام شاہراؤں پر ٹھیلہ گاڑیوں کے ذریعے روزگار کے حصول میں مصروف غریبوں سے اگر ان کی روزی روٹی چھینی گئی تو وہ کھل کر نہ صرف احتجاج کریں گے بلکہ پولیس و حکومت سے ٹکرانے کی ہمت بھی رکھتے ہیں. اگرچہ کل گرفتاری کے بعد پولیس کنٹرول روم میں شہر پرانت آفسیر وجئے آنند شرما اور مستقیم ڈگنیٹی کی گفت و شنید جاری رہی لیکن دونوں ہی اپنے اپنے موقوف پر اٹل رہے تھے. کوئی فیصلہ نہ ہونے پر جنتا دل سیکولر نے انتظامیہ پر اپنا نقطہ نظر واضح کردیا کہ پیر تک فیصلہ نہیں لیا گیا تو نہ صرف وہ بلکہ ان کے گھر کی خواتین بھی حکومت کی جانب سے عائد شدہ پابندیوں کے خلاف اپنے گھروں سے باہر نکل کر جیلوں کو بھر دیں گی. کل ایک بار پھر نہالی سیاست کا پرچم سڑکوں پر لہرایا گیا. جنتا دل سیکولر کے ذمہ داران نے پولیس کی بےجا سختیوں کے خلاف نہ صرف سڑکوں پر نکلے بلکہ اپنی گرفتاریاں دیتے ہوئے ظاہر کردیا کہ وہ ایسی ہر پابندی اور ظلم کے خلاف آواز اٹھانے کے پاپند ہیں. خاص طور سے قدوائی روڈ پر ٹھیلہ گاڑیاں لگا کر روزگار حاصل کرنے والے غریب ہاکروں کی حمایت میں جنتا دل سیکولر نے اپنا بھاری بھرکم احتجاج درج کیا ساتھ ہی اعلان کے مطابق اپنی گرفتاریاں پیش کیں. تمام مظاہرین کو قدوائی روڈ سے پولیس گاڑی میں بھر کر سٹی پولیس اسٹیشن لے جایا گیا جہاں ان کے خلاف مقدمہ درج کرتے ہوئے دوپہر ڈھائی بجے رہا کیا گیا.
ممبئی پریس خصوصی خبر
ممبئی ہائیکورٹ کا بڑا فیصلہ حاجی اسماعیل مسافر خانہ مسجد کے انہدامی کارروائی پر روک

ممبئی : ممبئی ہائیکورٹ نے ایک بڑا فیصلہ صادر کیا ہے مسافر خانہ حاجی اسماعیل حاجی حبیب مسجد کی انہدامی کارروائی پر عارضی پابندی اور روک لگائی ہے بی ایم سی اور متعلقہ سے جواب طلب کیا ہے مسافر خانہ مسجد پر انہدامی کارروائی کا تنازع شدت اختیار کرگیا تھا اس معاملہ میں آج بی ایم سی انتظامیہ نے کارروائی بھی شروع کی تھی بی ایم سی مسجد انہدام کی نوٹس جاری کی تھی مدعی عبدالرزاق کی عرضی پر فوری سماعت کرتے ہوئے ہائیکورٹ نے دریافت کیا کہ اس معاملہ میں اتنی عجلت کیوں ہے تو ان کے وکلا نے بتایا کہ چونکہ یہ معاملہ مسجد سے وابستہ ہے اور ہائیکورٹ نے اس معاملہ میں اسٹے اور کسی بھی کاروائی پر روک لگایا تھا لیکن کے باوجود بی ایم سی نے نوٹس جاری کی ہے یہ ملکیت فی الوقت وقف کی ملکیت نہیں اس معاملہ میں وقف ٹرینونل میں معاملہ زیر سماعت ہے سپریم کورٹ نے مسجد سے متعلق جو بھی احکامات دئیے ہیں اسے برقرار رکھنےکا حکم ممبئی ہائیکورٹ نے دیا ہے اس کے ساتھ ہی فریقین و متعلقین و بی ایم سی انتظامیہ ۲۵ نومبر تک جواب داخل کرنے کا حکم دیا ہے فی الوقت مسجد پر کاروائی موخر کردی گئی ہے اس کےاطرا ف داؤد ابراہیم کا یادگار پشتینی گھر کو منہدم کر کے ملبہ میں تبدیل کردیا گیا ہے اس سے قبل مسجد پر کارروائی کی مخالفت میں احتجاج بھی کیا گیا تھا نظم و نسق کے مسئلہ کے سبب ایک ہزار پولس فورس کو تعینات کیا گیا تھا۔
ممبئی پریس خصوصی خبر
بالی ووڈ اداکار سیف علی خان کو بابا صدیقی قتل کیس کے مفرور ملزم ذیشان اختر کی دھمکی

