ممبئی : ممبئی میں اپنا گھر رکھنے کا خواب دیکھنے والوں کے لیے اچھی خبر ہے۔ مہاراشٹر ہاؤسنگ ایریا ڈیولپمنٹ اتھارٹی (ایم ایچ اے ڈی اے) کا ممبئی بورڈ اس سال اکتوبر میں 5 ہزار مکانات کی لاٹری جاری کرے گا۔ مہاڈا کے نائب صدر سنجیو جیسوال نے پیر کو یہ اعلان کیا۔ انہوں نے مئی میں بی ڈی ڈی ری ڈیولپمنٹ پروجیکٹ کے تحت تعمیر کیے گئے مکانات کی چابیاں مقامی شہریوں کے حوالے کرنے کا بھی اعلان کیا۔ نائب صدر جمہوریہ نے دیوالی سے پہلے لوگوں کو 5 ہزار مکانات تحفے میں دینے کا اعلان کیا ہے۔ یہ اعلان نہیں کیا گیا ہے کہ ممبئی میں یہ گھر کہاں ہوں گے اور ان کی قیمت کتنی ہوگی۔ مہاڈا کے ہر پروجیکٹ کو تیزی سے مکمل کرنے کے لیے تمام ضروری اقدامات کیے جا رہے ہیں۔ ہر ماہ وزیر اعلیٰ کے وار روم میں مہاڈا کے تمام پروجیکٹوں کا جائزہ لیا جا رہا ہے۔

آپ کو بتاتے چلیں کہ ممبئی بورڈ کے ہر گھر کے لیے مہاڈا کو 40 سے زیادہ درخواستیں موصول ہوتی ہیں۔ 1.29 لاکھ لوگوں نے چند ماہ قبل جاری کردہ 2,030 مکانات کی لاٹری کے لیے آن لائن رجسٹریشن کرایا تھا۔ اسی وقت، 2023 میں، مہاڈا کو 4,082 مکانات کی لاٹری کے لیے 1.09 لاکھ درخواستیں موصول ہوئی تھیں۔ لوگوں کا گھروں کا انتظار طویل سے طویل تر ہوتا جا رہا ہے کیونکہ لاٹری میں درخواست دہندگان کی تعداد سے کم گھر دستیاب ہیں۔ کئی علاقوں میں 19,500 تیار مکانات کی عدم فروخت مہاڈا کے لیے تشویش کا باعث بنی ہوئی ہے۔ لیکن گزشتہ چند مہینوں میں ایک خصوصی مہم چلا کر ایم ایچ اے ڈی اے 7,500 مکانات فروخت کرنے میں کامیاب رہی ہے۔

مہاڈا کے نائب صدر نے ایم ایچ اے ڈی اے کے کام کاج میں مزید شفافیت لانے کے لیے مہاڈا سے متعلق 15 کروڑ دستاویزات کو عام کرنے کا فیصلہ کیا ہے۔ جیسوال کے مطابق، مہاڈا سے متعلق 15 کروڑ دستاویزات کی اسکیننگ کا کام مکمل ہو چکا ہے۔ جلد ہی یہ تمام دستاویزات مہاڈا کی ویب سائٹ پر دستیاب ہوں گے۔ کوئی بھی شہری انہیں آسانی سے دیکھ اور پڑھ سکتا ہے۔

ممبئی ۲۹ اپریل ـ آل انڈیا مسلم پرسنل لاء بورڈ نے وقف قانون کے خلاف احتجاج کے پہلے مرحلے جو تقریبا تین ماہ پر مشتمل ہے کا اعلان کیا ہے اس کے تحت پورے ملک میں احتجاج ہورہا ہےـ مختلف علاقوں میں چھوٹے بڑے پروگرام ہورہے ہیں، پریس کانفرنسس ہوئی ہیں، برادران وطن کی ذہن سازی کا کام بھی چل رہا ہے، گزشتہ دنوں تحفظ اوقاف ہفتہ بھی منایا گیا، کالی پٹی باندھ کر اپنے غم وغصے کا اظہار کیا گیا، مسلم پرسنل لاء بورڈ کے روڈ میپ کے مطابق وقف قانون کالعدم ہونے تک احتجاج کا سلسلہ جاری رہے گا. احتجاج کے اگلے مرحلے میں آل انڈیا مسلم پرسنل لاء بورڈ نے اپیل کی ہے کہ مورخہ ۳۰ اپریل ۲۰۲۵ بروز بدھ رات نو سے سوا نو بجے تک اپنے مکانات، دفاتر، مالس، کارخانوں اور دیگر مقامات کی تمام روشنیاں بند رکھ کر وقف کے اس سیاہ قانون کے خلاف جمہوری انداز میں احتجاج کیا جائےـ

بورڈ کی جانب سے تحفظ اوقاف تحریک کے مہاراشٹر کنوینئر مولانا محمود احمد خاں دریابادی نے اپنے بیان میں کہا ہے کہ الحمدللہ اس ” بتی گل” تحریک کی حمایت میں تمام مکاتب فکر کے لوگ آگے آئے ہیں، چنانچہ، جمیعۃ علماء، سنی جمیعۃ علماء، رضااکیڈمی، جماعت اہل حدیث، جماعت اسلامی، شیعہ حضرات نے باقاعدہ ویڈیو جاری کرکے تمام انصاف پسندوں سے اپیل کی ہے کہ ۳۰ اپریل کو رات نو سے سوا نو تک صرف پندرہ منٹ کی قربانی دیں اور اپنے علاقے کی تمام روشنیاں بند رکھیںـ

