ممبئی : ممبئی شہر میں ایک دل دہلادینے والا واقعہ سامنے آیا ہے یہاں بحریہ نیوی کے رہائشی علاقہ میں 6 ستمبر کی شب کو سنٹری پوسٹ حساس علاقہ نیوی کے سپاہی کے رائفل اور کارتوس چھین نامعلوم شخص فرار ہوگیا اس معاملہ میں پولیس نے معاملہ درج کر کے اس کی تلاش شروع کردی ہے۔ نیوی جہاں ہائی سیکورٹی ہے اور یہ علاقہ انتہائی حساس بھی ایسے میں نامعلوم شخص نے نیوی سپاہی کی رائفل دھوکہ سے حاصل کر لی اور اسے ڈیوٹی سے ریلیف دینے کے نام پر اس نے اہلکار سے رائفل اور کارتوس حاصل کی تھی۔

ایک جونیئر ملاح جو سنٹری ڈیوٹی پر مامور تھا اس وقت مبینہ طور پر بحریہ کی وردی میں ملبوس ایک اور شخص نے سپاہی کی رائفل یہ کہتے ہوئے حاصل کی کہ اس کی ڈیوٹی ختم ہوگئی ہے اور وہ آرام کرے۔ نیوی سپاہی نیا تھا اس لئے اسے شبہ نہیں ہوا, تاہم مذکورہ بالا شخص بعد ازاں رائفل لے کر فرار ہوگیا, کچھ توقف کے بعد نیوی سپاہی کو یہ معلوم ہوا کہ جس نے اسے ڈیوٹی سے راحت دی ہے وہ نیوی اہلکار نہیں تھا اور اس کے بعد اس نے اس واقعہ کی اطلاع اپنے حکام کو دی اور پھر اے ٹی ایس ممبئی پولیس نے الرٹ جاری کیا ہے. اس کے ساتھ ہی نیوی کے علاقہ میں تفتیش اور تلاشی بھی شروع کردی گئی ہے. کف پریڈ پولیس نے مختلف دفعات کے تحت کیس درج کر لیا ہے اور نیوی و ممبئی پولیس مشترکہ طور پر معاملہ کی تفتیش کر رہی ہے. اس کے علاوہ بحریہ نے اس معاملہ کی تحقیقات کے لئے ایک کمیٹی بھی تشکیل دی ہے۔ اس واقعہ کے بعد شہر کے اہم تنصیبات کی سیکورٹی میں اضافہ کر دیا گیا ہے۔ ممبئی پولیس رائفل اور مذکورہ بالا شخص کی تلاشی میں چھاپہ مار کارروائی بھی انجام دے رہے ہیں. اس سارے معاملہ کیلئے بورڈ آف انکوائری کا حکم بھی نیوی نے جاری کیا ہے۔

ممبئی : ممبئی میرابھائیندر میں ڈرگس منشیات کے خلاف آپریشن میں پولس نے ریاست تلنگانہ سے ایک ڈرگس فیکٹری بے نقاب کر کے ١٢ ہزار کروڑ کی منشیات بھی ضبط کی ہے اور یہاں سے منشیات سازی کے اسباب بھی برآمد کیے ہیں۔ ممبئی میرا بھائندر پولس کمشنر نکیت کوشک نے پریس کانفرنس سے خطاب کرتے ہوئے کہا کہ ایک ماہ سے منشیات کے خلاف کریک ڈاؤن جاری تھا. پہلے یہاں ایک بنگلہ دیشی خاتون ڈرگس ڈیلر کو گرفتار کیا گیا اس کی شناخت فاطمہ مراد شیخ ۲۳ سالہ کے طور پرہوئی ہے. اس کے قبضے سے ۱۰۵ گرام ایم ڈی ضبط کی گئی, اسکے خلاف این ڈی پی ایس ایکٹ اور فارین ایکٹ کے تحت مقدمہ داخل کر کے گرفتار کیا گیا. اس سے تفتیش کی گئی تو معلوم ہو گیا کہ اس کے ہمراہ ڈرگس کے ریکیٹ میں مزید ۱۰ افراد ملوث ہے اور فیکٹری سے متعلق انکشاف ہوا اور فیکٹری پر چھاپہ مار کر منشیات ضبط کی گئی. خاتون سے متعلق تفتیش کی گئی تو اس کے بنگلہ دیشی ہونے کی تصدیق ہوئی ہے۔ اس معاملہ میں کل ١٢ ملزمان، تین کاریں، ایک موٹر سائیکل، ۵ کلو گرام ۹۳۶ گرام ایم ڈی ضبط کی گئی۔ اس کے علاوہ چار الیکٹرانک وزن کانٹا بھی ملا ہے, یہ کارروائی میرابھائیندر کمشنر نکیت کوشک کی ایما پر کی گئی اور پولس اس معاملہ میں تفتیش شروع کر دی ہے, ملزمین کے قبضے سے ٢٧ موبائل بھی ضبط کئے گئے ہیں۔

