(وفا ناہید)
اس وقت پوری دنیا کو covid – 19 نے اپنی لپیٹ میں لے رکھا ہے. دنیا کے سپر پاور ملک اس وائرس کے سامنے گھٹنے ٹیک چکے ہیں. ایسے میں ہمارا دیش ہندوستان اس وائرس کے سامنے سینہ سپر ہے. کورونا وائرس کی وجہ سے پورے ملک میں لاک ڈاؤن 4 چل رہا ہے. اگر تمام ہی حالات کا جائزہ لیا جائے تو ایک ہی سوال ذہن کے گوشے سے دوباہ سر اٹھاتا ہے کہ یہ کورونا وائرس کیا ہے؟ اس سوال کی گہرائی میں اگر جاتے ہیں تو حیرت کا شدید جھٹکا لگتا ہے. دراصل کورونا وائرس کی اتنی دہشت پھیلادی گئی ہے کہ اگر خدانخواستہ کسی کو نارمل فلو یا سردی بخار ہے یا Throat Infection بھی ہے تو وہ بندہ کورونا کی دہشت سے ہی ملک عدم کو سدھار جائے گا اور کورونا کے مریضوں کے ساتھ یہی ہورہا ہے. 6. مہینے قبل تک ان تکلیفوں پر کوئی دھیان نہیں دیا جاتا تھا. ہمیں آج بھی یاد ہے بچپن میں جب ٹھنڈا پینے سے گلا درد کرتا تو دادی ایک ساسر میں پانی لے کر چھری کی مدد سے اس پانی پر کٹ مار کر اسے پینے کے لئے دیتے تھے اور گلے کی وہ تکلیف فورا دور بھی ہوجاتی تھی. یہ گھریلو ٹونکے جب تک ہماری زندگی میں شامل تھے. زندگی آسان اور سہل تھی. اب تو ایسا لگتا ہے کہ جیسے ڈاکٹر بھی ڈاکو بن گئے ہیں. جس کی باقاعدہ اعلی تعلیم حاصل کرکے مریضوں کو لوٹنے کا کام کررہے ہیں. پہلے تو حکماء اور اطباء نبض دیکھ بیماری کی تشخیص کرتے تھے. 5 منٹ کا physical examin ہی ان کا ایکسرے, بلڈ ٹیسٹ, سی اسکین اور ایم آر آئی ہوتا تھا. جب سے سائنس نے ترقی کی اور investigation کے مختلف ذرائع ایجاد ہوئے. ڈاکٹروں نے اپنے دماغ کا استعمال کرنا بند کردیا. اب وہ پوری طرح سے ان مشینوں کے غلام ہوگئے ہے. کیونکہ یہ مشینیں جہاں بیماری کی تشخیص کرتی ہیں. وہیں یہ ڈاکٹر کی جیب بھی گرم کرتی ہے. چھوٹی چھوٹی باتوں کے لئے بلڈ ٹیسٹ, ایکسرے اور ایم آر آئی کرانا تو جیسے اب فیشن بن گیا ہے. ہم آپ کو کتنے ہی اعلی کوالیفائیڈ ڈاکٹرس کے بارے میں بتاسکتے ہیں کہ ان مشینوں پر انحصار کرکے اپنے دماغ کو زنگ لگا چکے ہیں. خیر یہاں ہمارا موضوع تھا کورونا. جس کے لئے ہمیں پہلے آپ کی ذہن سازی کرنی تھی. آئیے ہم دیکھتے ہیں کہ یہ کورونا وائرس یا covid -19 ہے کیا؟ covid -19 چھونے سے پھیلنے والا ایک ایسا موذی وائرس ہے جو انسان کو قبر میں پہنچا کر ہی دم لیتا ہے. یہ وائرس چین کے ووہان سے نکل کر پوری دنیا میں تباہی مچا رہا ہے. اس کی آمد ہندوستان میں بھی ہوچکی ہے. کورونا کی ہندوستان میں آمد کے ساتھ ہی بی جے پی قیادت والی مودی حکومت نے پورے ملک میں پہلے جنتا کرفیو, دفعہ 144 اور اس کے بعد لاک ڈاؤن نافذ کردیا. مودی حکومت کی جانے کیا پالیسی ہے کہ وہ ہر فیصلہ نہایت عجلت میں اور رات کے وقت لے کر عوام کو دشواریوں میں ڈالتی ہیں. ہمارا اشارہ آپ بخوبی سمجھ گئے. جی ہاں دوستو! اس سے قبل نوٹ بندی کا فیصلہ بھی اسی طرح آنا فانا بغیر کسی منصوبہ بندی کے لیا گیا تھا- جس کے اثرات آج تک عوام کے ذہنوں میں تروتازہ ہے. بالکل ٹھیک اسی طرح لاک ڈاؤن کا فیصلہ بھی بغیر کسی منصوبہ بندی کے لیا گیا. اب اس سے جو صورتحال پیدا ہونی تھی, وہ ہوچکی. ملک کی 135 کروڑ کی آبادی کو گھروں میں قید کردیا گیا. اس پر عوام کو گھروں میں محصور رکھنے کے لئے پولس کو ڈنڈے کے ساتھ عوام کا استقبال کرنے کے لئے چوک چورواہوں