بھیونڈی: (نامہ نگار )
کورونا انفیکشن کی وجہ سے بیشتر غریب خاندانوں کے بچوں کو غذائیت سے بھرپور خوراک نہ ملنے کے باعث بھیونڈی میں غذائیت سے دوچار بچوں کی تعداد میں اضافہ ہوا ہے۔ اس وقت میونسپل کارپوریشن کی حدود میں 669 بچے غذائیت کا شکار پائے گئے ہیں۔ جس میں 161 بچے سیم اور 508 بچے میم غذائیت کا شکار ہیں۔ 161 بچے سیم یعنی انتہائی غذائیت کا شکار بچے جو زندگی اور موت کے مابین جدوجہد کر رہے ہیں۔ غذائی قلت کے باعث لاک ڈاؤن کے دوران نئی بستی علاقے میں 6 ماہ کے ایک بچے کی موت بھی واقع ہوگئی ہے۔ جس کی تصدیق کرتے ہوئے چائلڈ ڈویلپمنٹ پروجیکٹ آفیسر نے بتایا کہ6 ماہ کے بچے کی موت غذائیت کی وجہ سے ہوئی ہے۔ لیکن اسے دل کی بھی بیماری تھی۔

غور طلب ہے کہ بھیونڈی میں تقریباً 341 آنگن واڑی مراکز چل رہے ہیں۔ جس میں 341 آنگن واڑی سیویکا اور 341 اسسٹنٹ سیویکا ملازم ہیں۔ اسی طرح آنگن واڑی مراکز کی نگرانی کے لئے میونسپل کارپوریشن کے علاقے میں چائلڈ ڈویلپمنٹ پروجیکٹ کے دو افسر ہیں۔ اس کے باوجود شہر میں غذائی قلت کا شکار بچوں کی تعداد میں اضافہ ہوتا جارہا ہے جو باعث تشویش ہے ۔ آنگن واڑی سیویکا اور ان کے معاونین کے ذریعہ سے غریب خاندانوں کے بچوں کو غذائیت سے بھرپور کھانا دیا جاتا تھا۔ لیکن کورونا انفیکشن کی وجہ سے زیادہ تر آنگن واڑیاں بند چل رہی ہیں۔ جس کی وجہ سے غریب خاندانوں کے بچوں کو غذائیت سے بھرپور کھانا نہیں مل پارہا ہے۔ تاہم چائلڈ ڈویلپمنٹ پروجیکٹ کے افسران نے بتایا کہ کورونا انفیکشن کی وجہ سے بچوں کو بند پیکٹ میں کھانا دیا جارہا ہے۔ غذائی قلت سے نجات پانے کے لئے بچوں کو دوگنا راشن دیا جارہا ہے۔

خواتینک میں تعلیم کی کمی ، صحت کی سہولیات کا فقدان ، کم عمری میں حاملہ ہونا ، اندھے عقیدے ، مزدوروں کی نقل مکانی ، متناسب خوراک کی کمی اور دو بچوں کے درمیان میں فرق وغیرہ متعدد وجوہات کی بناء پر 0 سے 5 سال کے بہت سارے بچے غذائیت کا شکار ہوئے ہیں۔ جس میں غذائیت کا شکار بچے غذائیت سے بھرپور خوراک اور صحت کی سہولیات کی عدم فراہمی کے سبب غذائیت کا شکار بچے زندگی اور موت کی کشمکش میں مبتلا ہیں۔ چائلڈ ڈویلپمنٹ پروجیکٹ کے مطابق بھیونڈی میں 105 بچے سیم یعنی انتہائی غذائیت کا شکار اور 195 بچے میم غذائیت کا شکار پائے گئے ہیں۔ اسی طرح بھیونڈی میں 56 بچے سیم اور 313 بچے میم پائے گئے ہیں۔

کورونا انفیکشن کی وجہ سے نافذ کئے گئے لاک ڈاؤن کی وجہ سے سرکاری اسکیموں کا فائدہ انہیں نہیں مل پارہا ہے۔ وہیں دوسری طرف ، کام دھندا اور دیگر کاروبار بند ہونے کی وجہ سے غریب کنبوں کے سامنے فاقہ کشی کا بھی مسئلہ پیدا ہوگیا تھا۔ کورونا انفیکشن کے دوران ، آنگن واڑی سیویکاؤں کی ڈیوٹی کورونا کے مریضوں کی شناخت کے لئے لگادی گئی تھی۔ جس کی وجہ سے غریب خاندانوں کے بچوں کو غذائیت سے بھرپور کھانا نہیں مل سکا۔ مسلسل کئی مہینوں سے متناسب غذائی اجزاء کی عدم فراہمی کی وجہ سے شہری علاقوں میں بھی غذائیت سے دوچار بچوں کی تعداد میں اضافہ ہوا ہے ۔

بھیونڈی میں بڑھتے ہوئے غذائیت سے دوچار بچوں کے تعلق سے رکن اسمبلی رئیس قاسم شیخ نے تشویش کا اظہار کرتے ہوئے کہا کہ پالگھر سے بھی بدتر حالت بھیونڈی کی ہوگئی ہے۔ غذائیت سے دوچار بچوں کو حکومت کی جانب سے غذائیت سے بھرپور کھانا مہیا کرنے کے بعد بھی انہیں غذائیت سے بھرپور کھانا نہیں مل پارہا ہے۔ جس کی وجہ سے بھیونڈی کے سیکڑوں بچے فاقہ کشی کی وجہ سے غذائیت کا شکار ہو رہے ہیں۔ انہوں نے بتایا کہ چلڈرن ڈویلپمنٹ پروجیکٹ کے افسران کے ذریعہ میونسپل کارپوریشن کے علاقے میں 341 آنگن واڑی مراکز بتائے جارہے ہیں۔ جس میں 141 آنگن واڑی مراکز بھیونڈی مشرقی حلقہ میں واقع ہیں۔ لیکن اس میں سے زیادہ تر آنگن واڑی مراکز بند چل رہے ہیں۔ جبکہ حکومت کی جانب سے ہر ایک آنگن واڑی سیویکا کو 8500 روپے اور اسسٹنٹ کو ماہانہ 4250 روپے تنخواہ دی جارہی ہے۔ جنہیں روزانہ صرف چار گھنٹے ہی کام کرنا پڑتا ہے۔ اس کے باوجود بھی غذائیت سے دوچار بچوں کو غذائیت سے بھرپور کھانا نہیں مل پارہا ہے۔ انہوں نے بتایا کہ لاک ڈاؤن کے دوران ہی نئی بستی کے علاقے میں 6? ماہ کے ایک بچے کی موت غذائیت کی وجہ سے ہوگئی تھی۔ لیکن چلڈرن ڈیویلپمنٹ پروجیکٹ کے ذریعے اس کی جانکاری نہیں دی گئی تھی جس کی وجہ سے اسے کوئی سرکاری امداد نہیں مل سکی۔

بھیونڈی کے چائلڈ ڈویلپمنٹ پروجیکٹ آفیسر سنجے کھنڈاگلے اور دیویندر راؤت نے بتایا کہ غذائیت کے شکار بچوں کو بند پیکٹ غذائیت سے بھرپور کھانا دیا جارہا ہے۔ لاک ڈاؤن کی وجہ سے غذائیت سے دوچار بچوں کی تعداد میں اضافہ ہوا تھا۔ لیکن آہستہ آہستہ اب ان کی تعداد میں کمی ہوجائے گی۔