دہلی : قومی تحقیقاتی ایجنسی (این آئی اے) نے ایک بڑی کامیابی حاصل کی ہے۔ تحقیقاتی ایجنسی نے امرتسر مندر گرنیڈ حملے میں مطلوب اہم دہشت گرد شرنجیت کمار عرف سنی کو گرفتار کر لیا ہے۔ پنجاب کے گورداسپور ضلع کے بٹالہ کے گاؤں قادیان کے رہنے والے شرنجیت کو جمعہ کو بہار کے گیا سے گرفتار کیا گیا تھا۔ یہ گرفتاری 15 مارچ 2025 کو ہونے والے دہشت گردانہ حملے کے سلسلے میں کی گئی تھی، جس میں وہ منصوبہ بندی اور اس پر عمل درآمد میں سرگرم تھا۔

این آئی اے کی تحقیقات میں یہ بات سامنے آئی ہے کہ یہ حملہ دو موٹر سائیکل سوار دہشت گردوں گرسیدک سنگھ اور وشال گل نے غیر ملکی ہینڈلرز کی ہدایت پر کیا تھا۔ تحقیقاتی ایجنسی نے پایا کہ یورپ، امریکہ اور کینیڈا میں مقیم ان ہینڈلرز نے ہندوستان میں اپنے کارندوں کو اسلحہ، فنڈز، لاجسٹک سپورٹ اور ہدف کی تفصیلات فراہم کیں۔ شرنجیت کو 1 مارچ 2025 کو بٹالہ میں ایک اور ملزم سے چار دستی بموں کی کھیپ ملی تھی اور اس نے حملے سے دو دن قبل ایک ایک دستی بم گرسیدک اور وشال کو دیا تھا۔

این آئی اے نے کہا کہ شرنجیت گزشتہ ایک ماہ سے مفرور تھا جب بٹالہ میں تلاشی مہم چلائی گئی تھی۔ اسے گیا میں انسانی اور تکنیکی انٹیلی جنس کی بنیاد پر گہری تفتیش کے بعد گرفتار کیا گیا۔ تحقیقات میں یہ بھی انکشاف ہوا کہ گرسیدک اور وشال ہینڈ گرنیڈ، ہتھیاروں اور گولہ بارود کی خریداری اور سپلائی میں ملوث تھے۔ یہ حملہ ایک سوچی سمجھی بین الاقوامی سازش کا حصہ تھا، جسے ہندوستان میں غیر ملکی ہینڈلرز نے انجام دیا تھا۔ این آئی اے نے سازش کے دیگر پہلوؤں اور اس میں ملوث افراد کا پتہ لگانے کے لیے کیس (آر سی-08/2025/این آئی اے/ڈی ایل آئی) کی تحقیقات کو مزید گہرا کرنے کا فیصلہ کیا ہے۔ ایجنسی نے عوام سے اپیل کی ہے کہ وہ اس طرح کی سرگرمیوں پر نظر رکھیں اور مشکوک معلومات شیئر کریں۔