مولانا دریابادی نے یہ بھی کہا کہ جمہوریت میں ناانصافی کے خلاف آواز اُٹھانے کے کئی طریقے ہیں، جلوس، دھرنے، ریلیاں، کالی پٹی، بھوک ہڑتال گرفتاریاں وغیرہ، آل انڈیا مسلم پرسنل لاء بورڈ نے یہ طے کیا ہے کہ اس ظالمانہ قانون کے خلاف آخردم تک جدو جہد جاری رکھی جائے گی، اور دستور وقانون کے مطابق تمام طریقے استعمال کئے جائیں گےـ اسی طرح کچھ دیر کے لئے تمام روشنیاں بند کرکے مکمل ” بلیک آوٹ ” کرنا بھی ایک جمہوری طریقہ ہے، ہندوستان کی آزادی میں انگریزوں کے خلاف بھی یہ طریقہ استعمال ہوا ہےـ بورڈ کے ذمہ داران نے اپیل کی ہے کہ اس بار بتیاں گل کرکے ساری دنیا تک اپنی آواز کو پہونچائیںـ مولانا دریابادی کا کہنا ہے کہ اگر ساری ملک کے بیس کڑوڑ مسلمان بیک وقت بلیک آوٹ پر عمل کرلیں تو ایک بین الاقوامی خبر بنے گی اور ساری دنیا ہندوستانی مسلمانوں کے ساتھ ہونے والی اس ناانصافی سے آگاہ ہوجائے گیـ اس لئے ہم سب کے لئے بہترین موقع ہے کہ ہم صرف پندرہ منٹ روشنی کی قربانی دے کر ظالموں کو دنیا بھر کے سامنے بے نقاب کردیںـ

ممبئی : سماج وادی پارٹی کے بھیونڈی مشرق سے رکن اسمبلی رئیس شیخ نے عیدالاضحی کے موقع پر قربانی کے جانوروں کی جانچ اور داخلے پر وصولی جانے والی فیس میں کمی کرنے کا مطالبہ کیا ہے. رکن اسمبلی رئیس شیخ نے مہاراشٹر کے نائب وزیر اعلی اجیت دادا پوار کو ایک مکتوب لکھ کر بتایا کہ گزشتہ دنوں القریش ہیومن ویلفیئر ایسوسی ایشن کے ایک وفد نے ہم سے ملاقات کی اور قربانی کے جانوروں کی جانچ اور داخلے پر وصولی جانے والی فیس میں تخفیف کرنے کے لئے ایک خط دیا. انہوں نے اپنے خط میں بتایا کہ ٨ اپریل ٢٠٢٥ کو مفاد عامہ کے تحت دائر کی گئی ایک عرضی میں بامبے ہائی کورٹ کے چیف جسٹس الوک آرادھے اور جسٹس ایم ایس کرنک کے ذریعے دیے گئے حکم کے مطابق عرضی گزار کو اینیمل ہسبنڈری اینڈ ڈیری ڈیولپمنٹ محکمے کے سیکریٹری کے سامنے اپنی عرضی دینے کی اجازت دی ہے. ایسو سی ایشن کا کہنا ہے کہ دیونار سلاٹر ہاؤس میں سن ٢٠٢٢ تک سلاٹر ہاؤس میں جانوروں کی جانچ اور داخلے پر ٢٠ روپے فیس وصولی جاتی تھی, لیکن ٢٠٢٢ سے اس کی فیس میں ١٠٠ فیصد اضافہ کرتے ہوۓ ٢٠٠ روپے کر دیا گیا ہے جس سے چھوٹے بیوپاریوں اور کسانوں پر کافی زیادہ مالی بوجھ پڑا ہے. سن ٢٠٢٣ اور ٢٠٢٤ میں عیدالاضحی کے موقع پر عارضی طور پر ٢٠ روپے تک فیس کی گئی, جس سے یہ پتہ چلتا ہے کہ ٢٠ روپے تک فیس وصول کر کام کیا جا سکتا ہے, لہذا مذکورہ بالا باتوں اور عدالت کے حکم پر غور کرتے ہوۓ ایسو سی ایشن کا مطالبہ ہے کہ اینیمل ہسبنڈری اینڈ ڈیری ڈیولپمنٹ محکمے کے سیکریٹری کی طرف سے مستقل طور پر قربانی کے جانوروں کی جانچ اور داخلے پر وصولی جانے والی فیس ٢٠ روپے طے کی جائے. رئیس شیخ نے نائب وزیر اعلی اجیت دادا پوار سے کہا کہ مہاراشٹر سمیت ملک بھر میں مسلمان عیدالاضحی کا تہوار انتہائی عقیدت و احترام کے ساتھ مناتے ہیں, لہذا عیدالاضحی کا تہوار مسلمان بہتر طریقے سے منا سکے, اس کے لئے حکومت زیادہ سے زیادہ سہولیات فراہم کرنے کے اقدامات کریں.