قدیم اسٹاک بروکنگ کی ایک رپورٹ کے مطابق، حالیہ مہینوں میں قیمتوں میں اضافے کے بعد بھی سی این جی ممبئی میں پٹرول پر سب سے زیادہ قیمت کا فائدہ دے رہی ہے۔ مطالعہ نوٹ کرتا ہے کہ پٹرول کے مقابلے میں ممبئی وسیع تر ثالثی کو برقرار رکھتا ہے، جس سے سی این جی شہر کے مسافروں کے لیے ایک پرکشش انتخاب ہے۔ مہانگر گیس لمیٹڈ نے اس سال سی این جی کی قیمتوں میں تین بار اضافہ کیا۔ قیمتوں میں 9 اپریل کو ایک روپیہ پچاس پیسے فی کلو گرام، یکم جون کو پچاس پیسے اور 4 ستمبر کو مزید پچاس پیسے کا اضافہ کیا گیا۔ ان تبدیلیوں کے ساتھ، ممبئی سی این جی کی قیمت اب اسی روپے پچاس پیسے فی کلوگرام ہے۔ اضافے کے رجحان کے باوجود، رپورٹ میں کہا گیا ہے کہ ممبئی میں سی این جی پٹرول سے 22.2 فیصد اور ڈیزل سے 10.6 فیصد سستی ہے۔ رپورٹ میں روشنی ڈالی گئی ہے کہ سی این جی پر منتقل ہونے والے ڈیزل صارفین کو سب سے زیادہ فائدہ دہلی میں ہوا ہے۔ اندرا پرستھا گیس لمیٹڈ کی طرف سے 7 اپریل اور 3 مئی کو ایک ایک روپے کی دو نظرثانی کے نفاذ کے بعد دارالحکومت میں قیمتیں بڑھ گئیں۔ دہلی میں سی این جی فی الحال ستر روپے دس پیسے فی کلوگرام ہے۔ اس کے باوجود دہلی میں سی این جی پٹرول سے 18.7 فیصد اور ڈیزل سے 12.1 فیصد سستی ہے۔ گجرات کے گیس صارفین بھی ایک کشن سے لطف اندوز ہوتے ہیں، سی این جی پٹرول کے مقابلے میں 15.1 فیصد اور ڈیزل کے مقابلے میں 11.1 فیصد سستی ہے۔ رپورٹ میں نومبر 2025 میں سی این جی گاڑیوں کی رجسٹریشن میں زبردست اضافہ ریکارڈ کیا گیا ہے۔ یہ حکومت کی طرف سے 22 ستمبر 2025 کو لاگو ہونے والے جی ایس ٹی میں دس فیصد کمی کے بعد ہوا۔ ٹیکس میں کمی نے زیادہ خریداروں کو سی این جی گاڑیوں کا انتخاب کرنے کی ترغیب دی، حالانکہ اکتوبر میں تہواروں میں اضافے کے بعد نومبر میں رجسٹریشن معمول کی سطح پر آ گئی۔ نتائج سے پتہ چلتا ہے کہ بار بار قیمتوں میں اضافے کے باوجود سی این جی بڑے شہروں میں پیٹرول اور ڈیزل پر واضح برتری برقرار رکھے ہوئے ہے۔ ممبئی پٹرول کے مقابلے میں بچت کے لیے سب سے سازگار بازار ہے، جب کہ ڈیزل کے مقابلے میں دہلی سب سے آگے ہے۔ قیمتوں کا فرق خریداری کے فیصلوں اور آپریشنل اخراجات کو متاثر کرتا رہتا ہے، جس سے سی این جی کو بہت سے صارفین کے لیے ایندھن کا ترجیحی اختیار مل جاتا ہے۔

ممبئی مہاراشٹر ناگپور سرمائی اجلاس میں رکن اسمبلی ابوعاصم اعظمی نے نئی ممبئی ائیرپورٹ کا نام چھترپتی شاہو مہاراج کے نام پر منسوب کر نے کا مطالبہ کیا ہے انہوں نے کہا کہ ممبئی میں 6 مئی 1922 ء میں ان کی وفات ہوئی تھی اس لئے نئی ممبئی ائیر پورٹ کا نام شاہو مہاراج سے منسوب کیا جائے انہوں نے کہا کہ دلتوں پسماندہ طبقات اور تعلیمی ریزرویشن اور مساوات کیلئے شاہو مہاراج نے ہمیشہ سے ہی خدمات انجام دی ہے اور انہیں کی مرہون منت ہے کہ دلتوں اور پسماندہ طبقات کو ریزرویشن سمیت دیگر سہولیات میسر ہے انہوں نے کہا کہ ایک عظیم لیڈر کے نام سے نئی ممبئی کا ائیر پورٹ منسوب کیا جائے چونکہ ائیر پورٹ آمدورفت کا ایک مرکز ہے ایسے میں ائیر پورٹ کو چھترپتی شاہو مہاراج کے نام سے منسوب کرنا انہیں خراج عقیدت ہے۔