ممبئی : بالی ووڈ اداکار سیف علی خان کو بابا صدیقی قتل کیس میں مطلوب ملزم ذیشان اختر کے نام ایک آڈیو پیغام کے ذریعے جان سے مارنے کی دھمکی ملی ہے۔ ممبئی پولیس اس آڈیو کی صداقت کی تحقیقات کر رہی ہے اور آیا کوئی گینگ یا کوئی جعلی شناخت/اے آئی ملوث ہے موصولہ رپورٹ کے مطابق کرینہ کپور خان کی دیوالی پارٹی میں گلے کا زیورات تنازع کا باعث ہے۔ آڈیو میں ذیشان اختر اور روہت گودارا گینگ کا ذکر کیا گیا ہے، جو بابا صدیقی جیسے انجام کی وارننگ دے رہا ہے۔ پولس تفتیش میں ممبئی پولیس اس بات کی تحقیقات کر رہی ہے کہ آیا یہ پیغام واقعی ذیشان اختر نے بھیجا تھا یا لوگوں کو گمراہ کرنے کے لیے اس کا نام یا اے آئی استعمال کر کے کسی نے بھیجا تھا۔ اس سے قبل تشار کپور اور آیوشمان کھرانہ کو پہلے بھی ایسی ہی دھمکیاں مل چکی ہیں، اور پولیس نے دھمکیاں بھیجنے کے لیے اے آئی استعمال کرنے کے الزام میں بنگلور کے ایک شخص کو گرفتار کیا۔ اس معاملے پر پولس مزید تفتیش کررہی ہے اس تازہ دھمکی کے حوالے سے سیف علی خان کی جانب سے کوئی باضابطہ بیان سامنے نہیں آیا ہے۔
ممبئی پریس خصوصی خبر
اندھیری کرلا روٹ پر ٹریفک کے رش کو کم کرنے کے لیے 13.40 میٹر توسیع سڑک سے رکاوٹیں ہٹانے کا عمل شروع

ممبئی ٹریفک کی روانی کو بہتر بنانے اور رکاوٹوں کو دور کرنے کے لیے، ممبئی میونسپل کارپوریشن (بی ایم سی) مختلف مقامات پر انہدام کی کارروائیاں (انہدام کی ڈرائیوز) کر رہی ہے۔ اسی سلسلے میں، کل (18 نومبر 2026) ’کے-ساؤتھ‘ (کے-جنوب) وارڈ میں 13.40 میٹر چوڑی ’ڈیولپمنٹ پلان‘ (ڈی پی) سڑک سے رکاوٹیں ہٹانے کا آپریشن شروع کیا گیا۔ یہ سڑک حسنات اسکول (قدم واڑی روڈ) سے لے کر اتم ڈھابہ (مارول-ماروشی روڈ) تک جاتی ہے۔ سڑک کی توسیع کی زد میں کل 138 تعمیرات آ رہی ہیں؛ توقع ہے کہ اس اقدام سے اندھیری-کرلا روٹ پر ٹریفک کے رش کو کم کرنے میں مدد ملے گی۔ یہ آپریشن مسلسل تین دنوں تک جاری رہے گا۔ ڈپٹی کمشنر (زون 3) وشواس موٹے اور اسسٹنٹ کمشنرونیتا کوکاٹے کی رہنمائی میں، ’کے ساؤتھ‘ وارڈ آفس اندھیری کرلا روٹ پر ٹریفک کے مسائل حل کرنے کے لیے یہ مہم چلا رہا ہے۔ تین روزہ آپریشن کے پہلے ہی دن، تمام ضروری قانونی کارروائیاں مکمل کرنے کے بعد 74 تعمیرات کو منہدم کر دیا گیا۔ باقی ماندہ تعمیرات کو اگلے دو دنوں میں ہٹا دیا جائے گا۔ اس آپریشن کے لیے، بی ایم سی (بی ایم سی) نے 30 افسران و عملے کے ارکان، 20 میونسپل مزدوروں، 50 نجی مزدوروں اور 50 پولیس اہلکاروں کو تعینات کیا ہے۔ اس کے علاوہ، آپریشن میں مختلف مشینری اور آلات جن میں 4 جے سی بی (جے سی بی ایس)، 5 ڈمپر، گیس کٹرز اور بریکرز شامل ہیں کا استعمال کیا جا رہا ہے، اور ساتھ ہی 2 الیکٹریشنز کی خدمات بھی حاصل کی گئی ہیں۔ اس سڑک کی توسیع سے مقامی ٹریفک کے لیے مزید جگہ میسر آئے گی، جس سے اندھیری کرلا روڈ پر رش کم ہوگا اور گاڑی چلانے والوں کے لیے سفر مزید آسان اور رواں ہو جائے گا۔
-
سیاست2 years agoاجیت پوار کو بڑا جھٹکا دے سکتے ہیں شرد پوار، انتخابی نشان گھڑی کے استعمال پر پابندی کا مطالبہ، سپریم کورٹ میں 24 اکتوبر کو سماعت
-
جرم7 years agoشرجیل امام کی حمایت میں نعرے بازی، اُروشی چوڑاوالا پر بغاوت کا مقدمہ درج
-
سیاست1 year agoمہاراشٹر سماجوادی پارٹی میں رئیــس شیخ کا پتا کٹا، یوسف ابراہنی نے لی جگہ
-
ممبئی پریس خصوصی خبر7 years agoمحمدیہ ینگ بوائزہائی اسکول وجونیئرکالج آف سائنس دھولیہ کے پرنسپل پر5000 روپئے کا جرمانہ عائد
-
جرم6 years agoمالیگاؤں میں زہریلے سدرشن نیوز چینل کے خلاف ایف آئی آر درج
-
(جنرل (عام1 year agoمالیگاؤں دھماکہ کیس میں سادھوی پرگیہ ٹھاکر اور کرنل پروہت سمیت تمام 7 ملزمین بری، فیصلے کے بعد بی جے پی نے کانگریس کے خلاف کھول دیا محاذ
-
بین الاقوامی خبریں1 year agoچینی وزیر خارجہ وانگ یی 18-19 اگست 2025 کو آ رہے ہندوستان، ایس جے شنکر اور اجیت ڈوبھال سے ان مسائل پر ہوگی بات چیت
-
سیاست1 year agoملک میں سیاسی ماحول گرم ہو گیا ہے… الیکشن کمیشن کل کی پریس کانفرنس میں راہول گاندھی کے ووٹ چوری کے الزامات کا جواب دے سکتا ہے۔
