ممبئی مغل بادشاہ اورنگ زیب رحمتہ اللہ علیہ کی تعریف اور انہیں بہتر حکمراں قرار دینے کے بعد ممبئی مہاراشٹر سماجوادی پارٹی رہنما او ررکن اسمبلی ابوعاصم اعظمی کے خلاف ممبئی اور تھانہ میں ایف آئی آر درج کر لی گئی ہے۔ ممبئی میں متنازع بیان پر صفر ایف آئی آر درج کی گئی ہے جبکہ اس معاملہ میں اصل ایف آئی آر تھانہ میں درج کی گئی ہے۔ گزشتہ شب ابوعاصم اعظمی پر شیوسینا رکن پارلیمان نریش مہسکے نے ایف آئی آر درج کروائی ہے اس میں شکایت کنندہ نے الزام عائد کیا ہے۔ کہ چونکہ اورنگ زیب ایک ظالم جابر بادشاہ تھا اس نے سنبھاجی مہاراج اور ہندؤوں کے ساتھ ظلم وستم کیا ہے اور ان کے دور اقتدار میں جزیہ بھی وصول کیا جاتا تھا اس کے ساتھ ہی ابوعاصم اعظمی نے جو بیان جاری کیا ہے۔

اس سے مذہبی منافرت پھیلنے کا خطرہ ہے اور اس بیان سے ہندوؤں کی دل آزاری ہوئی ہے ابوعاصم اعظمی نے کہا ہے کہ اورنگ زیب کے دور اقتدار میں یہ ملک سونے کی چڑیا تھی جبکہ اورنگ زیب نے ہندوستان میں لوٹ مار اور حملہ کیا تھا۔ اعظمی نے یہ بھی کہا تھا کہ ریاستی لیڈران ملک میں نفرت پیدا کرنے کے ساتھ مسلمانوں کو تباہ کررہے ہیں اس پر تھانہ پولس نے ۳۰۲،۲۹۹، ۳۵۶(۱) کے تحت مقدمہ درج کر لیا ہے اس کے ساتھ ہی شیوسینا نے یہ مطالبہ کیا ہے کہ ابوعاصم اعظمی فوری طور پر معافی طلب کرے ۔ ابوعاصم اعظمی کے خلاف ریاست میں غصہ پھوٹ پڑا اور اس مسئلہ پر مسلسل شیوسینا اور بی جے پی احتجاج کر رہی ہے ۔ ممبئی میں بھی ابوعاصم اعظمی پر مرئن درائیو پولس میں صفر ایف آئی آر درج کی گئی ہے جو تھانہ واگلے پولس اسٹیشن میں منتقل کی جائے گی اور اس کی تفتیش متعلقہ پولس اسٹیشن کرے گا یہ اطلاع ممبئی زون ون کے ڈی سی پی پروین کمار منڈے نے دی ہے ۔

گوہاٹی: یوٹیوبر-پوڈکاسٹر رنویر الہ آبادیہ، جو سمے رائنا کے شو ‘انڈیاز گوٹ لیٹنٹ’ میں گالی گلوچ کا استعمال کرتے ہوئے پکڑے گئے تھے، منگل کو آسام پولیس کے سامنے پیش ہوں گے۔ الہ آبادیہ کو بیہودہ لطیفوں کی وجہ سے شدید تنقید کا سامنا کرنا پڑا۔ اس کے خلاف گوہاٹی میں مقدمہ درج کیا گیا تھا اور اسے آسام پولیس کے سامنے پیش ہونے کے لیے بلایا گیا تھا۔ پچھلے ہفتے، گوہاٹی کرائم برانچ نے ‘انڈیاز گوٹ لیٹنٹ’ شو کیس کے سلسلے میں ایک اور یوٹیوبر آشیش چنچلانی سے پوچھ گچھ کی تھی۔ یوٹیوبر کرائم برانچ کے دفتر پہنچا، جہاں اس سے کافی دیر تک پوچھ گچھ کی گئی۔ گوہاٹی کے جوائنٹ کمشنر آف پولیس انکور جین نے میڈیا کو بتایا، “یوٹیوبر آشیش چنچلانی کرائم برانچ میں پوچھ گچھ کے لیے آئے تھے۔ اس نے ہماری پوچھ گچھ کی تعمیل کی ہے۔ اگر ضرورت پڑی تو ہم اسے کال کریں گے، فی الحال ہم اسے دوبارہ نہیں بلا رہے ہیں۔ ہمیں ابھی تک تفتیش سے متعلق دیگر لوگوں کی طرف سے کوئی جواب نہیں ملا ہے۔ اسے جلد ہی تازہ سمن بھیجا جائے گا۔”

