(خیال اثر)
مہاراشٹر سمیت مالیگاوں میں لاک ڈاؤن شروع ہے اور دفعہ 144 لاگو کی گئی ہے. لاک ڈاون کا مطلب صرف میڈیکل اسٹور و دیگر ضروری سامان کی فروخت کی اجازت ہے غیر ضروری ہجوم نہ ہو اس لیے دفعہ 144 مطلب پانچ یا اس سے زائد لوگ ایک جگہ جمع نہیں ہوسکتے یہی وجہ ہے کہ آج مالیگاوں کے مسلم اکثریتی علاقوں پولیس سخت رویہ اختیار کرتے ہوئے ہوٹلوں ,پان دوکانوں, سویٹ شاپ, بیکری, ٹراویلس کے ساتھ ساتھ پاور لوم کارخانوں کو بند کرایا. رمضان پورہ علاقے پولیس کی اس زیادتی کے خلاف فوری طور ایکشن لیتے ہوئے سرکردہ افراد نے اس بات کی اطلاع اعلی پولیس آفیسران کو دی. آج دوپہر 1بجے رمضان پورہ اسٹیشن میں شہر اے ایس پی سندیپ گھوگے, ڈی وائے ایس پی رتناکر نیولے اور دیگر پولیس آفیسران کی موجودگی ایک ہنگامی میٹنگ لی گئی جس میں بنکروں نے پولیس انتظامیہ کو بتایا کہ شہر کی پاور لوم صنعت ریڑ کی ہڈی کی حیثیت رکھتی ہے. اگر کاروبار بند رہا لوگ بلا وجہ چوک چوراہوں پر بھیڑ کرتے ہوئے نظر آئیں گے اس لئے پولیس کارخانے جاری رہنے دیں تب پولیس انتظامیہ نے کہا کہ کارخانے جاری رکھے جائیں لیکن مزدور سڑکوں پر نہ نکلیں. بتایا جاتا ہے کہ ضروریات زندگی کو پورا کرنے کیلئے ضروری ہے کہ صنعتوں کو جاری رکھا جائے. مالیگاؤں ایسا شہر ہے جہاں روز کماؤ روز کھاؤ والا معاملہ ہے. ایک دن کاروبار بند ہو جائے تو گھروں کے اخراجات پورے کرنے میں دشواری پیش آنے لگتی ہے
اور حکومت کے احکامات کی روشنی میں ہماری صنعت کے بند کرنے کا کوئی بھی جواز نہیں مگر ہمارے شہر میں تماش بین اور مشاہدہ کرنے والے سڑک چھاپ ریسرچر بہت ہیں. پولس بلا وجہ باہر نکلنے کا منع کررہی ہے. حکومت لوگوں کو ملنے جلنے اور پبلک مقامات پر جانے پر پابندی لگارہی ہے اور ہم ہے کہ مانتے نہیں.ہوٹلوں پر معمول کے مطابق ہجوم رہ رہا ہے اس لئے پولس والے سختی کررہے کہ نا کارخانے چالو رہے گے نا ہوٹلوں اور کھاناولوں پر بھیڑ آۓ گی لہذا اپنے اپنے علاقوں کے ہوٹل مالکان کو کہیں کہ صرف پارسل چاء فروخت کرو اور نہیں تو کارخانہ دار خود چاء پان کا انتظام کردے تو کاریگرو کو ہوٹلوں پر جانے کی ضرورت ہی نہیں محسوس ہوگی.
سماجی کارکن مجاہد انیس نے دوران گفتگو کہا کہ عوام سے میری درخواست ہے کہ آپ تمام لوگ حکومت کے بنائے ہوئے تمام ہی فیصلوں کو احتیاطاً جو لیے گئے ہیں ان پر عمل کریں اس میں ہماری خود کی بھلائی ہے کرونا وائرس چھوت چھات کی وجہ سے ہورہا ہے ایک مراٹھی میڈیا نیوز چینل کی رپورٹ جس میں کل کے بند کو مشرقی مالیگاؤں کے (مسلم ) لوگوں نے فالو نہیں کیا اس وجہ سے پولیس کو سختی کرنے پر مجبور کر دیا ہے آپ تمام لوگ پولیس کے ساتھ تعاون کرے زیادہ وقت اپنی فیملی کے ساتھ گھر میں ہی رہے مالیگاؤں شہر برادران وطن میں غلط میسج ناجاۓ کیونکہ ہماری بنسبت دیگر اقوام دنیاوی اسباب پر یقین کرتی ہے اس لئے انہیں ڈر ہے کہ مسلمانوں کی بے احتیاطی کی وجہ سے ہمیں بھی پریشانیوں کا سامنا کرنا پڑسکتا ہے یقیناً ہم دنیاوی اسباب سے زیادہ اللہ کی قدرت پر یقین رکھتے ہیں لہذا علاج سے بہتر احتیاط والے فارمولے پر عمل کریں اور اپنی ذات سے کسی کو تکلیف نہ پہنچائیں.