Connect with us
Thursday,10-July-2025
تازہ خبریں

سیاست

مودی تیری کبری خود گی اپوزیشن کا پسندیدہ نعرہ : لوک سبھا میں وزیر اعظم

Published

on

وزیر اعظم نریندر مودی نے انڈیا بلاک پر سخت حملہ کرتے ہوئے کہا کہ “مودی تیری کبری خودگی” اپوزیشن کا پسندیدہ نعرہ ہے۔ لوک سبھا میں اپنی بہت منتظر تقریر میں پی ایم مودی نے تحریک عدم اعتماد پر بحث کے دوران اپوزیشن کو نشانہ بنایا۔ مودی نے یہ بھی کہا کہ اپوزیشن کے پاس ’’خفیہ وردان‘‘ ہے۔ “ان کے پاس ایک راز ہے کہ جسے وہ گرانا چاہتے ہیں، بالآخر پھلتا پھولتا ہے۔ میری طرف دیکھو. انہوں نے سب کچھ کہا، سب کچھ کیا لیکن میں یہاں 20 سال سے ہوں۔ پی ایم مودی نے ایل آئی سی اور ایچ اے ایل کی مثال بھی دی، جس کی اپوزیشن نے تنقید کی۔ اپوزیشن نے کہا تھا کہ بینکنگ سیکٹر تباہ ہو جائے گا۔ انہوں نے غیر ملکی ماہرین کو بینکنگ سیکٹر پر بیانات دینے کے لیے تیار کیا۔ اس نے بینکوں کے بارے میں جھوٹ بولا۔ ہمارے پبلک سیکٹر بینکوں کا خالص منافع دوگنا ہو گیا۔ انہوں نے اسی طرح ایل آئی سی کے بارے میں جھوٹ بولا، “وزیراعظم نے کہا۔

اپوزیشن پر ایچ اے ایل کے ملازمین کی برین واشنگ کا الزام لگاتے ہوئے پی ایم مودی نے کہا، ’’اپوزیشن نے ایچ اے ایل کے بارے میں منفی بات کی۔ انہوں نے کہا کہ ایچ اے ایل ختم ہو چکا ہے اور بھارت کا دفاعی شعبہ تباہ ہو چکا ہے۔ جیسے کھیتوں میں ویڈیوز کی شوٹنگ کی جاتی ہے، اسی طرح ایچ اے ایل کی دہلیز پر بھی ایک ویڈیو بنائی گئی۔ اپوزیشن نے ایچ اے ایل کے ملازمین کو برین واش کرنے کی کوشش کی۔ آج، ایچ اے ایل نے اپنی اب تک کی سب سے زیادہ آمدنی ریکارڈ کی ہے۔ اپوزیشن نے پی ایم مودی کی تقریر کے دوران “منی پور، منی پور” کے نعرے لگائے اور مطالبہ کیا کہ وہ تشدد سے متاثرہ شمال مشرقی ریاست پر بات کریں۔ اپنی ایک گھنٹے سے زیادہ طویل تقریر میں وزیر اعظم نے منی پور کے معاملے پر کوئی بیان نہیں دیا۔ پی ایم مودی نے دلیل دی کہ کانگریس مغرور ہے۔ “ملک کے لوگوں کا کانگریس پر کوئی بھروسہ نہیں ہے۔ تکبر کی وجہ سے وہ حقیقت کو نہیں دیکھ پا رہے ہیں۔ تمل ناڈو میں وہ 1962 میں جیتے تھے اور 1962 سے تمل ناڈو کے لوگ کہہ رہے ہیں کہ ‘کانگریس نہیں’۔ مغربی بنگال میں وہ جیت گئے۔ 1972 وہ جیت گئے، مغربی بنگال کے لوگ بھی کہہ رہے ہیں ‘نو کانگریس’ یوپی، بہار اور گجرات میں وہ 1985 میں جیتے تھے اور ان ریاستوں کے لوگ بھی ‘نو کانگریس’ کہہ رہے ہیں۔

سیاست

قانون ساز کونسل میں غدار پر ہنگامہ 10 منٹ تک کارروائی ملتوی

Published

on

parliament

ممبئی مہاراشٹر قانون ساز کونسل میں اس وقت ہنگامہ برپا ہوگیا, جب قانون ساز کونسل میں مراٹھی مانس کو ترجیحی بنیادوں پر گھر فراہمی کے مسئلہ پر بحث جاری تھی۔ شیوسینا لیڈر انیل پرب نے ایوان میں مراٹھی مانس کے گھر اور فلاح کے لئے کام کرنے کی سرکار کو تلقین کی اور ان سے متعلق قانون سازی کا مطالبہ کیا, اس پر وزیر سنبھو راج دیسائی اور انیل پرب میں لفظی جھڑپ ہوئی اور کیونکہ انیل پرب نے سوال کیا کہ سرکار مل مزدوروں کے لئے قانون سازی کب کرے گی, اس پر سمبھوراج نے کہا کہ ۲۰۱۹ سے ۲۰۲۲ تک قانون سازی کیوں نہیں کی گئی, اسی دوران انیل پرب نے ایوان میں غدار لفظ کا استعمال کیا جس پر سنبھوراج دیسائی برہم ہو گئے اور کہا کہ “آئی لا غدار کو نلا منتے” یعنی غدار کس کو کہا اس پر انیل پرب نے کہا کہ اس وقت آپ جس کی جوتے چاٹتے تھے۔ اس دوران کونسل میں ہنگامہ ہوا اور ایوان کی کارروائی کو 10 منٹ کے لئے ملتوی کرنا پڑا, اس کے بعد ایوان میں یہ واضح کیا گیا کہ ایوان کے کام کاج ریکارڈ سے یہ لفظ حذف کر دیا گیا۔ مراٹھی مانس کو گھر ترجیحاتی بنیادوں پر فراہم کرنے سے متعلق ۲۰۲۱ اور ۲۰۲۲ میں کوئی قانون نہیں تھا۔ اس پر انیل پرب کو غصہ آیا اور لفظی جھڑپ شروع ہو گئی۔

