ممبئی : ممبئی ناگپاڑہ علاقہ میں متعدد ٹراویل ایجنسی بیرون ملک بھیجنے کی آڑ میں لوگوں کے ساتھ دھوکہ دہی کرتی ہے, ایسی شکایت ممبئی پولس کرائم برانچ کو ملی تھی. ان ایجنسی کے ساتھ کسی بھی قسم کی کوئی وزارت خارجہ کی اجازت نہیں ہوتی ہے اور وہ لوگوں سے بیرون ملک ملازمت کے لئے بھیجنے کے نام پر خطیر رقم وصول کرتے ہیں. وزارت خارجہ کے زیر اثر پروٹیکٹر آف امیگرنٹ باندرہ نے ممبئی کرائم برانچ یونٹ کے ساتھ مل کر مشترکہ آپریشن انجام دیا. ناگپاڑہ کے کے ڈی بلڈنگ میں ۹ دفتر پر چھاپہ مار کارروائی کی گئی, جو بلا کسی اجازت کے بیرون ملک بھیجنے کا کام کرتے تھے اور ان سے متعلق شکایت بھی موصول ہوئی تھی. ان کے دفتر سے ۲۳۸ پاسپورٹ، متعدد دستاویزات آفر لیٹر، ویزیٹنگ کارڈ اور بیرون ملک کے استعمال میں آنے والا لیٹر و دیگر دستاویزات بھی برآمد ہوئے ہیں. پولس نے ان کے خلاف پاسپورٹ ایکٹ سمیت امیگریشن ایکٹ کے تحت کارروائی کرتے ہوئے ناگپاڑہ میں کیس درج کیا ہے. پولس اس معاملہ میں مزید تفتیش کررہی ہے. یہ کارروائی ممبئی پولس کمشنر دیوین بھارتی کی ایما پر ڈی سی پی راج تلک روشن نے انجام دی ہے۔

ممبئی : گوریگاؤں کے وویک کالج میں حجاب پرپابندی کے فرمان کے بعد ایم آئی ایم نے سراپا احتجاج کرتے خواتین ونگ کی سربراہ ایڈوکیٹ جہاں آر نے بھوک ہڑتال شروع کر رکھی تھی اور حجاب پر پابندی کو غیرقانونی اور تشخص اور آزادی مذہب کے خلاف قرار دیا تھا اس کے ساتھ ہی حجاب پر پابندی کے خلاف نعرہ بازی بھی کی تھی جس کے بعد یہاں حالات کشیدہ ہوگئے اور موقع پر پولس پہنچ گئی اور جمہوری طریقے سے احتجاجی مظاہرہ کرنے والی ایڈوکیٹ جہاں آرا شیخ اور ایم آئی ایم ورکروں کو زیر حراست لے لیا جس کے بعد یہاں کشیدگی پھیل گئی ایم آئی ایم صدر فاروق شابدی بھی اس مظاہرہ میں شریک ہوئے اس دوران پولس نے انہیں بھی حراست میں لے لیا فاروق شابدی نے کہا کہ دستوری اصولوں کے خلاف برقعہ پر پابندی عائد کی گئی ہے جو ناقابل قبول ہے اس لیے ہم اس کے خلاف احتجاج کر رہے ہیں ایسے قانون اور سرکلر کے خلاف احتجاج ہمارا حق ہے اور حجاب پہننے کی اجازت ہمیں دستور سے حاصل ہے یہ آزادی تشخص کے خلاف ہے اس لیے کالج انتظامیہ کے اس فیصلہ کے خلاف احتجاجی مظاہرہ کیا گیا ہے لیکن پولس نے ہمارا احتجاج دبانے کے لئے ہمیں زیر حراست لیا ہے فاروق شابدی کو زیر حراست لینے کے ساتھ پولس نے ایم آئی ایم کے کارکنان کو بھی حراست میں لیا اور کالج کے باہر حفاظتی انتظامات سخت کردئیے ہیں ۔ کالج انتظامیہ نے برقعہ حجاب ، کرتا ، دھوتی پر پابندی عائد کر رکھی ہے جس کے بعد مسلم طالبات نے اس کے خلاف سراپا احتجاج کیا اور ایم آئی ایم نے بھی اس احتجاجی مظاہرہ میں شرکت کی جس کے بعد پولس نے حالات پر قابو پانے کےلیے مظاہرین کو کالج کے باہر سے اٹھا کر زیر حراست لیا اس واقعہ سے علاقہ میں کشیدگی برقرار ہے لیکن امن قائم ہے ۔

ممبئی : کستوربا پولیس اسٹیشن کی حدود میں بچی کے جنسی استحصال کے کیس میں ملزم کو عدالت نے سزا سنائی ہے۔ ملزم نریش کمار ہریش کمار44 کے خلاف پسکو کیے تحت جنسی استحصال کا کیس درج کیا گیا تھا ملزم کو ڈنڈوشی کورٹ نے اس کیس میں 10 سال کی سزا اور 2000 ہزار روپے جرمانہ بصورت دیگر تین ماہ کی قید کا حکم سنایا ہے اس کیس کی بہتر تفتیش کے سبب ملزم کو سزا ہوئی ہے کستوربا پولیس نے اس معاملہ میں تفتیش کے بعد چارج شیٹ داخل کی تھی اور اب اس معاملہ میں سزا سنائی گئی ہے۔