ممبئی : ممبئی کے شہریوں کو بی ایم سی الیکشن سے قبل مہنگائی کا جھٹکا لگا ہے۔ بیسٹ بسوں کے کرایہ میں اضافہ کو منظوری دیدی گئی ہے۔ آج سے اضافی یعنی دوگنا اضافی کرایہ کا نفاذ ہوگا۔ جس سے اب بیسٹ کے مسافروں کو اضافی زائد کرایہ ادا کرنا ہوگا, جس کا اثر مسافروں کی جیب پر پڑے گا۔ بیسٹ انتظامیہ نے نیا کرایہ کا نفاذ ۹ مئی سے کرنے کا فیصلہ لیا ہے۔ کرایہ ۵،۱۰،اور ۲۰ کلو میٹر کے فاصلہ کا کرایہ میں اضافہ کیا گیا ہے۔ ۵ کلو میٹر کے فاصلہ کا کرایہ دوگنا کیا گیا ہے, ۵ کلو میٹر فاصلہ کا کرایہ ۶ روپیہ سے ۱۲ روپیہ, ۱۲ سال کے بچے کو کرایہ میں کوئی رعایت نہیں دی گئی ہے۔ یومیہ پاس ابھی ۶۰ روپیہ تھا, اب نیا کرایہ ۷۵ روپیہ کیا گیا ہے۔ ماہانہ پاس ۹۰۰ سے ۱۸۰۰ روپیہ ہے میونسپل کارپوریشن کے بچوں کے لئے چلو بس پاس کی سہولت دی گئی ہے۔ ممبئی میں بسوں کے کرایہ اور ٹکٹ میں اضافہ سے شہریوں کے جیب پر بوجھ پڑا ہے۔ ممبئی شہر و مضافاتی علاقوں میں شئیر ٹیکسی اور آٹو رکشہ بھی چلائے جاتے ہیں۔ لیکن کرایہ کے سبب کئی مسافر ان شئیر ذرائع نقل و حمل کی ادائیگی سے بھی قاصر ہے اور وہ بسوں سے سفر کرتے ہیں۔

‎ممبئی : مالیگاؤں میں 29 ستمبر 2008 ء کو ہوئے بم دھماکہ کا فیصلہ 31 جولائی کو صادر ہوگا۔ بی جے پی لیڈر و سابق رکن پارلیمان سادھوی پرگیہ سنگھ ٹھاکر, لیفٹیٹ کرنل سری کانت پرساد پروہیت سابق میجر رمیش اپادھیائے, سدھاکر دویدی, سدھاکر چترویدی سوامی دیانند پانڈے, اجئے راہیرکر, اور سمیر کلکرنی پر غیر قانونی سرگرمیوں میں ملوث ہونے کا الزام ہے۔ سادھوی پرگیہ سنگھ ٹھاکر کی اسکوٹر میں بم نصب کیا گیا تھا, جس کے بعد مہاراشٹر انسداد اے ٹی ایس نے اس معاملہ میں 13 ملزمین کو گرفتار کیا تھا اور 7 ملزمین پر فرد جرم عائد کیا گیا۔ اپریل میں مالیگاؤں بم دھماکہ کی سماعت مکمل ہوگی, آج فیصلہ صادر ہونا متوقع تھا, لیکن عدالت نے یہ جواز پیش کیا کہ ایک لاکھ سے زائد صفحات زیر مطالعہ ہے, اور اسی لئے اس معاملہ کو 31 جولائی تک ملتوی کر دیا ہے۔

