مہاراشٹر
سانگلی، مہاراشٹر میں ہجوم نے 4 سادھوؤں کو چائلڈ لفٹر ہونے کے شبہ میں مارا پیٹا

یہاں ایک ہجوم نے چار سادھوؤں کو چائلڈ لفٹر ہونے کے شبہ میں بے دردی سے پیٹا۔ یہ سادھو متھرا کے پنچنامہ جونا اکھاڑہ کے بتائے جا رہے ہیں۔ پولیس نے اس معاملے میں چھ لوگوں کو حراست میں لیا ہے۔ پالگھر جیسے اس واقعہ سے ایک تازہ سیاسی تنازعہ کھڑا ہوگیا ہے۔ یہ واقعہ منگل کو مغربی مہاراشٹر کے ضلع جاٹ تحصیل کے لاونگا گاؤں میں پیش آیا۔ اس واقعہ نے پالگھر ضلع میں تین سادھوؤں کے قتل کی یادیں تازہ کر دیں۔
تاہم ابھی تک کوئی باضابطہ پولیس شکایت درج نہیں ہوئی ہے۔ اس واقعہ نے چیف منسٹر ایکناتھ شندے-ڈپٹی سی ایم دیویندر فڑنویس کی حکومت اور اپوزیشن مہا وکاس اگھاڑی (MVA) کے درمیان ایک تازہ سیاسی تنازعہ کو جنم دیا ہے۔
مقامی لوگوں کے مطابق اتر پردیش کے متھرا سے تعلق رکھنے والے چار سادھو کرناٹک کے بیجاپور سے ایک کار میں مہاراشٹر میں داخل ہوئے تھے، اور پنڈھر پور کی درگاہ کی طرف جا رہے تھے۔ منگل کے روز، وہ مبینہ طور پر ایک لڑکے سے اس کا راستہ پوچھ رہے تھے جب کچھ مقامی لوگوں نے مداخلت کی اور بچہ چور ہونے کے شبہ میں اس پر حملہ کر دیا۔
اس واقعے کی ویڈیو سوشل میڈیا پلیٹ فارم پر وائرل ہوئی ہے، جس میں کچھ لوگ سادھوؤں پر لاٹھیوں اور بیلٹوں سے حملہ کرتے ہوئے نظر آ رہے ہیں۔ دوسری جانب سیاست کے گلیاروں میں اقتدار اور اپوزیشن کے درمیان الزامات اور جوابی الزامات کا دور شروع ہو گیا ہے۔
ریاستی کانگریس کے صدر نانا پٹولے نے شندے-فڑنویس حکومت پر تنقید کرتے ہوئے کہا کہ یہ بی جے پی کی گندی سیاست کا حصہ ہے کہ ہندو سادھوؤں کو اس طرح مارا پیٹا جا رہا ہے۔ پٹولے نے کہا، “بی جے پی ریاست میں عملی طور پر حکومت کر رہی ہے، نائب وزیر اعلیٰ اور وزیر داخلہ (فڑنویس) بی جے پی سے ہیں، اب ان کے پاس دکھانے کے لیے کون سا چہرہ بچا ہے؟”
کانگریس کے جنرل سکریٹری سچن ساونت نے کہا کہ اپریل 2020 میں پالگھر میں بھی ایسا ہی ایک واقعہ پیش آیا تھا، جس میں بی جے پی کے کئی مقامی عہدیدار بھی شامل تھے۔ ساونت نے مطالبہ کیا، “بی جے پی نے ایم وی اے حکومت کو ‘ہندو مخالف’ ثابت کرنے کے لیے اس واقعے کا استعمال کیا. اب سانگلی میں بھی ایسی ہی صورتحال پیدا ہو گئی ہے۔ اب یہ کس کی حکومت ہے؟ کیا وہ سی بی آئی کو تحقیقات سونپیں گے؟”
حکمراں بی جے پی کے ترجمان رام کدم نے اس واقعہ کو ’’ہولناک اور وحشیانہ‘‘ قرار دیتے ہوئے اس معاملے کی مکمل جانچ کا یقین دلایا اور کہا کہ اسے ریاست میں برداشت نہیں کیا جائے گا۔
سانگلی کے پولیس سپرنٹنڈنٹ ڈکشٹ گیڈم نے میڈیا والوں کو بتایا کہ پولیس نے تحقیقات شروع کر دی ہیں اور کم از کم چھ لوگوں کو حراست میں لیا ہے۔ انہوں نے عوام سے اپیل کی کہ وہ ایسی افواہوں کا شکار نہ ہوں۔
سیاست
ممبئی عوامی تحفظ بل پولس اسٹیٹ بنانے کی کوشش، مہاراشٹر سماج وادی پارٹی لیڈر ابوعاصم اعظمی کا دعوی

