ممبئی : کرلا شیتل تالاب کی تزئین کاری کے سبب جھوپڑپٹی کو چھپانے کی کوشش سے مقامی جھوپڑپٹی مکین نے زنجیر نما بھوک ہڑتال شروع کر رکھی ہے۔ چھترپتی شیواجی مہاراج تالاب ایک مذہبی تالاب کی حیثیت رکھتا ہے اور یہاں گنپتی، دیوی وسرجن کی جاتی ہے امسال تالاب سے متصل جھوپڑا مکینوں کو چھپانے کی غرض سے تالاب کے کنارے سیمنٹ کھمبوں کی تنصیب شروع کردی گئی ہے, جس سے عوام میں ناراضگی ہے۔

اس مسئلہ پر راشٹروادی کانگریس اجیت پوار گروپ کے لیڈر و سماجی خادم گھنشیام بھاپکر نے بھوک ہڑتال شروع کی تھی, لیکن ان کی حالت بگڑنے کے سبب انہیں اسپتال پہنچایا گیا, لیکن اب یہ بھوک ہڑتال میں مقامی لوگوں نے حصہ لینا شروع کر دیا ہے۔ اب اس بھوک ہڑتال زنجیر نما بھوک ہڑتال میں تبدیل ہوگئی ہے۔ بھوک ہڑتال پر بیٹھے گھنشیام بھاپکر کا الزام ہے کہ جھوپڑپٹیوں کو چھپانے کیلئے یہ کام کیا گیا ہے, جبکہ اگر کوئی حادثہ پیش آتا ہے, تو جھوپرپٹیوں کے مکینوں کا بچنا مشکل ہو جائے گا اور اس سے مکینوں کا تحفظ بھی خطرہ میں ہے, اس پروجیکٹ کی مخالفت جاری ہے لیکن بی ایم سی انتظامیہ بضد ہے اور کام جاری ہے اسی لئے ہماری بھی بھوک ہڑتال جاری ہے۔ اس معاملہ میں جب کرلا ایل وارڈ کے اسسٹنٹ میونسپل کمشنر دھنا جی ہرلیکر سے استفسار کیا گیا تو انہوں نے کال ریسیو نہیں کیا بھاپکر نے الزام لگایا ہے کہ جھوپڑپٹیوں کو اس سیمنٹ کھمبوں سے پریشانی ہے یہ کام صرف اور صرف جھوپڑپٹی کو چھپانے کیلئے کیا گیا ہے, جو عوام کو ناقابل قبول ہے۔ انہوں نے کہا کہ اگر سنگڑے واڑی میں آگ لگتی ہے تو یہی وہ راستہ ہے جہاں سے لوگوں کو نکالا جاسکتا ہے, لیکن اس کو بھی بند کیا جارہا ہے۔ بھاپکر نے سنگین الزام عائد کرتے ہوئے جھوپڑپٹیوں کیلئے شیتل تالاب کا راستہ بند کرنے کی سازش قرار دی ہے۔ چھترپتی شیواجی مہاراج تالاب بچاؤ مہم شروع کر دی گئی ہے, اس معاملہ میں اب بھوک ہڑتال کا سلسلہ جاری ہے۔ اس سلسلے میں بی ایم سی اور وزیر اعلی سے بھی خط و کتابت کی گئی ہے, لیکن ہنوز کام جاری ہے۔

ممبئی : کسارہ ممبرا سے سی ایس ٹی کی جانب رواں دواں ایک فاسٹ لوکل ٹرین میں 10 مسافر اس وقت ایکسپریس ٹرین کی زد میں آگئے, جب دونوں ٹرینیں آس پاس سے گزر رہی تھیں۔ یہ حادثہ ممبرا میں 9 بجکر 25 منٹ کو پیش آیا, اس حادثہ میں تقریبا 5 مسافروں کی موت واقع ہوگئی۔ یہ مسافر ٹرین سے نیچے گر گئے تھے, اس میں ایک کی جائے وقوع پر ہی موت واقع ہوگئی, کل 13 مسافر زخمی ہوئے تھے۔ اس حادثہ میں 2017 بیچ کے جی آر پی کے اہلکار وکی مکھلدار کی ممبرا میں حادثہ میں موت واقع ہوگئی۔ ذرائع سے ملی اطلاع کے مطابق پسپک ایکسپریس ایک مسافر بیک لے کر گیٹ پر لٹک کر سفر کر رہا تھا, جو ہوا میں اچھلنے کی وجہ سے لوکل ٹرین کے گیٹ پر کھڑے مسافروں سے ٹکرا گیا اور لوکل ٹرین کے مسافروں کا توازن بگڑ گیا, جس کے سبب اس حادثہ میں 9 افراد شدید طور سے زخمی ہوگئے, اور پانچ مسافروں کی موت ہوئی ہے۔

مہاراشٹر کے وزیر اعلی ممبرا دیوا لوکل اسٹیشن کے دوران حادثہ پر تعزیت ظاہر کی ہے۔ انہوں نے کہا کہ یہ حادثہ انتہائی افسوسناک ہے, اس حادثہ میں ہلاک مہلوکین کے ورثا سے ہماری ہمدردری ہے۔ انہوں نے کہا کہ زخمیوں کو تھانہ کے شیواجی اسپتال لیجایا گیا اور یہاں ان کا علاج جاری ہے۔ دیویندر فڑنویس نے کہا کہ حادثہ کیسے پیش آیا اس کی تفتیش محکمہ ریلوے کریگا۔