Continue Reading

ممبئی پریس خصوصی خبر

سنجے سرشاٹ کو انکم ٹیکس محکمہ کا نوٹس، الیکشن میں حلف نامہ میں مندرجہ جائیداد کی تفصیلات پیش کرنے کا حکم

Published

on

Sanjay-Shirsat

ممبئی رکن پارلیمان اور وزیر اعلیٰ ایکناتھ شندے کے فرزند سریکانت شندے کو انکم ٹیکس کی نوٹس سے متعلق شندے سینا کے وریر سنجے سرشاٹ نے یہ واضح کیا ہے کہ میرے حوالہ سے جو خبر نیوز چینل میں نشر کی جارہی ہے کہ سریکانت شندے کو انکم ٹیکس محکمہ کی نوٹس موصول ہوئی ہے, میں اس سے لاعلم ہوں, لیکن مجھے نوٹس موصول ہوئی ہے اور یہ نوٹس مجھے اپنے ۲۰۲۴ کے الیکشن میں حلف نامہ میں جائیداد سے متعلق تفصیلات پیش کرنے پر دی گئی ہے, اور اس میں جائیداد کی تفصیلات بھی طلب کی گئی ہے۔ انہوں نے بتایا کہ میں نے ایسا نہیں کہا ہے کہ سریکانت شندے کو نوٹس ملی ہے یا نہیں مجھ سے یہ دریافت کیا گیا کہ سریکانت شندے اور سنجے سرشاٹ کو انکم ٹیکس کی نوٹس سیاسی دباؤ کا نتیجہ تو نہیں ہے اس پر میں نے اپنا موقف واضح کیا تھا, البتہ میرے نام سے گمراہ کن خبر نشر کی جارہی ہے کہ میں یہ بتایا ہے کہ سریکانت شندے کو نوٹس موصول ہوئی ہے یہ سراسر غلط ہے, مجھے جو نوٹس موصول ہوئی ہے اس کا جواب میں کچھ دنوں میں ارسال کروں گا۔ انکم ٹیکس محکمہ کا کام وہ کر رہا ہے اور میں اپنا کام کروں گا۔

Continue Reading

سیاست

ممبئی عوامی تحفظ بل پولس اسٹیٹ بنانے کی کوشش، مہاراشٹر سماج وادی پارٹی لیڈر ابوعاصم اعظمی کا دعوی

Published

on

asim

ممبئی مہاراشٹر سماجوادی پارٹی لیڈر اور رکن اسمبلی ابوعاصم اعظمی نے عوامی تحفظ بل کی مخالفت کی ہے اور اس بل کو ماؤنوازوں کی آڑ میں عوام کی آواز دبانے کی کوشش قرار دی ہے۔ اعظمی نے یہاں ودھان بھون میں صحافیوں سے خطاب کرتے ہوئے کہا کہ اس بل کی کوئی ضرورت نہیں تھی, لیکن اس کے باوجود سرکار نے بل سازی سے پولس کو زائد اختیارات دئیے ہیں, یہ بل پولس اسٹیٹ بنانے کی کوشش ہے۔ انہوں نے کہا کہ ٹاڈا پوٹا مکوکا جیسے قانون موجود ہے, اس کی کوئی ضرورت نہیں تھی, سرکار عام عوام کی آواز دبانے کے لئے مسلسل اس قسم کے قانون سازی کر رہی ہے, یہ عوامی مفاد کے لئے بھی خطرہ ہے۔ اعظمی نے کہا کہ انڈیا الائنس کو متحد ہونا چاہیے۔ یوپی میں سماج وادی پارٹی سے انڈیا کانگریس کا اتحاد ہوا تو اسے زائد نشست حاصل ہوئی ہے, اس لئے تمام سیکولر پارٹیوں کو متحد ہونا چاہئے۔ انہوں نے کہا کہ ایوان اسمبلی میں یہ بل پیش ہوگا, ہم اس کی مخالفت کرتے ہیں یہ بل عوام مخالف بل ہے, اس میں پولس کو زیادہ اختیارات دئیے گئے ہیں اور کوئی سرکار کے خلاف تنقید کرتا ہے تو اس پر کارروائی کا بھی اختیار دیا گیا ہے ایسے میں سرکار کے خلاف لب کشائی بھی جرم ہو تو اس لئے یہ بل عوام مخالف ہے۔

Continue Reading
Advertisement

رجحان

WP2Social Auto Publish Powered By : XYZScripts.com