ممبئی مہاراشٹر سماجوادی پارٹی لیڈر اور رکن اسمبلی ابوعاصم اعظمی نے عوامی تحفظ بل کی مخالفت کی ہے اور اس بل کو ماؤنوازوں کی آڑ میں عوام کی آواز دبانے کی کوشش قرار دی ہے۔ اعظمی نے یہاں ودھان بھون میں صحافیوں سے خطاب کرتے ہوئے کہا کہ اس بل کی کوئی ضرورت نہیں تھی, لیکن اس کے باوجود سرکار نے بل سازی سے پولس کو زائد اختیارات دئیے ہیں, یہ بل پولس اسٹیٹ بنانے کی کوشش ہے۔ انہوں نے کہا کہ ٹاڈا پوٹا مکوکا جیسے قانون موجود ہے, اس کی کوئی ضرورت نہیں تھی, سرکار عام عوام کی آواز دبانے کے لئے مسلسل اس قسم کے قانون سازی کر رہی ہے, یہ عوامی مفاد کے لئے بھی خطرہ ہے۔ اعظمی نے کہا کہ انڈیا الائنس کو متحد ہونا چاہیے۔ یوپی میں سماج وادی پارٹی سے انڈیا کانگریس کا اتحاد ہوا تو اسے زائد نشست حاصل ہوئی ہے, اس لئے تمام سیکولر پارٹیوں کو متحد ہونا چاہئے۔ انہوں نے کہا کہ ایوان اسمبلی میں یہ بل پیش ہوگا, ہم اس کی مخالفت کرتے ہیں یہ بل عوام مخالف بل ہے, اس میں پولس کو زیادہ اختیارات دئیے گئے ہیں اور کوئی سرکار کے خلاف تنقید کرتا ہے تو اس پر کارروائی کا بھی اختیار دیا گیا ہے ایسے میں سرکار کے خلاف لب کشائی بھی جرم ہو تو اس لئے یہ بل عوام مخالف ہے۔
ممبئی پریس خصوصی خبر
ایوان اسمبلی میں رکن اسمبلی ابوعاصم اعظمی کا مانخورد شیواجی نگر میں ماحولیاتی آلودگی ایس ایم ایس کمپنی کو تلوجہ منتقلی کا پرزور مطالبہ

ممبئی مانخورد شیواجی نگر میں عام شہری سہولیات کا فقدان ہے۔ یہاں ایس ایم ایس کمپنی کے سبب ماحولیاتی آلودگی اور دیگر کچرا اور ڈمپنگ سے انسانی صحت متاثر ہونے کے ساتھ انسانی صحت پر اس سے مضر اثرات مرتب ہوتے ہیں, اس لئے ایس ایم ایس کمپنی کو فوری طور پر تلوجہ منتقل کیا جائے, اس کے ساتھ قبرستان جلد شروع کیا جائے, کیونکہ رفیع نگر قبرستان میں اب تدفین کی جگہ نہیں ہے اس کے قریب قبرستان تیار ہوگیا ہے اس لئے اس قبرستان کو شروع کیا جائے۔ یہ مطالبہ آج رکن اسمبلی اور سماجوادی پارٹی لیڈر اور رکن اسمبلی ابوعاصم اعظمی نے ایوان اسمبلی میں کیا ہے۔ انہوں نے مانخود شیواجی نگر گوونڈی کی ترقی کے لیے آج مانسون اجلاس میں خصوصی بجٹ کا مطالبہ بھی کیا ہے۔ انہوں نے کہا کہ ڈمپنگ گراؤنڈ، ایس ایم ایس کمپنی، بائیو ویسٹ انسینریٹر، سیمنٹ آر سی ایم پلانٹ اور جانوروں کی میت کو یہاں نذر آتش کرنے کی وجہ سے ماحولیات اور انسانی صحت متاثر ہے اور یہاں کے مکینوں کی عمر اوسطا ۳۹ سال ہوگئی ہے, یہ انتہائی تشویشناک ہے آلودگی کے سبب حالات بد سے بدتر ہوگئے ہیں اور علاقہ میں آلودگی ایک سنگین مسئلہ ہے اس کا اثر انسانی صحت پر بھی ہوتا ہے, اس لئے سرکار کو اس جانب توجہ دے کر آلودگی اور ماحولیات خراب کرنے والوں پر سخت کارروائی کرنے کی ضرورت ہے۔ انہوں نے کہا کہ حلقہ میں مانسون کے دوران سڑکوں، نالوں، سیوریج اور نکاسی کی صفائی کے حوالے سے ٹھیکیدار کی غفلت عوام کے لئے پریشانی کا باعث ہے, کیونکہ گٹروں اور نالوں میں بارش ہوتے ہی بارش کا پانی سڑکوں پر ابل پڑتا ہے۔ صفائی کے دوران گٹروں سے تر کچرا نکالا گیا اور وہاں اسے چھوڑ دیا گیا جس کے سبب یہ کچرا دوبارہ گٹر میں شامل ہو گیا اور حالت یہ ہے کہ تھوڑی سی بارش میں گوونڈی اور نشیبی علاقے میں پانی جمع ہو جاتا ہے اس لئے ایسے ٹھیکیداروں کے خلاف کارروائی ہو۔