اور نکڑ پر بیٹھا دیا گیا. اب یہ تو پولس ہے. جس کے تن پر قانون کی وردی اور ہاتھ میں ڈنڈا ہے. گھروں میں قید, ایک گمنام منزل کی طرف قدم بڑھاتے 2 مہینے کا عرصہ بیت جائے گا. ایسے میں رئیل فیس میڈیا کے ×ڈاکِٹر محمد عارف صدیقی× نے covid -19 کے تعلق جو چونکادینے والے حقائق بیان کئے ہیں. اس کے مطابق لیباٹریز کی ایک بڑی تعداد ہر حال میں کورونا کے مریض دکھا رہی ہیں. اس کے ساتھ ہی حکومتوں کی کوشش ہے کہ ہر مرنے والے شخص کو کورونا متاثر قرار دیا جائے. ایسا ہی کچھ تنزانیہ میں ہورہا تھا. تنزانیہ میں کورونا متاثرین 22 سے اچانک 480 ہوگئے. تنزانیہ کے صدر جان میگوفولی ایک ماہر کیمیاء داں ہے. انہیں کہیں گڑبڑ لگی. تب انہوں نے ایک عجیب و غریب تجربہ کیا. انہوں نے ایک بھیڑ, ایک بکری, پپیتہ, بٹیر اور انجن آئیل سے نمونے لئے اور ٹیسٹ کے لئے لیباٹری میں بھیج دیا. لیباٹری میں بھیجے گئے ان نمونوں کو باقاعدہ انسانی نام دیا گیا اور ان کی عمر بھی تحریر کی گئی. تاکہ کسی کو کوئی شک نہ ہوسکے. اب چونکنے کی باری ہے لیب بھیڑ, بکری اور پپتیے کے نمونوں میں کورونا کے وائرس ہونے کی تصدیق کردی. اب بادل چھٹ چکے تھے. کورونا کا بھوت اپنی لنگوٹی سنبھال کر بھاگنے میں ناکام تھا. اس کے ساتھ ہی تنزانیہ کے صدر جان میگو فولی نے تمام کورونا ٹیسٹنگ کٹس فوج کے حوالے کرکے انکوائری کا حکم دے دیا اور لیباٹری انچارج کو فارغ کردیا. بقول صدر جان میگو فولی کے کورونا معاملے اور تھوک کے حساب سے پوزیٹیو رپورٹ دینے کے پیچھے کچھ سازش کارفرما ہے. اس معاملے کے طشت از بام ہونے کے بعد بین الاقوامی ادارے اور اپوزیشن کی جانب سے تنزانیہ کے صدر کی اس جانچ کی کافی مذمت کی گئی. جب کہ صدر جان میگو فولی کے اس فعل کی پذیرائی ہونی چاہیئے تھی اور کورونا کٹس اور جانچ پر سوالات اٹھانے چاہئے تھے. قارئین تنزانیہ کے اس پورے معاملے کو تحریر کرنے کا مقصد تھا کہ آپ کو کورونا کے بارے کچھ حقائق سے روشناش کرایا جائے. دراصل cold سے ہونے والی الرجی کو کورونا کا نام دے کر عوام میں خوف کا ماحول پیدا کیا گیا. یہ الرجی خطرناک حد تک جان لیوا ہوتی ہے. کچھ بچوں اور بوڑھوں کی قوت مدافعت کم ہوتی ہے. جس کی وجہ سے وہ کسی موسم کے تغیر کو برداشت نہیں کرپاتے. جس کی وجہ سے انہیں سردی کھانسی ہوتی ہے. گلے میں خراش جسے میڈیکل سائنس میں throat infection کہا جاتا ہے. اس کے بعد آکسیجن کی کمی کی وجہ سے سانس لینے میں دشواری ہوتی ہے اور مریض کی حالت بگڑ جاتی ہے. ہیومیوپیتھی میں اس کے لئے کارگر دوائیں ہیں جو مکمل طور پر اس الرجی کا یا کورونا وائرس کا خاتمہ کرسکتی ہے. ناسک کے موتی والا ہیومیوپیتھی میڈیکل کالج کے ڈاکٹر فاروق موتی والا مالیگاؤں میں ان ہی دواؤں کو مفت تقسیم کررہے ہیں. Arsenic Alb، Bryonia اور Belladona ہے. یہ وہ دوائیں ہیں جو کورونا مریضوں کو دی جاسکتی ہے. مالیگاؤں کے میونسپل کمشنر کی کورونا رپورٹ پوزیٹیو آنے کے بعد ڈپٹی کمشنر کے سویپ نمونوں کی 2 بار جانچ کی گئی اور دونوں ہی بار کورونا رپورٹ نگیٹیو آئی. جب ڈپٹی کمشنر کا کہنا ہے کہ میں لگاتار کمشنر کے ساتھ تھا مگر میری رپورٹ نگیٹیو آئی کیونکہ میں ہیومیوپیتھی کی دوا Arsenic Alb کا استعمال کرتا ہوں. ڈپٹی کمشنر نے کورونا سے بچاؤ کے لئے اس دوا کے استعمال پر زور دیا ہے.