ممبئی : مہاراشٹر میں راج ٹھاکرے اور ادھو ٹھاکرے کے ایک ساتھ آنے کے بارے میں کافی عرصے سے قیاس آرائیاں کی جارہی تھیں۔ جمعہ کو جب ماتوشری پر پہلی بار ادھو ٹھاکرے سے سیدھا سوال پوچھا گیا تو انہوں نے بھی مسکراتے ہوئے کہا کہ ہم آپ کو سیدھی خبر دیں گے۔ مہاراشٹر میں طویل عرصے سے یہ قیاس آرائیاں کی جا رہی ہیں کہ ممبئی بی ایم سی انتخابات سے پہلے ٹھاکرے خاندان متحد ہو سکتا ہے۔ ایسی صورت حال میں مہاراشٹر نو نرمان سینا (ایم این ایس) اور شیو سینا (یو بی ٹی) دونوں کے درمیان اتحاد ہوسکتا ہے۔ ماتوشری میں پریس کانفرنس میں پہلی بار ادھو ٹھاکرے نے دو بھائیوں کے ایک ساتھ آنے کے معاملے پر کیمرے پر بات کی۔ ادھو ٹھاکرے نے کہا کہ مہاراشٹر کے ذہن میں جو ہوگا وہی ہوگا۔ شیوسینکوں کے ذہنوں میں کوئی الجھن نہیں ہے اور ایم این ایس کے سپاہیوں میں بھی کوئی الجھن نہیں ہے۔ ہم آپ کو سیدھی خبر دیں گے۔ راج ٹھاکرے نے مہیش منجریکر کے پوڈ کاسٹ میں کہا تھا کہ ان کے اختلافات اتنے بڑے نہیں ہیں۔ وہ مہاراشٹر کی بھلائی کے لیے ان کو بھول سکتے ہیں۔ اس کے بعد ایم این ایس اور شیوسینا کے ایک ساتھ آنے کی قیاس آرائیاں ہو رہی ہیں۔ ممبئی میں دونوں بھائیوں کے اکٹھے ہونے کا پوسٹر بھی لگایا گیا۔

ادھو ٹھاکرے کا یہ بیان ایسے وقت میں آیا ہے جب ایک دن پہلے راج ٹھاکرے کے بیٹے امیت ٹھاکرے نے کہا تھا کہ میڈیا میں اتحاد کی باتیں نہیں ہوتیں۔ اس کے لیے والد (راج ٹھاکرے) اور چچا (ادھو ٹھاکرے) کو ایک دوسرے سے براہ راست بات کرنی چاہیے۔ امیت نے مزید کہا کہ اس کے لیے میرے والد اور چچا کو ایک دوسرے سے براہ راست بات کرنی چاہیے۔ دونوں کے پاس ایک دوسرے کے فون نمبر ہیں۔ امیت ٹھاکرے نے کہا کہ ہر صبح کوئی نہ کوئی اٹھ کر اتحاد کے بارے میں کچھ نہ کچھ کہتا ہے، لیکن وہ کس کو بے وقوف بنانے کی کوشش کر رہے ہیں۔ اگر واقعی اتحاد بننا ہے تو دونوں بھائیوں، راج اور ادھو ٹھاکرے کو ایک دوسرے سے بات کرنی ہوگی۔ اتحاد کا فیصلہ میڈیا میں بات کرنے سے نہیں ہوتا۔

ادھو ٹھاکرے کی قیادت میں یو بی ٹی کے ترجمان سنجے راوت نے ایک بار پھر ایم این ایس کے ساتھ اتحاد کے حوالے سے بیان دیا ہے۔ انہوں نے کہا کہ ہم مہاراشٹر کی فلاح و بہبود کے لئے کوئی بھی قربانی دینے کے لئے تیار ہیں۔ راوت نے کہا کہ مدر ڈیری کے علاوہ دھاراوی کی زمین اڈانی کو دی گئی ہے۔ ایسے میں اگر مہاراشٹر کے مفادات کی حفاظت کی بات کرنے والے راج ٹھاکرے کے علاوہ پرکاش امبیڈکر جیسے لیڈر ہمارے ساتھ ملتے ہیں تو ہم مل کر مہایوتی حکومت کا مقابلہ کریں گے۔

این سی پی ایم پی سپریا سولے نے بھی کہا ہے کہ بہتر ہوگا اگر ادھو اور راج ٹھاکرے مہاراشٹر کے مفادات کی حفاظت کے لیے اکٹھے ہوجائیں۔ انہوں نے کہا کہ راج خود یہ مانتے ہیں کہ مہاراشٹر کی ترقی دونوں بھائیوں کے درمیان تنازع سے زیادہ اہم ہے۔ سولے نے کہا کہ اگر آنجہانی بالاصاحب ٹھاکرے آج ہمارے درمیان ہوتے تو انہیں یہ دیکھ کر بہت خوشی ہوتی کہ دونوں بھائی دوبارہ ایک ساتھ کام کریں گے۔ کچھ دن پہلے ادھو کے بیٹے آدتیہ ٹھاکرے نے بھی کہا تھا کہ وہ اپنے چچا راج ٹھاکرے کے ساتھ مہاراشٹر کے مفاد میں کام کرنے کو تیار ہیں۔