(ممبئی)
پولس کمشنر سنجۓ بروے, جوائنٹ پولس کمشنر ونۓ کمار چوبے اور ایڈیشنل پولس کمشنر نے آج دو ٹانکی میں جامعہ قادریہ اشرفیہ میں شہر کے علمائے کرام سے ملاقات کی اور تبادلہ خیال کیا۔ اس موقع پر حضرت مولانا معین میاں نے کہا بروز جمعہ آئمہ کرام اپنی مساجد میں ملک میں امن و سلامتی کے لئے دعا کریں۔ جبکہ الحاج سعید نوری نے کہا جب تک این آر سی اور سی اے اے ختم نہیں ہو جاتا تب تک ہمارا احتجاج جاری رہیگا۔ عیاں رہے دو ٹانکی چھوٹا سونا پور جامعہ قادریہ اشرفیہ میں علمائے کرام کے ساتھ ممبئی کے پولس کمشنر سنجۓ بروئے نےایک میٹنگ کی۔ اس میں معین میاں نے کہا این آر سی اور سی اے اے کے خلاف پُر امن احتجاج کرنا ہمارا دستوری حق ہے۔ اس سے ہمیں کوئی بھی محروم نہیں کر سکتا۔ اس لئے جماعت اہلسنت نے یہ فیصلہ کیا ہے کہ جب تک یہ کالا اور ظالم قانون واپس نہیں لیا جاتا تب تک ہم علمائے اہلسنت احتجاج جاری رکھیں گے۔ یہ احتجاج ہی ہے کہ سرکار کو گھٹنے ٹیکنے پر مجبور کر ررہا ہے۔ برادران وطن کے ہمراہ علمائے کرام کا یہ احتجاج قابل مبارک باد ہے۔ ممبئی میں علمائے کرام نے گرفتاریاں پیش کی ہیں۔ یہ احتجاج پورے عالم تک پہنچ چکا ہے۔ آج سب کی نظریں علمائے کرام پر مرکوز ہیں۔ کیونکہ علمائے کرام اب مسجد کے ممبر سے نکل کر سڑک تک قوم وملت کے لئے سینہ سپر ہو گئے ہیں۔ یہی وجہ ہے کہ ہمارا احتجاج انتہائی موثر ثابت ہوا۔ جمعہ کو دعا اور پر امن احتجاج کا بھی اعلان علمائے اہلسنت نے کیا۔ تاکہ ہمارے ملک اور ممبئی میں امن ومان قائم رہے ۔رضا اکیڈمی کے سربراہ جناب الحاج سعید نوری نے بتایا کہ علمائے کرام نے اپنے جمہوری حق احتجاج جاری رکھنے کا فیصلہ کیا ہے اور جمعہ کو مساجد کے باہر احتجاج کئے جائیں گے۔ علمائے کرام کسی غیر قانونی احتجاج میں شرکت نہیں کریں گے۔ وہ اپنا پر امن احتجاج جاری رکھیں گے۔ آل انڈیا مساجد کونسل کے صدر مولانا عباس رضوی نے کہا کہ احتجاجی مظاہرہ اس قدر شدید ہے کہ اب سرکار بھی سوچنے پر مجبور ہو گئی ہے۔ جب تک ہم صد فیصد کامیاب نہیں ہو جاتے احتجاج جاری رہے گا۔ ملک میں فرقہ واریت کا ماحول پیدا کیا جارہا ہے۔ اس احتجاجی مظاہرہ کا مقصد ہی ملک سے کالا قانون کا خاتمہ ہے ۔ممبئی کے پولس کمشنر سنجۓ بروئے نے کہا کہ این آرسی اور سی اے اے سے کوئی تکلیف نہیں ہوگی۔ دیگر ریاست کے بہ نسبت ممبئی شہر پر امن ہے یہ علمائے کرام کی مرہون منت ہے۔ پولس کمشنر نے اگست کرانتی میدان کا حوالہ دیتے ہوئے کہا کہ یہاں عظیم احتجاجی مظاہرہ کیا گیا تھا۔ جس میں پولس نے بہتر نظم نسق قائم رکھا۔ دہلی یوپی میں تشدد برپا ہوا۔ لیکن ممبئی محفوظ ہے۔ ممبئی پولس زندہ بعد کے نعرہ لگائے گئے ہیں۔ ممبئی میں دونوں فرقوں میں بہتر اور خوشگور تعلقات ہیں۔ آسام میں جو قانون نافذ ہواتھا اس بھی میں واقف ہوں۔ جو بچہ بھارت میں پیدا ہوا وہ ہندوستانی شہری ہوگا وزیر اعلی نے بھی یہ واضح کیا ہے۔ سی اے اے نافذ نہیں ہوگا ۔ طلباء و طالبات پر بھی اسکا اثر نہیں ہوگا کیونکہ اس کے پاس پیدائشی سند ہوگا۔ جو یہاں کے باشند ہیں انہیں کسی طرح کوئی تکلیف نہیں ہوگی۔ نائجیریائی اور منشیات فروشوں کے لئے ڈٹینشن سینٹر بنایا گیا ہے اسی میں اس کو رکھا جاتا ہے۔مسجدوں میں دعا کیجئے ہندوستان کی امن وسلامتی کے لئے اور سر بلندی کے لئے پرگرام کے آخر میں معین ملت، الحاج سعید نوری اور ابراہیم طائی نے مہمانوں کی گُل پوشی اور شال پوشی کی ۔مفتی سلیم اختر ،حافظ عبد القادر صاحب ،مولانا نور العین صاحب، مولانا ظہیر الدین خان، قاری عطا ء اللہ ،مولانا عبد الجبار،مولانا غلام محی الدین صاحب وغیرہ شامل تھے۔