ممبئی : ممبئی وندے ماترم گیت کو ۱۵۰ سال مکمل ہونے پر بی جے پی نے آج ممبئی میں مہاراشٹر سماجوادی پارٹی لیڈر اور رکن اسمبلی ابوعاصم اعظمی کے گھر کے باہر وندے ماترم گیت پڑھنے کی کوشش کی جس کے بعد ممبئی پولس نے انہیں روک دیا پولس نے وندے ماترم کے تنازع کے سبب اعظمی کے گھر کو پولس چھاؤنی میں تبدیل کردیا تھا ابو عاصم اعظمی کو اس سے قبل بی جے پی صدر امیت ساٹم نے وندے ماترم گیت پروگرام میں شرکت کی دعوت دی تھی جس کاانہوں نے جواب دیتے ہوئے استقبال کیا تھا اور وندے ماترم پڑھنے سے معذوری ظاہر کی تھی
آج صبح بی جے پی لیڈر اور وزیر منگل پربھات لوڈھا کارکنان کے ساتھ اعظمی کی رہائش گاہ پر پہنچ گئے اور بضد تھے کہ وہ اعظمی کے گھر کے پاس کی وندے ماترم گیت گائیں گے ۔ پولس نے اعظمی کے گھر تک جانے کی انہیں اجازت نہیں دی بعد ازاں ریڈیو کلب کے پاس وندے ماترم گیت پڑھا گیا ۔
منگل پر بھات لوڈھا نے کہا کہ اعظمی وندے ماترم کی مخالفت کرتے ہیں اور دہشت گرد یعقوب میمن کو پھانسی دینے کی مخالفت کرتے ہیں اس لئے ایسے لوگوں کے گھروں کے باہر وندے ماترم پڑھا جائے گا انہوں نے کہا کہ نظم و نسق خراب نہ ہو اس بات کا بھی خیال رکھا جائے گا منگل پربھات نے کہا کہ اعظمی نے وندے ماترم کی مخالفت کی تھی جبکہ کسی کو اس پر اعتراض نہیں ہے تو اعظمی کیوں مخالفت کرتے ہیں ۔ کوئی بھی مسلمان اللہ کے ساتھ شرک نہیں کرے گا
مہاراشٹر سماجوادی پارٹی نے وندے ماترم کو ڈیڑھ سو سال مکمل ہونے کے بعد ان کے گھر کے باہر جبرا وندے ماترم پڑھنے کی مخالفت کی اور کہا کہ جس طرح سے ایک وزیر بضد تھے کہ جب تک ابوعاصم اعظمی کو وندے ماترم نہیں پڑھا لیتے وہ یہاں سے نہیں جائیں گے یہ سراسر داداگیری وغنڈہ گردی ہے وزیر نے دستور کی حلف لی ہے لیکن اس کے باوجود وندے ماترم کی آڑ میں تنازع پیدا کیا جارہا ہے انہوں نے کہا کہ وندے ماترم پڑھنا لازمی نہیں ہے اس بات کو کورٹ نے بھی واضح کیا ہے اور کسی کو اس کیلئے مجبور نہیں کیا جاسکتا کوئی بھی مسلمان کو اللہ کی بارگاہ میں سجدہ ریز ہوتا ہے وہ غیر اللہ کے آگے نہیں جھک سکتا اس لئے مسلمان وندے ماترم نہیں پڑھتے یہ شرک ہے انہوں نے کہا کہ وندے ماترم کوئی قومی گیت نہیں ہے اس لئے کسی کو اس کےلیے مجبور نہیں کیا جاسکتا جبکہ جس طرح سے آج میرے گھر کے باہر ہنگامہ کھڑا کیا گیا اس کے خلاف میں نے کورٹ جانے کا فیصلہ کیا ہے انہوں نے کہا کہ اسمبلی اور پارلیمنٹ میں جب بھی وندے ماترم پڑھا جاتا ہے ہم اس کا احترام کرتے ہیں مختار عباس نقوی اور شاہنواز حسین وندے ماترم پڑھتے ہیں بہت سے لوگ شراب نوشی کرتے ہیں نماز نہیں پڑھتے اسلام میں شرک سب سے بڑا گناہ ہے اس کی معافی نہیں ہے لوگ دیوی دیوتاؤں اور آگ پانی سورج کی پوجا کرتے ہیں یہ ان کا عقیدہ ہے لیکن ایک اللہ واحد کی عبادت کرنے والا کبھی بھی شرک نہیں کرے گا مسلمانوں کو بھی اپنے عقیدہ پر قائم رہنے کی آزادی ہے اس لیے کوئی بھی انہیں اس کےلیے مجبور نہیں کرسکتا ۔ اس سے قبل اعظمی کو امیت ساٹم نے مکتوب ارسال کرکے وندے ماترم پڑھنے کی دعوت دی تھی جس کے بعد اعظمی نے اس کا جواب دیا تھا اور کہا کہ وہ وندے ماترم پڑھنے سے قاصر ہے اور وہ وندے ماترم نہیں پڑھتے کیونکہ عمل مشرکانہ ہے اس لئے اعظمی نے معذوری ظاہر کی اور کہا کہ بی جے پی میں اشتعال انگیزی اور نفرت کا مظاہرہ کرنے والے وزرا اور لیڈران موجود ہے اس لئے اگر امیت ساٹم یہ وزارت کا عہدہ حاصل کرنے کےلیے کررہے ہیں تو یہ ان کی بھول ہے ۔