‎بھکو چوک پر اسکوٹر میں بم دھماکہ ہوا تھا, جس میں 7 افراد جاں بحق اور 100 زخمی ہوگئے تھے۔ اس معاملہ میں اے ٹی ایس چیف ہیمنت کرکرے نے تفتیش کی تھی اور ملزمین پر مکوکا کا بھی اطلاق کیا گیا تھا, لیکن یہ تفتیش بعد میں 2011 ء میں این آئی اے کے سپرد کر دی گئی تھی۔ این آئی اے نے اس معاملہ میں ملزمین کیلئے سزائے موت طلب کی ہے۔ 223 گواہان کے بیانات اس معاملہ میں قلمبند کئے گئے اور عدالت میں 23 گواہان منحرف ہوگئے, اس میں فوج دفاعی محکمہ کے 8 گواہ بھی شامل تھے۔ 31 جولائی کو تمام ملزمین کو حاضر رہنے کا حکم عدالت نے جاری کیا ہے اور اگر کوئی غیر حاضر ہوتا ہے, تو اس پر کارروائی ہوگی۔ اس معاملہ میں عدالت 31 جولائی کو ہی اپنا فیصلہ سنائی گی, کیونکہ معاملہ کی سماعت مکمل ہوچکی ہے اور عدالت نے اپنا فیصلہ محفوظ بھی کر لیا ہے۔

ممبئی : سپریم کورٹ 2022 میں شیوسینا کی تقسیم کے بعد مہاراشٹر میں جاری سیاسی تنازعہ کی آج سماعت کرے گی۔شیو سینا میں تقسیم کے بعد الیکشن کمیشن نے شیوسینا کا انتخابی نشان اور کمان کا نشان ایکناتھ شندے کو دیا تھا، حالانکہ اس فیصلے کے خلاف مہاراشٹر کے سابق وزیر اعلیٰ اور شیوسینا (یو بی ٹی) کے سربراہ ادھو ٹھاکرے سپریم کورٹ گئے تھے۔ اس میں انہوں نے اپنے اپنے دعوے کئے۔ بدھ کو ہائی کورٹ میں شیوسینا پارٹی اور اس کے انتخابی نشان کو لے کر اہم سماعت ہوگی۔ اس میں انتخابی نشان پر فیصلہ کیا جا سکتا ہے۔

ادھو ٹھاکرے نے فروری 2023 میں شیوسینا کو دو حصوں میں تقسیم کرنے کے حوالے سے عرضی دائر کی تھی۔ طویل انتظار کے بعد 7 مئی کی تاریخ آ گئی۔ سپریم کورٹ میں فیصلہ کیا جائے گا کہ شیو سینا پارٹی کا مالک کون ہوگا اور کمان تیر انتخابی نشان کس کو ملے گا؟ شیوسینا میں پھوٹ کے بعد ایکناتھ شندے بی جے پی کی حمایت سے وزیر اعلیٰ بنے۔ اس کے بعد گزشتہ سال اسمبلی انتخابات بھی ہوئے۔ اس میں الیکشن کمیشن نے ایکناتھ شندے اور ادھو ٹھاکرے کو مختلف انتخابی نشان دیے تھے۔ شندے کو کمان اور تیر کے استعمال کی اجازت اس وقت ملی جب ادھو ٹھاکرے کی نئی پارٹی کو مشعل کا نشان الاٹ کیا گیا۔

اسمبلی انتخابات میں ادھو کی پارٹی صرف 20 سیٹیں جیت سکی، جب کہ شندے کی قیادت والی شیو سینا نے 57 سیٹیں جیتیں۔ تاہم اس سے قبل جون میں ہوئے لوک سبھا انتخابات میں ادھو ٹھاکرے کی پارٹی کو مضبوط برتری حاصل تھی۔ تقسیم کے بعد بھی وہ نو ایم پیز جیتنے میں کامیاب رہے۔ اسمبلی انتخابات سے پہلے شیوسینا بمقابلہ شیو سینا معاملہ اسمبلی اسپیکر تک پہنچا۔ ایم ایل اے کی نااہلی پر سماعت کرتے ہوئے راہل نارویکر نے کہا تھا کہ شنڈے دھڑا ہی اصل شیوسینا ہے۔ اس کے بعد ادھو ٹھاکرے کے دھڑے نے اسپیکر کے فیصلے کو غلط قرار دیا۔