دریں اثنا، سپریم کورٹ نے یوٹیوبر رنویر کو اس شرط پر اپنا پوڈ کاسٹ دوبارہ شروع کرنے کی اجازت دی ہے کہ وہ “شائستگی اور اخلاقیات کے معیارات” کو برقرار رکھتا ہے، رنویر الہ آبادیہ، آشیش چنچلانی اور اپوروا مکھیجا سمیت بہت سے دوسرے یوٹیوبرز وقت لا رائینا شو کے ایک ایپی سوڈ کے دوران فحش اور ناشائستہ تبصروں پر تنازعہ میں پھنس گئے تھے۔ جسٹس سوریہ کانت اور این۔ کوٹیشور سنگھ نے ایک سابقہ ​​شرط میں نرمی کی جس کے تحت الہ آبادیا یا اس کے ساتھیوں کو اگلے احکامات تک یوٹیوب پر کسی بھی شو یا کسی دوسرے آڈیو/ویڈیو وژول موڈ پر ٹیلی کاسٹ کرنے سے روک دیا گیا تھا۔ سماعت کے دوران، جسٹس کانت کی سربراہی والی بنچ نے سالیسٹر جنرل تشار مہتا سے کہا، جو مرکز کے دوسرے اعلیٰ ترین لاء افسر ہیں، آن لائن میڈیا میں مواد کو دوبارہ شروع کرنے پر غور کریں۔ انہوں نے کہا کہ “ہم ایسا نظام نہیں چاہتے جو سنسرشپ کا باعث بنے، لیکن یہ سب کے لیے مفت نہیں ہو سکتا،” انہوں نے کہا۔ عدالت نے واضح کیا کہ الہ آبادیہ کے شو کو عدالت میں زیر التواء کارروائی پر تبصرہ نہیں کرنا چاہیے۔ اس سے قبل 18 فروری کو عدالت نے الہ آبادیہ کی گرفتاری پر اس شرط کے ساتھ روک لگا دی تھی کہ وہ تفتیشی افسران کے طلب کیے جانے پر تفتیش میں شامل ہوں گے۔ تنازع کے درمیان رائنا نے شو کی تمام ویڈیوز یوٹیوب سے ہٹا دی اور کہا کہ ان کا مقصد صرف تفریح ​​اور لوگوں کو ہنسانا ہے۔ ایک مزاحیہ شو پر قابل اعتراض تبصرے کرنے پر مقبول یوٹیوبرز سمے رائنا، رنویر الہ آبادیہ، اشیش چنچلانی اور اپوروا مکھیجا کے خلاف قانونی کارروائی کے لیے متعدد شکایات درج کی گئی ہیں۔

ممبئی: ممبئی پولیس نے جرائم پیشہ عناصر کے خلاف اپنے کریک ڈاؤن میں شدت پیداکر دی ہے۔ اور اسی کی مناسبت سے زون 7 کے حدود میں 4 جرائم پیشہ غنڈوں بدمعاشوں کو شہربدر تڑی پار کر نے کا حکم صادر کیاگیا ہے۔ ان پر نئی ممئی اور ممبئی شہر میں داخلہ پر پابندی عائد کی گئی ہے۔ مہاراشٹر پولیس ایکٹ کے تحت پنتھ نگر پولیس اسٹیشن کی حدود میں سہیل نصیر شیخ 19 سالہ، راہل دولت بترا 29 سالہ کانخورد مارگ پولیس، سدھارتھ چارکے 22 سالہ ملنڈ پولیس اور نونیت عرف جیو راجیش پانڈے 21 سالہ کو شہر بدر کرنے کا فرمان ڈی سی پی وجئے ساگر نے جاری کیا ہے۔ ممبئی شہر میں ان کے خلاف تشدد برپا کرنے کے کیس درج ہے اوریہ نظم و نسق کے لئے خطرہ ثابت ہوسکتے ہیں۔ اس لئے پولیس نے ان پر کارروائی کی ہے۔