ممبئی انٹی نارکوٹکس سیل اے این سی گھاٹکوپریونٹ منشیات فروشی کے الزام میں ڈرگس فروش محمد شفیع شیخ عرف اکبر کھاؤ کو گرفتار کرنے کا دعوی کیاہے اس پر تھانہ میں منشیات فروشی کے معاملہ مکوکا کا اطلاق کیا گیا تھا اور اس کی ضمانت پر رہائی ہوئی تھی اس کے باوجود وہ منشیات سپلائی کیا کرتا تھا اے این سی نے منشیات کے کیس میں ایک ملزم کو گرفتار کیاتھا اس کی تفتیش میں اکبر کھاؤ کا انکشاف ہوا یہ اس کیس میں مفرور تھا اس کی تفصیل معلوم ہوئی اور سراغ ملا ہے وہ اڑیسہ میں روپوش ہے جس کے بعد پولس نے راج گنگا پور سندرگڑھ سے اسے گرفتار کیا اکبر کھاؤ کے خلاف کل ۱۵ معاملات درج ہے جس میں این ڈی پی ایس ایکٹ او ر مختلف جرائم درج ہے وی بی نگر میں دو این ڈی پی ایس ایکٹ کا کیس درج ہے اے این سی میں ۲ این ڈی پی ایس منشیات فروشی کل ۱۸ کیس درج ہے ۔ اے این سی نے اس معاملہ میں دو ملزمین کو گرفتار کیا ہے اور ۱۲ کروڑ کی منشیات بھی ضبط کی ہے ۔یہ کارروائی ممبئی پولس کمشنر دیوین بھارتی کی ایما پر اے این سی کے ڈ ی سی پی نوناتھ ڈھولے نے انجام دی ہے ۔

ممبئی میونسپل کارپوریشن بی ایم سی کے اے ڈویژن کی طرف سے منگل، 4 نومبر 2025 کو قلابہ کاز وے علاقے میں غیر مجاز ہاکروں کے خلاف بے دخلی کی کارروائی کی گئی ۔اس کارروائی میں کل 67 غیر مجاز ہاکروں کو ہٹایا گیا۔

ایڈیشنل میونسپل کمشنر (شہر) ڈاکٹر اشونی جوشی کی رہنمائی میں غیر مجاز تعمیرات کو بے دخل کرنے اور شہری قوانین کی تعمیل کو یقینی بنانے کے مقصد سے کارروائی کی جا رہی ہے۔

یہ کارروائی ڈپٹی کمشنر (زون 1) کی قیادت میں کی گئی۔ چندا جادھو، اے ڈویژن کے اسسٹنٹ کمشنر جے دیپ مورے غیر مجاز تعمیرات کو بے دخل کرنے اور شہری قوانین کی تعمیل کو یقینی بنانے کے مقصد سے اس کارروائی کے تحت قلابہ کاز وے سے کل 67 غیر مجاز ہاکروں کو بے دخل کیا گیا, جو ٹریفک اور راہگیروں کی راہ میں رکاوٹ تھے۔

یہ کارروائی ممبئی میونسپل کارپوریشن کے اے ڈیپارٹمنٹ نے کی ہے۔ میونسپل کارپوریشن انتظامیہ نے واضح کیا ہے کہ غیر مجاز ہاکروں کے خلاف کارروائی اب سے مسلسل جاری رہے گی۔