ممبئی : ہرسال کی طرح امسال بھی تحریک سنی دعوت اسلامی کا ۳۳و اں سالانہ اجتماع ۱۲،۱۳،۱۴؍ دسمبر بروز جمعہ، سنیچر، اتوار آزاد میدان وادی نور مقابل سی ایس ٹی، ممبئی میں منعقد ہو رہا ہے۔ سالہاے گزشتہ کی طرح اس سال بھی پہلا دن یعنی جمعہ کے دن کا اجتماع صرف خواتین کے لیے ہوگا, جب کہ باقی دو دن مردوں کے لیے مخصوص ہوںگے۔ ان شاء اللہ اس عالمی اجتماع میں ملک وبیرون ملک کے متعدد اہل علم، خطبا اور مشائخ شرکت فرمائیں گے۔ اجتماع کی تیاریاں گزشتہ سنیچر ہفتہ واری مرکزی اجتماع کے بعد شب میں شروع کردی گئی تھی۔ اردو میڈیا انچارج مولانا مظہر حسین علیمی نے بتایا کہ تینوں دن کے اجتماع کو کامیاب بنانے کے لیے تحریک کے ذمے داران بھرپور کوشش کر رہے ہیں۔ سامعین وحاضرین کو کسی بھی قسم کی پریشانی نہ ہو، اس کے لیے ہرطرح ممکنہ سہولیات بہم پہنچانے کی کوششیں کی جارہی ہیں۔ حسب روایت اس سال بھی تینوں دنوں کے عالمی اجتماع کو ایس ڈی چینل پر براہ راست نشر کیا جائے گا جسے دنیا بھر میں دینی تعلیمات سیکھنے کے خواہش مند حضرات راست طور پرمستفید ہو سکیں گے۔ پہلے دن کے خواتین کے اجتماع میں ’’خواتین کا علمی ذوق‘‘ خواتین کا اصل زیور : اعلی کردار اور حیا‘‘’’وراثت میں خواتین کا حصہ‘‘ جیسے اہم موضوعات پر خطاب ہوں گے، ساتھ ہی خواتین اسلام کے ذریعے پوچھے گئے سوالات کے جوابات محقق مسائل جدیدہ حضرت مفتی محمد نظام الدین (صدر مفتی جامعہ اشرفیہ مبارک پور) دیں گے۔ امیر سنی دعوت اسلامی اور اس اجتماع کے روح رواں داعی کبیر حضرت مولانا محمد شاکر نوری نے لوگوں سے اپیل کی ہے کہ وہ زیادہ سے زیادہ اجتماع میں شریک ہوکر دین کا پیغام سمجھیں اور اس پر عمل کریں۔ امیر سنی دعوت اسلامی نے کہا ہے کہ خود بھی تشریف لائیں اور اپنے دوستوں کو بھی لائیں اور اس طرح دین کے ترسیل کا ذریعہ بنیں۔ انہوں نے مسلمانوں سے اپیل کی ہے کہ پہلے دن کے اجتماع میں اپنے گھروں کی خواتین کو بھیجیں تاکہ وہ اجتماع میں حاضر ہوکر دینی تعلیمات سیکھ سکیں، خود کی بھی اصلاح کرسکیں اور دوسروں کو بھی اس کی تلقین کرسکیں۔ دوسرے اور تیسرے دن کے اجتماع میں علماے کرام ومبلغین عظام کے اہم خطاب ہوں گے۔’’قرآن کریم کا اعجاز،’’حضور ﷺ کی روحانی زندگی‘‘ داعی امن ﷺ ‘‘انسانوں میں انسانوں کی تلاش،’’جوانوں کی اخلاق وروحانی تربیت۔’’دینی معلومات اور آرٹیفیشل انٹلیجنس’’اللہ عزوجل کی رضا اور ناراضی کی علامات‘‘ جیسے اہم عنوانات پر تفصیلی خطاب ہوں گے۔ مفکر اسلام علامہ قمرالزماں اعظمی (سکریٹری جنرل ورلڈ اسلامک مشن لندن) کا تینوں دن خطاب ہوگا۔ ان شاء اللہ، مفسر قرآن خلیفہ حضور مفتی اعظم ہند حضرت علامہ ظہیر الدین خاں رضوی کا بھی بصیرت افروز خطاب ہوگا۔تیسرے دن کے اجتماع میں بعد نماز ظہر فورا ختم بخاری شریف کی محفل ہوگی جس میں بخاری شریف کی آخری حدیث کا محقق مسائل جدیدہ حضرت علامہ مفتی محمد نظام الدین رضوی (جامعہ اشرفیہ مبارک پور) صاحب دیں گے، اس موقع پر دعائیں رب کی بارگاہ میں قبول ہوتی ہیں، لہٰذا اس دعا میں بھی ضرورشرکت کریں۔ شرکاے اجتماع کی سہولت کے پیش نظر بڑی تعداد میں وضو خانے، استنجا خانے بنائے جارہے ہیں ،اسی طرح حفاظتی بندوبست کے تحت پورے اجتماع گاہ میں ساٹھ سے زائد کیمرے نصب کیے جارہے ہیں۔ علاوہ ازیں خواتین کے اجتماع میں تقریبا دو ہزار خواتین رضا کار تعینات ہوں گی جب کہ دوسرے اور تیسرے دن کے اجتماع میں ایک ہزار سے زائد مرد رضا کار اپنی خدمات انجام دیں گے۔ پولیس کی طرف سے شرکاے اجتماع کو گزارش کی گئی ہے کہ ہینڈی کیمرہ، لیپ ٹاپ، وایرس، بیٹری، ماچس باکس، لائٹر، نیل کٹر اور دیگر الیکٹرانک سامان جو بیٹری سے چلتے ہیں اپنے ساتھ ہرگز نہ لائیں۔ سیکورٹی کے پیش نظر آزاد میدان کے آس پاس موٹر سائیکل یا کوئی بھی گاڑی کھڑی کرنے کی اجازت نہیں ہے۔