اس کے ساتھ ہی علاقہ کی آبادی کے مناسبت سے قبرستان کی اراضی کی ضرورت کو مدنظر رکھتے ہوئے رفیع نگر قبرستان کے قریب الاٹ شدہ اراضی کی جلد صفائی کر کے کام شروع کرنے کا مطالبہ اعظمی نے کیا ہے انہوں نے کہا کہ نالا سوپارہ ایسٹ، سنتوش بھون علاقہ میں مسلم اور عیسائی قبرستان کے لیے حصار بندی تعمیر کی جائے تاکہ قبرستان کے قریب غیر قانونی پارکنگ اور نشہ خوروں پر قدغن لگے۔ اسی طرح جنوبی ممبئی میں واقع ‘حضرت مخدوم شاہ ماہی’ (جے جے فلائی اوور) کا سٹرکچرل آڈٹ کروا کر ٹریفک کے مسئلے کو حل کرنے کا مطالبہ بھی ایوان میں ابوعاصم اعظمی نے کیا ہے اور سرکار کی توجہ عام شہری مسائل پر مبذول کراتے ہوئے اسے فوری طور پر حل کرنے کا پرزور مطالبہ کیا ہے۔
ممبئی پریس خصوصی خبر
میرا روڈ مراٹھی مورچہ تنازعہ : پولس کمشنر مدھوکر پانڈے کا تبادلہ، اینٹی کرپشن بیورو کے اے ڈی جی نکیت کوشک کو ذمہ داری دی گئی۔

ممبئی میرارو ڈ مراٹھی اور ہندی تنازع کے بعد مراٹھی مورچہ کو اجازت نہ دینے کے بعد مراٹھی مانس میں ناراضگی اور غم و غصہ تھا پابندی کے باوجود مراٹھی مانس اور ایم این ایس نے میرابھائیندر میں مورچہ نکالا تھا, جس کے بعد آج ریاستی محکمہ وزارت داخلہ نے ایک حکمنامہ جاری کیا, جس میں آئی پی ایس افسر ایڈیشنل ڈی جی مدھوکر پانڈے کا تبادلہ بطور اے ڈی جی انتظامیہ میں کر دیا اور ان کا جانشین نکیت کوشک کو مقرر کیا ہے۔ نکیت کوشک پہلے انٹی کرپشن بیورو انسداد رشوت ستانی دستہ میں بطور اے ڈی جی تعینات تھے, اب انہیں میرا بھائیندر کا نیا کمشنر مقرر کیا گیا ہے۔ ذرائع سے ملی اطلاع کے مطابق مورچہ کی اجازت کو لے کر یہ تبادلہ کیا گیا ہے اس سے قبل میراروڈ میں گجراتی بیوپاریوں کا مورچہ نکالا گیا تھا, لیکن مراٹھی مورچہ کو اجازت نہیں دی گئی تھی۔ مراٹھی مورچہ کو اجازت نہ دینے پر اس پر سیاست بھی شروع ہو گئی تھی, یہی وجہ ہے کہ فوری طور پر میرابھائیندر کے کمشنر مدھوکر پانڈے کا تبادلہ کر دیا گیا ہے۔
-
سیاست9 months ago
اجیت پوار کو بڑا جھٹکا دے سکتے ہیں شرد پوار، انتخابی نشان گھڑی کے استعمال پر پابندی کا مطالبہ، سپریم کورٹ میں 24 اکتوبر کو سماعت
-
ممبئی پریس خصوصی خبر6 years ago
محمدیہ ینگ بوائزہائی اسکول وجونیئرکالج آف سائنس دھولیہ کے پرنسپل پر5000 روپئے کا جرمانہ عائد
-
سیاست5 years ago
ابوعاصم اعظمی کے بیٹے فرحان بھی ادھو ٹھاکرے کے ساتھ جائیں گے ایودھیا، کہا وہ بنائیں گے مندر اور ہم بابری مسجد
-
جرم5 years ago
مالیگاؤں میں زہریلے سدرشن نیوز چینل کے خلاف ایف آئی آر درج
-
جرم5 years ago
شرجیل امام کی حمایت میں نعرے بازی، اُروشی چوڑاوالا پر بغاوت کا مقدمہ درج
-
خصوصی5 years ago
ریاست میں اسکولیں دیوالی کے بعد شروع ہوں گے:وزیر تعلیم ورشا گائیکواڑ
-
جرم5 years ago
بھیونڈی کے مسلم نوجوان کے ناجائز تعلقات کی بھینٹ چڑھنے سے بچ گئی کلمب گاؤں کی بیٹی
-
قومی خبریں6 years ago
عبدالسمیع کوان کی اعلی قومی وبین الاقوامی صحافتی خدمات کے پیش نظر پی ایچ ڈی کی ڈگری سے نوازا